ନର୍ସରୀରେ ମାନିଲା ମନ

(ମନୋଜ ନନ୍ଦ)
ତାଳଚେର,୧୮ା୩ – ଚାକିରି ନ କରି ବ୍ୟବସାୟ କରିବେ ବୋଲି ସ୍ଥିର କଲେ। ତେଣୁ ଘର ଅନୁଗୋଳରେ ହୋଇଥିଲେ ବି କୋଇଲା ବ୍ୟବସାୟ ପାଇଁ ତାଳଚେରରେ ରହିଗଲେ। ହେଲେ ସେହି ବେପାର ସେପରି ସନ୍ତୋଷ ଦେଇପାରିଲା ନାହିଁ। ଏହାପରେ କିଛିଦିନ କୁକୁଡା ଓ ପରେ ଫୁଲ ବିକ୍ରି ପାଇଁ ମନ ବଳାଇଲେ। ସେଥିରୁ ଅଧିକ ଟଙ୍କା ଆୟ କଲେ ସିନା ଆଗକୁ ବଢ଼ିପାରିଲେ ନାହିଁ। ଶେଷରେ ନର୍ସରୀ କରି ଚାରା ବିକିବାକୁ ତାଙ୍କର ଇଚ୍ଛା ହେଲା। ୧୯୯୭ରେ ସେ ଏହି ବ୍ୟବସାୟ ଆରମ୍ଭ କଲେ। ଆଉ ନର୍ସରୀରେ ମନ ଏପରି ମାନିଗଲା ଯେ ସେବେଠାରୁ ଏବେଯାଏ ବଢ଼ି ବଢ଼ି ଚାଲିଛି ଶ୍ରୀକାନ୍ତ ସାହୁ (୫୩)ଙ୍କ ଚାରା ବେପାର।
ଦୀର୍ଘବର୍ଷ ହେଲା ତାଳଚେରରେ ରହୁଥିବା ଶ୍ରୀକାନ୍ତଙ୍କ ଘର ଅନୁଗୋଳରେ। ସେଠାରେ ତାଙ୍କର ମା’ ଓ ୬ ଭାଇ ରହୁଛନ୍ତି। କିନ୍ତୁ ତାଳଚେର କାଳୀ ମନ୍ଦିର ନିକଟରେ ନର୍ସରୀ କରିଥିବାରୁ ଶ୍ରୀକାନ୍ତ ସେଠାରେ ରହିଯାଇଛନ୍ତି। ଶ୍ରୀକାନ୍ତ କୁହନ୍ତି, ଚାକିରି ପଛରେ ନ ଗୋଡ଼ାଇ ବ୍ୟବସାୟ ପାଇଁ ଆଗ୍ରହ ଦେଖାଇଥିଲେ ବି ପ୍ରଥମେ ତାଙ୍କ ମନ କୌଣସି ବେପାରରେ ଲାଗୁ ନ ଥିଲା। ତେବେ ଫୁଲ ଦୋକାନ ଦେଇଥିବା ବେଳେ ସ୍ଥନୀୟ ଅଞ୍ଚଳର ଜଣେ ବାସିନ୍ଦା ଥରେ ତାଙ୍କୁ ୩/୪ଟି ଚାରା ବିକ୍ରି କରିବାକୁ ଦେଇଥିଲେ। ତାହା ବିକ୍ରି କରିବା ତାଙ୍କ ବ୍ୟବସାୟର ଗତିପଥ ବଦଳାଇ ଦେଇଥିଲା। ଅଧିକରୁ ଅଧିକ ଚାରା କିପରି ବିକ୍ରି କରିପାରିବେ ସେଥିରେ ମନୋନିବେଶ କରିବା ସହ ୧୯୯୭ରେ ନର୍ସରୀ ଆରମ୍ଭ କଲେ। ସେବେଠାରୁ ସେ ଆଉ ପଛକୁ ଫେରି ନାହାନ୍ତି। ପ୍ରଥମେ ୨୦ରୁ ୨୫ ହଜାର ଟଙ୍କା ଖର୍ଚ୍ଚ କରି ପ୍ରାୟ ୫୦ ପ୍ରକାର ଚାରା ବିକ୍ରି କରୁଥିଲେ। ହେଲେ ଦୀର୍ଘ ୨୩ ବର୍ଷ ମଧ୍ୟରେ ସେ ନର୍ସରୀର କଳେବର ବୃଦ୍ଧି କରିସାରିଛନ୍ତି। ଏବେ ୫ ଶହ ପ୍ରକାରରୁ ଅଧିକ ଫୁଲ, ଫଳ, ଔଷଧୀୟ ଚାରା ଓ ବିଭିନ୍ନ ଶୋ’ ଗଛ ବ୍ୟବସାୟ କରୁଛନ୍ତି। ବିଭିନ୍ନ ମଞ୍ଜି, ଚାରା କଲିକତାରୁ ଆଣି ଲୋକଙ୍କୁ ବିକ୍ରି କରୁଛନ୍ତି। ପିଲାଙ୍କ ଯତ୍ନ ନେବା ଭଳି ଦୈନିକ ସକାଳୁ ସନ୍ଧ୍ୟା ଯାଏ ନର୍ସରୀରେ ଖଟୁଛନ୍ତି। କାମ ବଢି ଯାଇବାରୁ ୨ଜଣ କର୍ମଚାରୀଙ୍କୁ ମଧ୍ୟ ନିଯୁକ୍ତି ଦେଇଛନ୍ତି। କୋଇଲା ଠାରୁ ନର୍ସରୀ ପର୍ଯ୍ୟନ୍ତ କେଉଁ ବ୍ୟବସାୟରୁ ଅଧିକ ଅର୍ଥ ପାଇଛନ୍ତି ଅବା କେତେ କ୍ଷତି କେତେ ଲାଭ ହୋଇଛି ତାହା ତାଙ୍କ ମନକୁ କେବେ ଆସିନାହିଁ। ଲୋକଙ୍କୁ ଚାରା ବିକି ଯେଉଁ ଆନନ୍ଦ ପାଇଛନ୍ତି ତାହା ଅନ୍ୟ କେଉଁଥିରୁ ପାଇନାହାନ୍ତି। ଏହି ଅନୁଭବ ଓ ଆତ୍ମସନ୍ତୋଷ ଯୋଗୁ ହଁି ନର୍ସରୀରେ ଏତେ ବର୍ଷ ତିଷ୍ଠିପାରିଛି ବୋଲି ଶ୍ରୀକାନ୍ତ ପ୍ରକାଶ କରିଛନ୍ତି।


