ବ୍ୟାସନଗର ଓ ଯାଜପୁର ସହରରେ ପିଏମ୍‌ଏୱାଇ ବାଟବଣା: ପରବର୍ତ୍ତୀ କିସ୍ତିରୁ ବଞ୍ଚତ୍ତ ହେବେ ହିତାଧିକାରୀ

ଯାଜପୁର ଅଫିସ,୯ା୬- ପ୍ରଧାନମନ୍ତ୍ରୀ ଆବାସ ଯୋଜନା(ପିଏମଏୱାଇ)ର ଗାଇଡ ଲାଇନ ପାଳନ ହୋଇ ନ ଥିବାରୁ ଯାଜପୁର ଜିଲାର ଦୁଇ ସହରାଞ୍ଚଳର ବହୁ ହିତାଧିକାରୀଙ୍କୁ ପରବର୍ତ୍ତୀ କିସ୍ତି ମିଳିବ ନାହିଁ ା ବ୍ୟାସନଗର ପୌରାଞ୍ଚଳର ୧ ଓ ୫ ପର୍ଯ୍ୟାୟ ଏବଂ ଯାଜପୁର ପୌରାଞ୍ଚଳର ୧ ଓ ୬ ପର୍ଯ୍ୟାୟରେ ପାଇଥିବା ଶତପ୍ରତିଶତ ହିତାଧିକାରୀଙ୍କ ତାଲିକା, ଜିଓ ଟ୍ୟାଗିଂ, ଆଧାର କାର୍ଡ, ବିନିଯୋଗ ପତ୍ର(ୟୁସି) ଆଦି ଅପଲୋଡ ନ ହେବା ପର୍ଯ୍ୟନ୍ତ ପରବର୍ତ୍ତୀ କିସ୍ତି ଦିଆଯିବ ନାହିଁ ବୋଲି ସୂଚନା ମିଳିଛି। ଏହି ମର୍ମରେ ରାଜ୍ୟ ଗୃହ ଓ ନଗର ଉନ୍ନୟନ ବିଭାଗର ଓୟୁଏଚଏମ(ଓଡିଶା ଅର୍ବାନ ହାଉସିଂ ମିଶନ) ନିର୍ଦ୍ଦେଶକ ସୁରେଶଚନ୍ଦ୍ର ଦଳେଇ ତୁରନ୍ତ ଆବଶ୍ୟକ ଗାଇଡ ଲାଇନ ପୂରଣ କରିବାକୁ ନିର୍ଦ୍ଦେଶ ଜାରି କରିଛନ୍ତି। ଏଥିରେ ଯାଜପୁର ପୌରାଞ୍ଚଳରେ ସର୍ବାଧିକ ୧୪୨୪ ଓ ବ୍ୟାସନଗର ପୌରାଞ୍ଚଳର ୧୧୧୧ ହିତାଧିକାରୀ ପରବର୍ତ୍ତୀ କିସ୍ତି ନ ପାଇବାର ସମ୍ଭାବନା ସୃଷ୍ଟି ହୋଇଛି। ହିତାଧିକାରୀଙ୍କ ଏହି ଅସନ୍ତୋଷ ପାଇଁ ସମ୍ପୃକ୍ତ ବିଭାଗୀୟ ଅଧିକାରୀମାନେ ଦାୟୀ ରହିବେ ବୋଲି ନିର୍ଦ୍ଦେଶକ ଦଳେଇ ରୋକଠୋକ ଚେତାବନୀ ଦେଇଛନ୍ତି। ତେବେ ୨୦୧୮ ଜୁଲାଇ ମାସରେ ଏ ସଂକ୍ରାନ୍ତରେ ଯାଜପୁର ଓ ବ୍ୟାସନଗର ପୌର ନିର୍ବାହୀ ଅଧିକାରୀଙ୍କୁ ପତ୍ର ମାଧ୍ୟମରେ ଅବଗତ କରାଯାଇଥିଲେ କୌଣସି ପଦକ୍ଷେପ ନିଆଯାଇ ନ ଥିଲା। ଯାହା ଫଳରେ ଗତ ୪ତାରିଖରେ ପୁଣି ଥରେ ଉଭୟ ପୌର ନିର୍ବାହୀ ଅଧିକାରୀଙ୍କୁ ତାଗିଦ୍‌ କରାଯାଇଥିବା ଜଣାପଡ଼ିଛି।

