କାର୍ଯ୍ୟକାରୀ ହେଲା ଫ୍ଲୋରାଇଡ୍‌ ବିଶୋଧନ ଯନ୍ତ୍ର: ଓଡ଼ଗାଁ ବ୍ଲକର ବହୁ ଗ୍ରାମରେ ଜଳକଷ୍ଟ ଦୂର ସମ୍ଭାବନା

ଓଡ଼ଗାଁ, ୯ା୬(ଆଦର୍ଶ କୁମାର ପଟ୍ଟନାୟକ)- ଫ୍ଲୋରାଇଡ୍‌ ଯୁକ୍ତ ଜଳକୁ ବିଶୁଦ୍ଧ ପାନୀୟଜଳରେ ରୂପାନ୍ତରିତ କରିବା ପାଇଁ ସରକାରଙ୍କ ପକ୍ଷରୁ ଫ୍ଲୋରାଇଡ୍‌ ରିମୁଭାଲ ପ୍ଲାଣ୍ଟ ବା ଫ୍ଲୋରାଇଡ୍‌ ବିଶୋଧନ ଯନ୍ତ୍ର ସ୍ଥାପନ କରାଯାଉଛି। ନିକଟରେ ଓଡ଼ଗାଁ ବ୍ଲକରେ ଏହି ବ୍ୟବସ୍ଥା କାର୍ଯ୍ୟକାରୀ କରାଯାଇଛି। ଏହା ଦ୍ୱାରା ବ୍ଲକ ଅନ୍ତର୍ଗତ ବିଭିନ୍ନ ଗ୍ରାମର ଲୋକେ ଫ୍ଲୋରାଇଡ ସମସ୍ୟାରୁ ମୁକ୍ତ ହେବେ ବୋଲି କୁହାଯାଉଛି।

ଓଡଗାଁ ବ୍ଲକର ବିଭିନ୍ନ ଗ୍ରାମରେ ସରକାରଙ୍କ ତରଫରୁ ଖୋଳାଯାଇଥିବା ନଳକୂଅରୁ ଫ୍ଲୋରାଇଡ୍‌ ଯୁକ୍ତ ଜଳ ବାହାରୁଥିବାରୁ ଲୋକେ ବାଧ୍ୟ ହୋଇ ନଳକୂଅ ପାଣି ବ୍ୟବହାର କରି ନାନା ରୋଗର ଶିକାର ହେଉଥିଲେ ା ଏ ନେଇ ବିଭିନ୍ନ ଅନୁଷ୍ଠାନ ସମେତ ସରକାରୀ ସଂସ୍ଥା ତରଫରୁ ସର୍ଭେ କରାଯାଉଥିଲେ ସୁଦ୍ଧା ପାନୀୟ ଜଳର ଅନ୍ୟ କୌଣସି ବିକଳ୍ପ ନ ଥିବାରୁ ଏହି ପାଣି ବ୍ୟବହାର କରିବାକୁ ସେମାନେ ଏକରକମ ବାଧ୍ୟ ହେଉଥିଲେ। ଏପରି କି ଫ୍ଲୋରାଇଡ ଜଳ ବ୍ୟବହାର କରୁଥିବାରୁ ଲୋକଙ୍କୁ ଅସମୟରେ ବାର୍ଦ୍ଧକ୍ୟ ଗ୍ରାସ କରୁଥିବା ବେଳେ ଆଣ୍ଠୁଗଣ୍ଠି ବଙ୍କା ହେବା ସହିତ ଦାନ୍ତ ହଳଦିଆ ପଡିବା ନେଇ ବିଭିନ୍ନ ଗଣମାଧ୍ୟମରେ ରିପୋର୍ଟ ପ୍ରକାଶ ପାଇଥିଲା। ଓଡ଼ଗାଁ ବ୍ଲକର ରବିଗାଡିଆ ଗ୍ରାମବାସୀଙ୍କ ସମେତ କୁରୁମ ବାଙ୍କତରା, ଗୁଣ୍ଠାସାହି, ପଲ୍ଲିଗୁଣ୍ଠା ସାହି, ଜାମୁପାଟଣା, ବଳଭଦ୍ରପୁର, ସୋଲପଟା, ବଡକୁଟୁଣୀ, ମଦଗାଡିଆ, ମଦନପୁର, ପଦ୍ମାଦେଈପୁର ଆଦି ଗ୍ରାମରେ ପିଲାଠାରୁ ବୁଢା ପର୍ଯ୍ୟନ୍ତ ସମସ୍ତଙ୍କ ଦାନ୍ତ ହଳଦିଆ ପଡୁଥିବା ଦେଖାଯାଇଥିଲା। ଏହାର ନିରାକରଣ ନିମନ୍ତେ ଗ୍ରାମ୍ୟ ଜଳଯୋଗାଣ ଓ ପରିମଳ ବିଭାଗ ଦ୍ୱାରା ଗ୍ରାମବାସୀଙ୍କୁ ସଚେତନ କରିବାକୁ ଫ୍ଲୋରାଇଡ ନିର୍ଗତ ହେଉଥିବା ନଳକୂଅରେ କେବଳ ନାଲି ଛକ ମାରିଦିଆଯାଉଥିଲା। ଏହା ସହ ଉକ୍ତ ଜଳ ବ୍ୟବହାର କରିବାକୁ ବାରଣ କରାଯାଉଥିଲା।

