ପଶ୍ଚିମବଙ୍ଗରୁ ଅବାଧରେ ଆସୁଛି ଚୋରା ମଦ

ବାଲିଆପାଳ, ୧୦।୬(ଡି.ଏନ.ଏ.)-ବାଲେଶ୍ୱର ଜିଲା ବାଲିଆପାଳ ଅଞ୍ଚଳରେ ଚୋରା ଦେଶୀ ଓ ବିଦେଶୀ ମଦର ବନ୍ୟା ଛୁଟିଛି। ପଡ଼ୋଶୀ ପଶ୍ଚିମବଙ୍ଗରୁ ପ୍ରତିଦିନ ଚୋରାରେ ବହୁ ଦେଶୀ, ବିଦେଶୀ ମଦ ଏଠାକୁ ଆଣି ବିକ୍ରି କରାଯାଉଛି। ସେମାନେ ବିଭିନ୍ନ ଗ୍ରାମାଞ୍ଚଳ ରୁଟ୍‌ ଦେଇ ଅବାଧରେ ମଦ ଆଣି ପହଞ୍ଚାଉଛନ୍ତି। ବିଦେଶୀ ମଦ ନାଁରେ ନକଲି ମଦ ବିକ୍ରି କରାଯାଉଥିବା ଅଭିଯୋଗ ହେଉଥିଲେ ମଧ୍ୟ ପ୍ରତିକାର କରାଯାଉନାହିଁ।
ବାଲିଆପାଳ ବ୍ଲକରେ ୩ଟି ଲାଇସେନ୍ସପ୍ରାପ୍ତ ଠିପି ବନ୍ଦ ଏବଂ ଗୋଟିଏ ଠିପିଖୋଲା ବିଦେଶୀ ମଦ ଦୋକାନ ରହିଛି। ଏହାବାଦ ବିଭିନ୍ନ ସ୍ଥାନରେ ବହୁ ସଂଖ୍ୟାରେ ଚୋରା, ବେଆଇନ ମଦ ଦୋକାନ ଚାଲିଛି। ଅବକାରୀ ବିଭାଗ ଟାର୍ଗେଟ ପୂରଣ ଲକ୍ଷ୍ୟରେ ବ୍ୟସ୍ତ ରହୁଥିବାରୁ ଚୋରାମଦ କାରବାର ରୋକିବାକୁ ପଦକ୍ଷେପ ନେଉନାହିଁ। ମଦ ବିରୋଧରେ ଆନ୍ଦୋଳନ କରୁଥିବା ମହିଳାମାନଙ୍କୁ ପୋଲିସ ଓ ଅବକାରୀ ବିଭାଗ ପକ୍ଷରୁ କୌଣସି ସହାୟତା କରୁ ନ ଥିବା ଅଭିଯୋଗ ହେଉଛି। ଏପରି କି ମଦ ବିରୋଧୀ ମହିଳା ଚୋରା ବେପାରୀଙ୍କୁ ଧରି ଅବକାରୀ ବିଭାଗକୁ ଖବର ଦେଲେ କେହି ସେମାନଙ୍କ ଅଭିଯୋଗକୁ ଗୁରୁତ୍ୱ ଦେଉନାହାନ୍ତି। ଏହି ବ୍ଲକ ଅଧୀନ ଅଳାଡ଼ିହା ଗ୍ରାମର ଜଣେ ଚୋରା ମଦ ବେପାରୀଙ୍କ ଘରକୁ ସମ୍ପ୍ରତି ମହିଳାମାନେ ଘେରାଉ କରି ଅବକାରୀ ବିଭାଗକୁ ଖବର ଦେଇଥିଲେ । କିନ୍ତୁ ଘଟଣାସ୍ଥଳକୁ କେହି ଆସି ନ ଥିଲେ। ଶେଷରେ ମହିଳାମାନେ ଜବତ ମଦକୁ ଧରି ୧୨ କି.