ମାସ୍କ ଅଭାବ ଦୂରେଇବେ ମହିଳା ଉତ୍ପାଦକ ଗୋଷ୍ଠୀ

ବାଲେଶ୍ୱର ଅଫିସ,୧୯।୩- ସାରା ବିଶ୍ୱରେ କରୋନା ଭୂତାଣୁ ସଂକ୍ରମଣ ଭୟକୁ ଦୃଷ୍ଟିରେ ରଖି ବାପକ ସତର୍କତା ଅବଲମ୍ବନ କରାଯାଉଛି। କେନ୍ଦ୍ର ଓ ରାଜ୍ୟସରକାର ଏ ଦିଗରେ ବିଭିନ୍ନ ପଦକ୍ଷେପ ଗ୍ରହଣ କରି ସଚେତନତା ସୃଷ୍ଟି କରୁଛନ୍ତି। ସାନିଟାଇଜର ଏବଂ ମାସ୍କ ବ୍ୟବହାର ଲାଗି ପରାମର୍ଶ ଦିଆଯାଉଛି। ଏପରିି ସ୍ଥଳେ ବଜାରରେ ସାନିଟାଇଜର ଏବଂ ମାସ୍କର ଅଭାବ ସମସ୍ତଙ୍କ ଚିନ୍ତା ବଢାଇଛି। ବିଭିନ୍ନ ସ୍ଥାନରେ ଏବେ ଏସବୁ ଉତ୍ପାଦର କଳାବଜାର ଆରମ୍ଭ ହୋଇଯାଇଛି। ମାସ୍କ ଅଭାବ ସମସ୍ୟା ଦୂରେଇବା ଲାଗି ବାଲେଶ୍ୱର ଜିଲାର ୮ଟି ମହିଳା ଉତ୍ପାଦକ ଗୋଷ୍ଠୀର ୨୦୮ ଜଣ ମହିଳା ଏବେ ମାସ୍କ ପ୍ରସ୍ତୁତ କରିବା ପାଇଁ ପ୍ରଶିକ୍ଷଣ ନେଇ କାର୍ଯ୍ୟ ଆରମ୍ଭ କରିଛନ୍ତି। ଏମାନଙ୍କ ଦ୍ୱାରା ପ୍ରସ୍ତୁତ ମାସ୍କ ଶୀଘ୍ର ବଜାରରେ ଉପଲବ୍ଧ ହେବ ଏବଂ ସୁଲଭ ମୂଲ୍ୟରେ ଗ୍ରାହକମାନେ ଏହା ପାଇ ପାରିବେ ବୋଲି ଜଣାପଡିଛି।
ବାଲେଶ୍ୱର ଜିଲା ପ୍ରଶାସନ ମାସ୍କର ଅଭାବ ଦୂର କରିବା ଲାଗି ଓଡ଼ିଶା ଗ୍ରାମାଞ୍ଚଳ ବିକାଶ ଓ ବିକ୍ରୟ ସମିତି (ଓରମାକ୍ସ) ମାଧ୍ୟମରେ ଉପତ୍ାଦକ ଗୋଷ୍ଠୀଙ୍କୁ ଏଥିଲାଗି ପ୍ରଶିକ୍ଷଣ ଦେବା ସହ ସହାୟତା ପ୍ରଦାନ କରୁଛନ୍ତି। ଏହା ଦ୍ୱାରା ଜିଲାରେ ମାସ୍କର ଅଭାବକୁ ପୂରଣ କରିବା ସକାଶେ ଲକ୍ଷ୍ୟ ରଖାଯାଇଛି। ବୁଧବାର ସହଦେବଖୁଣ୍ଟା ସ୍ଥିତ ଗୁଡ଼ିପଦା ଅଙ୍ଗନୱାଡ଼ି କେନ୍ଦ୍ରରେ ମାସ୍କ ପ୍ରସ୍ତୁତି କୌଶଳ ପ୍ରଶିକ୍ଷଣ ଦେବା ଲାଗି ଏକଦିବସୀୟ କାର୍ଯ୍ୟକ୍ରମର ଆୟୋଜନ କରାଯାଇଥିଲା। ଏଥିରେ ଭୋଗରାଇ ବ୍ଲକ ନାଚିନ୍ଦା ଗ୍ରାମର ସ୍ବୟଂସିଦ୍ଧା ମହିଳା ଉତ୍ପାଦକ ଗୋଷ୍ଠୀ, ଜଳେଶ୍ୱର ବ୍ଲକ ବର୍ଦ୍ଧନପୁର ଗ୍ରାମର ବିଶ୍ୱକର୍ମା ଟେଲରିଂ ଉତ୍ପାଦକ ଗୋଷ୍ଠୀ, ସଦର ବ୍ଲକ କସିପଦା ଗ୍ରାମର କ୍ରୀଷ୍ଣା ରେଶମ ଉତ୍ପାଦକ ଗୋଷ୍ଠୀ, ଶ୍ରୀକୋଣା ଗ୍ରାମର ନବବିକାଶ ଉତ୍ପାଦକ ଗୋଷ୍ଠୀ, ରେମୁଣା ବ୍ଲକ ନୂଆଗାଁ ଗ୍ରାମର ମା’ ବନଦୁର୍ଗା ଉତ୍ପାଦକ ଗୋଷ୍ଠୀ, ସୋର ବ୍ଲକ ମାଣିପୁର ଗ୍ରାମର ଜଗାବଳିଆ ଉତ୍ପାଦକ ଗୋଷ୍ଠୀ, ଖଇରା ବ୍ଲକ ପଳସା ଗ୍ରାମର ତ୍ରିଶକ୍ତି ଉତ୍ପାଦକ ଗୋଷ୍ଠୀର ୨୦୮ ଜଣ ମହିଳା ସାମିଲ ହୋଇଥିଲେ। ପ୍ରଶିକ୍ଷକ ଭାବେ କସିପଦା ଉତ୍ପାଦକ ଗୋଷ୍ଠୀର ମୁଖ୍ୟ ପ୍ରମିଳା ମୁଣ୍ଡା ଯୋଗଦେଇ ଶିବିରାର୍ଥୀଙ୍କୁ ପ୍ରଶିକ୍ଷଣ ଦେଇଥିଲେ। ଜିଲା ଗ୍ରାମ୍ୟ ଉନ୍ନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ ରାମଚନ୍ଦ୍ର ଜେନା, ଓରମାକ୍ସର ଅତିରିକ୍ତ ମୁଖ୍ୟ ନିର୍ଦ୍ଦେଶକ ଜିତେନ୍ଦ୍ର କୁମାର ବିଶ୍ୱାଳ ଯୋଗଦେଇ ତଦାରଖ କରିଥିଲେ। ସମସ୍ତ ଗୋଷ୍ଠୀକୁ ଓରମାକ୍ସ ପକ୍ଷରୁ ମାସ୍କ ପ୍ରସ୍ତୁତି ପାଇଁ ଆବଶ୍ୟକ ଯନ୍ତ୍ରାଂଶ ଓ କଞ୍ଚାମାଲ୍‌ କିଣିବା ପାଇଁ ୩ଲକ୍ଷ ୪ହଜାର ଟଙ୍କା ସହାୟତା ପ୍ରଦାନ କରାଯାଇଛି। ସେଥିମଧ୍ୟରୁ କେବଳ ୧ଲକ୍ଷ ଟଙ୍କା ଚଳନ୍ତି ପୁଞ୍ଜି ହିସାବରେ ବ୍ୟବହାର କରାଯିବାର ବ୍ୟବସ୍ଥା ରହିଛି। ଉକ୍ତ ୮ଟି ଉପତ୍ାଦକ ଗ୍ରୁପ୍‌କୁ ବାଲେଶ୍ୱର ଜିଲାର ୫ହଜାର ଓ ଭଦ୍ରକ ଜିଲାର ୫ହଜାର ମାସ୍କ ପ୍ରସ୍ତୁତ କରି ଯୋଗାଇଦେବା ସକାଶେ ଆଦେଶ ମିଳିଛି ବୋଲି ଓରମାକ୍ସର ଅତିରିକ୍ତ ମୁଖ୍ୟ ନିର୍ଦ୍ଦେଶକ ବିଶ୍ୱାଳ ସୂଚନା ଦେଇଛନ୍ତି।


