ସଂକ୍ରମଣ ରୋକିବ ଲକ୍‌ଡାଉନ୍‌

ଭୁବନେଶ୍ୱର,୨୩।୩(ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ବାନକ୍ରମେ ରବିବାର ସମଗ୍ର ଦେଶରେ ଜନତା କର୍ଫ୍ୟୁ ଉତ୍ସାହର ସହ ପାଳନ ହୋଇଛି। ଲୋକେ ସ୍ବତଃସ୍ଫୁର୍ତ୍ତ ଭାବେ କରୋନା ସଂକ୍ରମଣର ମୁକାବିଲା କରିବାକୁ ୧୪ ଘଣ୍ଟା ଘରେ ରହି କର୍ଫ୍ୟୁକୁ ସମର୍ଥନ କରିଥିଲେ। କୋଭିଡ୍‌-୧୯ ବା କରୋନା ଭୂତାଣୁର ଜୀବନକାଳ ୧୨ ଘଣ୍ଟା ହୋଇଥିବାରୁ ୧୪ ଘଣ୍ଟା ଘରେ ରହିଲେ ଭୂତାଣୁ ସଂକ୍ରମଣରେ ରୋକ ଲାଗିବ ବୋଲି ଅନେକ ସୋସିଆଲ ମିଡ଼ିଆରେ ଶେୟାର କରିଥିଲେ। ସେହିଭଳି ଘଣ୍ଟ ବାଡ଼େଇ କମ୍ପନ ସୃଷ୍ଟି କରିବା ଦ୍ୱାରା ଭୂତାଣୁଗୁଡ଼ିକ ଆପେ ଆପେ ମରିଯିବା କଥା ମଧ୍ୟ ସୋସିଆଲ ମିଡ଼ିଆରେ ଭାଇରାଲ ହୋଇଥିଲା। ତେବେ ବିଶେଷଜ୍ଞମାନେ ଏହାକୁ ଖଣ୍ଡନ କରିବା ସହ ଗୋଟିଏ ଚଟାଣରେ ଥିବା ଭୂତାଣୁ ୨ ରୁ ୩ଦିନ ପର୍ଯ୍ୟନ୍ତ ବଞ୍ଚତ୍ ରହିପାରିବ ବୋଲି କହିବା ସହ ଜଣେ ସଂକ୍ରମିତ ବ୍ୟକ୍ତି ୨ ସପ୍ତାହ ପର୍ଯ୍ୟନ୍ତ ଅନ୍ୟକୁ ସଂକ୍ରମିିତ କରିପାରେ ବୋଲି ମତ ଦେଇଛନ୍ତି। ଏଭଳିସ୍ଥଳେ ସୋସିଆଲ ଲକ୍‌ଡାଉନ୍‌ ଏହି ଭୂତାଣୁକୁ ରୋକିବାକୁ ଏକ ଭଲ ମାଧ୍ୟମ ବୋଲି କୁହାଯାଇଛି। ନୂଆ ସଂକ୍ରମଣ ରୋକିବାକୁ ସୋସିଆଲ ଲକ୍‌ଡାଉନ୍‌ ପାଇଁ ଡାକ୍ତର ଏବଂ ବିଶେଷଜ୍ଞମାନେ ପରାମର୍ଶ ଦେଇଥିବାବେଳେ ଓଡ଼ିଶାର ୫ ଜିଲା ଏବଂ ୮ ସହରକୁ ଲକ୍‌ଡାଉନ୍‌ କରିବାକୁ ସରକାର ନିଷ୍ପତ୍ତି ନେଇଛନ୍ତି। ଏହି ଜିଲାଗୁଡ଼ିକରେ ଅଧିକାଂଶ ବିଦେଶ ଫେରନ୍ତା ରହିଥିବାରୁ ଏକ ସପ୍ତାହ ଲାଗି ବନ୍ଦ ରଖିବାକୁ ନିଷ୍ପତ୍ତି ନିଆଯାଇଛି। ଲକ୍‌ଡାଉନ୍‌ ଦ୍ୱାରା ସମସ୍ତ ସ୍ଥାନରେ ସଂକ୍ରମଣ ବ୍ୟାପିବାକୁ କେତେକାଂଶରେ ରୋକାଯାଇପାରେ। ଅତ୍ୟାବଶ୍ୟକ ସାମଗ୍ରୀର ଆବଶ୍ୟକ ନଥିଲେ ଘରୁ ନ ବାହାରିବାକୁ ରାଜ୍ୟ ସରକାର ପରାମର୍ଶ ଦେଇଛନ୍ତି।
ସେହିପରି କେନ୍ଦ୍ର ରେଳ ମନ୍ତ୍ରଣାଳୟ ପକ୍ଷରୁ ମାର୍ଚ୍ଚ ୩୧ ପର୍ଯ୍ୟନ୍ତ ସମସ୍ତ ପାସେଞ୍ଜର ଟ୍ରେନ୍‌କୁ ବାତିଲ କରାଯାଇଥିବା ବେଳେ ରାଜ୍ୟ ସରକାର ଅନିର୍ଦ୍ଦିଷ୍ଟ କାଳ ପାଇଁ ଆନ୍ତଃରାଜ୍ୟ ବସ୍‌ସେବା ବନ୍ଦ କରିଛନ୍ତି।
ପଡ଼ିପାରେ ଓଲଟା ପ୍ରଭାବ
