ନୀଳାଚଳ କାରଖାନାରେ ଫୁସ୍‌ଫୁସ୍‌ ଜନିତ ରୋଗରେ ଆକ୍ରାନ୍ତ ମାମଲା: ଏସ୍‌ଆର୍‌ଏଲ୍‌ ତଥ୍ୟ ଭୁଲ ଥିଲା

ଯାଜପୁର ଅଫିସ, ୯ା୬- କଳିଙ୍ଗନଗର ଶିଳ୍ପାଞ୍ଚଳସ୍ଥିତ ନୀଳାଚଳ ଇସ୍ପାତ ନିଗମ ଲିମିଟେଡ(ଏନ୍‌ଆଇଏନ୍‌ଏଲ୍‌)ରେ କାର୍ଯ୍ୟରତ ୪୦ବର୍ଷରୁ କମ୍‌ ନିୟମିତ କର୍ମଚାରୀଙ୍କ ମଧ୍ୟରୁ ପ୍ରାୟ ୭୮ପ୍ରତିଶତ ଫୁସ୍‌ଫୁସ୍‌ ଜନିତ ରୋଗ (ଆରଏଲଡି-ରେଷ୍ଟ୍ରିକ୍ଟିଭ ଲଙ୍ଗ୍‌ସ ଡିଜିଜ) ରେ ଆକ୍ରାନ୍ତ ଥିବା ଏସ୍‌ଆର୍‌ଏଲ୍‌ ପାଥୋଲାବ ଦେଇଥିବା ରିପୋର୍ଟ ଭୁଲ ଥିଲା ବୋଲି ଏନ୍‌ଆଇଏଲ୍‌ କର୍ତ୍ତୃପକ୍ଷ ସୂଚନା ଦେଇଛନ୍ତି। ସ୍ବାସ୍ଥ୍ୟ ପରୀକ୍ଷା ସମୟରେ ଏସ୍‌ଆର୍‌ଏଲ୍‌(ସୁପର ରେଲିଗେୟାର ଲାବୋରେଟୋରୀ)ର ପିଏଫଟି (ସ୍ପାଇରୋମେଟ୍ରିକ ନାମକ ଏକ ଯନ୍ତ୍ର)ରେ ଅସ୍ବାଭାବିକ ଫଳାଫଳ ବାହାରୁଥିଲା ବୋଲି ଏନ୍‌ଆଇଏନଏଲର ଜେନେରାଲ ମ୍ୟାନେଜର ସିରିଶ ମହାପାତ୍ର ଏକ ବିଜ୍ଞପ୍ତିରେ ସୂଚନା ଦେଇଛନ୍ତି। ବିଜ୍ଞପ୍ତିରେ ସେ ଆହୁରି ଦର୍ଶାଇଛନ୍ତି ଯେ, କଳିଙ୍ଗନଗର ଶିିଳ୍ପାଞ୍ଚଳରେ ବାର୍ଷିକ ୧.୧ ମିଲିୟନ ଟନ୍‌ କ୍ଷମତା ବିଶିଷ୍ଟ ସମନ୍ବିତ ଷ୍ଟିଲ ପ୍ଲାଣ୍ଟରେ ପ୍ରାୟ ୩,୫୦୦ କର୍ମଚାରୀ ଓ ଶ୍ରମିକ କାର୍ଯ୍ୟରତ। ଏମାନଙ୍କ ସ୍ବାସ୍ଥ୍ୟ ପରୀକ୍ଷା ନିୟମିତ ବ୍ୟବଧାନରେ କରାଯାଇଥାଏ। ୨୦୧୮-୧୯ ଆର୍ଥିକ ବର୍ଷରେ ଏସ୍‌ଆର୍‌ଏଲ୍‌କୁ ସ୍ବାସ୍ଥ୍ୟ ପରୀକ୍ଷା ପାଇଁ ଦାୟିତ୍ୱ ଦିଆଯାଇଥିଲା। ଏହି ସ୍ବାସ୍ଥ୍ୟ ପରୀକ୍ଷା ୨୦୧୮ ଜୁନ୍‌ ଓ ଜୁଲାଇ ମାସରେ ହୋଇଥିଲା। ଆରଏଲଡି ପାଇଁ ପିଏଫ୍‌ଟି ପରୀକ୍ଷା ପ୍ରାଥମିକ ଭାବେ ହୋଇଥାଏ। ତେଣୁ ପୁନର୍ବାର ପିଏଫ୍‌ଟି ପରୀକ୍ଷା କରିବାକୁ ଏସଆର୍‌ଏଲ୍‌ କର୍ତ୍ତୃପକ୍ଷଙ୍କୁ କୁହାଯାଇଛି। ଏପରି କି ଏଓ୍‌ଆର୍‌ଏଲ୍‌କୁ ପ୍ରାପ୍ୟ ପ୍ରଦାନ କରାଯାଇ ନାହିଁ । ତେଣୁ ଏନେଇ କୌଣସି ତଥ୍ୟ କିମ୍ବା ଦସ୍ତାବିଜ ଅମୂଳକ ଭାବେ ଗ୍ରହଣ କରାଯାଇପାରେ ବୋଲି ଏନ୍‌ଆଇଏନ୍‌ଏଲ୍‌ କର୍ତ୍ତୃପକ୍ଷ ନିଜର ସ୍ପଷ୍ଟୀକରଣରେ ସୂଚନା ଦେଇଛନ୍ତି। ଅନ୍ୟପକ୍ଷେ କାରଖାନା ପରିସରରେ ପ୍ରଦୂଷଣ ସମ୍ପର୍କରେ ଜାଣିବାକୁ ଏୟାର ଏମ୍ବିନେଣ୍ଟ କ୍ବାଲିଟି ମନିଟରିଂ ଷ୍ଟେଶନ ଏବଂ କଣ୍ଟିନିୟସ ଏମିସନ ମନିଟରିଂ ଷ୍ଟେଶନ ସ୍ଥାପନ ହୋଇଛି। ଏହା ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ(ଏସପିସିବି)ର ଯନ୍ତ୍ର ସହିତ ସଂଯୋଗ ହୋଇଛି ା ଏସ୍‌ପିସିବି କର୍ତ୍ତୃପକ୍ଷ ଏନ୍‌ଆଇଏନ୍‌ଏଲ୍‌ ସହିତ ଯୋଗାଯୋଗରେ ରହି ପ୍ରଦୂଷଣ ମାନ ଉପରେ ସନ୍ତୁଷ୍ଟ ଅଛନ୍ତି ବୋଲି ଜେନେରାଲ ମ୍ୟାନେଜର ମହାପାତ୍ର କହିଛନ୍ତି।

