ବୁଲା ଜୀବଜନ୍ତୁଙ୍କୁ ମିଳୁନି ଖାଦ୍ୟ

ଭୁବନେଶ୍ୱର,୨୬ା୩(ବ୍ୟୁରୋ): ସାରା ବିଶ୍ୱ ଏବେ କରୋନା ମହାମାରୀର ଶିକାର ହୋଇଛି। ଏଭଳିସ୍ଥିତିରେ ସମଗ୍ର ଦେଶ ଏବଂ ରାଜ୍ୟରେ ଲକ୍‌ଡାଉନ୍‌ ଘୋଷଣା କରାଯାଇଛି। ବିଶେଷକରି ରାଜଧାନୀ ଭୁବନେଶ୍ୱରରେ ଗତ ରବିବାରଠାରୁ ଲକ୍‌ଡାଉନ ଘୋଷଣା ହେବା ପରଠାରୁ ଅଧିକାଂଶ ଜନସାଧାରଣ ଘରେ ରହିବାକୁ ଉଚିତ ମଣିଥିବାବେଳେ ହୋଟେଲ, ରେଷ୍ଟୁରାଣ୍ଟ, ଦୋକାନ ବଜାର ସବୁକିଛି ବନ୍ଦ ରହିଛି। ଏଭଳିସ୍ଥଳେ ଛୋଟ ବଡ଼ ହୋଟେଲ ଓ ଦୋକାନଗୁଡ଼ିକରୁ ବଳକା ଖାଦ୍ୟ ଖାଇ ବଞ୍ଚୁଥିବା ପଶୁପକ୍ଷୀ ଏବେ ଖାଦ୍ୟ ନ ପାଇ ମୃତ୍ୟୁ ସହ ସଂଗ୍ରାମ କରୁଛନ୍ତି। ଶୂନ୍‌ଶାନ୍‌ ରାସ୍ତାଘାଟରେ ନ ଖାଇ ନ ପିଇ ପଡ଼ି ରହୁଛନ୍ତି। ଏଭଳିସ୍ଥଳେ ନିରୀହ ପଶୁପକ୍ଷୀଙ୍କ ଜୀବନରକ୍ଷା ପାଇଁ ସହାୟତାର ହାତ ବଢ଼ାଇଛନ୍ତି କେତେକ ସଂଗଠନ ଏବଂ ବ୍ୟକ୍ତିବିଶେଷ। ପ୍ରତିଦିନ ରାଜଧାନୀ ରାଜରାସ୍ତାରେ ବୁଲି ସେମାନେ ଗୋରୁ ଏବଂ ବୁଲା କୁକୁରଙ୍କୁ ଖାଦ୍ୟ ଖୁଆଉଛନ୍ତି। ଭୁବନେଶ୍ୱରରେ ଏବେ କିଛି ସଂଗଠନ ନିଜେ ଜୀବଜନ୍ତୁଙ୍କୁ ଖାଦ୍ୟ ଖୁଆଇବା ସହ ନିଜସ୍ବ ଉଦ୍ୟମରେ ପ୍ରତିଦିନ କିଛି ନା କିଛି ଖାଦ୍ୟ ଜୀବମାନଙ୍କୁ ଦେବାକୁ ସାଧାରଣ ଜନତାଙ୍କୁ ଅନୁରୋଧ କରିଛନ୍ତି।
ଖଣ୍ଡଗିରିରୁ ଆରମ୍ଭକରି ରାଜଧାନୀର ଚାରିଆଡେ ଜୀବଜନ୍ତୁଙ୍କ ଶୁଖିଲା ମୁହଁ ଦେଖିବାକୁ ମିଳୁଛି। ଖଣ୍ଡିଗିରି ଏବଂ ଉଦୟଗିରି ଶତାଧିକ ମାଙ୍କଡ଼ଙ୍କ ରହଣିସ୍ଥଳ ହୋଇଥିବା ବେଳେ ପ୍ରତ୍ୟହ ପର୍ଯ୍ୟଟକ ଦେଉଥିବା ଖାଦ୍ୟ ଖାଇ ସେମାନେ ବଞ୍ଚତ୍ଥାନ୍ତି। ହେଲେ ଲକ୍‌ଡାଉନ୍‌ ପରେ ଖାଁ ଖାଁ ପଡ଼ିଥିବା ଖଣ୍ଡିଗିରି-ଉଦୟଗିରିରେ ଏବେ ମାଙ୍କଡ଼ମାନଙ୍କ କରୁଣ ଅବସ୍ଥା ଦେଖିବାକୁ ମିଳୁଛି। ଏଭଳି ସମୟରେ ମାଙ୍କଡ଼ମାନଙ୍କୁ ଖାଦ୍ୟ ଯୋଗାଇଦେବାକୁ ଆଗେଇ ଆସିଛି ଭୁବନେଶ୍ୱରର ‘ପିପୁଲ୍‌ସ ଫର୍‌ ଆନିମଲ୍‌ସ’ (ପିଏଫ୍‌ଏ) ସଂଗଠନ। ପିଏଫ୍‌ଏ ପକ୍ଷରୁ ମଙ୍ଗଳବାର ପାହାଡ଼ରେ ଥିବା ମାଙ୍କଡ଼ଙ୍କୁ ସେଓ, କଦଳୀ, ତରଭୁଜ ଭଳି ବିଭିନ୍ନ ଫଳ ବଣ୍ଟା ଯାଇଥିବାବେଳେ ଅନ୍ୟ ଜୀବଜନ୍ତୁଙ୍କୁ ମଧ୍ୟ ଖାଦ୍ୟ ଦିଆଯାଇଛି। ସେହିଭଳି ‘କଳିଙ୍ଗ ଯୁବ ସେନା’ ପକ୍ଷରୁ ଲଗାତର ଦ୍ୱିତୀୟ ଦିନ ପାଇଁ ଶୈଳଶ୍ରୀ ବିହାର, ଡମଣା, ଇନ୍‌ଫୋସିଟି ଛକ, ପଟିଆ, ଶିଶୁ ବିହାର, କାନନ ବିହାର ଅଞ୍ଚଳର ସମସ୍ତ ଗାଈ, ବାଛୁରୀ, ଷଣ୍ଢ, କୁକୁରମାନଙ୍କୁ ଖାଇବାକୁ ଦିଆଯାଇଛି। ସମ୍ପାଦକ ମନୋରଞ୍ଜନ ଜେନାଙ୍କ ନେତୃତ୍ୱରେ ଏହି ଯୁବ ସଂଗଠନ ଲକ୍‌ଡାଉନ୍‌ ଜାରି ରହିବା ପର୍ଯ୍ୟନ୍ତ ବୁଲା ଜୀବଜନ୍ତୁଙ୍କୁ ଖାଦ୍ୟ ଯୋଗାଇଦେବ ବୋଲି କହିଛି। ଏହାବ୍ୟତୀତ ‘ସ୍ପିକ୍‌ ଫର୍‌ ଆନିମଲ୍‌ସ’ର ଯୁବ ସ୍ବେଚ୍ଛାସେବୀମାନେ ରାତିରେ ଏବଂ ଦିନରେ ସହରର ବିଭିନ୍ନ ସ୍ଥାନ ବୁଲି ବୁଲା କୁକୁରମାନଙ୍କୁ ଖାଦ୍ୟ ଖୁଆଉଥିବା ଦେଖିବାକୁ ମିଳିଛି। ରାଜ୍ୟର ସମସ୍ତ ଗାଈଗୋରୁ ଓ ବୁଲା କୁକୁରଙ୍କ ପାଇଁ ସରକାର ଯୁଦ୍ଧକାଳୀନ ଭିତ୍ତିରେ ଖାଦ୍ୟ ଯୋଗାଇଦେବାକୁ ଭାରତୀୟ ବିକାଶ ପରିଷଦ ଦାବି କରିଥିବାବେଳେ ଲକ୍‌ଡାଉନ୍‌ ସମୟରେ ଖାଇବାକୁ ପାଉ ନଥିବା ଜୀବମାନଙ୍କୁ ଦୟା କରିବା ସହ ପ୍ରତିଦିନ ବ୍ୟକ୍ତିଗତ ଉଦ୍ୟମରେ କିଛି ଖାଦ୍ୟ ଦେବାକୁ ଭୁବନେଶ୍ୱର ମହାନଗର ନିଗମ(ବିଏମ୍‌ସି) ରାଜଧାନୀବାସୀଙ୍କୁ ନିବେଦନ କରିଛି।


