ପାରାଦୀପରେ କାଳବୈଶାଖୀ ତାଣ୍ଡବ: ବୁଡ଼ିଲା ୧୫ ମାଛଧରା ଡଙ୍ଗା, ୪୦ ଆହତ

ପାରାଦୀପ,୨୧ା୩(ସ୍ବ.ପ୍ର.): ପାରାଦୀପ ଆଖପାଖ ଅଞ୍ଚଳରେ ଗୁରୁବାର ରାତିରେ କାଳବୈଶାଖୀ ତାଣ୍ଡବ ରଚିଥିଲା। ଏଥିଯୋଗୁ ବ୍ୟାପକ କ୍ଷୟକ୍ଷତି ହୋଇଛି। ମହାନଦୀର ଚଉମୁହାଣିଠାରୁ ମାଛ ଧରିବାକୁ ଯାଇଥିବା ଏକାଧିକ ହୁଲି ଡଙ୍ଗା ମଧ୍ୟରୁ ୧୫ରୁ ଊର୍ଦ୍ଧ୍ୱ ଡଙ୍ଗା ବର୍ଷା ପବନରେ ବୁଡ଼ିଯାଇଥିଲା। ସେଥିରେ ଥିବା ୫୦ରୁ ଊର୍ଦ୍ଧ୍ୱ ମତ୍ସ୍ୟଜୀବୀଙ୍କୁ ରାତିରେ ଉଦ୍ଧାର କରାଯାଇଥିଲା। ସେମାନଙ୍କ ମଧ୍ୟରୁ ୪୦ଜଣରୁ ଊର୍ଦ୍ଧ୍ୱ ଆହତ ହୋଇଥିଲେ। ଦୁଇ ଜଣଙ୍କ ସମ୍ପର୍କରେ କୌଣସି ସୂଚନା ମିଳୁ ନ ଥିବାରୁ ସେମାନେ ନିଖୋଜ ଥିବା ଚର୍ଚ୍ଚା ଚାଲିଛି। ଏତଦ୍‌ବ୍ୟତୀତ ୮ଟି ଡଙ୍ଗା ଭାଙ୍ଗିଯାଇଛି। ଅନ୍ୟ ସମସ୍ତ ଡଙ୍ଗାରେ ଥିବା ଜାଲ ଓ ସାରଞ୍ଜମ ନଦୀରେ ଭାସିଯାଇଛି। ଗୁରୁବାର ରାତି ୯ଟାରେ ଜୁଆର ଥିବାରୁ ମତ୍ସ୍ୟଜୀବୀମାନେ ସନ୍ଧ୍ୟାରେ ଡଙ୍ଗା ନେଇ ମହାନଦୀରେ ଜାଲ ପକାଇଥିଲେ। ପ୍ରାୟ ୮ଟା୫ରେ ହଠାତ୍‌ ଧୂଳିଝଡ଼ ଓ ବର୍ଷା ପବନ ହେବାରୁ ଡଙ୍ଗା ଓଲଟି ପଡ଼ିଥିଲା ବୋଲି ଉଦ୍ଧାର ମତ୍ସ୍ୟଜୀବୀ ସୁରେଶ ତରାଇ କହିଛନ୍ତି। ସେ ଦୁଇ ଡଙ୍ଗାକୁ ଧରି ପାଣିରେ ଭାସିଥିଲେ। ତାଙ୍କ ପାଖରେ ଥିବା ଟର୍ଚ୍ଚ ଓ ଲଣ୍ଠନ ବୁଡ଼ି ଯାଇଥିଲା। ବିଳମ୍ବିତ ରାତିରେ ଉଦ୍ଧାରକାରୀ ଆସି ଆମକୁ ଉଦ୍ଧାର କରିଥିଲେ ବୋଲି ସେ ପ୍ରକାଶ କରିଛନ୍ତି। ସର୍ବେଶ୍ୱର ସାମଲ, ଉଲ୍ଲାସ ବେହେରା, ଘୁଙ୍ଗା ତରେଇ, ସୁଶାନ୍ତ ସାମଲ, ପ୍ରମୋଦ ସାମଲ, ପ୍ରଶାନ୍ତ ତରେଇ, କ୍ଷୀର ତରେଇ, ପ୍ରମୋଦ ପାଣି ପ୍ରମୁଖଙ୍କ ଡଙ୍ଗା ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ବିଶ୍ୱାଳୀ ପିପ୍ପଳ, କାଳିଆପାଟ, ଗଣ୍ଡିକିପୁର ଗ୍ରାମର ଏହି ମତ୍ସ୍ୟଜୀବୀ ବୋଲି ଜଣାଯାଇଛି। ଡଙ୍ଗାବୁଡି ସମ୍ପର୍କରେ ସହକାରୀ ମତ୍ସ୍ୟ ନିର୍ଦ୍ଦେଶକ ମାନସ ରଞ୍ଜନ ସାହୁଙ୍କୁ ପଚାରିବାରେ ସେ କୁହନ୍ତି, କାଳବୈଶାଖୀ ସମ୍ପର୍କରେ କୌଣସି ପୂର୍ବାନୁମାନ ନ ଥିବାରୁ ଆମ୍ଭେ ସତର୍କ କରି ନ ଥିଲୁ। ଡଙ୍ଗା ସମ୍ପର୍କରେ ଶୁକ୍ରବାର ଯାଞ୍ଚ କରାଯାଇଛି। ମତ୍ସ୍ୟଜୀବୀମାନେ ମଧ୍ୟ ନିଜ ଆଡ଼ୁ ଆବେଦନ କରିଛନ୍ତି। ସେମାନଙ୍କ କ୍ଷତିପୂରଣ ସମ୍ପର୍କରେ ବିଭାଗକୁ ଅବଗତ କରାଯିବ। ନିଖୋଜ ବୃଦ୍ଧ ଦମ୍ପତିଙ୍କ ପରିଚୟ ମିଳିନାହିଁ। ସେମାନେ ଗଣ୍ଡିକିପୁର ବଢ଼ିଆର ବସିନ୍ଦା ବୋଲି ଜଣାଯାଇଛି। କେହି ଉଦ୍ଧାର ହୋଇଛନ୍ତି କହୁଥିବାବେଳେ ଆଉ କେତେକ ନିଖୋଜ ବୋଲି କହୁଛନ୍ତି।
ଦେବଦୂଦ ସାଜିଲେ ରମେଶ, ସୂର୍ଯ୍ୟକାନ୍ତ ଓ ତପନ
କାଳବୈଶାଖୀ ଝଡ଼ ତୋଫାନ କମିବା ପରେ ଦେବଦୂତ ସାଜି ରାମଚଣ୍ଡି ବୋଟ୍‌ ମାଲିକ ରମେଶ ଚନ୍ଦ୍ର ସେଠୀ, ତାଙ୍କ ନିକଟରେ ଥିବା ସୂର୍ଯ୍ୟକାନ୍ତ ବେହେରା ଓ ତପନ ବେହେରାଙ୍କୁ ସାଙ୍ଗରେ ନେଇ ମହାନଦୀରେ ଭାସୁଥିବା ମତ୍ସ୍ୟଜୀବୀଙ୍କୁ ଉଦ୍ଧାର କରିଥିଲେ। ରାତି ୨ଟା ପର୍ଯ୍ୟନ୍ତ ଏହି ୩ଜଣ ୪୦ ଜଣ ମତ୍ସ୍ୟଜୀବୀଙ୍କୁ ଉଦ୍ଧାର କରିଥିଲେ। ଏହି କାର୍ଯ୍ୟ ପାଇଁ ସମସ୍ତଙ୍କୁ ପ୍ରଶଂସା କରାଯାଇଛି। ଉଦ୍ଧାର ମତ୍ସ୍ୟଜୀବୀଙ୍କ ମଧ୍ୟରୁ ଅନେକ ଖଣ୍ଡିଆ ଖାବେରା ହୋଇଛନ୍ତି। ତାଙ୍କୁ ପାରାଦୀପ ଓ କୁଜଙ୍ଗ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସା କରାଯାଉଛି।