ପୂର୍ବରୁ ଜନଗହଳିପୂର୍ଣ୍ଣ ସ୍ଥାନରେ ଥିବା ହାଟ ବଜାରକୁ ସନ୍ଧ୍ୟା ୬ଟା ପରେ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଥିଲା। ଏହାକୁ ଅନେକ ପାଳନ କରିଥିବାବେଳେ ରାସ୍ତାକଡ଼ ଦୋକାନ ବଜାର ଖୋଲା ରହିଥିଲା। ଏପରିକି ଗଳିକନ୍ଦିରେ ଥିବା ଦୋକାନ ମଧ୍ୟ ଖୋଲା ରହିଥିଲା। ସେଠାରେ କିଣାକିଣି ପାଇଁ ଲୋକେ ଭିଡ଼ ଜମାଇଥିଲେ। ଫଳରେ କରୋନା ସଂକ୍ରମଣ ଭୟ ସୃଷ୍ଟି ହୋଇଥିଲା। ଶନିବାର ଏଭଳି ପରିସ୍ଥିତି ହୋଇଥିଲା ଯେ, ଗ୍ରସେରି ଓ ପନିପରିବା ଭଳି ଜରୁରୀ ସାମଗ୍ରୀ ନ ପାଇ ଲୋକେ ଘରକୁ ଫେରିଥିଲେ। ଏଭଳି ପରିସ୍ଥିତି ଜାରି ରହିଲେ ୫ ଜିଲା ଏବଂ ୮ ସହରରେ ହେବାକୁ ଥିବା ଲକ୍‌ଡାଉନ୍‌ ନକାରାତ୍ମକ ପ୍ରଭାବ ପକାଇବା ନେଇ ଆଶଙ୍କା ସୃଷ୍ଟି ହୋଇଛି।
ପରିସ୍ଥିତି ଖରାପ ହେବା ପୂର୍ବରୁ ସଚେତନ ଜରୁରୀ
କୋଭିଡ୍‌-୧୯ ପ୍ଲାଷ୍ଟିକ୍‌ ଏବଂ ଷ୍ଟେନ୍‌ଲେସ୍‌ ଷ୍ଟିଲ୍‌ ସର୍‌ଫେସ୍‌ରେ ସର୍ବାଧିକ ୨ରୁ ୩ଦିନ ପର୍ଯ୍ୟନ୍ତ ରହିପାରେ। କପର୍‌ ସର୍‌ଫେସ୍‌ରେ ସବୁଠାରୁ କମ୍‌ ସମୟ ପର୍ଯ୍ୟନ୍ତ ବଞ୍ଚେ। ହେଲେ ଏହାପରେ ମଧ୍ୟ ତାପମାତ୍ରା ଓ ଆର୍ଦ୍ରତାର ପ୍ରଭାବ ରହିଛି। ଲକ୍‌ଡାଉନ୍‌ ଏକମାତ୍ର ବାଟ, ଯାହାଦ୍ୱାରା ଆମେ ସାମାଜିକ ଦୂରତା ରକ୍ଷା କରିପାରିବା। ଏହାର ଉପଯୁକ୍ତ ଚିକିତ୍ସା ଏପର୍ଯ୍ୟନ୍ତ ଆସି ନ ଥିବାରୁ ଟ୍ରାନ୍ସମିଶନ ରେଟ୍‌କୁ କମ୍‌ କଲେ ହିଁ ସଂକ୍ରମଣ ରୋକାଯାଇପାରିବ। ହଠାତ୍‌ ହେଲ୍‌ଥକେୟାର ସେକ୍ଟର ଉପରେ ଏକ ବୋଝ ପଡ଼ିବନି ଏବଂ ପ୍ରତ୍ୟେକ ରୋଗୀର ଚିକିତ୍ସା କରାଯାଇପାରିବ। ଓଡ଼ିଶାରେ ୩ ହଜାରରୁ ଅଧିକ ଲୋକ ଦେଶ ବାହାରୁ ଫେରିଛନ୍ତି। ସମସ୍ତଙ୍କର ପରୀକ୍ଷା ହୋଇନି। ଏହାଛଡ଼ା ଅଜଣା ପଜିଟିଭ୍‌ ମଧ୍ୟ ଥାଇପାରନ୍ତି, ଯାହାଙ୍କଠାରେ ରୋଗ ରହିଛି କିନ୍ତୁ ଲକ୍ଷଣ ଆସିନି। ଏହି ଲକ୍‌ଡାଉନ୍‌ ଦ୍ୱାରା ସେମାନଙ୍କଠାରୁ ସଂକ୍ରମଣକୁ ରୋକାଯାଇପାରିବ। ଓଡ଼ିଶା ପ୍ରାରମ୍ଭିକ ଷ୍ଟେଜ୍‌ରେ ଏହି ପଦକ୍ଷେପ ନେବା ସ୍ବାଗତଯୋଗ୍ୟ। ପରିସ୍ଥିତି ଖରାପ ହେବା ପୂର୍ବରୁ ଲୋକେ ଏହାକୁ ମାନିବା ଆବଶ୍ୟକ।
– ଡ. ସୁଦୀପ୍ତ ରଞ୍ଜନ ସିଂ, ଆସୋସିଏଟ୍‌ ପ୍ରଫେସର, ଏଫ୍‌ଏମ୍‌ଟି ବିଭାଗ, ଏମ୍‌ସ ଭୁବନେଶ୍ୱର