ଏହାସତ୍ତ୍ୱେ ଲୋକେ ସମ୍ପୃକ୍ତ ନଳକୂଅ ପାଣି ବ୍ୟବହାର କରୁଥିଲେ। ଏଥିମଧ୍ୟରୁ କେତେକ ଗ୍ରାମକୁ ପାଇପ୍‌ ଯୋଗେ ପାନୀୟ ଜଳ ଯୋଗାଣ ବ୍ୟବସ୍ଥା କରାଯାଇଥିବା ବେଳେ ବିଭିନ୍ନ କାରଣରୁ ଏସବୁ ଲୋକଙ୍କ ସମସ୍ୟା ସମାଧାନ କରିବାରେ ବିଫଳ ହୋଇଥିବା ଦେଖାଦେଇଛି। ଏପରିସ୍ଥଳେ ଲୋକଙ୍କ ସମସ୍ୟା ଦୂରୀକରଣ ତଥା ଫ୍ଲୋରାଇଡ ସମସ୍ୟାର ସ୍ଥାୟୀ ସମାଧାନ ନିମନ୍ତେ ରାଜ୍ୟ ସରକାରଙ୍କ ତରଫରୁ କେତେକ ଗ୍ରାମରେ ଫ୍ଲୋରାଇଡ୍‌ ବିଶୋଧନ ଯନ୍ତ୍ର ସ୍ଥାପନ କରାଯାଇଛି। ଉକ୍ତ ଯନ୍ତ୍ରକୁ ନଳକୂଅ ସହିତ ସଂଯୋଗ କରାଯାଇଛି। ଏହି ବ୍ୟବସ୍ଥାରେ ନଳକୂଅରୁ ନିର୍ଗତ ପାଣି ବିଶୁଦ୍ଧ ତଥା ଫ୍ଲୋରାଇଡ୍‌ ମୁକ୍ତ ହୋଇ ବାହାରୁଥିବାରୁ ଲୋକେ ବିଶୁଦ୍ଧ ପାନୀୟ ଜଳ ସଂଗ୍ରହ କରିବାରେ ଅସୁବିଧା ରହିବ ନାହଁି ା ହେଲେ ଏହି ବ୍ୟବସ୍ଥାରେ ସିଲିକା ସହିତ ଅନ୍ୟ ଦୁଇଟି ରାସାୟନିକ ପଦାର୍ଥ ମିଶୁଥିବା ବେଳେ ଏହାକୁ ପ୍ରତିମାସରେ ବଦଳାଇବାର ବିଧି ରହିଛି। ଏଥିନିମନ୍ତେ ସିଇଏଫ୍‌ ଇଞ୍ଜିନିୟରିଂ ନାମକ ଏକ ସଂସ୍ଥା ସରକାରଙ୍କ ନିକଟରେ ୫ବର୍ଷ ପାଇଁ ଚୁକ୍ତିବଦ୍ଧ ଥିବା ଜଣାଯାଇଛି। ଏହି ସଂସ୍ଥା ତଥା ବ୍ୟବସ୍ଥା ନ୍ୟାଶନାଲ ଏନ୍‌ଭାରନ୍‌ମେଣ୍ଟାଲ ଇଞ୍ଜିନିୟରିଂ ରିସର୍ଚ୍ଚ ଇନ୍‌ଷ୍ଟିଚ୍ୟୁଟ୍‌ (ଏନ୍‌ଇଇଆରଆଇ) ଦ୍ୱାରା ସ୍ବୀକୃତିପ୍ରାପ୍ତ ବୋଲି ବିଭାଗୀୟ ସହକାରୀ ଯନ୍ତ୍ରୀ ଅରୁଣ କୁମାର ନାୟକ ପ୍ରକାଶ କରଛନ୍ତି। ପ୍ଲାଣ୍ଟ ନିମନ୍ତେ ସମୁଦାୟ ୧ ଲକ୍ଷ ୩୧ ହଜାର ଟଙ୍କା ଖର୍ଚ୍ଚ ହେଉଥିବାବେଳେ ବିନା ବିଦ୍ୟୁତ୍‌ ଶକ୍ତିରେ ଚାଲୁଛି। ଓଡଗାଁ ବ୍ଲକରେ ଅଦ୍ୟାବଧି ଏହିପରି ୨୦ଟି ପ୍ଲାଣ୍ଟ ଗ୍ରାମ୍ୟ ଜଳଯୋଗାଣ ବିଭାଗ ମାଧ୍ୟମରେ କାର୍ଯ୍ୟକାରୀ ହୋଇଥିବା ନାୟକ ସୂଚନା ଦେଇଛନ୍ତି।


