କରୋନାକୁ ନେଇ ଶଙ୍କା ବଢୁଛି

ଜଗତ୍‌ସିଂହପୁର ଅଫିସ, ୧୯।୩: କରୋନା ଭୂତାଣୁ (କୋଭିଡ୍‌-୧୯) ସଂକ୍ରମଣ ଚାରିଆଡେ ଭୟର ବାତାବରଣ ସୃଷ୍ଟି କରିଛି। ଏ ପରିସ୍ଥିତିରେ ପ୍ରତ୍ୟହ ବିଦେଶ ଓ ରାଜ୍ୟ ବାହାରୁ ଲୋକଙ୍କ ଆଗମନ ଚିନ୍ତାର କାରଣ ହେଉଛି। ଏହା ମଧ୍ୟରେ ଜଗତ୍‌ସିଂହପୁର ଜିଲାର ୨୮ ଜଣ ବିଦେଶରୁ ଫେରିଥିବା ଚିହ୍ନଟ କରାଯାଇଛି। ସେମାନଙ୍କ ମଧ୍ୟରୁ ସର୍ବାଧିକ ୮ ଜଣ ଦୁବାଇରୁ ଫେରିଛନ୍ତି। ଅନ୍ୟଦେଶ ଯଥା କାନାଡ଼ାରୁ ୧, ଜାକର୍ତ୍ତା ୨, ଭାରେନ ୧, ଜର୍ମାନୀ ୧, ସିଓଲ ୩, ସାଉଦୀ ଆରବ ୩, ବାଙ୍ଗଲାଦେଶ ୨, ସାଉଥକୋରିଆ ୧ ଓ ପାରିସ୍‌ରୁ ଜଣେ ଫେରିଛନ୍ତି। ଅନ୍ୟ ୪ ଜଣଙ୍କୁ ଚିହ୍ନଟ କରାଯାଇ ପାରିନାହିଁ। ଅନ୍ୟ ୨ ଜଣଙ୍କ ସମ୍ପର୍କରେ ତଥ୍ୟ ସଂଗ୍ରହ ସମ୍ଭବ ହୋଇନାହିଁ।
ବିଶେଷ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ରଘୁନାଥପୁର ବ୍ଲକ ଅଧୀନ ବାଲିକୁଦାର ଜଣେ ଯୁବକ କାନାଡ଼ାରୁ ଆମେରିକା ଓ ସିଙ୍ଗାପୁର ଦେଇ ଭାରତରେ ପହଞ୍ଚତ୍ଥିଲେ। ତାଙ୍କୁ ଗତ ୨୮ ତାରିଖରୁ ହୋମ୍‌ ଆଇସୋଲେଶନରେ ରଖାଯାଇଛି। ସେହିପରି ରଘୁନାଥପୁରର ଅନ୍ୟ ଜଣେ ଯୁବକ ଦୁବାଇରୁ ଫେରିଲା ପରେ ଗତ ୫ ତାରିଖରୁ ହୋମ୍‌ ଆଇସୋଲେଶନରେ ଅଛନ୍ତି। ଏହି ବ୍ଲକ ଅନ୍ତର୍ଗତ ବରୀ, ପାଟେଣିଗାଁ ଓ ଧନୀପୁରର ୩ ଜଣ ଯୁବକ ପୃଥକ୍‌ ଭାବେ ଯଥାକ୍ରମେ ଦୁବାଇ ଓ ପାରିସ୍‌ରୁ ଫେରିଛନ୍ତି। ସେମାନେ ଯଥାକ୍ରମେ ଗତ ୬, ୭ ଓ ୧୪ ତାରିଖରୁ ଅଲଗା ଭାବେ ହୋମ୍‌ ଆଇସୋଲେଶନରେ ରହିଛନ୍ତି। ବାଲିକୁଦା ବ୍ଲକ ଗାଡେଇଗିରି ଅଞ୍ଚଳର ଏକ ଧାର୍ମିକ ଅନୁଷ୍ଠାନର ୨ ଜଣ ଯୁବକ ଜାକର୍ତ୍ତାରୁ ଫେରି ଗତ ୧୧ ତାରିଖରୁ ହୋମ୍‌ ଆଇସୋଲେଶନରେ ରହିଛନ୍ତି। ବାଲିକୁଦା ଅଞ୍ଚଳର ଅନ୍ୟ ୨ ଜଣ ସନ୍ଦିଗ୍ଧଙ୍କ ଠିକଣା ଗତ ୪ ତାରିଖରୁ ଚିହ୍ନଟ ହୋଇପାରିନି। ଏହି ବ୍ଲକ ଅଞ୍ଜିରାର ଜଣେ ଓ କୋସିଦାର ଜଣେ ପୃଥକ ଭାବେ ସାଉଥ କୋରିଆ ଓ ଦୁବାଇରୁ ଫେରିଛନ୍ତି। ସେମାନଙ୍କ ମଧ୍ୟରୁ ଜଣେ ଗତ ୭ ଓ ଅନ୍ୟଜଣକ ୧୦ ତାରିଖରୁ ହୋମ୍‌ ଆଇସୋଲେଶନ ରହିଛନ୍ତି। ବାଇଶିମଉଜାର ଜଣେ ଦୁବାଇରୁ ଫେରି ହୋମ୍‌ ଆଇସୋଲେଶନ ରହିଥିଲେ ସୁଦ୍ଧା ତାଙ୍କ ସମ୍ପର୍କରେ ସୂଚନା ମିଳିପାରିନାହିଁ। ଜଗତ୍‌ସିଂହପୁର ମଣ୍ଡାସାହିର ଜଣେ ଯୁବତୀ ଗତ ଜାନୁୟାରୀ ୪ ତାରିଖରୁ ଆଇସୋଲେଶନରେ ଥିବା କୁହାଯାଉଥିଲେ ସୁଦ୍ଧା ବାସ୍ତବରେ ସେ କେଉଁଠୁ ଫେରିଥିଲେ ତାହା ଜଣାପଡ଼ିନାହିଁ। ମଣ୍ଡାସାହି ଜାହାନପୁରର ଜଣେ ମହିଳା, ପୁରୁଷ ଓ ଶିଶୁକନ୍ୟା ସିଓଲରୁ ଫେରି ଗତମାସ ୨୯ ତାରିଖରୁ ଆଇସୋଲେଶନ୍‌ରେ ରହିଛନ୍ତି। ସେହିପରି ମଣ୍ଡାସାହି ମୁଣ୍ଡିଲୋର ଜଣେ ମହିଳା ଓ ଶିଶୁପୁତ୍ର ସାଉଦୀ ଆରବରୁ ଫେରି ଗତ ୧୪ ତାରିଖରୁ ହୋମ୍‌ ଆଇସୋଲେଶନରେ ଅଛନ୍ତି। କୁଜଙ୍ଗ ମଲ୍ଲାସାହି ଓ ପୋତାନଈର ୨ ଯୁବକ ଭାରେନରୁ ଫେରି ଗତ ୪ ତାରିଖରୁ ହୋମ୍‌ ଆଇସୋଲେଶନରେ ରହିଛନ୍ତି। ଏହି ବ୍ଲକ ମୁସାଡିଆର ୨ ଜଣ ମହିଳା ବଙ୍ଗଳାଦେଶରୁ ଫେରି ଗତ ୧୪ ତାରିଖରୁ ନିଜ ଘରେ ଅଲଗା ଭାବେ ରହୁଛନ୍ତି। ନାଉଗାଁ ବେଣାପଡ଼ା ଅଞ୍ଚଳର ଜଣେ ବ୍ୟକ୍ତି ଜର୍ମାନୀରୁ ଫେରି ଗତମାସ ୫ ତାରିଖରୁ ହୋମ୍‌ ଆଇସୋଲେଶନ ରହିଥିଲେ।
ସେ ଗତ ୧୪ ତାରିଖରେ ପୁଣି ବାଙ୍ଗାଲୋର ଯାଇଥିବା ସୂଚନା ମିଳିଛି। ଜଗତ୍‌ସିଂହପୁର ସଭାମୂଳ ଅଞ୍ଚଳର ଜଣେ ବ୍ୟକ୍ତି ଦୁବାଇରୁ ଫେରି ଗତ ୪ ତାରିଖରୁ ହୋମ୍‌ ଆଇସୋଲେଶନରେ ରହିଛନ୍ତି। ଅନ୍ୟ ୨ ଜଣ ଦୁବାଇରୁ ଫେରି ହୋମ୍‌ ଆଇସୋଲେଶନରେ ରହିଛନ୍ତି। ତେବେ ଆଇସୋଲେଶନରେ ଥିବା ସମସ୍ତେ ସୁସ୍ଥ ଥିବା ସୂଚନା ମିଳିଛି। ଆଇସୋଲେଶନ ସମୟ ଅତିକ୍ରାନ୍ତ ହୋଇଗଲେ ସେମାନେ ସ୍ବାଭାବିକ ଭାବେ ବୁଲାଚଲା କରିପାରିବେ। ତେଣୁ କେହି ଭୟଭୀତ ହେବାର ନାହିଁ ବୋଲି ଜିଲାପାଳ ସଂଗ୍ରାମ କେଶରୀ ମହାପାତ୍ର କହିଛନ୍ତି। ସନ୍ଦିଗ୍ଧମାନଙ୍କ ମଧ୍ୟରୁ ୪ ଜଣ ୨୦ ଦିନ ହୋମ୍‌ ଆଇସୋଲେଶନରେ ରହି ସାରିଲେଣି। କିନ୍ତୁ ସମ୍ଭାବ୍ୟ ପରିସ୍ଥିତିକୁ ନେଇ ଜିଲାବାସୀ ଆତଙ୍କିତ ଅବସ୍ଥାରେ ରହିଛନ୍ତି। ଆବଶ୍ୟକ ନ ଥିଲେ ଲୋକେ ଘରୁ ବାହାରିବାକୁ ଡରୁଛନ୍ତି।