ମି. ଦୂର ବାଲିଆପାଳ ଥାନାକୁ ଯାଇଥିଲେ । ‘ଆମ ନିକଟରେ କିଛି କ୍ଷମତା ନାହିଁ’ କହି ପୋଲିସ ସେମାନଙ୍କୁ ଫେରାଇ ଦେଇଥିଲା। ଏଭଳି ଘଟଣା ଆନ୍ଦୋଳନକାରୀଙ୍କ ମନୋବଳକୁ ଭାଙ୍ଗିଦେଉଛି ବୋଲି ସେମାନେ ଅଭିଯୋଗ କରିଛନ୍ତି। ଓଡ଼ିଶା ନିଶା ନିବାରଣ ଅଭିଯାନ ବାଲିଆପାଳ ଶାଖାର ସଭାପତି ନାରାୟଣ ପ୍ରସାଦ ସାହୁ, ରାଜ୍ୟ ଉପସଭାପତି ଡ. ଅଦୈତ୍ୟ ପାତ୍ର,ସଦସ୍ୟ ଅରବିନ୍ଦ ବେହେରା, ଧୀରେନ୍ଦ୍ର ନାଥ କରଣ, କ୍ଷିତୀଶ ଜେନା, ଜୀବନ ଦାସ, କୁଶଧ୍ୱଜ ଜେନା, ଅର୍ଜୁନ ବାରିକ, ବିଜୟ ଗିରି, ସନ୍ନ୍ୟାସୀ ବେହେରା ପ୍ରମୁଖ ଅନୁରୂପ ଅଭିଯୋଗ କରି ଚୋରା ମଦର ବନ୍ୟାକୁ ରୋକିବା ଲାଗି ଜିଲା ପ୍ରଶାସନ ପଦକ୍ଷେପ ନେବାକୁ ଦାବି କରିଛନ୍ତି ।
ଉଲ୍ଲେଖନୀୟ ଯେ, ବାଲିଆପାଳ ଅଞ୍ଚଳରେ ଚୋରା ମଦର ପ୍ରସାର ଯୋଗୁ ବିଭିନ୍ନ ଅପରାଧ ଘଟଣା ଦିନକୁ ଦିନ ବଢି ଚାଲିଛି। ପଶ୍ଚିମବଙ୍ଗରୁ ଅଣାଯାଉଥିବା ବା ମଦ ଅସଲି କି ନକଲି ତାହାକୁ ଯାଞ୍ଚ କରାଯାଉନାହିଁ ା ଏହି କାରଣରୁ ଏଠାରେ ମଦମୃତ୍ୟୁ ଘଟିବା ଆଶଙ୍କା କରାଯାଉଛି। ମଦ ବିରୋଧୀ ସଙ୍ଗଠନର କେତେକ କର୍ମକର୍ତ୍ତା କହିଛନ୍ତି ଯେ, ଟାର୍ଗେଟ ପୂରଣ ଲାଗି ଅବକାରୀ ବିଭାଗ ଚାପ ପକାଉଥିବାରୁ କେତେକ ଲାଇସେନ୍ସପ୍ରାପ୍ତ ମଦଦୋକାନୀ ଗ୍ରାମାଞ୍ଚଳରେ ୨୦ରୁ ୩୦ଜଣ ଲେଖାଏ ଛୋଟ ମଦବେପାରୀଙ୍କୁ ନିଯୁକ୍ତି ଦେଇ ମଦ ବିକୁୁଛନ୍ତି। ଖୁଚୁରା ବେପାରୀମାନେ ବିଦେଶୀ ମଦ କିଣି ଗାଁଗଣ୍ଡାରେ ବୋତଲ ପିଛା ୧୦ରୁ ୨୦ଟଙ୍କା ଅଧିକ ଦାମ୍‌ରେ ବିକ୍ରି କରୁଛନ୍ତି। ପୂର୍ବରୁ ଚୋରା ମଦ ବେପାରୀଙ୍କୁ ଧରିବା ସକାଶେ ପୋଲିସ ମଝିରେ ମଝିରେ ଚଢ଼ାଉ କରୁଥିଲା। ବର୍ତ୍ତମାନ ତାହା ବନ୍ଦ ହୋଇଯିବାରୁ ମଦବେପାରୀଙ୍କୁ ବେଶ୍‌ ସୁହାଉଛି। ବସ୍ତା ଓ ବାଲେଶ୍ୱରରୁ ଅବକାରୀ କର୍ମଚାରୀ ଆସି ବାଲିଆପାଳରେ ପହଞ୍ଚିବା ବେଳକୁ ଚୋରା ବେପାରୀମାନେ ସହଜରେ ଖସିଯାଉଛନ୍ତି ।


