Posted inଖେଳ

ଏଫ୍‌ଆଇଏଚ୍‌ ସିରିଜ ଫାଇନାଲ୍ସଭାରତ,ଆମେରିକା ସେମିରେ

ଭୁବନେଶ୍ୱର, ୧୧।୬(କ୍ରୀଡ଼ା ପ୍ରତିନିଧି)-କଳିଙ୍ଗ ଷ୍ଟାଡିୟମରେ ଚାଲିଥିବା ଏଫ୍‌ଆଇଏଚ୍‌୍‌ ସିରିଜ ଫାଇନାଲ୍ସ ହକି ଟୁର୍ନାମେଣ୍ଟରେ ପ୍ରଭାବୀ ପ୍ରଦର୍ଶନ ସହ ଭାରତ ସେମିଫାଇନାଲରେ ପ୍ରବେଶ କରିଛି। ସୋମବାର ଅନୁଷ୍ଠିତ ପୁଲ ‘ଏ’ ଶେଷ ଲିଗ୍‌ ମ୍ୟାଚରେ ଦଳ ୧୦-୦ ଗୋଲରେ ଉଜ୍‌ବେକିସ୍ତାନକୁ ପରାସ୍ତ କରିଛି। ଭାରତ ପକ୍ଷରୁ ଆକାଶଦୀପ ସିଂ ହ୍ୟାଟ୍ରିକ ଗୋଲ ଦେଇଥିବାବେଳେ ବରୁଣ କୁମାର ଓ ମନଦୀପ ୨ଟି ଲେଖାଏ ଏବଂ ଅମିତ ରୋହିଦାସ, ନିଳକାନ୍ତ ଶର୍ମା ଓ ଗୁରସାହିବଜିତ ସିଂ ଗୋଟିଏ ଲେଖାଏ ଗୋଲ ଦେଇଥିଲେ। ଯୋଜନା ଓ ସମନ୍ବୟ ବିଭାଗ ମନ୍ତ୍ରୀ ପଦ୍ମନାଭ ବେହେରା ଅତିଥିଭାବେ ଯୋଗଦେଇ ଆକାଶଦୀପଙ୍କୁ ମ୍ୟାନ ଅଫ ଦି ମ୍ୟାଚ ପୁରସ୍କାର ପ୍ରଦାନ କରିଥିଲେ।
ଭାରତ-ଉଜ୍‌ବେକିସ୍ତାନ ମ୍ୟାଚ ସହ ପ୍ରତିଯୋଗିତାର ପୁଲ୍‌ ପର୍ଯ୍ୟାୟ ଶେଷ ହୋଇଛି। ପୁଲ୍‌ ‘ଏ’ରୁ ଭାରତ ଓ ପୁଲ୍‌‘ବି’ରୁ ଆମେରିକା ସେମିଫାଇନାଲରେ ପ୍ରବେଶ କରିଛନ୍ତି। ଅନ୍ୟପକ୍ଷରେ ପୁଲ୍‌ ‘ଏ’ରୁ ରୁଷିଆ ଓ ପୋଲାଣ୍ଡ ଏବଂ ପୁଲ୍‌ ‘ବି’ରୁ ଜାପାନ ଓ ଦକ୍ଷିଣ ଆଫ୍ରିକା କ୍ରସ୍‌ ଓଭର ଖେଳିବାକୁ ଯୋଗ୍ୟ ବିବେଚିତ ହୋଇଛନ୍ତି। ଦୁଇ ପୁଲ୍‌ର ନିମ୍ନ ର଼୍ୟାଙ୍କିିଙ୍ଗପ୍ରାପ୍ତ ଦଳ ଉଜ୍‌ବେକିସ୍ତାନ ଓ ମେକ୍ସିକୋ ୭-୮ ସ୍ଥାନ ପାଇଁ ପ୍ଲେସିଂ ମ୍ୟାଚ ଖେଳିବେ। ୧୨ ତାରିଖରେ ପ୍ର୍ରଥମ କ୍ରସ୍‌ ଓଭର ମ୍ୟାଚରେ ରୁଷିଆ-ଦକ୍ଷିଣ ଆଫ୍ରିକା ଏବଂ ଦ୍ୱିତୀୟ କ୍ରସ୍‌ ଓଭରରେ ଜାପାନ-ପୋଲାଣ୍ଡ ମଧ୍ୟରେ ମ୍ୟାଚ ଅନୁଷ୍ଠିତ ହେବ। ୧୪ ତାରିଖରେ ଭାରତ ପ୍ରଥମ ସେମିଫାଇନାଲରେ ଜାପାନ-ପୋଲାଣ୍ଡ ମ୍ୟାଚର ବିଜେତାକୁଭେଟିବ। ସେହିଦିନ ଆମେରିକା ଦ୍ୱିତୀୟ ସେମିଫାଇନାଲରେ ରୁଷିଆ-ଦକ୍ଷିଣ ଆଫ୍ରିକା କ୍ରସ୍‌ ଓଭର ମ୍ୟ୍ୟାଚର ବିଜେତା ସହିତ ମୁକାବିଲା କରିବ।