ଏଠାରେ ସୂଚନାଯୋଗ୍ୟ ଯେ, ଏସ୍‌ଆରଏଲ୍‌ ଏକ ଅର୍ନ୍ତଜାତୀୟ ଲାବୋରେଟୋରୀ ସଂସ୍ଥା। ସାରା ଭାରତ ବର୍ଷରେ ଏହାର ୩୬୮ଟି ଶାଖା ରହିଥିବାବେଳେ ୫ହଜାରରୁ ୧୦ ହଜାର କର୍ମଚାରୀ କାର୍ଯ୍ୟ କରୁଛନ୍ତି। ଏହାର ମୁଖ୍ୟ କାର୍ଯ୍ୟାଳୟ ଗୁରୁଗ୍ରାମ୍‌ରେ ରହିଛି। ବିଭିନ୍ନ ସରକାରୀ ଓ ବେସରକାରୀ ସଂସ୍ଥାରେ ନିୟୋଜିତ କର୍ମଚାରୀଙ୍କ ବୃତ୍ତିଗତ ସ୍ବାସ୍ଥ୍ୟ ପରୀକ୍ଷା ପାଇଁ ଏସଆରଏଲକୁ ପ୍ରାଧାନ୍ୟ ଦିଆଯାଇଥାଏ। ଏଠାରେ ପ୍ରଶ୍ନ ଉଠୁଛି ଯେ, ଗତ ବର୍ଷ ଜୁନ୍‌ ଓ ଜୁଲାଇରେ ହୋଇଥିବା ବୃତ୍ତିଗତ ସ୍ବାସ୍ଥ୍ୟ ପରୀକ୍ଷାରେ ଯଦି ଏଭଳି ତ୍ରୁଟି ରହିଥିଲା, ତେବେ ଏଯାବତ ୨ୟ ଥର ପାଇଁ କର୍ମଚାରୀଙ୍କ ସ୍ବାସ୍ଥ୍ୟ ପରୀକ୍ଷା କାହିଁକି କରାଯାଇ ନାହିଁ। ଯାହାକି କର୍ମଚାରୀମାନଙ୍କ ସ୍ବାସ୍ଥ୍ୟଗତ ସମସ୍ୟାକୁ ବଢ଼ାଉଛି ବୋଲି ଅନେକ ନିଜ ନାମ ଗୋପନ ରଖି ପ୍ରକାଶ କରିଛନ୍ତି।