All Right Reserved By Dharitri.Com

ଅବକାରୀ ବିଭାଗର ଚଢ଼ାଉ: ଜଣେ ଗିରଫ, ୧ କେଜି ବ୍ରାଉନ୍‌ସୁଗାର, ବନ୍ଧୁକ ଜବତ

ଜଳେଶ୍ୱର, ୧୬।୧୦(ଡି.ଏନ୍‌.ଏ.): ବାଲେଶ୍ୱର ଜିଲା ଜଳେଶ୍ବର ଥାନା ଅନ୍ତର୍ଗତ ଷ୍ଟେଶନ ବଜାରସ୍ଥିତ ମିଲବାଡ଼ି ଅଞ୍ଚଳରେ ବୁଧବାର ଭୋରରେ ଜଳେଶ୍ବର ଅବକାରୀ ଏବଂ କଟକ କେନ୍ଦ୍ରୀୟ ଅବକାରୀ...

୪୭ ପ୍ରତିଦ୍ୱନ୍ଦୀଙ୍କ ଭାଗ୍ୟ ପରୀକ୍ଷା

ଭଦ୍ରକ ଅଫିସ,୨୩ା୫: ଗୁରୁବାର ୪୭ ପ୍ରତିଦ୍ୱନ୍ଦୀଙ୍କ ଭାଗ୍ୟ ପରୀକ୍ଷାର ଫଳାଫଳ ନିର୍ଣ୍ଣୟ ହେବ। ୫ ବିଧାନସଭା ଓ ଗୋଟିଏ ଲୋକସଭା ପାଇଁ ପ୍ରାର୍ଥୀ ଚୂଡାନ୍ତ ହେବ।...

ଶଟଡାଉନରେ କଟକଣା କଡାକଡି: ବାଲେଶ୍ୱରରୁ ୫ଶହରୁ ଊର୍ଦ୍ଧ୍ୱ ସ୍ବାବ ସଂଗ୍ରହ

ବାଲେଶ୍ୱର ଅଫିସ, ୨୬।୪-ବାଲେଶ୍ୱର ଜିଲାରେ କରୋନା ଭୂତାଣୁ ସଂକ୍ରମଣକୁ ରୋକିବା ଲାଗି ୨୬ତାରିଖ ରାତି ୧୦ଟାରୁ ରବିବାର ପୂର୍ବାହ୍ନ ୧୦ଟା ପର୍ଯ୍ୟନ୍ତ ଶଟଡାଉନ୍‌ ଘୋଷଣା କରାଯାଇଛି।...

ମଦ ବିରୋଧୀ ସଚେତନତା ଶୋଭାଯାତ୍ରା

ବନ୍ତ,୧୫।୭(ଡି.ଏନ୍‌.ଏ.)- ଭଦ୍ରକ ଜିଲା ବନ୍ତ ବ୍ଲକରେ ମଦ ବିରୋଧୀ ଆନ୍ଦୋଳନ ଜେତିିବାରେ ଲାଗିଛି। ରବିବାର ଭଦ୍ରକ ଜିଲା ବନ୍ତ ବ୍ଲକ ‘ସମ୍ଭବ ଓଡ଼ିଶା’ ଆନୁକୂଲ୍ୟରେ ମଦ...

ବାଲେଶ୍ୱରରେ ଲକ୍‌ଡାଉନ ନିୟମ ଉଲ୍ଲଂଘନ: ୨ ଗିରଫ

ବାଲେଶ୍ୱର ଅଫିସ, ୨୪।୩: ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି ଏହାକୁ ଦୃଷ୍ଟିରେ ରଖି ବିଭିନ୍ନ ପଦକ୍ଷେପ ଗ୍ରହଣ କରାଯାଉଥିବା ବେଳେ ସାରା ରାଜ୍ୟକୁ...

ବିରଳ ନୀଳରକ୍ତ କଙ୍କଡ଼ାଙ୍କ ସୁରକ୍ଷା ଚିନ୍ତା

ବାଲେଶ୍ୱର ଅଫିସ, ୧୦।୬-ବିରଳ ନୀଳରକ୍ତ କଙ୍କଡାଙ୍କ ସୁରକ୍ଷା ଏବଂ ଏହି କଙ୍କଡାଙ୍କ ରକ୍ତରେ ଥିବା ଔଷଧୀୟ ଗୁଣ ସମ୍ପର୍କରେ ଅନ୍ତର୍ଜାତୀୟ ସ୍ତରରେ ଗବେଷଣା ଜାରି ରହିଛି।...

ନିମ୍ନମାନର ରାସ୍ତାକୁ ନେଇ ଉତ୍ତେଜନା: କାମ ବନ୍ଦ କଲେ ଗ୍ରାମବାସୀ

ଖଇରା, ୨୧।୨(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକ ଅଧୀନ ନିର୍ମାଣାଧୀନ ଆଳଦା-କଇଥଗଡିଆ ପ୍ରଧାନମନ୍ତ୍ରୀ ସଡକ ଅତ୍ୟନ୍ତ ବେପରୁଆ ଭାବେ ଚାଲିଛି ା ବ୍ୟବହୃତ କଞ୍ଚମାଲ ଅତ୍ୟନ୍ତ ନିମ୍ନମାନର...

ହାତୀକୁ ସୁରକ୍ଷା ଦେବା ଲାଗି ଖଣିକମ୍ପାନୀକୁ ତାଗିଦ: ଜୁରୁଡ଼ି ଅଞ୍ଚଳରେ ବୁଲୁଛନ୍ତି ୧୭ ହାତୀ

ଯୋଡ଼ା, ୩୦।୫ (ଡି.ଏନ.ଏ.)-କେନ୍ଦୁଝର ଜିଲା ଯୋଡ଼ା ବନପାଳଙ୍କ ଅଞ୍ଚଳରେ ୧୭ଟି ହାତୀ ଘୁରିବୁଲୁଥିବା ଖବର ହସ୍ତଗତ ହୋଇଛି। ଯୋଡ଼ା ବନପାଳ ପିଅନ ନାଏକଙ୍କ ସୂଚନା ମୁତାବିକ...

Leave a comment

Your email address will not be published. Required fields are marked *