ସହରର ସୌନ୍ଦର୍ଯ୍ୟ ବୃଦ୍ଧି ସହ ଝୁମ୍ପୁଡିବାସୀଙ୍କ ମଧ୍ୟରେ ସହରୀ ଛାପ ପକାଇବା ଉଦ୍ଦେଶ୍ୟରେ ୨୦୧୧ ଜୁନ ମାସରେ ରାଜୀବ ଆବାସ ଯୋଜନା ପ୍ରଣିତ ହୋଇଥିଲା। ପରବର୍ତ୍ତୀ ସମୟରେ ଏହାକୁ ପ୍ରଧାନମନ୍ତ୍ରୀ ଆବାସ ଯୋଜନାରେ ନାମିତ କରାଯାଇଛି ା ଏହି ଯୋଜନା ଗୃହ ଓ ନଗର ଉନ୍ନୟନ ବିଭାଗର ଓୟୁଏଚ୍‌ଏମ୍‌ ଦ୍ୱାରା କାର୍ଯ୍ୟକାରୀ କରାଯାଉଛି। ଏହିକ୍ରମରେ ଯାଜପୁର ପୌରପରିଷଦରେ ପ୍ରଥମ ପର୍ଯ୍ୟାୟରେ ୧୧୦୦ ଘର ମଞ୍ଜୁର ହୋଇଥିଲା। ସେଥିମଧ୍ୟରୁ ପିଏମ୍‌ଏୱାଇ ଗାଇଡଲାଇନ ଅନୁଯାୟୀ ୬୦୭ ହିତାଧିକାରୀଙ୍କୁ ସଂଯୋଗ କରାଯାଇଛି। ୪୭୫ ଜଣ ହିତାଧିକାରୀଙ୍କ ଭ୍ୟାଲିଡ ଆଧାର ଏବଂ ୩୪୭ ଜଣ ହିତାଧିକାରୀଙ୍କ ସବିଶେଷ ତଥ୍ୟ ଜିଓ ଟ୍ୟାଗିଂ ହୋଇଛି। ୧୩୨ଜଣ ହିତାଧିକାରୀଙ୍କ ନାମ ଆଧାର ଭ୍ୟାଲିଡ ହେବାକୁ ଥିବାବେଳେ ୨୩୭ଜଣ ହିତାଧିକାରୀଙ୍କ ଜିଓ ଟ୍ୟାଗିଂ କାର୍ଯ୍ୟ ବାକି ରହିଛି। ସେହିପରି ଷଷ୍ଠ ପର୍ଯ୍ୟାୟରେ ୩୨୪ ଘର ମଞ୍ଜୁର ହୋଇଥିଲା ା ସେଥିରୁ ୨୭ଟି ଘରର ହିତାଧିକାରୀଙ୍କୁ ସଂଯୋଗ କରାଯାଇଥିବାବେଳେ ୨୭ଜଣଙ୍କ ଆଧାର ଭ୍ୟାଲିଡ ହୋଇଛି। ୨୯୭ ହିତାଧିକାରୀଙ୍କୁ ସଂଯୋଗ ଏବଂ ୩୨୪ଜଣ ହିତାଧିକାରୀଙ୍କ ସବିଶେଷ ତଥ୍ୟ ଜିଓ ଟ୍ୟାଗିଂ ହୋଇନାହିଁ । ଅନୁରୂପ ଭାବେ ବ୍ୟାସନଗର ପୌରାଞ୍ଚଳରେ ପ୍ରଥମ ପର୍ଯ୍ୟାୟରେ ୧୦୯୯ ଆବାସ ମଞ୍ଜୁର ହୋଇଥିଲା। ସେଥିମଧ୍ୟରୁ ୪୨୮ ହିତାଧିକାରୀଙ୍କୁ ସଂଯୋଗ କରାଯାଇଥିବାବେଳେ ୪୦୭ ହିତାଧିକାରୀଙ୍କୁ ଆଧାର ଏବଂ ୧୮୫ ଜଣ ଜିଓ ଟ୍ୟାଗି ଅନ୍ତର୍ଭୁକ୍ତ ହୋଇଛନ୍ତି । ତେବେ ୨୧ ଜଣ ହିତାଧିକାରୀ ଭ୍ୟାଲିଡ ଆଧାର ଏବଂ ୭୮ ଜଣ ଜିଓ ଟ୍ୟାଗିଂ ହୋଇନାହାନ୍ତି। ସେହିପରି ୫ମ ପର୍ଯ୍ୟାୟରେ ମଞ୍ଜୁର ହୋଇଥିବା ୧୨ଆବାସ ମଧ୍ୟରୁ ୧୨ ଜଣ ହିତାଧିକାରୀଙ୍କୁ ଭ୍ୟାଲିଡ ଆଧାର କାର୍ଯ୍ୟରେ ସାମିଲ କରାଯାଇଛି । ଜଣେ ହିତାଧିକାରୀ ଜିଓ ଟ୍ୟାଗିଂ ଅର୍ନ୍ତଭୁକ୍ତ ହୋଇଛନ୍ତି ା ହେଲେ ୧୧ ଜଣ ହିତାଧିକାରୀଙ୍କୁ ଜିଓ ଟ୍ୟାଗିଂ କରାଯାଇ ପାରିନାହିଁ ା ବିଭାଗୀୟ ଅଧିକାରୀଙ୍କ ଖାମଖିଆଲି ମନୋଭାବ ଏବଂ ଆନ୍ତରିକତାର ଅଭାବ ଏଥିପାଇଁ ଦାୟୀ ବୋଲି କୁହାଯାଉଛି। ଏହି ହିତାଧିକାରୀମାନେ ୩ଟି କିସ୍ତି ମଧ୍ୟରୁ ଗୋଟିଏ କିସ୍ତି ପାଇଥିବାବେଳେ ଆଉ ୨ଟି କିସ୍ତି ପାଇବା ଅପେକ୍ଷାରେ ଅଛନ୍ତି। ଯେତେଦିନ ପର୍ଯ୍ୟନ୍ତ ସମସ୍ତ ହିତାଧିକାରୀଙ୍କ ପିଏମ୍‌ଏୱାଇ-ଏମ୍‌ଆଇଏସ୍‌ ଏବଂ ଜିଓ ଟ୍ୟାଗ ଫଟୋଗ୍ରାଫ ସ୍ଥାନିତ(ଅପଲୋଡ) ନ ହୁଏ ସେ ପର୍ଯ୍ୟନ୍ତ କେନ୍ଦ୍ର ସରକାର ପରବର୍ତ୍ତୀ କିସ୍ତି ଅର୍ଥ ଦେବେ ନାହିଁ ବୋଲି ନିର୍ଦ୍ଦେଶକ ଦଳେଇ ତାଙ୍କ ପତ୍ରସଂଖ୍ୟା ୧୧୯୯/୫ା୭ା୨୦୧୮ରେ ସୂଚିତ କରିଥିଲେ। ବାରମ୍ବାର ନିର୍ଦ୍ଦେଶ ଦେବା ସତ୍ତ୍ବେ ପୌରପରିଷଦର ନିର୍ବାହୀ ଅଧିକାରୀମାନେ ଶତପ୍ରତିଶତ ତଥ୍ୟ ଅପଲୋଡ କରିବାରେ ବିଫଳ ହୋଇଛନ୍ତି ବୋଲି ଉକ୍ତ ପତ୍ରରେ ଦର୍ଶାଯାଇଥିଲା। ଏହାସତ୍ତ୍ୱେ ରିପୋର୍ଟ ଦାଖଲ ନୈରାଶ୍ୟଜନକ ହେବାରୁ ବର୍ଷକ ତଳର ନିର୍ଦ୍ଦେଶନାମାକୁ ପୁଣିଥରେ ଚଳିତ ଜୁନ ୪ ତାରିଖରେ ଯାଜପୁର ଓ ବ୍ୟାସନଗର ପୌର ନିର୍ବାହୀ ଅଧିକାରୀଙ୍କୁ ଦିଆଯାଇଥିବା ଜଣାପଡ଼ିଛି। ତେବେ ଏନେଇ ଅଫିସର ଅନ ସ୍ପେଶିଆଲ ଡ୍ୟୁଟି(ଓଏସଡି) ସୁଦର୍ଶନ ମିଶ୍ରଙ୍କୁ ଯୋଗାଯୋଗ କରାଯାଇଥିଲେ କୌଣସି ମତାମତ ମିଳିପାରି ନାହିଁ।
ସୂଚନାଯୋଗ୍ୟ ଯେ, ଯାଜପୁର ପୌର ପରିଷଦରେ ଗରିବ, ଝୁମ୍ପୁଡିବାସୀଙ୍କ ଉଦ୍ଦେଶ୍ୟରେ ରାଜୀବ ଆବାସ ଯୋଜନାରେ ବ୍ୟାପକ ଅନିୟମିତା ହୋଇଥିବା ସିଏଜି ରିପୋର୍ଟରେ ଧରାପଡିଥିଲା। ଏହି ଯୋଜନାରେ ୭୩ଟି ଘର ମାମଲାରେ ପ୍ରାୟ ୨.୩୯ କୋଟି ଟଙ୍କାର ଅନିୟମିତା ହୋଇଥିବା ସିଏଜିରେ ଦର୍ଶାଯାଇଥିଲା। ଏହାବାଦ ୧୦୪ ଜଣ ଝୁମ୍ପୁଡିବାସୀଙ୍କ ଥଇଥାନ ଲକ୍ଷ୍ୟରେ ନିର୍ମିତ ଟ୍ରାନ୍‌ଜିଟ ହାଉସକୁ ଆରମ୍ଭରୁ ମାର୍କେଟ କମ୍ପ୍ଲେକ୍ସରେ ପରିଣତ କରାଯାଇଥିଲା।