All Right Reserved By Dharitri.Com

ପ୍ରକାଶ ପାଇଲା ମାଟ୍ରିକ ପରୀକ୍ଷା ଫଳ: ୬ ଜଣ ଏ ଓ୍ବାନ୍‌ ଗ୍ରେଡ୍‌ରେ ଉତ୍ତୀର୍ଣ୍ଣ

ଚଣ୍ଡିଖୋଲ,୨୧ା୫(ଡି.ଏନ.ଏ.)- ମାଟ୍ରିକ ପରୀକ୍ଷା ଫଳାଫଳ ମଙ୍ଗଳବାର ପ୍ରକାଶ ପାଇଛି। ବଡ଼ଚଣା ବ୍ଲକ ଅଞ୍ଚଳରୁ ୬ ଜଣ ୯୦ ପ୍ରତିଶତରୁ ଅଧିକ ମାର୍କ ରଖି ଏ ଓ୍ବାନ୍‌...

ଦଳେଇଘାଇ ନଦୀବନ୍ଧ ଅନୁଧ୍ୟାନ କଲେ ମୁଖ୍ୟଯନ୍ତ୍ରୀ : ବାଲି, ଖାଲିବ୍ୟାଗ ମହଜୁଦ ରଖିବାକୁ ନିର୍ଦ୍ଦେଶ

ବିରିଡ଼ି,୨୦।୬(ଡି.ଏନ.ଏ.): ବାଲିକୁଦା-ଏରସମା ବିଧାୟକ ରଘୁନନ୍ଦନ ଦାସଙ୍କୁ ଜଳସମ୍ପଦ ବିଭାଗ ମନ୍ତ୍ରୀ ପଦ ମିଳିବା ପରେ ଜଗତସିଂହପୁର ଜିଲାରେ ଏହି ବିଭାଗର କାର୍ଯ୍ୟ ତ୍ୱରାନ୍ବିତ ହୋଇଛି। ବିଭାଗୀୟ...

ସୁଭଦ୍ରାଙ୍କ ରଥ ଟାଣିଲେ ମହିଳା: ଅଧା ବାଟରେ ଅଟକିଲା ନନ୍ଦିଘୋଷ ରଥ

ରଣପୁର, ୬ା୭ (ସ୍ବ.ପ୍ର.): ଓଡିଶାର ଦ୍ୱିତୀୟ ଶ୍ରୀକ୍ଷେତ୍ର କୁହାଯାଉଥିବା ନୟାଗଡ ଜିଲାର ରଣପୁର ଜଗନ୍ନାଥ ମନ୍ଦିରରୁ ଶ୍ରୀଜୀଉମାନେ ଗୁରୁବାର ଘୋଷଯାତ୍ରାରେ ରଥାରୂଢ ହୋଇ ନଅଦିନ ପାଇଁ...

