ସିଲ୍‌ ପରେ ଚିନିକଳର ସୁରକ୍ଷା ନାହିଁ

ନୟାଗଡ଼ ଅଫିସ,୨୧ା୩: ଗତ ୧୨ ତାରିଖରେ ନୟାଗଡ ପାଣିପୋଇଲାସ୍ଥିତ ଚିନିକଳରେ ଥିବା ଉପକରଣର ତଦାରଖ ଓ ଆକଳନ ମାଜିଷ୍ଟ୍ରେଟ ନୟାଗଡ ଉପଜିଲାପାଳ ଲଗ୍ନଜିତ ରାଉତ ଓ ନୟାଗଡ ତହସିଲଦାର ଭିକାରୀ ସାହୁଙ୍କ ଉପସ୍ଥିତିରେ ହୋଇଥିଲା। ଆସ୍କା ଚିନିକଳର ୨ଜଣିଆ ବୈଷୟିକ ଟିମ୍‌ ପ୍ରସ୍ତୁତ କରିଥିଲେ ସମ୍ପତ୍ତି ତାଲିକା। ପରେ ଚିନିକଳକୁ ସିଲ୍‌ କରାଯାଇଥିଲା। ଗୋଟିଏ ଚାବି ବ୍ୟାଙ୍କ ଓ ଅନ୍ୟଟି ଜିଲା ପ୍ରଶାସନ ନିକଟରେ ରହିଥିଲା। ସିଲ୍‌ ହେବାର ୯ଦିନ ପରେ ଚିନିକଳର ସୁରକ୍ଷା ଦାୟିତ୍ୱରେ ଥିବା ୯ଜଣ ସୁରକ୍ଷା କର୍ମଚାରୀଙ୍କୁ ବିଦା କରିଦିଆଯାଇଛି । ତେବେ ସେମାନଙ୍କ ସ୍ଥାନରେ କାହାରିକୁ ନିୟୋଜିତ କରାଯାଇ ନାହିଁ । ସେହିପରି ୯ଦିନ ଡ୍ୟୁଟି କରିଥିବା ସୁରକ୍ଷା କର୍ମଚାରୀଙ୍କୁ ସେମାନଙ୍କ ପ୍ରାପ୍ୟ ଦିଆଯାଇନି । ଫଳରେ ଚିନିକଳର ସୁରକ୍ଷା ଉପରେ ପ୍ରଶ୍ନ ଉଠିଛି ।
ପ୍ରକାଶଥାଉ କି ୧୯୮୮ରେ ପାଣିପୋଇଲାଠାରେ ସ୍ଥାପିତ ହୋଇଥିଲା ଚିନିକଳ। ୨ବର୍ଷ ସମବାୟ ବିଭାଗ ଏହାକୁ ଚାଲୁ କରିଥିଲା। କ୍ଷତି ହେବାରୁ ଚିନିକଳକୁ ୧୯୯୦ରେ ଧରଣୀ ସୁଗାର୍ସ ନେଇଥିଲା । ୧୦ ବର୍ଷ ଚାଲୁ ପରେ ଧରଣୀ ସୁଗାର୍ସ ହଟିଯାଇଥିଲା । ୨୦୦୦ ମସିହାରୁ ୨୦୦୪ ପର୍ଯ୍ୟନ୍ତ ଚିନିକଳ ବନ୍ଦ ଥିଲା । ପରେ ୨୦୦୪ରୁ ନୟାଗଡ ସୁଗାର କମ୍ପ୍ଲେକ୍ସ ଲିମିଟେଡ ଦାୟିତ୍ୱ ନେଇ ୨୦୧୪ ପର୍ଯ୍ୟନ୍ତ ଚଲାଇଥିଲା। ପରେ ୨୦୧୫ରୁ ଚିନିକଳରେ ତାଲା ଝୁଲୁଛି। ଏଭଳିସ୍ଥଳେ ଜିଲା ପ୍ରଶାସନ ଗତ ୧୨ ତାରିଖରେ ଚିନିକଳ ଖୋଲି ସମ୍ପତ୍ତି ଆକଳନ କରି ସିଲ୍‌ କରିଥିଲା। ସିଲ୍‌ ପରେ ବି ସୁରକ୍ଷା ବ୍ୟବସ୍ଥା କରାଗଲା ନାହିଁ। ବରଂ ନୟାଗଡ ସୁଗାର କମ୍ପ୍ଲେକ୍ସ ଲିମିଟେଡ୍‌ରେ ନିୟୋଜିତ ୬ଜଣ ସୁରକ୍ଷା କର୍ମଚାରୀଙ୍କୁ ଥଇଥାନର ପ୍ରତିଶ୍ରୁତି ଦେଇ ପୋଲିସ ସେମାନଙ୍କୁ ଖଟାଇଥିଲା। ହେଲେ ନବମ ଦିବସରେ ପୋଲିସ ସେମାନଙ୍କୁ ଚାଲିଯିବାକୁ ପରାମର୍ଶ ଦେଇଥିଲା। ଏ ନେଇ ନୟାଗଡ ସଦର ଥାନା ଆଇଆଇସି ଅନ୍ନପୂର୍ଣ୍ଣା ବେହେରା କୁହନ୍ତି, ପୋଲିସ ପକ୍ଷରୁ ୨ ଦିନ ପାଇଁ ସୁରକ୍ଷା ବ୍ୟବସ୍ଥା କରାଯିବ। ପରେ ଜିଲା ପ୍ରଶାସନ ପକ୍ଷରୁ ପଦକ୍ଷେପ ନିଆଯିବ ବୋଲି କହିଛନ୍ତି।
ଅଜଣା ଯୁବକଙ୍କ ପଇନ୍ତରା
ଚିନିକିଳରୁ ସୁରକ୍ଷା କର୍ମୀ ହଟିବା ପରେ ୮ରୁ ୧୦ ଜଣ ଅଜଣା ଯୁବକ ରାତି ୯ଟାରେ ପଇଁନ୍ତରା ମାରୁଥିବା ଦେଖାଯାଇଥିଲା। ଏହି ଯୁବକଙ୍କ ହାତରେ ମାରଣାସ୍ତ୍ର ଥିବା ଦେଖିବାକୁ ମିଳିଥିଲା। କେତେଜଣ ଯୁବକ ପଚାରିବାରୁ ସେମାନେ ବନ୍ଧୁକ ଦେଖାଇ ଚାଲି ଯିବାକୁ କହିଥିଲେ। ନଚେତ ପରିସ୍ଥିତି ଭଲ ହେବ ନାହିଁ ବୋଲି ଧମକ ଦେଇଥିଲେ । ଏହା ପରେ ପ୍ରଶ୍ନ ପଚାରିଥିବା ଯୁବକ ଭୟଭୀତ ହୋଇ ପଳାଇ ଯାଇଥିଲେ। ବର୍ତ୍ତମାନ ଅଜଣା ଯୁବକଙ୍କୁ ନେଇ ଅନେକ ପ୍ରଶ୍ନ ଉଠୁଛି। ସେମାନେ ଚୋରି କରିବାକୁ ନା ଗଛ କାଟିବାକୁ ଆସିଥିଲେ। ଚିନିକଳ ଭିତରେ ଓ ଷ୍ଟୋର ରୁମ୍‌ରେ କୋଟି କୋଟି ଟଙ୍କାର ଯନ୍ତ୍ରାଂଶ ରହିଛି। ପୁଣି କାରଖାନା ପରିସର ଜଙ୍ଗଲରେ ଅନେକ ମୂଲ୍ୟବାନ ଶାଗୁଆନ, ଶାଳ ଗଛ ରହିଛି। ୧୯ ଏକର ପରିମିତ ଚିନିକଳ ପରିସରକୁ ଲାଗି ୧୩୩ ଏକର ଜଙ୍ଗଲ ରହିଛି । ଏହି ଜଙ୍ଗଲର ସୁରକ୍ଷା ବି ଆବଶ୍ୟକତା ପଡିଲାଣି।


