ଟାଙ୍ଗରା ଭୂଇଁ ଏବେ ହସୁଛି, ସରକାର ପାଉଛନ୍ତି ରାଜସ୍ବ

ନୟାଗଡ଼ ଅଫିସ,୨୦ା୩ (ଲୋକନାଥ ମିଶ୍ର): ନୟାଗଡ଼ ସହର ଉପକଣ୍ଠ ଖୁଣ୍ଟୁବନ୍ଧସ୍ଥିତ ସବ୍‌ଜେଲର ଟାଙ୍ଗରା ଭୂଇଁ ଏବେ ହସୁଛି। କଏଦୀମାନଙ୍କ ପରିଶ୍ରମ ଓ ଜେଲ ସୁପରିଣ୍ଟେଣ୍ଡେଣ୍ଟଙ୍କ ଆଗ୍ରହ ଯୋଗୁ ସବ୍‌ଜେଲ ପରିସରରେ ବର୍ଷତମାମ ଭିନ୍ନ ଭିନ୍ନ ପନିପରିବା ଚାଷ ସମ୍ଭବ ହୋଇପାରିଛି। ଏଠାରେ ବାଇଗଣ, ସୂର୍ଯ୍ୟମୁଖୀ, ଟମାଟୋ, ଭେଣ୍ଡି, କଖାରୁ, ଝୁଲଣ, କଲରା, ଜହ୍ନି, ବିଟ୍‌, ପିଆଜ, ଅମୃତଭଣ୍ଡା ଆଦି ଚାଷ କରାଯାଉଛି। ଗୋଟିଏ ଫସଲ ଉଠିବା ପରେ ଆଉ ଏକ ଫସଲ କରାଯାଉଛି। ଗୋଟିଏ ଜମିରେ ଭିନ୍ନ ଭିନ୍ନ ଫସଲ କରିବା ଦ୍ୱାରା ଜମିର ଉର୍ବରତା ବଢ଼ୁଛି। ଏହା ଦ୍ୱାରା ସରକାର ରାଜସ୍ବ ପାଉଥିବାବେଳେ କଏଦୀମାନେ ଦୈନିକ ତଟକା ପନିପରିବା ପାଇପାରୁଛନ୍ତି। ଏହା କଏଦୀମାନଙ୍କୁ ରୋଜଗାରକ୍ଷମ ମଧ୍ୟ କରିପାରିଛି। ଗୁରୁତ୍ୱପୂର୍ଣ୍ଣ କଥା ହେଉଛି ଏପରି କାମରେ ନିୟାଜିତ ରହୁଥିବାରୁ ସେମାନଙ୍କ ମାନସିକତାରେ ପରିବର୍ତ୍ତନ ଘଟୁଛି।


ଅଦରକାରୀ ପାଣିରେ ଜୈବିକ ଚାଷ
ଆନ୍ଧ୍ରର ପୁରୁଲୁ ରାମାରାଓ ଲକ୍ଷ୍ମଣା ନନ୍ଦ ସରସ୍ବତୀଙ୍କ ହତ୍ୟାକାଣ୍ଡରେ ଗିରଫ ହୋଇ ନୟାଗଡ଼ ସବଜେଲରେ ଅଛନ୍ତି। ସେ ୮ବର୍ଷ ଧରି ଜେଲଦଣ୍ଡ ଭୋଗିସାରିଲେଣି। ନୟାଗଡ ସବ୍‌ଜେଲରେ ପୁରୁଲୁ ପନିପରିବା ବଗିଚାର ଦାୟିତ୍ୱ ନେଇଛନ୍ତି। ପୁରୁଲୁଙ୍କ ସୂଚନା ଅନୁସାରେ ଜେଲ ପରିସରରେ କଏଦୀମାନଙ୍କ ସ୍ନାନ ଓ ପରିତ୍ୟକ୍ତ ଜଳକୁ ନଷ୍ଟ କରିବାକୁ ଦିଆଯାଉନି। ଏହାକୁ ବ୍ୟବହାର କରି ପନିପରିବା ଚାଷ କରାଯାଉଛି। ପୁଣି ଗୋବର ଖତକୁ ବ୍ୟବହାର କରି ଜୈବିକ କୃଷି ମାଧ୍ୟମରେ ଚାଷ କରାଯାଉଛି। ସକାଳ ୭ରୁ ୧୦ ଓ ଅପରାହ୍ନ ୨ଟାରୁ ୫ଟା ବଗିଚା କାମରେ ନିୟୋଜିତ ହେଉଛି। ବଗିଚା କାମ ମୋ ମାନସିକତାରେ ପରିବର୍ତ୍ତନ ଆଣୁଛି।