All Right Reserved By Dharitri.Com

ଟୋକନ୍‌ ସମସ୍ୟା, ଚାଷୀ ହନ୍ତସନ୍ତ

ସୋନପୁର,୧୨।୨(ନି.ପ୍ର.) – ଅନଲାଇନ ଟୋକନ ବ୍ୟବସ୍ଥାରେ ସମସ୍ୟା ଯୋଗୁଁ ଚଳିତ ବର୍ଷ ସୁବର୍ଣ୍ଣପୁର ଜିଲାରେ ଧାନ ସଂଗ୍ରହ କ୍ଷେତ୍ରରେ ଚରମ ବିଶୃଙ୍ଖଳା ସୃଷ୍ଟି ହୋଇଛି। ନଭେମ୍ବର...

ଆହାର କେନ୍ଦ୍ରରେ ଖାଇ ଛାଡ଼ଖାଇ ପାଳିଲେ ପଶ୍ଚିମ ଓଡ଼ିଶା ବିକାଶ ପରିଷଦ ଅଧ୍ୟକ୍ଷ

ବରଗଡ଼ ଅଫିସ,୧୩।୧୧- ବୁଧବାର ସବୁଆଡ଼େ ଛାଡଖାଇର ମାହୋଲ। ସଭିଁଏ ଉତ୍ସାହ, ଉଦ୍ଦୀପନା ସହିତ ଏହାକୁ ପାଳନ କରୁଛନ୍ତି। ହେଲେ ପଶ୍ଚିମ ଓଡ଼ିଶା ବିକାଶ ପରିଷଦ ଅଧ୍ୟକ୍ଷ...

ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗ: ପ୍ରଧାନ ଶିକ୍ଷକଙ୍କ ଘରେ ଭିଜିଲାନ୍ସ ଚଢ଼ାଉ

ନବରଙ୍ଗପୁର,୭।୧(ବି.ପ୍ର.): ନବରଙ୍ଗପୁର ଜିଲା ରାଇଘର ବ୍ଲକ ଅନ୍ତର୍ଗତ ବୋରଗାଓ ପ୍ରକଳ୍ପ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ରଞ୍ଜିତ କୁମାର ପାଣିଗ୍ରାହୀଙ୍କ ଘରେ ମଙ୍ଗଳବାର ଭିଜିଲାନ୍ସ ବିଭାଗ...

