୩୪ ଘରୋଇ ସ୍କୁଲକୁ ମିଳିଲା ସିଓଆର୍‌

ଜଗତ୍‌ସିଂହପୁର ଅଫିସ୍‌,୨୦।୩: ଚଳିତବର୍ଷ ଜଗତ୍‌ସିଂହପୁର ଜିଲାର ୩୪ ବେସରକାରୀ ପ୍ରାଥମିକ ବିଦ୍ୟାଳୟକୁ ସିଓଆର୍‌ (ସାର୍ଟିଫିକେଟ୍‌ ଅଫ ରେକଗ୍‌ନାଇଜେଶନ୍‌) ମିଳିଛି। ସେଥିମଧ୍ୟରୁ ସର୍ବାଧିକ ବାଲିକୁଦା ଓ ସର୍ବନିମ୍ନ ଏରସମା ବ୍ଲକର ରହିଛି। ଗତବର୍ଷ ତଥ୍ୟ ଅନୁଯାୟୀ ଜିଲାରେ ମୋଟ ୨୪୮ ବେସରକାରୀ ପ୍ରାଥମିକ ବିଦ୍ୟାଳୟ ଥିବା ବେଳେ ଚଳିତବର୍ଷ କେତେ ବଢିଛି ସେ ସମ୍ପର୍କରେ ଜିଲା ଶିକ୍ଷା ବିଭାଗ ପାଖରେ କୌଣସି ସୂଚନାନାହିଁ। ତେବେ ଚଳିତବର୍ଷ ସିଓଆର୍‌ ପାଇବା ପାଇଁ ଜିଲାର ୧୮୪ ବିଦ୍ୟାଳୟ ଆବେଦନ କରିଥିବା ବେଳେ ମାତ୍ର ୩୪ ସ୍କୁଲ ସିଓଆର୍‌ ପାଇବା ପାଇଁ ଯୋଗ୍ୟ ବିବେଚିତ ହୋଇଛନ୍ତି। ମାତ୍ର କେତୋଟି ଅଯୋଗ୍ୟ ସ୍କୁଲକୁ ସିଓଆର୍‌ ମିଳିଥିବାରୁ ଆବେଦନ କରିଥିବା ଅନ୍ୟ କେତେକ ଶିକ୍ଷାନୁଷ୍ଠାନ କର୍ମକର୍ତ୍ତା ଏ ନେଇ ଅସନ୍ତୋଷ ବ୍ୟକ୍ତ କରିଛନ୍ତି। ଆସନ୍ତା ବର୍ଷ ସେମାନେ ସିଓଆର୍‌ ପାଇଁ ପୁଣି ଥରେ ଆବେଦନ କରିବାର ଥିବାରୁ କାଳେ କିଛି ଅସୁବିଧା ହୋଇଯିବ, ସେହି ଭୟରେ ସେମାନେ ଚୁପ୍‌ ରହିବାକୁ ବାଧ୍ୟ ହେଉଥିବା କେତେଜଣ ନାମ ଗୋପନ ରଖି ପ୍ରତିକ୍ରିୟାରେ କହିଛନ୍ତି।
ଅତୀତରେ ବେସରକାରୀ ପ୍ରାଥମିକ ବିଦ୍ୟାଳୟଗୁଡିକୁ ବର୍ଷିକିଆ ଏନ୍‌ଓସି (ନୋ ଅବଜେକ୍ସନ ସାର୍ଟିଫିକେଟ୍‌) ଦିଆଯାଉଥିଲା। କିନ୍ତୁ ସରକାର ଏଥିରେ ସଂଶୋଧନ କରିଛନ୍ତି। କେବଳ ୯ମ ଓ ୧୦ମ ଶ୍ରେଣୀ ଥିବା ବେସରକାରୀ ସ୍କୁଲକୁ ଏନ୍‌ଓସି ଦିଆଯିବ। କିନ୍ତୁ ୧ମରୁ ୮ମ ଶ୍ରେଣୀ ପର୍ଯ୍ୟନ୍ତ ବେସରକାରୀ ବିଦ୍ୟାଳୟଗୁଡିକୁ ୫ ବର୍ଷିଆ ସିଓଆର୍‌ ଦେବା ବ୍ୟବସ୍ଥା କରାଯାଇଛି। ଯେଉଁ ବିଦ୍ୟାଳୟଗୁଡିକ ସରକାରଙ୍କ ସର୍ତ୍ତାବଳୀ ପୂରଣ କରୁଥିବ, ସେଗୁଡିକୁ ସିଓଆର୍‌ ଦିଆଯାଉଛି। ଏହି ଅନୁଯାୟୀ, ଜଗତ୍‌ସିଂହପୁର ଜିଲାରେ ଗତବର୍ଷ ହାତଗଣତି କେତୋଟି ବିଦ୍ୟାଳୟକୁ ବାଦ୍‌ ଦେଲେ କୌଣସି ଶିକ୍ଷାନୁଷ୍ଠାନକୁ ସିଓଆର୍‌ ଦିଆଯାଇ ନ ଥିଲା। ଚଳିତବର୍ଷ କିନ୍ତୁ ୩୪ଟି ଶିକ୍ଷାନୁଷ୍ଠାନକୁ ସିଓଆର୍‌ ଦିଆଯାଇଛି। ସେଗୁଡିକ ମଧ୍ୟରୁ ବାଲିକୁଦା ବ୍ଲକର ସର୍ବାଧିକ ୮ ଓ ଏରସମାର ସର୍ବନିମ୍ନ ଗୋଟିଏ ବିଦ୍ୟାଳୟ ରହିଛି। ସେହିପରି ବିରିଡ଼ିର ୫ ସ୍କୁଲ, କୁଜଙ୍ଗର ୫, ତିର୍ତ୍ତୋଲର ୫, ଜଗତ୍‌ସିଂହପୁରର ୪, ନାଉଗାଁର ୪ ଓ ରଘୁନାଥପୁର ବ୍ଲକର ୩ଟି ପ୍ରାଥମିକ ବିଦ୍ୟାଳୟ ସିଓଆର୍‌ ପାଇବାକୁ ଯୋଗ୍ୟ ବିବେଚିତ ହୋଇଛନ୍ତି। ସେଗୁଡ଼ିକ ହେଲା ବାଲିକୁଦା ବ୍ଲକର ସରସ୍ବତୀ ଶିଶୁ ମନ୍ଦିର (ମାଛଗାଁ), ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ର (ରାୟରପୁର), ଶ୍ରୀଅରବିନ୍ଦ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଇଣ୍ଟିଗ୍ରାଲ ଏଜୁକେଶନ (ଅମଣିଆପାଟଣା), ଶ୍ରୀଅରବିନ୍ଦ ଇନଷ୍ଟିଚ୍ୟୁଟ୍‌ ଅଫ ଇଣ୍ଟିଗ୍ରାଲ ଏଜୁକେଶନ (ନାଗପୁର), ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ର (ନହରଣା), ଶ୍ରୀକ୍ରୀଷ୍ଣ ଗୁରୁକୁଳ (ଜୟଗାଁ), ଜୀବନ ଦ୍ୟୁତି ବିଦ୍ୟାଳୟ (କଣିଆ), ବିରିଡ଼ି ବ୍ଲକର ସେଣ୍ଟ ଜାଭିୟର ହାଇସ୍କୁଲ (କମଳପୁର), ରାଜକୃଷ୍ଣ ଶିଶୁ ନିକେତନ (କିଶୋରନଗର), ମା’ସରସ୍ବତୀ ଶିଶୁ ମନ୍ଦିର (ଚାଷଖଣ୍ଡ), ଅଣଖିଆ ଶିଶୁ ମନ୍ଦିର (ଅଣଖିଆ), ସରସ୍ବତୀ ଶିଶୁ ମନ୍ଦିର (କୂଳକଇଜଙ୍ଗା) ଓ ଏରସମା ବ୍ଲକର ସିକୁଲାର ଇଣ୍ଡିଆନ ବ୍ରିଜ ଆକାଡେମୀ (ଏରସମା) ସିଓଆର୍‌ ପାଇଛି। କୁଜଙ୍ଗ ବ୍ଲକର ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ର (ବାଲିଝର), ବିକେସିଏମ୍‌ ବିଦ୍ୟାଭାରତୀ (କୁଜଙ୍ଗ), ଶ୍ରୀ ସତ୍ୟ ସାଇ ଜ୍ଞାନ ବିକାଶ ସ୍କୁଲ (କୁଜଙ୍ଗ), ସେଣ୍ଟ ଜାଭିୟର୍ସ ହାଇସ୍କୁଲ (ରାହାମା), ଭକ୍ତ ଚରଣ ଶିଶୁ ବିଦ୍ୟା ମନ୍ଦିର (କୁଜଙ୍ଗ), ନାଉଗାଁ ବ୍ଲକର ସରସ୍ବତୀ ଶିଶୁ ବିଦ୍ୟାମନ୍ଦିର (ତିହୁଡ଼ା), ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ର (ବାଂଶ), ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର (ସରେଇକୂଳ), ସରସ୍ବତୀ ଶିଶୁ ମନ୍ଦିର (ଗଜରାଜପୁର), ରଘୁନାଥପୁର ବ୍ଲକର ଆନନ୍ଦ ମାର୍ଗ ଜାଗୃତି ସ୍କୁଲ (ଉତ୍ତରକୂଳ), କଲରାବାଙ୍କ ରେସିଡେନ୍ସିଆଲ ୟୁପି ସ୍କୁଲ, ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ର (ଅରେଇକଣା), ତିର୍ତ୍ତୋଲ ବ୍ଲକର ସରସ୍ବତୀ ଶିଶୁ ମନ୍ଦିର (ସିରସ୍ତା), ଓମ୍‌ ସରସ୍ବତୀ ଶିଶୁ ବିଦ୍ୟା ମନ୍ଦିର (ନୂଆପୋଖରୀ), ସରସ୍ବତୀ ଶିଶୁ ମନ୍ଦିର (ଦାଶମାନକୂଳ), ନିଗମାନନ୍ଦ ସରସ୍ବତୀ ବିଦ୍ୟା ମନ୍ଦିର (ବଡ଼ଜିଙ୍ଗଳ) ଓ ସେଣ୍ଟ ଜାଭିୟର୍ସ ହାଇସ୍କୁଲ (ତିର୍ତ୍ତୋଲ)କୁ ସିଓଆର୍‌ ମିଳିପାରିଛି। କିନ୍ତୁ ପ୍ରତ୍ୟେକଙ୍କ ନଜର ଥିବା ଜଗତ୍‌ସିଂହପୁର ବ୍ଲକ ଓ ପୌର ପରିଷଦ ଅଞ୍ଚଳରୁ ମାତ୍ର ୪ଟି ବିଦ୍ୟାଳୟକୁ ସିଓଆର୍‌ ମିଳିଛି। ସେଥିମଧ୍ୟରୁ ଜିଲା ମୁଖ୍ୟାଳୟ ତଥା ଜଗତ୍‌ସିଂହପୁର ପୌରାଞ୍ଚଳରୁ ୩ ଓ ବ୍ଲକର ଅନ୍ୟ ଅଞ୍ଚଳରୁ୧ଟି ଶିକ୍ଷାନୁଷ୍ଠାନ ରହିଛି । ଜଗତ୍‌ସିଂହପୁର ସହରର ୩ ବିଦ୍ୟାଳୟ ହେଲା ସୁଧାନନ୍ଦ ବିଦ୍ୟାଳୟ, ସରସ୍ବତୀ ଶିଶୁ ବିଦ୍ୟା ମନ୍ଦିର ଓ ସ୍କଲାର ଇଂରାଜୀ ମାଧ୍ୟମିକ ବିଦ୍ୟାଳୟ। ଏହାବାଦ୍‌ ଜଗତ୍‌ସିଂହପୁର ବ୍ଲକ ଅଧୀନ ଖଇରଙ୍ଗସ୍ଥିତ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ରକୁ ସିଓଆର୍‌ ମିଳିପାରିଛି।