ବାବୁଲିଙ୍କୁ ଗୁଳିମାଡ଼ ଘଟଣା: ୧୭ରେ ଜିଲା ବନ୍ଦ ଡାକରା, ମୁଖ୍ୟମନ୍ତ୍ରୀଙ୍କ ଗସ୍ତ ଚିନ୍ତାରେ ପୋଲିସ

କେନ୍ଦ୍ରାପଡା ଅଫିସ, ୧୬ା୭- ଗତ ୧୩ ତାରିଖ ସନ୍ଧ୍ୟାରେ ସଦର ଥାନା ଅନ୍ତର୍ଗତ ସହରର ଦଣ୍ଡାମୁଣ୍ଡ ଛକଠାରେ ଗୁଳିମାଡ଼ ଘଟଣା ଜିଲା ପୋଲିସ ପାଇଁ ମୁଣ୍ଡବିନ୍ଧାର...

ଅଧାପନ୍ତରିଆ ହୋଇ ପଡ଼ିରହିଛି ପାଇଖାନା, ବିଲ୍‌ କରି ନେଇଛନ୍ତି ସ୍ବେଚ୍ଛାସେବୀ

ନାଉଗାଁ,୧୯।୭(ସ୍ବ.ପ୍ର.): ଜଗତସିଂହପୁର ଜିଲା ନାଉଗାଁ ବ୍ଲକ ଅନ୍ତର୍ଗତ ତିରୁଣା ପଞ୍ଚାୟତର ଦହିପାଳ ହରିଜନ ସାହିରେ ସ୍ବଚ୍ଛ ଭାରତ ଅଭିଯାନରେ ନିର୍ମାଣ କରାଯାଇଛି ପାଇଖାନା। ମାତ୍ର ପାଇଖାନା...

କୁଜଙ୍ଗରେ ମରୁଡିର ପଦଧ୍ୱନୀ : ତଳିକୁ ଦେଖି ଟଳିପଡ଼ିଲେ ଚାଷୀ

କୁଜଙ୍ଗ,୨୩ା୭(ସ୍ବ.ପ୍ର.): ଶ୍ରାବଣ ମାସ ଆରମ୍ଭ ହୋଇଯାଇଥିଲେ ମଧ୍ୟ ବର୍ଷା ଦେଖାନାହିଁ। ଏଥିଯୋଗୁ ଜଗତ୍‌ସିଂହପୁର ଜିଲାର ଉପକୂଳ କୁଜଙ୍ଗ ଅଞ୍ଚଳରେ ମରୁଡ଼ିର ପଦଧ୍ୱନୀ ଶୁଣାଗଲାଣି। ବହୁ କଷ୍ଟରେ...

ମୁଖ୍ୟ ବନ ସଂରକ୍ଷକଙ୍କ ଡାଳିଯୋଡା ଗସ୍ତ

ଛତିଆ,୧ା୬(ଡି.ଏନ.ଏ.)- ରାଜ୍ୟ ସରକାରଙ୍କ ଜଙ୍ଗଲ ବିଭାଗର ମୁଖ୍ୟ ବନ ସଂରକ୍ଷକ ସଞ୍ଜୀବ କୁମାର ତ୍ରିପାଠୀ ଶୁକ୍ରବାର ଡାଳିଯୋଡା ବନାଞ୍ଚଳର ଚଣ୍ଡିଖୋଲ ସେକ୍ସନ୍‌ ଗସ୍ତରେ ଆସିଥିଲେ। ମହାବିନାୟକ...

ଖଣ୍ଡପଡ଼ା ସବ୍‌ଜେଲରୁ ଫେରାର କଏଦୀ ଗିରଫ

ଖଣ୍ଡପଡା,୧୪।୬(ସ୍ବ.ପ୍ର.): ନୟାଗଡ ଜିଲା ଖଣ୍ଡପଡା ସବ୍‌ଜେଲରୁ ପାଚେରି ଡେଇଁ ଫେରାର ଥିବା ଜଣେ କଏଦୀଙ୍କୁ ଫତେଗଡ଼ ଓ ଖଣ୍ଡପଡ଼ା ଥାନା ପୋଲିସ ଗିରଫ କରିଛି ।...

Leave a comment

Your email address will not be published. Required fields are marked *