କାର୍ଟୁନ୍‌ ଠୁଲେଇ ପେଟ ପାଲୁଛନ୍‌ ଦୁଶମନ ସିଂ

ଭବାନୀପାଟଣା,୧୦।୬(ଡି.ଏନ.ଏ.):  ମୁନୁଷ୍‌କେ ବଁଚ୍‌ବାକେ ହେଲେ ଖାଏଦ୍‌ ପାଏନ୍‌, ଘର ଆର କପଡ଼ାଲତା ନିହାତି ଦରକାର। ସବୁ ଲୋକ୍‌ ପେଟକେ ଖାଏବାକେ ମୁଠେ, ମୁଡ଼ ରଖ୍‌ବାକେ ଘରଟେ ଆର ଦିହିକେ କପଡ଼ା ଖଁଡ଼େର ଲାଗି ଘିଚିଟାନି ହେଉଛନ୍‌। ହେଲେ ଆଏଜ୍‌ ବି ଆମର ସମାଜ୍‌ରେ ଏନ୍‌ତା ଲୋକ୍‌ ଅଛନ୍‌ ସରକାରୀ ଯୋଜନା ବାବ୍‌ଦେ ନାଇଁ ଜାନବାର। ସଖାଲ ପାଏଲେ ପେଟ୍‌ପାଟନାର ଲାଗି କାମ୍‌ଧଁଦାର ଲାଗି କିଁଦ୍‌ରୁଛନ୍‌। ସମାଜରେ ଏନ୍‌ତା ବି ହେଉଛେ ଲୋକ୍‌ ରାସ୍‌ତା ତରେ ଜନମ୍‌ ହେଇ ରାସ୍‌ତାରେ ଜୀବନ୍‌ ସାରିଦେଉଛନ୍‌। ନା ଅଛେ ସେମାନକର ଛୁଆପିଲାର ଚିନ୍‌ତା କି ନିଜର ଭବିଷତ୍‌ ଚିନ୍‌ତା। ଏନ୍‌ତା ଝନେ ଭିନେ କିସମର ମୁନୁଷ୍‌କେ ଦେଖ୍‌ବାକେ ମିଲିଛେ ଭବାନୀପାଟଣା ସହରରେ। ସେ ହେଉଛନ୍‌ ଦୁଶମନ ସିଂ। ଯେ ରାସ୍‌ତା ତରେ ଜୀବନ୍‌ ଜୀବ୍‌କାର ଲାଗି ସବୁବେଲେ ଯୁଝୁଛନ୍‌। ହେଲେ ଭବିଷତ୍‌ କଥା ତାକର ଚିନ୍‌ତା ଚେତନାର ବାହାରେ ରହିଛେ।
ସୂଚନା ଅନ୍‌ସାରେ ପାଖାପାଖି ୩ ମାସ ହେଲା ପଡ଼ିଶା ଝାଡ଼ଖଣ୍ଡ ରାଏଜ୍‌ର ରାଞ୍ଚତ୍ ସହରରୁ ରୁଜଗାର ଆଶ୍‌ରେ ଗୁଟେ ପରିବାରର ୧୫ ଝନ୍‌ ଭବାନୀପାଟଣା ସହରକେ ଆସିଛନ୍‌। ଏହେଦେ ସେମାନେ ଭବାନୀପାଟଣା ସହରର ହାଟପଦାରେ ରହୁଛନ୍‌। ସଖାଲ ପାଏଲେ ପେଟପାଟନାର ଲାଗି ସହରର ଗଲିକଁଦି ବୁଲି ମଇଲା ଜଗଡ଼ା ଭିତରେ ଅଁଡ଼ାଲି କାର୍ଟୁନ ଠୁଲଉଛନ୍‌। ଇମାନକୁ ରୋଗ୍‌ବାଗ୍‌, ଖରା, ବରଷା କେହେନ୍‌ସିଥିର ଖାତିର ନାଇଁ। ପରିବାରର ମହିଲାମାନେ ପଡ଼ାପଡ଼ା ବୁଲି ଚିତା କୁଟ୍‌ବାର ସଂଗେ କାଚ ବୁତଲ, ଭଂଗା ପ୍ଲାଷ୍ଟିକ୍‌, ଟିନ ସାମାନ ଠୁଲଉଛନ୍‌। କାର୍ଟୁନ ଠୁଲେଇ ଦିନ୍‌କୁ ୩ରୁ ୪ଶହ ଟଁକା ରୁଜଗାର କରୁଥିବାର କହିଛନ୍‌ ଦୁଶମନ ସିଂ। ଝନେ ମହିଲାକୁଁ ତାକର ଫିଦିନିଅଁା ରୁଜଗାର ବାବ୍‌ଦେ ପଚରାଲାରୁ ଚିତା କୁଟି ଦିନ୍‌କ ୨ରୁ ୩ଶହ ଟଁକା କମାନି ହେଉଥିବାର କହିଥିଲେ। ସେନ୍‌ତା ଆର ଝନେ ମହିଲାକୁଁ ପଚରାଲାରୁ ଭଂଗା ପ୍ଲାଷ୍ଟିକ୍‌, କାଚ ବୁତଲ, ଟିନ ଠୁଲେଇ କବାଡ଼ିରେ ବିକ୍‌ଲେ ଦିନ୍‌କ ପାଖାପାଖି ୩ଶହରୁ ୩୫୦ ଟଁକା ମିଲୁଥିବାର କହିଥିଲେ। ଭବାନୀପାଟଣାରେ କାମ୍‌ଧଁଦା କି ଭଲ ରୁଜଗାର ନାଇଁ ହେଲେ ଫେନ୍‌ କୁଟୁମବସିଆ ରାଞ୍ଚତ୍ ଫିରିଯିବେ ବଲି କହିଥିଲେ। ପେଟ୍‌ପାଟନାର ଲାଗି ରାଏଜ୍‌ ରାଏଜ୍‌ ବୁଲି ରାସ୍‌ତା ତରେ ଜୀବନ୍‌ ବିତଉଥିବାର ପରିବାରମାନକର ଛୁଆପିଲାକର ଭବିଷତ୍‌ କଥା ଚିନ୍‌ତା କଲେ ଝନେ ସାଧାରନ୍‌ ମୁନୁଷ୍‌ର ମୁଡ଼ ବୁଲେଇ ଯିବା। ହେଲେ ଇମାନକର କେହେନ୍‌ସି ପରକାର ଭବିଷତ୍‌ ଚିନ୍‌ତା ନଁାଇଁନ। ଯେନ୍‌କେ ଗଲେ ରାସ୍‌ତା ତରେ ଶୁଇଲେ, ସଖାଲ ପାଏଲେ କମାଲେ ଖାଏଲେ ଆର ବେଲବୁଡ଼ଲେ ଶୁଇଲେ। ସତେ ଯେନ୍‌ତା ଇମାନେ ମାଟିର ମୁନୁଷ୍‌, ଭବିଷତ୍‌ ବଲି କିଛି ନାଇଁ, ବରଷା ହେଲେ ଭିଜଲେ ଆର ଖରା ହେଲେ ଶୁଖ୍‌ଲେ। ଇଆଡ଼େ କେନ୍ଦ୍ର ଆର ରାଏଜ୍‌ ସରକାରମାନେ ଗରିବ୍‌ ଦୁଖିକର ଲାଗି ଅନେକ ଯୋଜନା କାଯ୍‌କାରୀ କରୁଥିଲେ ବି ଏନ୍‌ତା ରାସ୍‌ତା ତରେ ଜୀବନ୍‌ ବିତଉଥିବାର ପରିବାରମାନେ ସରକାରୀ ଯୋଜନାର ବହୁତ୍‌ ଦୂରେ ରହିଯାଉଛନ୍‌। ଇ ଦିଗେ କେନ୍ଦ୍ର ଆର ରାଏଜ୍‌ ସରକାରମାନେ ଚିନ୍‌ତା କରି ପରତିକାର ବେବସ୍‌ତା କରବାର କଥା।


All Right Reserved By Dharitri.Com

ଗରିବ୍‌ ଦୁଖିକର ଲାଗି ଦୁରଲଭ ହେଲାନ ପଖାଲ

ଜାମଟିକ୍ରା, ୨୭।୪ (ଡି.ଏନ୍‌.ଏ.): ଓଡ଼ିଶାରେ ଗଁାଗଁଲିନୁ ଆରମ୍‌ କରି ସହର ତକ୍‌ ସମକର ପସନ୍‌ ପଖାଲ। ଖରାଦିନ୍‌ ଆରମ୍‌ ହେଲେ ସମ୍‌କର ମନ୍‌ ପଖାଲ ଖାଏବାକେ...

ଚିପିଲିମା ଘଣ୍ଟେଶ୍ୱରୀ ସ୍ବାଗତ ଫାଟକରୁ ପଥର ପ୍ଲେଟ୍‌ ଖସୁଛି

ଚିପିଲିମା, ୨୭।୫ (ଡି.ଏନ.ଏ):ସମ୍ବଲପୁର ଜିଲା ଚିପିଲିମାସ୍ଥିତ ମୁଖ୍ୟ ଛକରେ ଥିବା ଘଣ୍ଟେଶ୍ୱରୀଙ୍କ ପୀଠର ସ୍ବାଗତ ଫାଟକ ଅସୁରକ୍ଷିତ। ହେଲେ ଏହି ଫାଟକରୁ କିଛି ଦିନ ହେଲା...