All Right Reserved By Dharitri.Com

‘ଏନ୍‌ଆର୍‌ସି ନୁହେଁ ଏନ୍‌ଆର୍‌ୟୁ ଆବଶ୍ୟକ’

ପୁରୀ ଅଫିସ, ୩୦ା୧: ଦେଶର ଭବିଷ୍ୟତ କୁହାଯାଉଥିବା ଯୁବଶକ୍ତିି ଆଜି ଦିଶାହୀନ ହୋଇ ବୁଲୁଛନ୍ତି। ଦେଶରେ ଶିକ୍ଷିତ ବେକାରୀଙ୍କ ସଂଖ୍ୟା ବଢି ଚାଲିଛି। ଗତ ୪୫ବର୍ଷ...

କରୋନା ଯୁଦ୍ଧର ନାୟିକା ରମା : କର୍କଟ ଆକ୍ରାନ୍ତ ଅଙ୍ଗନୱାଡି କର୍ମୀଙ୍କୁ ପ୍ରଶଂସା

ହିଞ୍ଜିଳିକାଟୁ,୧୪ା୪(ଡି.ଏନ୍‌.ଏ): ରାଜ୍ୟରେ କରୋନା ସ୍ଥିତିକୁ ନେଇ କରୋନା ଭୂତାଣୁ ସଚେତନତା କମିଟି ମୁଖ୍ୟ ପ୍ରବକ୍ତା ସୁବ୍ରତୋ ବାଗ୍‌ଚୀ ସୋମବାର ଗଞ୍ଜାମ ଜିଲା ହିଞ୍ଜିଳିକାଟୁ ବ୍ଲକ ଖଣ୍ଡରା...

ଖୋଲୁଛି ଏସ୍‌ଓଜି ଟ୍ରେନିଂ ସେଣ୍ଟର ଗୁମର: ଖାଇବାକୁ ଦେଲେନି, ବିଶ୍ୱଜିତ ଅସୁସ୍ଥ

ଭୁବନେଶ୍ୱର, ୧୬(ବ୍ୟୁରୋ) ଚନ୍ଦକାସ୍ଥିତ ଏସ୍‌ଓଜି ଟ୍ରେନିଂ ସେଣ୍ଟରରେ ଟ୍ରେନିଂ ନେଉଥିବା ପୋଲିସ ଅଫିସରଙ୍କୁ ଅକଥନୀୟ ନିର୍ଯାତନା ଦିଆଯାଉଛି। ଏ ସଂକ୍ରାନ୍ତରେ କମାଣ୍ଡାଣ୍ଟ୍‌ଙ୍କ ବିରୋଧରେ ଚନ୍ଦକା ଥାନାରେ...