ଉଲ୍ଲେଖଯୋଗ୍ୟ ଯେ, ଧରିତ୍ରୀରେ ଗତ ୭ତାରିଖରେ ୭୮ପ୍ରତିଶତ କର୍ମଚାରୀ ଫୁସ୍‌ଫୁସ୍‌ ଜନିତ ରୋଗରେ ଆକ୍ରାନ୍ତ ଶୀର୍ଷକ ଖବର ପ୍ରକାଶ ପାଇଥିଲା। ଏଥିରେ ଏନ୍‌ଆଇଏନ୍‌ଏଲ୍‌ର ସମୁଦାୟ ୧୮୭ଜଣ କର୍ମଚାରୀଙ୍କ ସ୍ବାସ୍ଥ୍ୟ ପରୀକ୍ଷାରୁ ୧୪୭ଜଣ ଫୁସଫୁସ ଜନିତ ରୋଗରେ ଆକ୍ରାନ୍ତ ହୋଇଥିବା ତଥ୍ୟ ଭିତ୍ତିକ ରିପୋର୍ଟ ପ୍ରକାଶ ପାଇଥିଲା ା ମାତ୍ର ଏସ୍‌ଆର୍‌ଏଲ୍‌ର ପିଏଫଟି ଯନ୍ତ୍ରରେ ତ୍ରୁଟି ରହିଥିବାରୁ ଭୁଲ୍‌ ରିପୋର୍ଟ ପ୍ରକାଶ ପାଇଥିବା ଏନ୍‌ଆଇଏନ୍‌ଏଲ୍‌ କର୍ତ୍ତୃପକ୍ଷ ପରୋକ୍ଷରେ ସୂଚନା ଦେଇଛନ୍ତି । ଏନେଇ ଏସ୍‌ଆର୍‌ଏଲ୍‌ର ମାର୍କେଟିଂ ଅଫିସର ସୁଶିଲ କୁମାର ପ୍ରଧାନଙ୍କୁ ପଚାରିବାରେ ସେ କହିଛନ୍ତି ଯେ, ଏନ୍‌ଆଇଏନ୍‌ଏଲ୍‌ ତରଫରୁ ସେମାନଙ୍କ ନିକଟକୁ ୨ୟ ଥର ବୃତ୍ତିଗତ ସ୍ବାସ୍ଥ୍ୟ ପରୀକ୍ଷା କରିବା ପାଇଁ ଯୋଗାଯୋଗ କରାଯାଇ ନାହିଁ।


All Right Reserved By

ଜଗତ୍‌ସିଂହପୁରରେ କାୟାମେଲୁଛି ବ୍ରାଉନ ସୁଗାର ର଼୍ୟାକେଟ: ୩ ଗିରଫ, ୪.୭୩ ଗ୍ରାମ ବ୍ରାଉନ ସୁଗାର ଜବତ

ଜଗତ୍‌ସିଂହପୁର ଅଫିସ,୧୯ା୬: ଜଗତ୍‌ସିଂହପୁର ଜିଲାରେ ଏବେ ବ୍ରାଉନ ସୁଗାର ର଼୍ୟାକେଟ୍‌ କାୟା ମେଲିବାରେ ଲାଗିଛି। ବିଶେଷକରି କମ୍‌ ବୟସର ଯୁବକମାନେ ଅଳ୍ପ ପରିଶ୍ରମରେ ଅଧିକ ଟଙ୍କା...

ଦଲାଲ୍‌ଙ୍କ କବ୍‌ଜାରେ ଶ୍ରମ ଆୟୁକ୍ତଙ୍କ କାର୍ଯ୍ୟାଳୟ

ନୟାଗଡ଼ ଅଫିସ,୨୦।୭: ନୟାଗଡ଼ ଖଣ୍ଡପଡ଼ା ରୋଡ୍‌ଠାରେ ଥିବା ବିଭାଗୀୟ ଶ୍ରମ ଆୟୁକ୍ତଙ୍କ କାର୍ଯ୍ୟାଳୟ ବର୍ତ୍ତମାନ ଦଲାଲ୍‌ଙ୍କ କବ୍‌ଜାରେ। ଏଠାରେ ପ୍ରତିଦିନ ଶ୍ରମିକମାନଙ୍କ ଅପେକ୍ଷା ଦୁଇଗୁଣା ଦଲାଲ୍‌...

ବିଦ୍ୟାଳୟ ସ୍ଥାନାନ୍ତରକୁ ଗ୍ରାମବାସୀଙ୍କ ବିରୋଧ ପ୍ରତିବାଦରେ ବିଦ୍ୟାଳୟ ଆଗରେ ଟାୟାର ଜାଳି ବିକ୍ଷୋଭ ପ୍ରଦର୍ଶନ

ଖଣ୍ଡପଡା,୨୩।୬(ସ୍ବ.ପ୍ର.)-୧୦ରୁ କମ୍‌ ଛାତ୍ରୀଛାତ୍ର ଥିବା ବିଦ୍ୟାଳୟଗୁଡିକୁ ବନ୍ଦ କରିବାକୁ ରାଜ୍ୟ ସରକାରଙ୍କ ଶିକ୍ଷା ବିଭାଗ ନିର୍ଦ୍ଦେଶ ଦେଇଛନ୍ତି ା ସମ୍ପ୍ରତି ୧୯ଜଣ ଛାତ୍ରୀଛାତ୍ର ବାଣପୁର ପଞ୍ଚାୟତ...

