ରେଳପଥ ପାଇଁ ଉଜୁଡିବ ୩୨.୭୯୨ ହେକ୍ଟର ଜଙ୍ଗଲ: ଦଶପଲ୍ଲା ରେଞ୍ଜରେ ଚିହ୍ନଟ ପ୍ରକ୍ରିୟା ଶେଷ

ନୟାଗଡ଼ ଅଫିସ,୨୧ା୩: ଖୋର୍ଦ୍ଧା-ବଲାଙ୍ଗୀର ରେଳପଥ ନିର୍ମାଣ ଉଦ୍ଦେଶ୍ୟରେ ନୟାଗଡ଼ ବନଖଣ୍ଡ ଦଶପଲ୍ଲା ରେଞ୍ଜର ଅରାସାହି, କୁଞ୍ଜବନଗଡ, ନିଜ ଅନ୍ଧାରକୋଟ ରେଭିନ୍ୟୁ ଓ ରିଜର୍ଭ ଫରେଷ୍ଟର ୩୨.୭୯୨ ହେକ୍ଟର ଜଙ୍ଗଲ ଉଜୁଡିବ। କାରଣ କୁଞ୍ଜବନଗଡ ଜଙ୍ଗଲରୁ ୭୮୬, ଛଦେଶ ରିଜର୍ଭ ଫରେଷ୍ଟରୁ ୨୦୯୯, ନିଜ ଅନ୍ଧାରକୋଟ ଜଙ୍ଗଲରୁ ୬୪୬ ଗଛ ଏପରି ମୋଟରେ ୩୫୩୧ ଗଛ କଟାଯିବାର ରହିଛି। ଏଥିପାଇଁ ଚିହ୍ନଟ ପ୍ରକ୍ରିୟା ଶେଷ ହୋଇଛି। ଅନ୍ୟପକ୍ଷେ ଗଛ କଟାଯିବା ଓ ବୃକ୍ଷ ରୋପଣ ପାଇଁ କାମ୍ପାରେ ରେଳ କର୍ତ୍ତୃପକ୍ଷ ୫୦୦ କୋଟି ଟଙ୍କା ଡିପୋଜିଟ୍‌ କରିଛନ୍ତି।
ଲୋପ ପାଇବ ଜଡିବୁଟି ଔଷଧୀୟ ବୃକ୍ଷ
ଜଡିବୁଟିରେ ଔଷଧ ପ୍ରସ୍ତୁତ କରି ନୟାଗଡ଼ ଜିଲାରେ ଅନେକ ଲୋକ ଜିବୀକା ନିର୍ବାହ କରୁଛନ୍ତି। ଔଷଧ ପାଇଁ ସେମାନେ ଉକ୍ତ ବୃକ୍ଷଗୁଡିକୁ ବ୍ୟବହାର କରୁଛନ୍ତି। ହେଲେ ରେଳପଥ ଯିବା ଦ୍ୱାରା ଆତୁଣ୍ଡି, ଚାର, ଗୋହିଡା, ପଳାସ, କଖଡା, ହରିଡା, ଗୋହିରା, କଇଥ, ଛୈତନା, ଦରଡା, ଦନ୍ତୁରୀ, ଖେରଖୋରୀ ପରି ଔଷଧିୟ ବୃକ୍ଷ ଦଶପଲ୍ଲା ରେଞ୍ଜ ଅର୍ନ୍ତଗତ ଜଙ୍ଗଲରୁ ଲୋପ ପାଇବ। ଅନୁରୂପ ଭାବେ ମୟୂରଚୁଳିଆ, ହସ୍ତୀଯନ୍ତା, ବଜ୍ରମୂଳି, କଣ୍ଟିକପାଳି, ରକ୍ତ ଚିତାପାରୁ, ଜଟାମଂଶୀ, ଚକ୍ର କଦମ୍ବ ପରି ଅନେକ ଔଷଧିୟ ଗଛ ବଳିପଡିବ। ଅନ୍ୟପକ୍ଷେ ଆମ୍ବ, ଶାଳ, ପିଜୁଳି, ନିମ୍ବ ପରି ଗଛ ମଧ୍ୟ କଟାଯିବ । ତେବେ ଔଷଧିୟ ଗଛଗୁଡିକ ପୁଣି ସୃଷ୍ଟି କରାଯିବା କାଠିକର ପାଠ। ଏଥିରୁ ଅଧିକାଂଶ ଗଛର ନଁ। ବନ ବିଭାଗ ଜାଣି ନ ଥିବ।
ବଦଳାଯାଉ ରେଳପଥର ଗତିପଥ
ଜଙ୍ଗଲକୁ ଛାଡି ରେଳପଥର ଗତିପଥ ବଦଳାଇବାକୁ ଦାବି ଉଠିଛି । ଏ ନେଇ ଖୋର୍ଦ୍ଧା ଜିଲା ବେଗୁନିଆ ବ୍ଲକ ପୋଡାଡିହର ପରିବେଶବିତ୍‌ ତଥା ସାମାଜିକ କର୍ମୀ ବିଭୂତି ଭୂଷଣ ଦାଶ କୁହନ୍ତି, ବଣପାହାଡ ଘେରା ନୟାଗଡ ଜିଲାର ଔଷଧିୟ ବୃକ୍ଷ ଓ ଜଙ୍ଗଲକୁ ଉଜୁଡା ନ ଯାଉ। ରେଳପଥ ଯିବା ସ୍ବାଗତଯୋଗ୍ୟ ପଦକ୍ଷେପ। ହେଲେ ଜଙ୍ଗଲକୁ ବାଦ୍‌ ଦେଇ ରେଳପଥର ପୁଣି ସର୍ଭେ କରାଯାଉ। ନଚେତ୍‌ ମୁଁ ପ୍ରଥମେ ନୟାଗଡ ବନଖଣ୍ଡ କାର୍ଯ୍ୟାଳୟ ସମ୍ମୁଖରେ ଆନ୍ଦୋଳନ କରିବି। ସୁଫଳ ନ ମିଳିଲେ ମୁଖ୍ୟମନ୍ତ୍ରୀଙ୍କ ବାସଭବନ ସମ୍ମୁଖରେ ଧାରଣା ଦେବି। ରେଳପଥ ଗଲେ ନୟାଗଡ଼ ଜିଲାର ମହାବୀର ଖୋଲଠାରୁ ବୌଦ୍ଧ ଡିଭିଜନ ସଂଲଗ୍ନ କେତେ ଗଛ କଟାଯିବ ତା’ର ଠିକ୍‌ ଉତ୍ତର ମିଳିନି। କେବଳ ନୟାଗଡ ଜିଲାର ତଥ୍ୟ ସୂଚନା ଆଇନରେ ମିଳିଛି। ଆୟୁର୍ବେଦ ଆଚାର୍ଯ୍ୟ ବୃକ୍ଷବାବା ହରିଶରଣ ମହାରାଜା କୁହନ୍ତି, ନୟାଗଡ଼ ଜିଲାର ଜୈବ ବିବିଧତା ଅତ୍ୟନ୍ତ ମନୋରମ। ହେଲେ ଏହାକୁ ସୁରକ୍ଷା କରା ନ ଯାଇ ବିକାଶ ଆଳରେ ଧ୍ୱଂସ ଚାଲିଛି। ଦଶପଲ୍ଲା ରେଞ୍ଜର ଜଙ୍ଗଲ କଟାଯିବାକୁ ଯେଉଁ ପ୍ରୟାସ ଆରମ୍ଭ ହୋଇଛି, ତାହାକୁ ଶାନ୍ତିପୂର୍ଣ୍ଣ ଉପାୟରେ ବିରୋଧ କରାଯାଉ। ତେବେ ରେଳପଥକୁ ବିରୋଧ କରା ନ ଯାଉ। ଜଙ୍ଗଲକୁ ବାଦ୍‌ ଦେଇ ରେଳପଥ କରାଯାଉ।
ସଚେତନତାର ଆବଶ୍ୟକତା
ଗଛ କଟାଯିବା ଓ ଲଗାଯିବା ପାଇଁ ଟଙ୍କା ମଞ୍ଜୁର ହୋଇଛି। ଗଛ କଟାଯିବା ସୁବିଧା କଥା। ହେଲେ ଯେଉଁ ପରିମାଣ ଓ ଯେଉଁ ପ୍ରଜାତିର ଗଛ କଟାଯିବ ସେହି ଗଛ ଲଗାଇବା ସମ୍ଭବ ନୁହେଁ। ଯେଉଁ ଗଛ ଲଗାଯିବ ସେଥିରେ କିଛି ଲୋକ ଉପକୃତ ହେବେ। ଜିଲାବାସୀଙ୍କର କିଛି ଲାଭ ହେବ ନାହିଁ। ବରଂ କ୍ଷତି ହେବ। ପୁଣି ଗଛ ଲଗାଯିବା ପରେ ବଞ୍ଚତ୍ବ କି ନାହିଁ ତାହା ମଧ୍ୟ କହିବା ମୁସ୍କିଲ। ଏଭଳିସ୍ଥଳେ ସରକାର ରେଳପଥ ନେବା ଲାଗି ଜଙ୍ଗଲ କାଟିବା ଉପରେ ଗୁରୁତ୍ୱ ନ ଦେଇ ବିକଳ୍ପ ଚିନ୍ତା କରନ୍ତୁ ବୋଲି ପରିବେଶବିତ୍‌ ମତ ଦେଉଛନ୍ତି। ପରିବେଶବିତ୍‌ ସଞ୍ଜୟ ସାହୁ, ଗଛ ସାର୍‌ ଅନ୍ତର୍ଯାମୀ ସାହୁ କୁହନ୍ତି, ଜଙ୍ଗଲ କଟାଯିବା ନେଇ ସଚେତନତା ସୃଷ୍ଟି କରାଯାଉ। ଜିଲାବାସୀଙ୍କ ମତାମତ ନିଆଯାଉ। ଯଦି ଲୋକ ଜଙ୍ଗଲକୁ ବଳିଦେଇ ରେଳପଥ କରିବାକୁ ଆଗ୍ରହୀ ତେବେ ନିଆଯାଉ। ନଚେତ୍‌ ଗତିପଥ ବଦଳାଯାଉ। ଆମ ମତରେ ଜଙ୍ଗଲକୁ ଧ୍ୱଂସ କରା ନ ଯାଉ। ରାସ୍ତାକଡରେ ଆଉ ଛାଇ ମିଳୁନି। ଜଙ୍ଗଲ ଲୋପ ପାଇ ଚାଲିଛି। ସରକାର ଓ ଜନସାଧାରଣ ଚିନ୍ତା କରି ରେଲପଥ କାର୍ଯ୍ୟକୁ ତ୍ୱରାନ୍ବିତ କରାନ୍ତୁ।