ବିଶ୍ୱ ର଼୍ୟାଙ୍କିଙ୍ଗର ୪୩ତମ ସ୍ଥାନରେ ଥିବା ଉଜ୍‌ବେକିସ୍ତାନ ବିପକ୍ଷରେ ସ୍ବାଭାବିକଭାବେ ଆରମ୍ଭରୁ ପ୍ରଭାବ ବିସ୍ତାର କରି ଖେଳିଥିଲା ୫ମ ର଼୍ୟାଙ୍କ୍‌ ଭାରତ। ମ୍ୟାଚର ପ୍ରଥମ ମିନିଟରେ ହିଁ ଭାରତୀୟ ଖେଳାଳିମାନେ ଉଜ୍‌ବେକିସ୍ତାନ ଡି ଏରିଆ ମଧ୍ୟକୁ ବଲ୍‌ ନେଇ ସୁଯୋଗ ସୃଷ୍ଟି କରିିଥିଲେ। ତେବେ କ୍ରମାଗତ ୨ଟି ପେନାଲ୍ଟି କର୍ନର ମିଳିଥିଲେ ହେଁ ତାହାକୁ ହରମନପ୍ରୀତ ସିଂ ମିସ୍‌ କରିଥିଲେ। ଦ୍ୱିତୀୟ ମିନିଟରେ ଆଉ ଏକ ପେନାଲ୍ଟି କର୍ନର ମିଳିଥିବାବେଳେ ବରୁଣ କୁମାରଙ୍କ ଶଟ୍‌କୁ ଉଜ୍‌ବେକିସ୍ତାନ ଖେଳାଳିମାନେ ରୋକିବାରେ ସକ୍ଷମ ହୋଇଥିଲେ। ୪ର୍ଥ ମିନିଟରେ ଗୋଟିଲ ପେନାଲ୍ଟି କର୍ନର ମିସ୍‌ ହୋଇଥିବାବେଳେ ଅନ୍ୟ ଏକ ପେନାଲ୍ଟି କର୍ନରକୁ ଗୋଲରେ ପରିଣତ କରି ବରୁଣ କୁମାର ଗୋଲ ଖାତା ଖୋଲିଥିଲେ। ୯ମ ମିନି ଭାରତକୁ ମିଳିଥିବା ପେନାଲ୍ଟି କର୍ନର ମିସ୍‌ ହୋଇଥିବାବେଳେ ୧୧ତମ ମିନିଟର ପେନାଲ୍ଟି କର୍ନରକୁ ଗୋଲ କରି ଆକାଶଦୀପ ସିଂ ଭାରତର ଅଗ୍ରଣୀକୁ ୨-୦ରେ ପହଞ୍ଚାଇଥିଲେ। ୧୫ତମ ମିନିଟରେ ପେନାଲ୍ଟି କର୍ନରକୁ ଓଡ଼ିଆ ଖେଳାଳି ଅମିତ ରୋହିଦାସ ଡ୍ରାଗ୍‌ ଫ୍ଲିକ୍‌ ଜରିଆରେ ଗୋଲରେ ପରିଣତ କରି ପ୍ରଥମ କ୍ବାର୍ଟର ଶେଷସୁଦ୍ଧା ଭାରତକୁ ୩-୦ ଗୋଲରେ ଅଗ୍ରଣୀ କରାଇଥିଲେ।
ପ୍ରଥମାର୍ଦ୍ଧ ଶେଷସୁଦ୍ଧା ଉଜ୍‌ବେକିସ୍ତାନ ଖେଳାଳିମାନେ ବଲ୍‌କୁ ଭାରତ ହାଫ୍‌କୁ ଆଣିବାରେ ବିଫଳ ହୋଇଥିଲେ। ଭାରତର ଆକ୍ରମଣରେ ନାକେଦମ୍‌ ହୋଇଥିବା ଏହି ଦଳ ଗୋଲ ବର୍ଷାକୁ ରୋକିବାରେ ବ୍ୟସ୍ତ ରହିଥିଲେ। ଦ୍ୱିତୀୟ କ୍ବାର୍ଟରରେ ଭାରତ ୪ଟି ଗୋଲ ଦେଇଥିଲା। ୨୨ତମ ମିନିଟରେ ବରୁଣ କୁମାର ବ୍ୟକ୍ତିଗତ ଦ୍ୱିତୀୟ ଏବଂ ଦଳ ପକ୍ଷରୁ ୪ର୍ଥ ଗୋଲଟି ସ୍କୋର କରିଥିଲେ। ୨୬ତମ ମିନିଟରେ ଆକାଶଦୀପ ସିଂ ଦଳ ପକ୍ଷରୁ ୫ମ ଗୋଲ ଦେଇଥିବାବେଳେ ୨୭ତମ ମିନିଟରେ ଦଳକୁ ମିଳିଥିବା ପେନାଲ୍ଟି କର୍ନରକୁ ନିଳକାନ୍ତ ଶର୍ମା ଗୋଲରେ ପରିଣତ କରିବାରେ ସକ୍ଷମ ହୋଇଥିଲେ। ୨୮ତମ ମିନିଟରେ ଭାରତକୁ ମିଳିଥିବା ୧୦ମ ପେନାଲ୍ଟି କର୍ନର ମିସ୍‌ ହୋଇଥିବାବେଳେ ଏହାର ୨ ମିନିଟ ପରେ ଅର୍ଥାତ୍‌ ୩୦ତମ ମିନିଟରେ ମନଦୀପ ସିଂ ଏକ ଫିଲ୍ଡ ଗୋଲ ଦେଇ ପ୍ରଥମାର୍ଦ୍ଧ ଶେଷସୁଦ୍ଧା ଭାରତର ଅଗ୍ରଣୀ ବ୍ୟବଧାନକୁ ୭-୦ରେ ପହଞ୍ଚାଇଥିଲେ। ପ୍ରଥମାର୍ଦ୍ଧରେ ଭାରତୀୟ ଗୋଲକିପର କ୍ରିଷ୍ଣନ ପାଠକଙ୍କ ନିକଟକୁ ଥରେ ହେଲେ ବଲ୍‌ ଯାଇ ନ ଥିଲା।
ତୃତୀୟ କ୍ବାର୍ଟରରେ ମଧ୍ୟ ଭାରତର ପ୍ରଭାବୀ ପ୍ରଦର୍ଶନ ଜାରି ରହିଥିଲା। ତେବେ ପ୍ରଥମାର୍ଦ୍ଧ ତୁଳନାରେ ଉଜ୍‌ବେକିସ୍ତାନ ଏହି କ୍ବାର୍ଟରରେ ସତର୍କତାର ସହିତ ଖେଳିବାରୁ ଭାରତକୁ ଅଧିକ ପେନାଲ୍ଟି କର୍ନର ମିିଳି ନ ଥିଲା। ୪୦ତମ ମିନିଟରେ ଭାରତକୁ ଏକ ପେନାଲ୍ଟି କର୍ନର ମିଳିଥିଲେ ହେଁ ତାହାକୁ ହରମନପ୍ରୀତ ଗୋଲରେ ପରିଣତ କରିପାରି ନ ଥିଲେ। ତୃତୀୟ କ୍ବାର୍ଟର ଶେଷରେ ଅର୍ଥାତ୍‌ ୪୫ତମ ମିନିଟରେ ଅମିତ ଉଜ୍‌ବେକିସ୍ତାନ ଡି ଏରିଆ ଭିତରେ ଥିବା ସୁମିତଙ୍କୁ ପାସ୍‌ ଦେଇଥିଲେ। ସୁମିତ ଏହାକୁ ଗୁରସାହିବଜିତ ସିଂଙ୍କ ନିକଟକୁ ବଢ଼ାଇ ଦେଇଥିଲେ ଏବଂ ଏହି ୭୧ ନମ୍ବର ଜର୍ସି ପରିହିତ ଖେଳାଳି ତାହାକୁ ଗୋଲରେ ପରିଣତ କରିବାରେ କୌଣସି ଭୁଲ କରି ନ ଥିଲେ। ୪ର୍ଥ କ୍ବାର୍ଟରେ ଭାରତ ଅଗ୍ରଣୀ ବ୍ୟବଧାନକୁ ବଢ଼ାଇବା ଉପରେ ଗୁରୁତ୍ୱ ଦେଇଥିଲା ୫୩ତମ ମିନିଟରେ ମନଦୀପ ସିଂଙ୍କଠାରୁ ପାଇଥିବା ପାସ୍‌କୁ ଗୋଲରେ ପରିଣତ କରିଥିଲେ ଆକାଶଦୀପ। ଏଥିସହ ସେ ମ୍ୟାଚରେ ହ୍ୟାଟ୍ରିକ ଗୋଲ ଦେବାରେ ସକ୍ଷମ ହୋଇଥିଲେ। ୫୪ତମ ମିନିଟରେ ହରମନପ୍ରୀତ ପେନାଲ୍ଟି କର୍ନର ମିସ୍‌ କରିିଥିବାବେଳେ ୬୦ତମ ମିନିଟରେ ମନଦୀପ ସିଂ ଏକ ଫିଲ୍ଡ ଗୋଲ ଦେଇ ମ୍ୟାଚ ଶେଷ କରିଥିଲେ।