ଏଟିଏମ୍‌ ସେବା ଠପ୍‌ : ଅନ୍ୟ ଅଞ୍ଚଳରୁ ଗ୍ରାହକ ଉଠାଉଛନ୍ତି ଟଙ୍କା

ନିରାକାରପୁର,୨୩ା୫(ଡି.ଏନ.ଏ.): ଫନୀ ପରେ ଖୋର୍ଦ୍ଧା ଜିଲା ନିିରାକାରପୁର ପଞ୍ଚାୟତସ୍ଥିତ ବିଭିନ୍ନ ବ୍ୟାଙ୍କର ଏଟିଏମ୍‌ ସେବା ଠପ୍‌ ହୋଇଯାଇଥିବା ଅଭିଯୋଗ ହୋଇଛି। ପ୍ରାୟ ସମସ୍ତ ଏଟିଏମ୍‌ କେନ୍ଦ୍ର...

ଆଳିରେ ବିଜେଡି ୧୨୫୧ ଭୋଟରେ ଆଗୁଆ

କେନ୍ଦ୍ରାପଡ଼ା ଅଫିସ୍‌, ୨୩।୫- ଆଳି ବିଧାନସଭା ଆସନରେ ବିଜେଡି ପ୍ରାର୍ଥୀ ପ୍ରତାପ ଦେବ କଂଗ୍ରେସ ପ୍ରାର୍ଥୀ ଦେବେନ୍ଦ୍ର ଶର୍ମାଙ୍କଠାରୁ ୧୨୫୧ ଭୋଟରେ ଆଗୁଆ। ଦେବେନ୍ଦ୍ର ଶର୍ମା...

ଗୋରୁ ବୋଝେଇ ଗାଡ଼ି ଦୁର୍ଘଟଣାଗ୍ରସ୍ତ: ୨୦ ଗୋରୁ ମୃତ, ବଜରଙ୍ଗ ଦଳର ଧାରଣା

ଧର୍ମଶାଳା,୨୨ା୭(ଡି.ଏନ୍‌.ଏ.): ଯାଜପୁର ଜିଲା ଧର୍ମଶାଳା ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥ ରଥିଆ ନିକଟରେ ସୋମବାର ଭୋର ସମୟରେ ଏକ ଗୋରୁ ବୋଝେଇ କଣ୍ଟେନର...

ପ୍ରଣବ କୁମାର ଦାସ ପ୍ରମୁଖ ସିସିଆଇଟି ନିଯୁକ୍ତ

ଭୁବନେଶ୍ୱର,୧୭।୫(ବ୍ୟୁରୋ): ଭାରତୀୟ ରାଜସ୍ବ ସେବା (ଆଇଆର୍‌ଏସ୍‌)ର ଓଡ଼ିଆ ଅଧିକାରୀ ପ୍ରଣବ କୁମାର ଦାସ ପ୍ରିନ୍ସିପାଲ ଚିଫ୍‌ କମିଶନର ଅଫ୍‌ ଇନ୍‌କମ୍‌ ଟ୍ୟାକ୍ସ(ପିଆର. ସିସିଆଇଟି) ଭାବେ ପଦୋନ୍ନତି...

କାମାକ୍ଷାନଗର କଲେଜରେ ଆରମ୍ଭ ହେବ ଇଗ୍ନୋ ପାଠ୍ୟକ୍ରମ

କାମାକ୍ଷାନଗର, ୩୦।୭(ଡି.ଏନ୍‌.ଏ.)-ଢେଙ୍କାନାଳ ଜିଲା କାମାକ୍ଷାନଗର କଲେଜରେ ଆରମ୍ଭ ହୋଇଥିବା ଇନ୍ଦିରା ଗାନ୍ଧୀ ଜାତୀୟ ମୁକ୍ତ ବିଶ୍ୱବିଦ୍ୟାଳୟ (ଇଗ୍ନୋ) ପକ୍ଷରୁ ଚଳିତ ଶିକ୍ଷାବର୍ଷରୁ ଆରମ୍ଭ ହେବ ଶିକ୍ଷାଦାନ।...

selfi corner

Model This Week

Why Dharitri

Leave a comment

Your email address will not be published. Required fields are marked *