All Right Reserved By Dharitri.Com

ଗ୍ୟାସ୍‌ ଟାଙ୍କି ଫାଟି ସ୍ତ୍ରୀ-ସ୍ବାମୀ ଗୁରୁତର

ଖୋର୍ଦ୍ଧା ଅଫିସ,୨।୧୨: ଖୋର୍ଦ୍ଧା ଜିଲା ଟାଙ୍ଗୀ ବ୍ଲକ ନୂଆଗଡ଼ ପଞ୍ଚାୟତ କୃଷ୍ଣପୁର ଗ୍ରାମରେ ରବିବାର ରାତିରେ ଏକ ଅଘଟଣ ଘଟିଛି। ଗ୍ୟାସ ଟାଙ୍କି ଫାଟି ସ୍ତ୍ରୀ...

ରେଳଧାରଣାରେ କଟି କର୍ମଚାରୀ ମୃତ

ବ୍ରହ୍ମପୁର ଅଫିସ,୧୩।୯: ଗଞ୍ଜାମ ଜିଲା ବ୍ରହ୍ମପୁରସ୍ଥିତ ସରକାରୀ ରେଳବାଇ ଥାନା ଅନ୍ତର୍ଗତ ପୋଡ଼ାପଦର ରେଳଧାରଣାରେ ଶୁକ୍ରବାର ସକାଳେ ଏକ ଅଭାବନୀୟ ଘଟଣା ଘଟିଛି। ଏଠାରେ କାର୍ଯ୍ୟରତ...

ବିଦ୍ୟାଳୟରେ ତାଲା ପକାଇ ରାସ୍ତା ଅବରୋଧ କଲେ ଗ୍ରାମବାସୀ: ଅପରାହ୍ନରେ ହେଲା ଷାଣ୍ମାସିକ ପରୀକ୍ଷା

ଖୁଣ୍ଟା,୨ା୧୧(ଡି.ଏନ୍‌.ଏ.)- ଖୁଣ୍ଟା ବ୍ଲକ ଅଧୀନ ଜଡ଼ାବାଣୀ ଉଚ୍ଚ ପ୍ରାଥମିକ ବିଦ୍ୟାଳୟରେ ବଦଳି ଦାବି କରାଯାଇଥିବା ଜଣେ ଶିକ୍ଷୟିତ୍ରୀଙ୍କ ପୁନଃ ଯୋଗଦାନକୁ ଗ୍ରାମବାସୀ ବିରୋଧ କରିଛନ୍ତି। ଏଥିନେଇ...