All Right Reserved By

Posted inଖେଳ

ଈଶାନ୍ତଙ୍କ ଜନ୍ମଦିନରେ ଶୁଭେଚ୍ଛାର ସୁଅ

ନୂଆଦିଲ୍ଲୀ,୨।୯: ଭାରତୀୟ ପେସର ଈଶାନ୍ତ ଶର୍ମା ସୋମବାର ୩୧ ବର୍ଷରେ ପାଦ ଦେଇଛନ୍ତି। ଏହି ଅବସରରେ ତାଙ୍କୁ ଅଲରାଉଣ୍ଡର ଯୁବରାଜ ସିଂ ଓ ବାମହାତୀ ଓପନର...

ୟୁଏସ୍‌ ଓପନ୍‌ ଟେନିସ୍‌: ନାଡାଲଙ୍କ ବିଜୟ ଅଭିଯାନ, ତୃତୀୟ ରାଉଣ୍ଡରେ ଡିମିଟ୍ରୋଭ, ନିଶିକୋରି

ନ୍ୟୁୟର୍କ,୨୯।୮(ଏଏଫ୍‌ପି)- ବର୍ଷର ଚତୁର୍ଥ ତଥା ଅନ୍ତିମ ଗ୍ରାଣ୍ଡସ୍ଲାମ ଟୁର୍ନାମେଣ୍ଟ ୟୁଏସ୍‌ ଓପନ୍‌ ତୃତୀୟ ଦିବସରେ ପହଞ୍ଚିଛି। ପୁରୁଷ ଓ ମହିଳା ସିଙ୍ଗଲ୍ସରେ କେତେଜଣ ସିଡେଡ ଖେଳାଳି...

ଟି୨୦ କ୍ରିକେଟ୍‌ରୁ ମିଥାଲିଙ୍କ ଅବସର

ନୂଆଦିଲ୍ଲୀ, ୩।୯ (ପି.ଟି.)- ଭାରତର ସିନିୟର ମହିଳା କ୍ରିକେଟର୍‌ ମିଥାଲି ରାଜ ମଙ୍ଗଳବାର ଅନ୍ତର୍ଜାତୀୟ ଟି୨୦ କ୍ରିକେଟ୍‌ରୁ ଅବସର ଘୋଷଣା କରିଛନ୍ତି। ୨୦୨୧ ଆଇସିସି ବିଶ୍ୱକପ୍‌କୁ...