All Right Reserved By Dharitri.Com

ପୁରୁଷୋତ୍ତମପୁରରେ ସ୍ନାନପୂର୍ଣ୍ଣିମା

ପୁରୁଷୋତ୍ତମପୁର, ୧୭।୬(ଡି.ଏନ୍‌.ଏ.): ଗଞ୍ଜାମ ଜିଲା ପୁରୁଷୋତ୍ତମପୁର ଅଞ୍ଚଳରେ ପବିତ୍ର ସ୍ନାନପୂର୍ଣ୍ଣିମା ସୋମବାର ପାଳିତ ହେଉଛି। ପୁରୁଷୋତ୍ତମପୁର ରଥସାହି ଜଗନ୍ନାଥ ମନ୍ଦିର ସମେତ ଥାନା ଜଗନ୍ନାଥ ମନ୍ଦିର,...

ଚିତ୍ରାଙ୍କନ ପ୍ରତିଯୋଗିତାରେ ୨ଶହରୁ ଊର୍ଦ୍ଧ୍ୱ ଛାତ୍ରୀଛାତ୍ର: ଇକୋ ଫ୍ରେଣ୍ଡଲି ପେନସିଲରେ ଆଙ୍କିଲେ ଚିତ୍ର

ବାଲେଶ୍ୱର ଅଫିସ, ୧୮।୧୧-ବାଲେଶ୍ୱର ଷ୍ଟେଶନ କ୍ଲବ ପକ୍ଷରୁ ଜିଲାର ବିଭିନ୍ନ ବିଦ୍ୟାଳୟରୁ ୧ମରୁ ୫ମ ଶ୍ରେଣୀ ପର୍ଯ୍ୟନ୍ତ ଛାତ୍ରୀଛାତ୍ରଙ୍କ ମଧ୍ୟରେ ରବିବାର ଚିତ୍ରାଙ୍କନ ପ୍ରତିଯୋଗିତା କରାଯାଇଥିଲା।...

ସରକାରୀ ଯୋଜନା ବାଟବଣା: ବିଧବା,ବୃଦ୍ଧାବୃଦ୍ଧଙ୍କୁ ମିଳୁନି ସାମାଜିକ ନିରାପତ୍ତା

ରସୁଲପୁର,୮।୩(ଡି.ଏନ୍‌.ଏ.): କେନ୍ଦ୍ର ଓ ରାଜ୍ୟ ସରକାର ଜନ୍ମଠାରୁ ମୃତ୍ୟୁ ପର୍ଯ୍ୟନ୍ତ ମାଳମାଳ ଯୋଜନା କରିଛନ୍ତି। ଏସବୁ ଯୋଜନାରୁ ଅଧିକାଂଶ ଗରୀବ, ଖଟିଖିଆ, ଦିନମଜୁରିଆଙ୍କୁ ସମାଜର ମୁଖ୍ୟସ୍ରୋତରେ...