All Right Reserved By Dharitri.Com

ଡାଟୁମ୍‌ ଜମାକାରୀଙ୍କୁ ଟଙ୍କା ଫେରସ୍ତ ନିର୍ଦ୍ଦେଶ

ବ୍ରହ୍ମପୁର ଅଫିସ,୫ା୧୧-ଗଞ୍ଜାମ ଜିଲା ଉପଭୋକ୍ତା ବିକାଶ ସମାଧାନ ମଞ୍ଚ ପକ୍ଷରୁ ୬ ଜଣ ଜମାକାରୀଙ୍କୁ ତାଙ୍କ ଟଙ୍କା ଫେରସ୍ତ ପାଇଁ ଡାଟୁମ ଚିଟ୍‌ଫଣ୍ଡ ସଂସ୍ଥାକୁ ନିର୍ଦ୍ଦେଶ...

ରାଜ୍ୟସ୍ତରୀୟ ଆଦିବାସୀ ମେଳାରେ ମୁନିବର ସମ୍ବର୍ଦ୍ଧିତ

ଚମ୍ପୁଆ,୨୭।୧(ଡି.ଏନ.ଏ)-କଣ୍ଢେଇ ନାଚର ପ୍ରତିଭା ପାଇଁ ଚମ୍ପୁଆ ବ୍ଲକ ଅଧୀନ ରଙ୍ଗାମାଟିଆ ପଞ୍ଚାୟତ ଟିଆଁସପଶି ଗ୍ରାମର ମୁନିବର ସିଂ ସମ୍ବର୍ଦ୍ଧିତ ହୋଇଛନ୍ତି। ଭୁବନେଶ୍ୱରଠାରେ ଆୟୋଜିତ ରାଜ୍ୟସ୍ତରୀୟ ଆଦିବାସୀ...