All Right Reserved By Dharitri.Com

ଯନ୍ତ୍ରଣାରେ ଛଟପଟ ସନ୍ତୋଷ

ବଇଣ୍ଡା,୧୭।୧୦(ଡି.ଏନ.ଏ.)- ସାଙ୍ଗମାନଙ୍କ ସହ ଖେଳୁଥିବାବେଳେ ପଡିଯାଇ ପେଟରେ ଆଘାତ ପାଇଥିଲେ ଅନୁଗୋଳ ଜିଲା ଆଠମଲ୍ଲିକ ବ୍ଲକ ଠାକୁରଗଡ଼ ଗ୍ରାମର ସନ୍ତୋଷ ସାହୁ (୩୦)। ଜିଲା ମୁଖ୍ୟ...

ଅସୁସ୍ଥ ଘୋଡ଼ାର ଚିକିତ୍ସା କଲେନି:ମରିବାକୁ ଛାଡ଼ିଦେଇ ମାଲିକ ପାର୍‌

ଅନୁଗୋଳ ଅଫିସ, ୨।୮- ପଶୁ ହେଲେ ବି ଜୀବନ ଅଛି। ଯନ୍ତ୍ରଣାରେ ଛଟପଟ ହେଉଛି। ଏପରି ଅବସ୍ଥାରେ ତା’ର ଯତ୍ନ ଜରୁରୀ। ହେଲେ ଅବିବେକୀ ମାଲିକ...

କରୋନା ଯୋଦ୍ଧାଙ୍କୁ ମିଳୁନି ଦରମା

ଅନୁଗୋଳ ଅଫିସ, ୧୯।୪ – କରୋନା ମୁକାବିଲା ପାଇଁ ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟରେ ପ୍ରସ୍ତୁତ ଥିବା ୧୦୪ ଜଣ ଆଉଟସୋର୍ସିଂ କର୍ମଚାରୀଙ୍କୁ ୩ ମାସ...