ଅପରାଧରେ ବୁଡ଼ିଛନ୍ତି ୯୪୭ ପୋଲିସ ଅଧିକାରୀ

ଭୁବନେଶ୍ୱର,୨୦ା୬(ବ୍ୟୁରୋ): ଜନସାଧାରଣଙ୍କ ଧନଜୀବନ ସୁରକ୍ଷା ଦେବା ପୋଲିସର କର୍ତ୍ତବ୍ୟ। ଦୁର୍ନୀତି, ଅପରାଧ ଏବଂ ଅସଦାଚରଣ ଭଳି କୁତ୍ସିତ କାର୍ଯ୍ୟକଳାପ ଉପରେ ଲଗାମ ଲଗାଇବାକୁ ପ୍ରଶାସନିକ ସ୍ତରରେ...

ସରକାରୀ ବିଭାଗ-ନିର୍ଦ୍ଦେଶାଳୟ ମିଶ୍ରଣ ପ୍ରସଙ୍ଗ: କର୍ମଚାରୀ ମହଲ ପ୍ରତିକ୍ରିୟା ଉପରେ ସରକାରଙ୍କ ନଜର

ଭୁବନେଶ୍ୱର,୩୧ା୮(ବ୍ୟୁରୋ): ରାଜ୍ୟ ସରକାରଙ୍କ ଅଧୀନରେ ଥିବା ବିଭାଗଗୁଡିକ ସହ ସଂପୃକ୍ତ ନିର୍ଦ୍ଦେଶାଳୟ ମିଶ୍ରଣ ନେଇ ଗତ ୨୧ତାରିଖରେ ଜିଏ ଏଣ୍ଡ ପିଜି ପକ୍ଷରୁ ବିଜ୍ଞପ୍ତି ପ୍ରକାଶ...

ଶିଶୁ ସୁରକ୍ଷା ନେଇ ସଚେତନତା ଶୋଭାଯାତ୍ରା

ମ.ରାମପୁର,୧୨।୮(ଡି.ଏନ.ଏ.) କଳାହାଣ୍ଡି ଜିଲା ମ.ରାମପୁର ସ୍ଥିତ ଦୁର୍ଗାମାଧବ ଉଚ୍ଚ ବିଦ୍ୟାପୀଠ ଛାତ୍ରୀଛାତ୍ରଙ୍କୁ ନେଇ ସ୍ଥାନୀୟ ପୋଲିସ ବିଭାଗ ପକ୍ଷରୁ ଶିଶୁ ସୁରକ୍ଷା ସଚେତନତା ଶୋଭଯାତ୍ରା ହୋଇଯାଇଛି...

ମୃତଦେହକୁ ଝୁଣି ଖାଉଛନ୍ତି ବୁଲା କୁକୁର, କାହାରି ନିଘା ନାହିଁ

ନବରଙ୍ଗପୁର,୨।୧(ବି.ପ୍ର.): ନବରଙ୍ଗପୁର ଜିଲା ସଦର ମହକୁମା ଗାବ୍ରିଆଲଗୁଡ଼ା ନିକଟରେ ଥିବା କୁସୁମଝର ଡ୍ୟାମ୍‌ରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଦିନେ କି ଦୁଇଦିନ ନୁହେଁ,...

ରାସ୍ତା ସମ୍ପ୍ରସାରଣ ପାଇଁ ଗଛକଟା

ବ୍ରହ୍ମପୁର ଅଫିସ୍‌,୧୫ା୭-ବାତ୍ୟା ପ୍ରଭାବିତ ଗଞ୍ଜାମ ଜିଲାରେ ସବୁଜିମା ପାଇଁ ସରକାରୀ ଏବଂ ବେସରକାରୀସ୍ତରରେ ପଦକ୍ଷେପ ନିଆଯାଉଛି। ସ୍କୁଲ ପିଲାଙ୍କୁ ‘ପିଲାଟିଏ ଗଛଟିଏ’ କାର୍ଯ୍ୟକ୍ରମ ଜରିଆରେ ଚାରାରୋପଣ...

Leave a comment

Your email address will not be published. Required fields are marked *