All Right Reserved By Dharitri.Com

ଫନୀ କ୍ଷତିଗ୍ରସ୍ତ ସ୍କୁଲ ସ୍ଥିତିର ସମୀକ୍ଷା ପ୍ରତି ବ୍ଲକରେ ହେବ ମଡେଲ ହାଇସ୍କୁଲ

ପୁରୀ ଅଫିସ, ୮ା୧୨: ବାତ୍ୟା ଫନୀରେ ପୁରୀ ଜିଲାରେ ବହୁ ସ୍କୁଲ କ୍ଷତିଗ୍ରସ୍ତ ହୋଇଥିଲା। ସେହି ସ୍କୁଲଗୁଡ଼ିକର ବର୍ତ୍ତମାନ ସ୍ଥିତି ଏବଂ କ’ଣ ଆବଶ୍ୟକତା ରହିଛି...

ପୋଲିସର ବିଫଳତା ବିରୋଧରେ ଅଭିନବ ପ୍ରତିବାଦ: ଜୋତା ପଲିସ କଲେ ପୂର୍ବତନ ଭିଜିଲାନ୍ସ ଏସ୍‌ପି

ବାଲେଶ୍ୱର ଅଫିସ, ୨୧।୧୦-ବାଲେଶ୍ୱର ସହରରେ ଦିନକୁ ଦିନ ବଢ଼ି ଚାଲିଛି ଲୁଟେରାଙ୍କ ରାଜ୍‌। ଦୁର୍ବୃତ୍ତମାନେ ବନ୍ଧୁକ ଓ ମାରଣାସ୍ତ୍ର ଦେଖାଇ ଲୁଟ୍‌ତରାଜ ଚଳାଇଛନ୍ତି। ପୋଲିସ ଏହାକୁ...