କାଡ଼ାନାଳ ଅବରୋଧ ପ୍ରତିବାଦ: କଟକ-ପାରାଦୀପ ରାସ୍ତାରୋକୋ

କଟକ ସଦର,୨୬।୮(ଡି.ଏନ୍‌.ଏ.): କିଶନନଗର ତହସିଲ ଅନ୍ତର୍ଗତ ବାରାହପାଟ କାଡ଼ାନାଳକୁ ଅବରୋଧମୁକ୍ତ କରିବା ଦାବିରେ ସୋମବାରଠାରୁ ଚାଷୀମାନେ କଟକ-ପାରାଦୀପ ରାସ୍ତା ଅବରୋଧ କରିଛନ୍ତି। ଏହି ନାଳକୁ ସଫା...

ଯୁକ୍ତ ୨ ପରୀକ୍ଷା ବାତିଲ

ଭୁବନେଶ୍ୱର,୨୦ା୩(ବ୍ୟୁରୋ): କରୋନା ସଂକ୍ରମଣକୁ ଦୃଷ୍ଟିରେ ରଖି ରାଜ୍ୟ ସରକାର ସମସ୍ତ ପରୀକ୍ଷାକୁ ଅନିର୍ଦ୍ଦିଷ୍ଟ କାଳ ପାଇଁ ସ୍ଥଗିତ ରଖିଛନ୍ତି। ଆସନ୍ତା ୨୩ ତାରିଖରୁ ଯୁକ୍ତ ୨...

ଓଡ଼ିଶା ହେଉଛି କଳା, କାରୁକାର୍ଯ୍ୟର ମାଟି: ରାଜ୍ୟପାଳ

ଭୁବନେଶ୍ୱର,୨୨।୯ (ବ୍ୟୁରୋ): ବିକାଶର ନଭଶ୍ଚୁମ୍ବୀ ସୋପାନରେ ଆଜିବି କବି ଓ ସାହିତି୍ୟକଙ୍କ ଲେଖାର ମର୍ଯ୍ୟାଦା ରହିଛି। ବିଭିନ୍ନ ସମୟରେ ସେହି ଲେଖାଗୁଡିକ ବୈଜ୍ଞାନିକ ଅଭିସନ୍ଧିର ମୂଳକାରଣ।...

ମେଡିକାଲ କଲେଜ ପ୍ରତିଷ୍ଠା ଦାବିରେ ବାଇକ୍‌ ରାଲି

ଭଦ୍ରକ ଅଫିସ, ୩୦।୧୧: ଭଦ୍ରକରେ ସରକାରୀ ମେଡିକାଲ କଲେଜ ପ୍ରତିଷ୍ଠା ପାଇଁ ବିଭିନ୍ନ ମହଲରୁ ଦାବି ଏବେ ଜୋର ଧରିଛି। ଜିଲାରେ ସମସ୍ତ ପ୍ରକାର ଭିତ୍ତିଭୂମି...

ସୂଚନା ଅଧିକାର କର୍ମୀ ଅଭିମନ୍ୟୁ ହତ୍ୟା ଘଟଣା: ହତ୍ୟାକାରୀଙ୍କ ନିକଟତର ପୋଲିସ

ଫୁଲବାଣୀ ଅଫିସ, ୨୭ା୧୨: କନ୍ଧମାଳ ଜିଲା ବାଲିଗୁଡା ଅଞ୍ଚଳର ସୂଚନା ଅଧିକାର କର୍ମୀ ଅଭିମନ୍ୟୁ ପଣ୍ଡାଙ୍କୁ ତାଙ୍କ ଘର ସମ୍ମୁଖରେ ଗୁଳିକରି ହତ୍ୟା କରିବା ଘଟଣାରେ...

ଅଧାପନ୍ତରିଆ ମେହେରୁଣି ପୋଲ: ଆପ୍ରୋଚ୍‌ ବୁଲାଣି ରାସ୍ତା ନେଲାଣି ୨୦ ଜୀବନ

ମନମୁଣ୍ଡା, ୨୫।୭ (ଡି.ଏନ.ଏ) ବହୁ ପୁରାତନ ମେହେରୁଣି ପୋଲ ଦୁର୍ବଳ ହୋଇ ପଡିଥିବାରୁ ମନମୁଣ୍ଡାରେ ଏକ ନୂତନ ପୋଲ ନିର୍ମାଣ କାମ ଆରମ୍ଭ କରାଯାଇଛି ।...

Leave a comment

Your email address will not be published. Required fields are marked *