ଗଳଗଣ୍ଡ ରୋଗ୍‌ରେ ପୀଡ଼ିତ କୌଶଲ୍ୟା: ଦରଦ୍‌ ଲାଗି ଛଟ୍‌କି ଛାଡୁଛନ୍‌

ଲାଠୋର, ୧୮ା୩ (ଡି.ଏନ୍‌.ଏ.)- ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଲାଠୋର କଲୋନୀପଡ଼ାର କୌଶଲ୍ୟା ନାଏକ(୫୬)। ସେ ଗଳଗଣ୍ଡ ରୋଗ୍‌ରେ ପୀଡ଼ିତ ଅଛନ୍‌। ପରିବାରଟା ନିହାତି ଗରିବ୍‌। ଅଭାବ ଅନାଟନ ଲାଗି ତାକର ଉଚ ଚିକିଛା ହେଇ ନାଇଁପାରବାର। ଏନ୍‌ତାଥି ପରିବାର ଲୋକ୍‌ ପରଶାସନକେ ଯେତେ ଜଲଦି ହେବା ସାହାଯ୍‌ ଯୁଗେଇ ଦେବାକେ ଗୁହାରି କରିଛନ୍‌।
ସୂଚନା ଅନ୍‌ସାରେ କଲୋନୀପଡ଼ାର ନରେନ୍ଦ୍ର ନାଏକ। ପରିବାର କହେଲେ ମାଏକିନା କୌଶଲ୍ୟା ଆର ଦୁଇ ପୁଓକେ ନେଇ ହଁସଖୁସିରେ ରହୁଥିଲେ। ୨ ଏକର ଆଟ୍‌ ଜମି ଚାଷ୍‌ବାସ କରି ଜୀବନ୍‌ ଜିବ୍‌କା ଚଲଉଥିଲେ। ଦୁଇପୁଓକୁ ବିହାଚୁରା ବି କରିଛନ୍‌। ବିହାଚୁରା ଉତାରୁ ଦୁଇପୁଓ ଭିନେ ହେଇ ରହୁଥିଲାବେଲେ ବୁରୁଧ୍‌ ଦମ୍ପତି ନିଜର ଝାଟିମାଟି କୁରିଆରେ ମୁଡ଼ ଗୁଁଜିଛନ୍‌। ଏହେଦେ ଜୀବନ୍‌ ଜିବ୍‌କା ଲାଗି ସେମାନକୁ କୁଲିମଜୁରି କରବାକେ ପଡ଼ୁଛେ। ହେଲେ ବଏସ୍‌ ଅଧ୍‌କା ହେବାର ଲାଗି ନରେନ୍ଦ୍ର ଆଘର ଲେଖେଁ କାମ୍‌କବାର କରି ନାଇଁପାରବାର। ଏନ୍‌ତାଥି ନରେନ୍ଦ୍ର ସରକାରୀ ଯୋଜନାରେ ମାସିକ ପାଉଥିବାର ୫ଶହ ଟଁକା ଭତା ଆର ୧୦ କେ.ଜି. ଚାଉଲ ଦମ୍ପତିକୁଁ ନିଅଁଟ ହେଉଛେ। ଦମ୍ପତି ଏନ୍‌ତା ଅଭାବ ଅନାଟନରେ ଚଲୁଥିଲାବେଲେ ଆଏଜ୍‌କେ ୫ ବଛର ତଲେ କୌଶଲ୍ୟାକଁର ବେଁକେ ଗୁଟେ ଛୋଟ ବଥ ହେଇଥିଲା। ସେଟା ଦିନୁଦିନ୍‌କେ ବଢ୍‌ତେଲ ଗଲା। ନରେନ୍ଦ୍ର ଧାରଉଧାର କରି କୌଶଲ୍ୟାକୁଁ ଆସରପାସର ଡାକ୍‌ତରଖାନାରେ ଚିକିଛା କରାଲେ। ହେଲେ କିଛି ଲାଭ ନାଇଁହେଲା। ଶେଷେ ଭୁବନେଶ୍ୱରରେ ଥିବାର ଆଖିଳ ଭାରତୀୟ ଆୟୁର୍ବିଜ୍ଞାନ ସଂସ୍ଥା(ଏମ୍ସ)କେ ନେଇ ଚିକିଛା କଲେ। ପରୀକ୍ଷା ନିରୀକ୍ଷାରୁ କୌଶଲ୍ୟା ଗଳଗଣ୍ଡ ରୋଗ୍‌ରେ ପୀଡ଼ିତ ଥିବାର ଜନାପଡ଼ିଥିଲା। ଡାକ୍‌ତର ଉଷୋକଷା ଲେଖିଦେଇ ଦିନାକେତେ ଖାଏଲା ଉତାରୁ ଅପରେଶନ କରାହେବା ବଲି କହିଥିଲେ। ନରେନ୍ଦ୍ର ମାଏକିନାକେ ଧରି ଘରକେ ଫିରିଆଏଲେ। ସେଦିନ୍‌ଠାନୁ ନରେନ୍ଦ୍ର କୌଶଲ୍ୟାକୁଁ ଉଷୋ ଘିନି କରି ଖାଏବାକେ ଦେଇ ନାଇଁପାରବାର କି ଅପରେଶନ ଲାଗି ଟଁକା ଯୁଗାଡ଼ କରି ନାଇଁପାରବାର। ଇଆଡ଼େ ଯେ କୌଶଲ୍ୟା ଦରଦ୍‌ ଲାଗି ଛଟ୍‌କି ଛାଡ଼ୁଛନ୍‌। ଖାସ୍‌ଲା, ଛିଁକ୍‌ଲା ସମିଆରେ ସେ ବହୁତ୍‌ ଦରଦ୍‌ ଅନୁଭବ କରୁଥିବାର କହିଛନ୍‌। ସରକାର ସ୍ବାସ୍ଥ୍ୟବୀମା କାର୍ଡ ଜରିଆରେ ଗରିବ୍‌ ଦୁଖିକୁ ଚିକିଛା ସାହାଯ୍‌ ଯୁଗେଇ ଦେଉଥିଲାବେଲେ ଇ ପରିବାର କାର୍ଡ ପାଏବାରୁ ବଁଚିତ୍‌ ହେଇ ରହିଛନ୍‌। ଇ ଦିଗେ ଜିଲା ଆର ଥାନୀଅ ପରଶାସନ ଦୁରୁଷ୍‌ଟି ଦେଇ କୌଶଲ୍ୟାକୁଁ ଉଚ ଚିକିଛା ସାହାଯ୍‌ ଯୁଗେଇ ଦେବାକେ ଦାବି ହେଉଛେ।