All Right Reserved By Dharitri.Com

ବାଉରୀ ନାଳରେ ପୋଲ ନିର୍ମାଣ ହେଉନି: ବର୍ଷା ହେଲେ ଯାତାୟାତ ଠପ୍‌

ଛେଣ୍ଡିପଦା,୨୮ା୬(ଡି.ଏନ.ଏ.)- ଅନୁଗୋଳ ଜିଲା ଛେଣ୍ଡିପଦା ବ୍ଲକ ଜରପଡା-ପରା ପଥରପୁଞ୍ଜି ଗ୍ରାମ ରାସ୍ତାର ମଧ୍ୟଭାଗରେ ପ୍ରବାହିତ ବାଉରୀ ନାଳ ଉପରେ ଦୀର୍ଘଦିନର ଦାବି ସତ୍ତ୍ୱେ ସ୍ଥାୟୀ ପୋଲ...

ରାଜ୍ୟକୁ ମଦମୁକ୍ତ ଦାବିରେ ବିକ୍ଷୋଭ: ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର

ବାଲେଶ୍ୱର ଅଫିସ, ୩୧।୧-ବାଲେଶ୍ୱର ଉତ୍କଳ ମହିଳା ସମିତି ପକ୍ଷରୁ ରାଜ୍ୟକୁ ମଦ ମୁକ୍ତ କରିବା ପାଇଁ ଶୁକ୍ରବାର ପୂର୍ବାହ୍ନରେ ମୁଖ୍ୟମନ୍ତ୍ରୀଙ୍କୁ ଏକ ଦାବିପତ୍ର ଅତିରିକ୍ତ ଜିଲାପାଳ...