ଜାମିନ ସର୍ତ୍ତରେ କୋହଳ ଲାଗି ହାଇକୋର୍ଟରେ ସାରଥିଙ୍କ ଆବେଦନ

କଟକ ଅଫିସ, ୩୧ା୮: ପ୍ରାୟ ୪ ବର୍ଷ ଜେଲ୍‌ରେ ରହିବା ପରେ ସାରଥି ବାବା ଓରଫ ସନ୍ତୋଷ ରାଉଳ ଗତ ଜୁଲାଇ ୨୫ରେ ଜାମିନରେ ମୁକୁଳିଥିଲେ।...

ମା’ଙ୍କୁ ମୁଖାଗ୍ନି ଦେଇ ପୁଣି ଜେଲ ଗଲେ ପୁଞ୍ଜିଲାଲ

ବଲାଙ୍ଗୀର ଅଫିସ,୧୨।୧: ବହୁଚର୍ଚ୍ଚିତ ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲାର ଅଭିଯୁକ୍ତ ପୁଞ୍ଜିଲାଲ ମେହେର ରବିବାର ପାଟଣାଗଡ଼ଠାରେ ମା’ଙ୍କ ଅନ୍ତିମ ସଂସ୍କାରରେ ଯୋଗ ଦେଇ ପୁଣି...

ମିଳିଲାନି ମହାପ୍ରୟାଣ ଗାଡ଼ି, ଖଟିଆରେ ବୁହା ହେଲା ମୃତଦେହ: ତଳିଆ କର୍ମଚାରୀ ସସ୍‌ପେଣ୍ଡ; ଇନ୍‌ଚାର୍ଜ, କାର୍ଯ୍ୟରତ ଡାକ୍ତରଙ୍କୁ କାରଣ ଦର୍ଶାଅ ନୋଟିସ୍‌

ଦାରିଙ୍ଗବାଡ଼ି,୨୯।୬(ଡି.ଏନ୍‌.ଏ.)- ମିଳିଲାନି ମହାପ୍ରୟାଣ ଗାଡ଼ି। ଖଟିଆରେ ବୁହାହେଲେ ରୋଗୀଙ୍କ ମୃତଦେହ। ଏଭଳି ଏକ ଘଟଣା ଦେଖିବାକୁ ମିଳିଛି କନ୍ଧମାଳ ଜିଲା ଦାରିଙ୍ଗବାଡ଼ି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ। ଏଠାରେ...

୯୦ ଡାଲା ଅଟୋରେ ବିକ୍ରି ହେଲା ପରିବା

ଭୁବନେଶ୍ୱର,୨୯ା୩(ବ୍ୟୁରୋ): ୨୧ଦିନର ଲକ୍‌ଡାଉନ୍‌କୁ ଲକ୍ଷ୍ୟ କରି ଭୁବନେଶ୍ୱର ମହାନଗର ନିଗମ (ବିଏମ୍‌ସି) ତା’ର ୩ଟି ଜୋନରେ ୩୦ଟି ଲେଖାଏ ୯୦ଟି ଡାଲା ଅଟୋରେ ପରିବା ବିକ୍ରି...

ବକେୟା ଦରମା, ମହଙ୍ଗା ଭତ୍ତାକୁ ନେଇ ଅସନ୍ତୋଷ: ଆଜି ଆଲୋଚନା କରିପାରନ୍ତି ସରକାର

ଭୁବନେଶ୍ୱର,୧୭ା୨(ବ୍ୟୁରୋ): କେନ୍ଦ୍ର ସରକାର ୧୬ ଜାନୁୟାରୀରୁ ସରକାରୀ କର୍ମଚାରୀଙ୍କ ପାଇଁ ୭ମ ବେତନ କମିଶନ ଲାଗୁ କରିସାରିଛନ୍ତି। ପରେ ଓଡ଼ିଶା ସରକାର ସେପ୍ଟେମ୍ବର ୨୦୧୭ରେ ଏହା...

ବିଦ୍ୟୁତ ସଂସ୍ପର୍ଶରେ ଆସି ଲାଇନମ୍ୟାନ ଆହତ

ଭଦ୍ରକ ଅଫିସ,୨୬।୧୦: ଭଦ୍ରକ ଚରମ୍ପାରେ ଶନିବାର ସକାଳେ ଜଣେ ଠିକା କର୍ମଚାରୀ ବିଦ୍ୟୁତ ସଂସ୍ପର୍ଶରେ ଆସି ଆହତ ହୋଇଥିବା ଜଣାପଡ଼ିଛି। ଚରମ୍ପା ନିକଟରେ ଥିବା ଏକ...

Leave a comment

Your email address will not be published. Required fields are marked *