ମିଡଲଅର୍ଡର ସମସ୍ୟା ସୁଧାରିବା ଲକ୍ଷ୍ୟରେ ଭାରତ

ଲିଡ୍ସ, ୬।୭(ପି.ଟି.)- ଚଳିତ ଆଇସିସି ବିଶ୍ୱକପ୍‌ରେ ଭାରତ ବିଜୟଧାରା ବଜାୟ ରଖିବାରେ ସକ୍ଷମ ହୋଇଛି। ତେବେ ଏହା ସତ୍ତ୍ୱେ ଦଳର ମିଡଲଅର୍ଡର ସମସ୍ୟା ତଥା ଦୁର୍ବଳତା...

କଳିଙ୍ଗରେ ଭାରତୀୟ ହକି କ୍ୟାମ୍ପ: ୫ ଓଡ଼ିଆଙ୍କ ସହ ୩୨ ଖେଳାଳି ସାମିଲ

ଭୁବନେଶ୍ୱର, ୨୦।୫(କ୍ରୀଡ଼ା ପ୍ରତିନିଧି)- ଅଷ୍ଟ୍ରେଲିଆ ଟୁର୍‌ ଶେଷ କରି ୧୮ ଜଣିଆ ଭାରତୀୟ ହକି ଦଳ ରବିବାର ଭୁବନେଶ୍ୱରରେ ପହଞ୍ଚତ୍ଛନ୍ତି। ସେମାନଙ୍କ ସହ କୋର୍‌ ଗ୍ରୁପ୍‌ର...

ସ୍ବିତୋଲିନା ସେମିଫାଇନାଲରେ

ନ୍ୟୁୟର୍କ,୪ା୯- ପଞ୍ଚମ ସିଡ୍‌ ତଥା ୟୁକ୍ରେନ୍‌ର ଏଲିନା ସ୍ବିତୋଲିନା ୟୁଏସ୍‌ ଓପନ ଗ୍ରାଣ୍ଡସ୍ଲାମ ଟେନିସ ଚାମ୍ପିୟନଶିପ୍‌ ମହିଳା ସିଙ୍ଗଲ୍ସ ସେମିଫାଇନାଲରେ ପ୍ରବେଶ କରିଛନ୍ତି। ମଙ୍ଗଳବାର ଏକ...

ଓ୍ବାଲିନ୍‌ଙ୍କୁ ହରାଇଲେ ଫ୍ୟୁରି

ଲାସ୍‌ ଭେଗାସ, ୧୫ା୯ (ଏପି)- ଜଜ୍‌ମାନଙ୍କ ସର୍ବସମ୍ମତି ନିଷ୍ପତ୍ତି ଭିତ୍ତିରେ ସ୍ବିଡେନ୍‌ର ଓଟୋ ଓ୍ବାଲିନ୍‌ଙ୍କ ବିପକ୍ଷ ବକ୍ସିଂ ମୁକାବିଲାରେ ବିଜୟ ଲାଭ କରିଛନ୍ତି ବ୍ରିଟିଶ ବକ୍ସର...

ନେଦରଲାଣ୍ଡ୍ସ ସେମିଫାଇନାଲରେ

ଭାଲେନ୍‌ସିଜ (ଫ୍ରାନ୍ସ), ୩୦ା୬ (ଏଏଫ୍‌ପି)- ନେଦରଲାଣ୍ଡ୍ସ ମହିଳା ଫୁଟ୍‌ବଲ ବିଶ୍ୱକପ୍‌ ଇତିହାସରେ ପ୍ରଥମ ଥର ସେମିଫାଇନାଲରେ ପ୍ରବେଶ କରିଛି। ଏଠାରେ ଶନିବାର ଅନୁଷ୍ଠିତ ଏକ କ୍ୱାର୍ଟରଫାଇନାଲ...

selfi corner

Model This Week

Why Dharitri

Leave a comment

Your email address will not be published. Required fields are marked *