All Right Reserved By Dharitri.Com

ବଦଳି ଗଲା ପାଥୋଲଜି ରିପୋର୍ଟ : ୩ ବର୍ଷର ବାଳିକାକୁ ମିଳିଲା ୫୫ବର୍ଷ ବ୍ୟକ୍ତିଙ୍କ ରିପୋର୍ଟ

ବଲାଙ୍ଗୀର ଅଫିସ, ୧୯ା୨ – ବଲାଙ୍ଗୀର ଭୀମଭୋଇ ମେଡିକାଲ କଲେଜ ହସ୍ପିଟାଲରୁ ବିବାଦ ପିଛା ଛାଡୁ ନାହିଁ ା କିଛିବର୍ଷ ତଳେ ଶିଶୁ ବଦଳ ଘଟଣାକୁ...

ଆୟୁଷ ଡାକ୍‌ତର ଭରସାରେ ୫୦ ହଜାର ଲୋକ୍‌

ଲାଠୋର, ୧୬।୧ (ଡି.ଏନ୍‌.ଏ)- ରାଏଜ୍‌ ସରକାର ଲୁକ୍‌କୁ ଉଚମାନର ସ୍ବାସ୍ଥ୍ୟସେବା ଯୁଗେଇ ଦେବାର ଲାଗି ଅନେକ ଯୋଜନା କାଯ୍‌କାରୀ କରୁଛନ୍‌। ଏନ୍‌ତା କି ସ୍ବାସ୍ଥ୍ୟ ବିଭାଗକେ...