ଶୁଆ, କିରାଙ୍କ ଖାଦ୍ୟ
ଦଶପଲ୍ଲା ବ୍ଲକ କଇଁଆଡିହ ଗଁାର ଆରତ ନାୟକ ଆଜୀବନ କାରାଦଣ୍ଡ ଭୋଗୁଛନ୍ତି। ସେ ପୁରୁଲୁ ରାମାରାଓଙ୍କୁ ବଗିଚା କାମରେ ସହଯୋଗ କରୁଛନ୍ତି। ଆରତଙ୍କ ସୂଚନା ଅନୁସାରେ ବଗିଚା କାମରେ ଦିନକୁ ୪୦ ଟଙ୍କା ରୋଜଗାର ହେଉଛି। ସୁବିଧା ଅସୁବିଧାରେ କିଛି ଅର୍ଥ ମୁଁ ଖର୍ଚ୍ଚ କରେ। ଅବଶିଷ୍ଟ ଅର୍ଥ ଘରକୁ ପଠାଏ। ମୋ ଭୁଲ ପାଇଁ ଅନୁତପ୍ତ। ତେବେ ପନିପରିବା ଚାଷରେ ଅମେ ତଟକା ପନିପରିବା ଖାାଇଥାଉ। ଏହା କିଛି ପକ୍ଷୀଙ୍କ ଉପକାରରରେ ବି ଲାଗିଥାଏ । ଫସଲକୁ ରୋଗପୋକ ଦାଉରୁ ରକ୍ଷା ପାଇଁ ସୂର୍ଯ୍ୟମୁଖୀ ଓ ସୋରିଷ ଚାଷ ହୁଏ। ସୂର୍ଯ୍ୟମୁଖୀ ଫୁଲ ଶୁଆ, କିରାଙ୍କ ଖାଦ୍ୟ ପାଲଟିଛି।
ମୁକ୍ତ ପରି ସମୟ ବିତାଏ
ରାୟଗଡା ଚନ୍ଦ୍ରପୁରର ପ୍ରତାପ କିମ୍ବିକା ଜଣେ ବିଚାରାଧିନ କଏଦୀ ଭାବେ ଜେଲରେ ଅଛନ୍ତି। ନିଜକୁ ବଗିଚା କାମରେ ନିୟୋଜିତ କରି ଖୁସି ଅନୁଭବ କରୁଥିବା କୁହନ୍ତି ପ୍ରତାପ। ତାଙ୍କ ସୂଚନା ଅନୁସାରେ ଫୁରସତ ଦେଲେ ମନରେ ବିଭିନ୍ନ ଚିନ୍ତା ଆସେ। ତେଣୁ ମୁଁ ନିଜକୁ ସବୁବେଳେ କାମରେ ନିୟୋଜିତ କରିଥାଏ। ଜେଲରେ ଥାଇ ବି ମୁଁ ନିଜକୁ ମୁକ୍ତ ବୋଲି ଭାବେ। ଅଧିକାଂଶ ସମୟ ଭାବେ ମୁଁ ଜେଲରେ ନାହିଁ । ଜେଲ ସୁପରିଣ୍ଟେଣ୍ଡେଣ୍ଟଙ୍କ ନୂଆ ଚିନ୍ତାଧାରା ଯୋଗୁ ଅବ୍ୟବହୃତ ଜମିରେ ଫସଲ ଫଳୁଛି। ପନିପରିବା ଫସଲ ସହ ଜେଲରେ ଏବେ ୧୨୦ ଲେମ୍ବୁ ଓ ୫୦ ଆମ୍ବ ଗଛ ଲଗାଯାଇଛି। ଜେଲ ପରିସରରେ ଏଭଳି ଚାଷବାସ କରାଗଲେ କଏଦୀମାନେ ପରିବର୍ତ୍ତନ ହୋଇ ପୁଣି ମୁଖ୍ୟସ୍ରୋତକୁ ଫେରିପାରିବେ।
ବଦଳିଗଲା ପରିବେଶ
ଜେଲ ସୁପରିଣ୍ଟେଣ୍ଡେଣ୍ଟ ଉମେଶ ପ୍ରସାଦ ବଳବନ୍ତ ରାୟ କୁହନ୍ତି, ମୁଁ ପ୍ରାୟ ୧ବର୍ଷ ହେଲା ନୟାଗଡ଼ ସବଜେଲରେ ଅଛି। ଆସିବା ପରେ ଟାଙ୍ଗରା ଭୂଇଁରେ ପନିପରିବା ଚାଷ କରିବାକୁ ମନ ବଳାଇଲି। ରଣପୁର ସବ୍‌ଜେଲରେ ଥିବାବେଳେ ସେଠାରେ ପନିପରିବା ଚାଷ କରାଉଥିଲି। ଏଠାରେ ଜୈବିକ ପଦ୍ଧତିରେ ଚାଷକୁ ଆପଣେଇଛି। ସୂର୍ଯ୍ୟମୁଖୀ ଓ ସୋରିଷ ଚାଷ ପୋକ ଉପଦ୍ରବ ହ୍ରାସ କରାଉଛି। ପରିବେଶ ସନ୍ତଳିତ ହୋଇ ରହୁଛି। ପୁଣି ଏକ ଫୁଲ ବଗିଚା କରାଇଛି। ଗତ ଜାନୁୟାରୀ ଓ ଫେବୃୟାରୀ ମାସରେ ୭୪ ହଜାର ୪୧ ଟଙ୍କା ପନିପରିବା ବିକ୍ରି ହୋଇଛି । ଏଠାରେ ୮ ଜଣ କଏଦୀ ବଗିଚା କାମ କରୁଛନ୍ତି। ରୋଜଗାର ଟଙ୍କା ପୋଷ୍ଟ ଅଫିସରେ ଆକାଉଣ୍ଟ କରି ରଖାଯାଉଛି। କୌଣସି କଏଦୀଙ୍କ ପରିବାର ଲୋକ ଆସିଲେ ଫର୍ମରେ ଦସ୍ତଖତ କରି ଆକାଉଣ୍ଟ ବହି ନେଇ ଟଙ୍କା ଉଠାଇ ନେଉଛନ୍ତି।