ପାଣିରୁ ଯୁବକଙ୍କୁ ଉଦ୍ଧାର କରିଥିବା ଆଗ୍ନିକଙ୍କୁ ପ୍ରଶଂସା

ଆଗ୍ନିକ ପ୍ରକାଶ କୁମାର ବଳଙ୍କୁ ସ୍ଥାନୀୟ ଅଞ୍ଚଳବାସୀ ବେଶ୍‌ ପ୍ରଶଂସା କରୁଛନ୍ତି। ପାଲଲହଡ଼ା ଦମକଳ କେନ୍ଦ୍ରର ମୁଖ୍ୟ ଆଗ୍ନିକ ଭାବେ କାର୍ଯ୍ୟରତ ପ୍ରକାଶ ନିଜ ଜୀବନକୁ...

ଲୋକ ସଭାରେ ଉଠିଲା ସ୍ମିତାରାଣୀ ପ୍ରସଙ୍ଗ

ଭୁବନେଶ୍ୱର,୩୦ା୧୧(ବ୍ୟୁରୋ): କଂଗ୍ରେସ ଏମ୍‌ପି ସପ୍ତଗିରି ଉଲାକା ଯାଜପୁର ଜିଲା ପିଇଓ ସ୍ମିତାରାଣୀ ବିଶ୍ୱାଳଙ୍କ ସନ୍ଦେହଜନକ ମୃତ୍ୟୁ ପ୍ରସଙ୍ଗ ଲୋକ ସଭାରେ ଉଠାଇଛନ୍ତି। ଶୁକ୍ରବାର ଶୂନ୍ୟକାଳ ଚାଲିଥିବା...

ଭୂମିହୀନଙ୍କୁ ପଟ୍ଟା ଯୋଜନାରେ ସାମିଲ ଦାବି: ପୌର କାର୍ଯ୍ୟନିର୍ବାହୀ ଅଧିକାରୀଙ୍କୁ ଦାବିପତ୍ର ପ୍ରଦାନ

ଆନନ୍ଦପୁର,୫।୮(ସ୍ବ.ପ୍ର.): କେନ୍ଦୁଝର ଜିଲା ଆନନ୍ଦପୁର ପୌରପରିଷଦ ୧୫ ନଂ. ଓ୍ବାର୍ଡ ମୁରାବାଲି ମୌଜା ମଝିସାହିର ଭୂମିହୀନ ବସ୍ତିବାସନ୍ଦାଙ୍କୁ ପଟ୍ଟା ଯୋଜନାରେ ସାମିଲ କରିବା ଦାବିରେ ସୋମବାର...

ଆଦିବାସୀଙ୍କୁ ମିଳୁନି ପିଡିଏସ୍‌ ସାମଗ୍ରୀ

ଯୋଡ଼ା, ୧୪।୧୧(ଡି.ଏନ.ଏ.)-କେନ୍ଦୁଝର ଜିଲା ଯୋଡ଼ା ବ୍ଲକର ବିଭିନ୍ନ ପଞ୍ଚାୟତରେ ଥିବା ଗରିବ ଲୋକମାନେ ସରକାରଙ୍କ ଖାଦ୍ୟ ଯୋଜନାରେ ବାଦ୍‌ପଡି ଅଭାବ ଅନାଟନରେ ଦିନ ବିତାଉଥିବା ଦେଖିବାକୁ...

କରୋନା କଟକଣା: ଗାଁ ମୁଣ୍ଡରେ ଲକ୍ଷ୍ମଣରେଖା ଟାଣିଲେ ଗ୍ରାମବାସୀ

ବଲାଙ୍ଗୀର ଅଫିସ,୩୦।୩: ବଲାଙ୍ଗୀର ସହର ଶୂନ୍‌ଶାନ ଥିବା ବେଳେ ଧୀରେ ଧୀରେ ଗ୍ରାମାଞ୍ଚଳର ଲୋକେ ସଚେତନ ହେବାରେ ଲାଗିଛନ୍ତି। ବାହାର ଲୋକଙ୍କୁ ଗାଁ ଭିତରକୁ ପ୍ରବେଶ...

କଟକଣା ମାନିଲେନି, ୩ ବ୍ୟବସାୟୀ ଅଟକ

ଅନୁଗୋଳ ଅଫିସ୍‌, ୨୨।୩ – କରୋନା ସଂକ୍ରମଣକୁ ରୋକିବା ପାଇଁ ଅନୁଗୋଳ ଜିଲା ପ୍ରଶାସନ ପକ୍ଷରୁ ବ୍ୟାପକ ପଦକ୍ଷେପ ଗ୍ରହଣ କରାଯାଇଛି। ରାଜ୍ୟ ସରକାରଙ୍କ ନିର୍ଦ୍ଦେଶ...

Leave a comment

Your email address will not be published. Required fields are marked *