All Right Reserved By

ବଡ଼ଚଣାରେ ବାଜିମାରିଲା ବିଜେଡି

ଯାଜପୁର ଅଫିସ୍‌, ୨୩।୫- ବଡ଼ଚଣା ନିର୍ବାଚନମଣ୍ଡଳୀରେ ବିଜେଡି ପ୍ରାର୍ଥୀ ଅମର ଶତପଥୀ ୧୩୯୧ ଭୋଟରେ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ ଭାଜପା ପ୍ରାର୍ଥୀ ଅମର ନାୟକଙ୍କୁ ହରାଇଛନ୍ତି।

ମହିଳାଙ୍କ ମୂତ୍ରନଳୀ କାଟିଦେବା ଘଟଣା : ଜିଲାପାଳଙ୍କ ଦ୍ୱାରସ୍ଥ ହେଲେ ପରିବାର

ନୟାଗଡ଼ ଅଫିସ,୧୮।୭: ନୟାଗଡ଼ ଜିଲା ଦଶପଲ୍ଲା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ପରିବାର ନିୟୋଜନ ଅସ୍ତ୍ରୋପଚାର କରାଯାଉଥିବା ସମୟରେ ଡାକ୍ତର ମହିଳାଙ୍କ ମୂତ୍ରନଳୀ କାଟି ଦେଇଥିଲେ। ଏହି ଘଟଣାରେ...

ବର୍ଷା ଅଭାବରୁ ଆଗେଇପାରୁନି ଚାଷ

ନାଉଗାଁ,୨୯ା୬(ସ୍ବ.ପ୍ର.): ନାଉଗାଁ ବ୍ଲକରେ ସାଧାରଣତଃ ବର୍ଷା ଉପରେ ନିର୍ଭର କରି ଚାଷୀ ଧାନ ଚାଷ କରିଥାନ୍ତି। ଚଳିତବର୍ଷ ଏ ପର୍ଯ୍ୟନ୍ତ ଆଶାନୁରୂପ ବର୍ଷା ହୋଇନାହିଁ। ତେଣୁ...