All Right Reserved By Dharitri.Com

ରାସଗୋବିନ୍ଦପୁରରେ ଥମୁନି ହାତୀ ଉପଦ୍ରବ

ରାସଗୋବିନ୍ଦପୁର,୧୪।୧୨(ଡି.ଏନ୍‌.ଏ.): ମୟୂରଭଞ୍ଜ ଜିଲା ରାସଗୋବିନ୍ଦପୁର ଅଞ୍ଚଳରେ ଏବେ ଧାନ ଅମଳ ଚାଲିଥିବା ବେଳେ ଝାଡଖଣ୍ଡରୁ ଆସିଥିବା ଶତାଧିକ ହାତୀ ଉପଦ୍ରବ ଚଳାଇଛନ୍ତି। ଏହି ହାତୀପଲ ସାରୁମଳା,...

ଉଦଳା ଜଳସେଚନ ବିଭାଗ ସହକାରୀ ନିର୍ବାହ ଯନ୍ତ୍ରୀଙ୍କ ଘରେ ଭିଜିଲାନ୍ସ ଚଢ଼ାଉ

ଉଦଳା, ୨୫।୬(ଡି.ଏନ୍‌.ଏ.): ଆୟବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ମୟୂରଭଞ୍ଜ ଜିଲା ଉଦଳା କ୍ଷୁଦ୍ର ଜଳସେଚନ ବିଭାଗ ସହକାରୀ ନିର୍ବାହୀ ଯନ୍ତ୍ରୀ ନୀଳକଣ୍ଠ ପାଢ଼ୀଙ୍କ କାର୍ଯ୍ୟାଳୟରେ ମଙ୍ଗଳବାର...

ବାୟୋମେଟ୍ରିକ୍‌ ଉପସ୍ଥାନ, ପରିଚୟପତ୍ର ବାଧ୍ୟତାମୂଳକ

ଛତ୍ରପୁର, ୮।୭(ଡି.ଏନ.ଏ)-ସମସ୍ତ ସରକାରୀ ଅଧିକାରୀ ଓ କର୍ମଚାରୀ କାର୍ଯ୍ୟାଳୟକୁ ଠିକ୍‌ ସମୟରେ ଆସିବା ଓ ପରିଚୟପତ୍ର ରଖିବା ବାଧ୍ୟତାମୂଳକ ବୋଲି ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେଙ୍କ...

ପୂର୍ବତନ ଜିଲା ଶ୍ରମ ଅଧିକାରୀଙ୍କୁ ୩ ବର୍ଷ ଜେଲ୍‌ଦଣ୍ଡ

ବାରିପଦା ଅଫିସ,୩୦ା୭- ମୟୂରଭଞ୍ଜ ଜିଲା ବାରିପଦା ସ୍ଥିତ ସ୍ପେଶାଲ ଜଜ (ଭିଜିଲାନ୍ସ) ବେଣୁଧର ପାତ୍ର ମଙ୍ଗଳବାର ଏକ ଲାଞ୍ଚ ମାମଲାର ବିଚାର କରି ଦୋଷୀଙ୍କୁ ୩...

ବାପ୍‌ କିଡ଼୍‌ନୀ ରୁଗୀ, ଝି’ ହୁରୁଦ୍‌ରୋଗ୍‌ରେ ପୀଡ଼ିତ: ଚିକିସତ୍ା ସାହାଯ୍‌ ଲାଗି ଜିଲାପାଲକୁଁ ଗୁହାରି

ବରଗଡ଼ ଅଫିସ୍‌,୨୮।୫-ବରଗଡ଼ ଜିଲା ବରଡୋଲ ପଁଚେତ ଅଧୀନ ପିପିଲିପାଲି ବନ୍ଧପାଲି ଗଁ।ର ରାଜେଶ ରାଓ। ସେ ଝନେ ନିହାତି ଗରିବ୍‌, କୁଲି ମଜୁରି କରି ନିଜର...

ବୁଦ୍ଧଖୋଲ ମହୋତ୍ସବ ଉଦ୍‌ଘାଟିତ: ନାଚଗୀତରେ ଝୁମିଲେ ଦର୍ଶକ

ବୁଗୁଡ଼ା,୧୨ା୧(ଡି.ଏନ.ଏ.)-ବୁଗୁଡ଼ା ବୁଦ୍ଧଖୋଲ ମହୋତ୍ସବ ଶୁକ୍ରବାର ଉଦ୍‌ଘାଟିତ ହୋଇଯାଇଛି। ବୁଦ୍ଧଖୋଲ ଉନ୍ନୟନ ସମିତି ସଭାପତି ତଥା ବିଧାୟକ ଶ୍ରୀକାନ୍ତ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ମହୋତ୍ସବକୁ ବିଜ୍ଞାନ ଓ...

୫୩ ବର୍ଷରେ ଠାକୁରଗଡ଼ ଲକ୍ଷ୍ମୀପୂଜା: ୩ ଶହରୁ ୫ ଲକ୍ଷ ଟଙ୍କା ଅଟକଳ

ବଇଣ୍ଡା,୧୨।୧୦(ଡି.ଏନ.ଏ.) – ଅନୁଗୋଳ ଜିଲା ଆଠମଲ୍ଲିକ ବ୍ଲକ ଠାକୁରଗଡ଼ ଗ୍ରାମରେ ହେବାକୁ ଥିବା ଲକ୍ଷ୍ମୀପୂଜା ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି। ଚଳିତ ବର୍ଷ ବହୁ ଆଡ଼ମ୍ବରରେ...

ବ୍ରହ୍ମପୁରର ବିଭିନ୍ନ ଅଞ୍ଚଳରୁ ୫ ଶିଶୁ ଶ୍ରମିକ ଉଦ୍ଧାର

ବ୍ରହ୍ମପୁର ଅଫିସ,୧୯ା୨- ବ୍ରହ୍ମପୁରର ବିଭିନ୍ନ ଅଞ୍ଚଳରୁ ମଙ୍ଗଳବାର ୫ ଶିଶୁ ଶ୍ରମିକଙ୍କୁ ଉଦ୍ଧାର କରାଯାଇଛି। ଜିଲା ଚାଇଲ୍ଡ ପ୍ରୋଟେକ୍ସନ ଅଫିସର, ଚାଇଲ୍ଡ ଲାଇନ୍‌, ସିଡବ୍ଲ୍ୟୁସି ସଦସ୍ୟ,...

Leave a comment

Your email address will not be published. Required fields are marked *