All Right Reserved By Dharitri.Com

ପାରିିବାରିକ କଳହ: ଦୁଇ ଘଣ୍ଟାରେ ଦୁଇ ସାଙ୍ଗଙ୍କ ଆତ୍ମହତ୍ୟା

ବାଲେଶ୍ୱର ଅଫିସ, ୧୯।୧୦-ପାରିବାରିକ କଳହକୁ କେନ୍ଦ୍ର କରି ତ୍ରିଲୋଚନ ଜେନା ନାମକ ଜଣେ ଯୁବକ ଆତ୍ମହତ୍ୟା କରିବା ଘଟଣାରେ ବ୍ୟଥିତ ହୋଇ ତାଙ୍କର ଜଣେ ବନ୍ଧୁ...

ବିବାହ ଉତ୍ସବ ପାଲଟିଲା ଶୋକାକୁଳ ପରିବେଶ : ପୋଖରୀରେ ବୁଡ଼ି ୨ ନାବାଳିକାଙ୍କ ଜୀବନ ଗଲା

ରୂପ୍‌ସା, ୨୨।୬(ଡି.ଏନ.ଏ.): ବାଲେଶ୍ୱର ଜିଲା ସଦର ବ୍ଲକ ଛାନୁଆ ପଞ୍ଚାୟତ ଅନ୍ତର୍ଗତ ସୋଲପଟା ବଗଚରା ଗ୍ରାମରେ ଶନିବାର ଏକ ବିବାହ ଭୋଜି ଧୁମ୍‌ଧାମ୍‌ରେ ଚାଲିଥିବା ବେଳେ...