ରାଜ୍ୟ ସରକାରଙ୍କ ହାତୀ ସୁରକ୍ଷା ଚିନ୍ତା: ହେବ ଅଭୟାରଣ୍ୟ, ବେକରେ ଲାଗିବ ରେଡିଓ କଲାର

ଭୁବନେଶ୍ୱର,୧୨।୧୨(ବ୍ୟୁରୋ): ବିଗତ ଦିନରେ ବିଦ୍ୟୁତ୍‌ ସଂସ୍ପର୍ଶରେ ହେଉ ଅଥବା ଟ୍ରେନ୍‌ ଧକ୍କାରେ ହାତୀଙ୍କ ଅକାଳ ମୃତ୍ୟୁକୁ ନେଇ ରା୍ୟ ସରକାର ଚିନ୍ତା ପ୍ରକଟ କରିଛନ୍ତି। ସରକାର...

ମହାପ୍ରଭୁ ଶ୍ରୀଜଗନ୍ନାଥଙ୍କ ସୈରାତ ନିଲାମ: ଚୋରି ପାଇଁ ପ୍ରଶ୍ରୟ ଦେଲା ପ୍ରଶାସନ

ଖୋର୍ଦ୍ଧା ଅଫିସ,୨୮।୭: ମହାପ୍ରଭୁ ଶ୍ରୀଜଗନ୍ନାଥଙ୍କର ସୈରାତକୁ ନିଲାମରେ ନେଇ ଲୁଟ୍‌ ପାଇଁ ପ୍ରତିଯୋଗିତା ଚାଲିଛି। ସୈରାତ ନିଲାମ କରି କୋଟି କୋଟି ଟଙ୍କାର ରାଜସ୍ବ ହଡପ...

‘କାଳିଆ’ କେବଳ ସରକାରୀ ଟଙ୍କାରେ ନିର୍ବାଚନ ଲଢ଼ିବାର ଚଞ୍ଚକତା: ପୃଥ୍ବୀରାଜ

ଭୁବନେଶ୍ୱର,୧୯।୯(ବ୍ୟୁରୋ): ଛିଡ଼ୁନି କାଳିଆ କେଁ। ‘କାଳିଆ ଯୋଜନା’ରେ ଅଯୋଗ୍ୟ ହିତାଧିକାରୀଙ୍କ ସଂଖ୍ୟା ପ୍ରକାଶ ପାଇବା ପରେ ରାଜ୍ୟ ରାଜନୀତି ଜୋର ଧରିଛି। ଗୋଟିଏ ପଟେ ବିଜେଡି...

ସଡ଼କ ସୁରକ୍ଷା ସପ୍ତାହ ଉଦ୍‌ଯାପିତ: ଦୁର୍ଘଟଣାଗ୍ରସ୍ତଙ୍କୁ ସହାୟତା କରିଥିବା ୫ ପୁରସ୍କୃତ

ନୟାଗଡ଼ ଅଫିସ,୧୮।୧: ଗତ ୧୧ ତାରିଖଠାରୁ ଆରମ୍ଭ ହୋଇଥିବା ଜାତୀୟ ସଡ଼କ ସୁରକ୍ଷା ସପ୍ତାହ ଶୁକ୍ରବାର ଉଦ୍‌ଯାପିତ ହୋଇଯାଇଛି। ଉଦ୍‌ଯାପନୀ କାର୍ଯ୍ୟକ୍ରମ ପଠାଣି ସାମନ୍ତ ଅଡ଼ିଟୋରିୟମଠାରେ...

ଜଙ୍ଗଲରେ ଦମ୍ପତିଙ୍କ ଗଳାକାଟି ହତ୍ୟା

ମୋହନା,୧୭ା୩(ଡି.ଏନ୍‌.ଏ.)- ଗଜପତି ଜିଲା ମୋହନା ବ୍ଲକ କରଚବାଡି ଗ୍ରାମ ପଞ୍ଚାୟତ ଅନ୍ତର୍ଗତ ଗୋପଟିମା ଓ କୁଟିଗୁଡା ମଧ୍ୟରେ ଥିବା ଜଙ୍ଗଲରୁ ସୋମବାର ଦମ୍ପତିଙ୍କ ମୃତଦେହ ଉଦ୍ଧାର...

Leave a comment

Your email address will not be published. Required fields are marked *