ଷ୍ଟିଚ୍‌ ବେଳେ ରହିଗଲା ଛୁଞ୍ଚି

କେନ୍ଦ୍ରାପଡା ଅଫିସ, ୧୮ା୭: ଏକ ଅଭାବନୀୟ ଘଟଣା ପାଇଁ ଚର୍ଚ୍ଚାକୁ ଆସିଛି କେନ୍ଦ୍ରାପଡ଼ା ଜିଲା ମୁଖ୍ୟ ଚିକିତ୍ସାଳୟ। ପ୍ରସୂତିକାଳୀନ ଷ୍ଟିଚ୍‌ ପରେ ମହିଳାଙ୍କ ଗୋପନୀୟ ଅଙ୍ଗରେ...

ସୁକନ୍ୟା ପକ୍ଷରୁ ବିଶ୍ୱ ପରିବେଶ ଦିବସ ପାଳିତ

ଧର୍ମଶାଳା,୬ା୬(ଡି.ଏନ୍‌.ଏ.): ନେହେରୁ ଯୁବକେନ୍ଦ୍ର ଯାଜପୁର ପକ୍ଷରୁ ଧର୍ମଶାଳା ବ୍ଲକ ପଣ୍ଡୁଆସ୍ଥିତ ସୁକନ୍ୟା ସ୍ବେଚ୍ଛାସେବୀ ଅନୁଷ୍ଠାନ ଆନୁକୂଲ୍ୟରେ ବୁଧବାର ବିଶ୍ୱ ପରିବେଶ ଦିବସ ପାଳିତ ହୋଇଯାଇଛି। ଏହି...

ମୁଖ୍ୟ ବନ ସଂରକ୍ଷକଙ୍କ ଡାଳିଯୋଡା ଗସ୍ତ

ଛତିଆ,୧ା୬(ଡି.ଏନ.ଏ.)- ରାଜ୍ୟ ସରକାରଙ୍କ ଜଙ୍ଗଲ ବିଭାଗର ମୁଖ୍ୟ ବନ ସଂରକ୍ଷକ ସଞ୍ଜୀବ କୁମାର ତ୍ରିପାଠୀ ଶୁକ୍ରବାର ଡାଳିଯୋଡା ବନାଞ୍ଚଳର ଚଣ୍ଡିଖୋଲ ସେକ୍ସନ୍‌ ଗସ୍ତରେ ଆସିଥିଲେ। ମହାବିନାୟକ...

ଖରାରେ ଓଭରବ୍ରିଜ୍‌ ଉପରେ କାମ କରୁଛନ୍ତି ଶ୍ରମିକ: ବିପଜ୍ଜନକ କାର୍ଯ୍ୟ ସତ୍ତ୍ୱେ ନୀରବ ଶ୍ରମ ବିଭାଗ

ନିରାକାରପୁର,୧୯ା୬(ଡି.ଏନ୍‌.ଏ.)-ବର୍ତ୍ତମାନ ମଧ୍ୟ ଅନେକ ସ୍ଥାନରେ ତାତି କମିନାହିଁ। ତେଣୁ ପୂର୍ବାହ୍ନ ୧୧ଟାରୁ ଅପରାହ୍ନ ୩ଟା ପର୍ଯ୍ୟନ୍ତ ବିପଜ୍ଜନକ ଭାବେ କୌଣସି ଶ୍ରମିକ କାର୍ଯ୍ୟ କରିବା ସରକାରୀ...

ଆଳିରେ ଆଗରେ ବିଜେଡି

ମହାକାଳପଡ଼ା, ୨୩।୫ (ଡି.ଏନ୍‌.ଏ.)- ଆଳି ବିଧାନସଭା କ୍ଷେତ୍ରରେ ବିଜେଡି ପ୍ରାର୍ଥୀ ପ୍ରତାପ ଦେବ ଆଗରେ ରହିଛନ୍ତି। ବର୍ତ୍ତମାନ ସୁଦ୍ଧା କଂଗ୍ରେସ ପ୍ରାର୍ଥୀ ଦେବେନ୍ଦ୍ର ଶର୍ମାଙ୍କଠାରୁ ପ୍ରତାପ...

selfi corner

Model This Week

Why Dharitri

Leave a comment

Your email address will not be published. Required fields are marked *