ନାଗାଲାଣ୍ଡରୁ ଫେରିଲେ ୭ ନିର୍ଯାତିତ ଶ୍ରମିକ

ନୀଳଗିରି, ୧୭ା୬(ଡି.ଏନ.ଏ.)-ନାଗାଲାଣ୍ଡକୁ ଦାଦନ ଖଟିବାକୁ ଯାଇଥିବା ବାଲେଶ୍ୱର ଜିଲା ନୀଳଗିରି ବ୍ଲକ ଅଧୀନ ବିଭିନ୍ନ ଗାଁର ୭ଜଣ ଶ୍ରମିକ ସୋମବାର ଗଁାକୁ ଫେରିଛନ୍ତି। ସେଠାରେ ସେମାନେ...

ମାଟ୍ରିକ ପରୀକ୍ଷା ଫଳ: କେନ୍ଦୁଝର ଜିଲାରେ ପାସ ହାର ୭୧.୪୬%

କେନ୍ଦୁଝର, ୨୧ା୫(ସ୍ବ.ପ୍ର.): ଚଳିତ ବର୍ଷର ମାଟ୍ରିକ ପରୀକ୍ଷାଫଳ ମଙ୍ଗଳବାର ପ୍ରକାଶ ପାଇଛି। କେନ୍ଦୁଝର ଜିଲାରେ ପାସ ହାର ୭୧.୪୬% ରହିଥିବା ଜିଲା ଶିକ୍ଷା ଅଧିକାରୀ କପିଳେନ୍ଦ୍ର...

ହାତୀ ଘଉଡ଼ାଇବା ବେଳେ ଦୁଇ ରାଜ୍ୟବାସୀ ମୁହାଁମୁହିଁ

ଜଳେଶ୍ୱର,୧୯।୨(ସ୍ବ.ପ୍ର.)-ବାଲେଶ୍ୱର ଜିଲା ଜଳେଶ୍ୱର ବ୍ଲକର ସୀମାନ୍ତରେ ଦୀର୍ଘ ୧ମାସ ଧରି ୧୮ଟି ହାତୀ ରାଇବଣିଆ ଅଞ୍ଚଳରେ ବ୍ୟାପକ କ୍ଷତି କରିଆସୁଥିବାବେଳେ ସୋମବାର ବାଲେଶ୍ୱର ବନବିଭାଗର ୭ଟି...

ଓଜେଇଇ ଇଣ୍ଟିଗ୍ରେଟେଡ ଏମ୍‌ବିଏ ଟପ୍ପର ବଡବିଲ ଝିଅ ସ୍ବୀକୃତି

ବଡବିଲ, ୧୯।୬(ସ୍ବ.ପ୍ର.): କେନ୍ଦୁଝର ଜିଲା ବଡବିଲର ଝିଅ ସ୍ବୀକୃତି ମହାପାତ୍ର ଓଜେଇଇ ଇଣ୍ଟିଗ୍ରେଟେଡ ଏମବିଏରେ ର଼୍ୟାଙ୍କ ୱାନରେ ରହି ଟପ୍ପର ହେବାର ସୌଭାଗ୍ୟ ହାସଲ କରିଛନ୍ତି।...

ଦଳୀୟ ପତାକା ପୋଡ଼ି, ଭଙ୍ଗାରୁଜା

ଚାନ୍ଦବାଲି, ୨୩।୪ (ଡି.ଏନ.ଏ.) – ଭଦ୍ରକ ଜିଲା ଚାନ୍ଦବାଲି ବ୍ଲକ ଘଣ୍ଟେଶ୍ୱର ଅଞ୍ଚଳରେ ରାଜନୈତିକ ବିବାଦକୁ ନେଇ ବିଜେଡି ଓ ଭାଜପା ସମର୍ଥକମାନେ ମୁହଁାମୁହିଁ ହେବା...

ପ୍ରଦୂଷିତ ହୋଇପଡୁଛି ଉଦୟପୁର ବେଳାଭୂମି

ଭୋଗରାଇ, ୧୫।୭(ଡି.ଏନ.ଏ.)-ଓଡ଼ିଶା ସୀମାନ୍ତ ବାଲେଶ୍ୱର ଜିଲା ଭୋଗରାଇ ବ୍ଲକର ପ୍ରାକୃତିକ ଶୋଭା ଉଦୟପୁର ବେଳାଭୂମି ଦିନକୁ ଦିନ ପ୍ରଦୂଷିତ ହୋଇପଡୁଛି। ଏଠିକାର ପରିବେଶକୁ ସ୍ବଚ୍ଛ ରଖିବା...

Leave a comment

Your email address will not be published. Required fields are marked *