ପିଡିଏସ୍‌ ଚାଉଳ ବଣ୍ଟନ ବେଳେ ସାମାଜିକ ଦୂରତ୍ୱକୁ ଉଲ୍ଲଂଘନ

ବଲାଙ୍ଗୀର ଅଫିସ, ୮।୪: କରୋନା ସଂକ୍ରମଣ ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ଏହାକୁ ଦୃଷ୍ଟିରେ ରଖି ରାଜ୍ୟ ସରକାର ଓ ଜିଲା ପ୍ରଶାସନ ପକ୍ଷରୁ...

ଯୁବକଙ୍କ ସନ୍ଦେହଜନକ ମୃତ୍ୟୁକୁ ନେଇ ରାସ୍ତାରୋକୋ

ବଲାଙ୍ଗୀର ଅଫିସ/ତରଭା, ୨୦ା୧(ଡି.ଏନ୍‌.ଏ.): ବଲାଙ୍ଗୀର ଜିଲା ପୁଇଁତଲା ଥାନା ଅନ୍ତର୍ଗତ ମିଛାପାଲି ଗ୍ରାମର ଆଲୋକ ନାଏକଙ୍କ ସନ୍ଦେହଜନକ ମୃତ୍ୟୁକୁ ନେଇ ସୋମବାର ବଇରାସର ନିକଟରେ ବଲାଙ୍ଗୀର-ସୋନପୁର...

ମା’ର ପରେ ବାପ୍‌ ଆରପାରେ: ଛେଉଁଡ ନାତିନାତେନ୍‌ ଚିନ୍‌ତାରେ ଅଜାଆଈ

ଲୋଇସିଂହା, ୩୦।୧୦(ଡି.ଏନ୍‌.ଏ.)-ବଲାଙ୍ଗୀର ଜିଲା ଲୋଇସିଂହା ବ୍ଲକ ସେମେଲମୁଣ୍ଡା ଗଁାରେ ଗୁଟେ ଦୁଖର ଘଟନା ଦେଖ୍‌ବାକେ ମିଲିଛେ। ଆଏଜ୍‌କେ ୫ ବଛର ତଲେ ଗଁାର ଝନେ ମହିଲାକଁର...

ଟ୍ରକ ଧକ୍କାରେ ବିଜେଡି ଛାତ୍ର ନେତାଙ୍କ ମୃତ୍ୟୁ

ବଲାଙ୍ଗୀର ଅଫିସ, ୧।୧୧: ଟ୍ରକ ଦୁର୍ଘଟଣାରେ ବଲାଙ୍ଗୀର ଜିଲା ଛାତ୍ର ବିଜେଡି ଉପସଭାପତିଙ୍କ ଶୁକ୍ରବାର ମୃତ୍ୟୁ ଘଟିଛି । ସେ ହେଲେ ଉମାକାନ୍ତ ସେଠ। ପ୍ରକାଶ...

ଗନ୍ଧମାର୍ଦ୍ଦନ ପାହାଡରେ ପ୍ରବଳ ବର୍ଷା: ଉଛୁଳିଲା ପାପନାଶିନୀ ଝରଣା

ଖପ୍ରାଖୋଲ,୧୩ା୮(ଡି.ଏନ.ଏ.) ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଗନ୍ଧମାର୍ଦ୍ଦନ ପାହାଡରେ ପ୍ରବଳ ବର୍ଷା ଯୋଗୁ ହରିଶଙ୍କର ପାପନାଶିନୀ ଝରଣା ଉଛୁଳି ପଡିଥିଲା ା ଆଜି ଥିଲା ଶ୍ରାବଣ...

ଆଧୁନିକୀକରଣ ପରେ ଡାକବିଭାଗର ଗୁରୁତ୍ୱ ବଢ଼ିଛି

ବଲାଙ୍ଗୀର ଅଫିସ, ୩ା୧ – ବଲାଙ୍ଗୀର ଟାଉନ୍‌ ହଲଠାରେ ଗୁରୁବାର ବଲାଙ୍ଗୀର ଡାକ ମଣ୍ଡଳର ୬୧ତମ ପ୍ରତିଷ୍ଠା ଉତ୍ସବ ଏବଂ ମହା ଡାକମେଳା ଅନୁଷ୍ଠିତ ହୋଇଛି...

Leave a comment

Your email address will not be published. Required fields are marked *