‘କେନ୍ଦ୍ର ଅନୁଦାନ ଖର୍ଚ୍ଚ କରିପାରୁନି ରାଜ୍ୟ’

ଭୁବନେଶ୍ୱର,୨୦ା୨(ବ୍ୟୁରୋ): ଚଳିତବର୍ଷ କେନ୍ଦ୍ର ସରକାରଙ୍କ ସାଧାରଣ ବଜେଟ ଦ୍ୱାରା ଭାରତବର୍ଷର କୃଷକ, ମହିଳା, ଯୁବକ, ଜନଜାତି, ଦଳିତ ଓ ପଛୁଆ ବର୍ଗର ଲୋକମାନେ ଅଧିକ ଲାଭାନ୍ବିତ...

ବିଦ୍ୟୁତ ଆଘାତରେ ମୋଟର ମେକାନିକ ମୃତ

ବ୍ରହ୍ମପୁର ଅଫିସ,୨୫ା୮-ବିଦ୍ୟୁତ ଆଘାତରେ ଗୁରୁତର ଆହତ ହୋଇ ବ୍ରହ୍ମପୁର ବଡ଼ ମେଡିକାଲରେ ଚିକିତ୍ସିତ ହେଉଥିବା ଜଣେ ମୋଟର ମେକାନିକଙ୍କ ଶନିବାର ରାତିରେ ମୃତ୍ୟୁ ଘଟିଛି। ସେ...

ଶ୍ରେଣୀଗୃହରେ ଶିକ୍ଷୟିତ୍ରୀଙ୍କୁ କଟୁରିରେ ଆକ୍ରମଣ

ନିଆଳି, ୨ା୭(ଡି.ଏନ୍‌.ଏ.): ନିଆଳି ଥାନା ଅନ୍ତର୍ଗତ ବିନିଶିପୁର ପଞ୍ଚାୟତ ଆମ୍ବାପଡ଼ା ପ୍ରାଥମିକ ବିଦ୍ୟାଳୟରେ ସୋମବାର ପୂର୍ବାହ୍ନରେ ପାଠପଢ଼ା ଚାଲିଥିବାବେଳେ ଆତଙ୍କ ଖେଳିଯାଇଥିଲା। କାରଣ ବିଭୂତି ମହାନ୍ତି(୪୩)...

ରାସ୍ତାରେ ଖେଳୁଥିବା ବେଳେ ଶିଶୁପୁତ୍ରଙ୍କ ଉପରେ ମାଡ଼ିଗଲା ଟ୍ରକ୍‌: ଡ୍ରାଇଭରଙ୍କୁ ଧରି ଛେଚିଲେ ଲୋକେ

ହାଟଡିହୀ, ୨୪।୧୧(ଡି.ଏନ୍‌.ଏ.): କେନ୍ଦୁଝର ଜିଲା ହାଟଡ଼ିହୀ ବ୍ଲକ ଷଡ଼ଙ୍ଗ ପଞ୍ଚାୟତ ନଶିର୍‌ପୁରଠାରେ ରବିବାର ସକାଳେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏକ ବାଲିବୋଝେଇ ଟ୍ରକ...

ଲକ୍ଷାଧିକ ଟଙ୍କାର ଧାନ ଜାଳିଦେଲେ ଦୁର୍ବୃତ୍ତ: ଅଭିଯୁକ୍ତ ଗିରଫ, କ୍ଷତିପୂରଣ ଦାବି

ଭବାନୀପାଟଣା,୧।୧୨(ଡି.ଏନ୍‌.ଏ.): କଳାହାଣ୍ଡି ଜିଲା ଭବାନୀପାଟଣା ସଦର ବ୍ଲକ ଅର୍ତ୍ତଲ ପଞ୍ଚାୟତ ଅଜରାଇ ଗାଁର ଚାଷୀମାନେ ଖଳାରେ ଧାନ ରଖିଥିବା ବେଳେ କେହି ଦୁର୍ବୃତ୍ତ ନିଆଁ ଲଗାଇ...

Leave a comment

Your email address will not be published. Required fields are marked *