ମୋଟାଗୁଡ଼ା ଜଙ୍ଗଲରେ ଶ୍ରମିକଙ୍କୁ ହତ୍ୟା ଘଟଣା : ଅଭିଯୁକ୍ତଙ୍କୁ କୋର୍ଟଚାଲାଣ

ଭବାନୀପାଟଣା,୩୦ା୫(ଡି.ଏନ୍‌.ଏ.): କଳାହାଣ୍ଡି ଜିଲା ଭବାନୀପାଟଣାର ମୋଟାଗୁଡା ଜଙ୍ଗଲରେ ଜଣେ ଶ୍ରମିକଙ୍କୁ ବାଡ଼ିରେ ପିଟି ହତ୍ୟା କରିବା ମାମଲାରେ ପୋଲିସ ଅଭିଯୁକ୍ତ କାଠବେପାରୀଙ୍କୁ ଗିରଫ କରି କୋର୍ଟଚାଲାଣ...

ଜିଲାପାଳଙ୍କ ବିନା ଅନୁମୋଦନରେ ୬ କନିଷ୍ଠ କିରାଣିଙ୍କୁ ଡେପୁଟେଶନ୍‌ରେ ଡିଇଓ ଅଫିସରେ ନିୟୋଜିତ: ଅନିୟମିତତା ସମ୍ପର୍କରେ ଭିଜିଲାନ୍ସ ତଦନ୍ତ ଦାବି

ଭବାନୀପାଟଣା,୧।୬(ଡି.ଏନ୍‌.ଏ.): କଳାହାଣ୍ଡି ଜିଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ ମଞ୍ଜୁରୀପ୍ରାପ୍ତ ୩ କନିଷ୍ଠ କିରାଣି ଓ ୩ ବରିଷ୍ଠ କିରାଣି ପଦବୀ ରହିଛି । ଏହି ପଦବୀରେ...

ଜାତୀୟ ପ୍ରାଣୀ ରୋଗ୍‌ ନିରାକରନ୍‌ ସଚେତନତା କାଯ୍‌କରମ; ଦୁଇଗୁନା ହେବା ଚାଷୀକର ଆଏ: ପ୍ରଧାନମନ୍ତ୍ରୀ

ଚିପିଲିମା, ୧୨।୯ (ଡି.ଏନ୍‌.ଏ.): ରାଷ୍ଟ୍ରୀୟ ଫାଟୁଆ ବୃସେଲୀ ରୋଗ୍‌ର ନିରାକରନ୍‌ ଆରୁ କୃତ୍ରିମ ପ୍ରଜନନ୍‌ ଜରିଆରେ ଚାଷୀର ଆଏକେ ଦୁଇଗୁନା କରବାର ଲାଗି ଆଏଜ୍‌ ମଥୁରାରେ...

ଛାତ୍ରୀ ନିବାସ ପରିସରରେ ୨୦୦ ଚାରା ରୋପଣ

ଭଟଲି,୧୫ା୭(ଡି.ଏନ.ଏ) ଭଟଲି ଦଧିବାମନ ଡିଗ୍ରୀ ମହାବିଦ୍ୟାଳୟର ୟୁଜିସି ଛାତ୍ରୀ ନିବାସ ପରିସରରେ ରବିବାର ବନ ମହୋତ୍ସବ ପାଳିତ ହୋଇଯାଇଛି । ଏହି ଅବସରରେ ଅଧ୍ୟାପକ ଶ୍ୟାମଲାଲ...

ଲୋପ୍‌ ପାଉଛେ ଧାନଖଣି, ପୁଡୁଗ୍‌ ବଁଧା ପରମ୍ପରା

ଭବାନୀପାଟଣା, ୪ା୬ (ଡି.ଏନ୍‌.ଏ): ଓଡ଼ିଶା ହେଉଛେ ଗୁଟେ କୃଷି ପରଧାନ ରାଏଜ୍‌। ରାଏଜର ବଡ଼ଭାଗି ଲୋକ୍‌ ଚାଷ୍‌ବାସ କାରି ନିଜର ଜୀବନ୍‌ ଜୀବ୍‌କା ଚଲଉଛନ୍‌। ସେନ୍‌ତା...

ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଓ୍ବେବ୍‌ସାଇଟରେ ଡା. ରାମଚନ୍ଦାନୀ

ଚିପିଲିମା,୬ା୬(ବ୍ୟୁରୋ): ସମ୍ବଲପୁର ଜିଲା ବୁର୍ଲା ମେଡିକାଲ କଲେଜ ଓ ହସ୍ପିଟାଲର ସିନିୟର ରେସିଡେଣ୍ଟ ଡାକ୍ତର ଶଙ୍କର ରାମଚନ୍ଦାନୀ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଓ୍ବେବ୍‌ସାଇଟରେ...

Leave a comment

Your email address will not be published. Required fields are marked *