ଆଦିବାସୀ ଛାତ୍ରୀ ହଷ୍ଟେଲ ଛାଡ଼ିବା ଘଟଣା: ତଦନ୍ତ କଲେ ଉପଜିଲାପାଳ

ପାଲଲହଡା,୧୩।୧୧(ଡି.ଏନ.ଏ.)- ଅନୁଗୋଳ ଜିଲା ପାଲଲହଡ଼ା ବ୍ଲକ ନଗିରା ପଞ୍ଚାୟତରେ ଥିବା ସିବିଡ଼ା ଶିକ୍ଷା ନିକେତନର ୧୫୦ରୁ ଊର୍ଦ୍ଧ୍ୱ ଆଦିବାସୀ ଛାତ୍ରୀ ସୋମବାର ହଷ୍ଟେଲ ଛାଡିବା ଘଟଣାରେ...

ଚତୁର୍ଥ ଶନିବାର ବିଭାଗୀୟ କାର୍ଯ୍ୟ ସମୀକ୍ଷା କଲେ ଜିଲାପାଳ : ପ୍ରତି ସପ୍ତାହରେ ଲୋକଙ୍କ ନିକଟକୁ ଯିବାକୁ ନିର୍ଦ୍ଦେଶ

ଅନୁଗୋଳ ଅଫିସ, ୨୫।୮ – ଅଗଷ୍ଟ ମାସର ଚତୁର୍ଥ ଶନିବାରରେ ଅନୁଗୋଳ ଜିଲାପାଳ ବିଭିନ୍ନ ବିଭାଗର ଉନ୍ନୟନ କାର୍ଯ୍ୟର ସମୀକ୍ଷା କରିଛନ୍ତି। ସମସ୍ତ ଅଧିକାରୀଙ୍କୁ ଜିଲାପାଳ...

୬ ଡକାୟତ ଗିରଫ, ଜଣେ ଫେରାର

ଛେଣ୍ଡିପଦା, ୯ା୩(ସ୍ବ.ପ୍ର.) ଅନୁଗୋଳ ଜିଲା ଛେଣ୍ଡିପଦା ଥାନା କମ୍ପସଲା ଜଙ୍ଗଲ ନିକଟରେ ଶନିବାର ରାତିରେ ଏକ ଗ୍ୟାଙ୍ଗର ଡକାୟତି ଯୋଜନା ପଣ୍ଡ ହୋଇଛି। ବିଶ୍ୱସ୍ତ ସୂତ୍ରରୁ ଖବରପାଇ...

ସପ୍ତାହେରେ ତିଆରି କଲେଣି ୨୦ ହଜାର ମାସ୍କ

ଛେଣ୍ଡିପଦା,୩୧୩(ସ୍ବ.ପ୍ର.)- କରୋନା ସଂକ୍ରମଣ ଯୋଗୁ ବଜାରରେ ମାସ୍କର ଅଭାବକୁ ଦୃଷ୍ଟିରେ ରଖି ଏହାକୁ ତିଆରି କରି ଲୋକଙ୍କୁ ଯୋଗାଇବାକୁ ଅଣ୍ଟା ଭିଡ଼ିଛନ୍ତି ଅନୁଗୋଳ ଜିଲା ଛେଣ୍ଡିପଦା...

ଜେଏସ୍‌ପିଏଲ ପାଳିଲା ଇଞ୍ଜିନିୟର୍ସ ଦିବସ

ଅନୁଗୋଳ ଅଫିସ, ୧୬।୯: ଅନୁଗୋଳ ଜେଏସ୍‌ପିଏଲ ପରିସରରେ ରବିବାର ଇଞ୍ଜିନିୟର୍ସ ଦିବସ ପାଳିତ ହୋଇଯାଇଛି। ଭାରତ ରତ୍ନ ତଥା ପ୍ରଖ୍ୟାତ ଇଞ୍ଜିନିୟର ଡଃ. ଏମ୍‌. ବିଶ୍ୱେସ୍ବରାୟଙ୍କ ଜନ୍ମ...

Leave a comment

Your email address will not be published. Required fields are marked *