ଶ୍ରୀଅଲାରନାଥଙ୍କ ପୀଠରେ ମକର ନୀତି ସମ୍ପନ୍ନ

ବ୍ରହ୍ମଗିରି,୧୬ା୧(ଡି.ଏନ୍‌.ଏ.): ପବିତ୍ର ମକର ସଂକ୍ରାନ୍ତିରେ ବୁଧବାର ଶ୍ରୀଅଲାରନାଥଙ୍କ ପୀଠରେ ସ୍ବତନ୍ତ୍ର ମକର ନୀତି ଅନୁଷ୍ଠିତ ହୋଇଛି। ଭୋର ୪ଟାରୁ ମନ୍ଦିର ଦ୍ୱାର ଖୋଲାଯାଇ ମଙ୍ଗଳ ଆଳତି,...

ନିଶାସକ୍ତ ଚାଳକଙ୍କ ମଧ୍ୟରେ କୋକୁଆ ଭୟ

ବ୍ରହ୍ମପୁର ଅଫିସ,୨୬ା୯-ନୂଆ ଟ୍ରାଫିକ ନିୟମ ଲାଗୁ ହେବା ପରେ ଚାରିଆଡେ ଚେକିଂ କରାଯାଉଛି। ଅନ୍ୟପଟେ ରାଜପଥରେ ନିଶାସକ୍ତ ଗାଡି ଚାଳକଙ୍କୁ ସାବାଡ଼ କରିବା ପାଇଁ ପୋଲିସ...

ଆନ୍ତଃରାଜ୍ୟ କଫ୍‌ସିରପ ର଼୍ୟାକେଟର ୨ଗିରଫ

ବଲାଙ୍ଗୀର ଅଫିସ, ୨୦ା୫: ଆନ୍ତଃରାଜ୍ୟ କଫ୍‌ ସିରପ୍‌ ଚୋରା ର଼୍ୟାକେଟ୍‌ ଚଳାଇଥିବା ସାନ ଓରଫ୍‌ ଗୋବିନ୍ଦ ନେଗୀ (୩୮) ଓ ପ୍ରଶାନ୍ତ କ୍ଷେତୀ (୪୨)ଙ୍କୁ ବଲାଙ୍ଗୀର...

ତଲାବିରା କୋଇଲା ଖଣି ବିବାଦ: ବଳପୂର୍ବକ ଆନ୍ଦୋଳନକାରୀଙ୍କୁ ଘଉଡ଼ାଇଲା ପୋଲିସ

ସମ୍ବଲପୁର, ୧୩।୨ (ବ୍ୟୁରୋ)- ସମ୍ବଲପୁର ରେଙ୍ଗାଲି ତହସିଲ ତଲାବିରା କୋଇଲା ଖଣି ୧ ଓ ୨ରେ ବିବାଦ ଲାଗି ରହିଛି । କୋଇଲା ଖଣିରେ ଅଞ୍ଚଳବାସୀ...

ଜୁନାଗଡ଼-ଭୁବନେଶ୍ୱରକୁ ସ୍ବତନ୍ତ୍ର ଟ୍ରେନ ଚାଲିଲା : ପୂର୍ବତନ କେନ୍ଦ୍ରମନ୍ତ୍ରୀଙ୍କ ବିୟୋଗ ଯୋଗୁ ବାତିଲ ହେଲା ଉଦ୍‌ଘାଟନୀ କାର୍ଯ୍ୟକ୍ରମ

ଜୁନାଗଡ,୨୪।୮(ଡି.ଏନ.ଏ.) : କଳାହାଣ୍ଡି ଜିଲା ଜୁନାଗଡ ସହରଠାରୁ ଭୁବନେଶ୍ୱରକୁ ଶନିବାର ସ୍ବତନ୍ତ୍ର ଟ୍ରେନ୍‌ ଚାଲିଛି। ଅପରାହ୍ନ ସାଢେ ୪ଟାରେ ଜୁନାଗଡ ରୋଡ-ଭୁବନେଶ୍ୱରକୁ ଏକ୍ସପ୍ରେସ (ନଂ.୧୮୪୩୭-୧୮୪୩୮) ଯାତ୍ରା...

Leave a comment

Your email address will not be published. Required fields are marked *