ଲଡୁବାବା ମନ୍ଦିରରେ ଭଙ୍ଗହେଲା ୨୦୦ ବର୍ଷର ପରମ୍ପରା: ଶୀତଳଷଷ୍ଠୀରେ କରାଗଲାନି ଠାକୁରଙ୍କ ନଗର ପରିକ୍ରମା, ଶ୍ରଦ୍ଧାଳୁଙ୍କ ମଧ୍ୟରେ ଅସନ୍ତୋଷ

ନୟାଗଡ଼ ଅଫିସ,୯ା୬- ନୟାଗଡ଼ ଜିଲା ଶରଣକୁଳ ଲଡ଼ୁବାବା ମନ୍ଦିରରେ ୨୦୦ ବର୍ଷର ପରମ୍ପରା ଭଙ୍ଗ କରାଯାଇଛି। ଗୁରୁବାର ଶୀତଳଷଷ୍ଠୀରେ ଠାକୁରଙ୍କ ବିଜେ ପ୍ରତିମାଙ୍କୁ ନଗର ପରିକ୍ରମା କରାଯାଇ ନାହିଁ। ଏହାକୁ ନେଇ ଶ୍ରଦ୍ଧାଳୁଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି।
ପ୍ରକାଶ ଯେ, ଶୀତଳଷଷ୍ଠୀରେ ଲଡ଼ୁବାବାଙ୍କ ବିଜେ ପ୍ରତିମା ଚନ୍ଦ୍ରଶେଖର ନିଜ ଗ୍ରାମ ଭିକାରୀପଡ଼ାକୁ ଯାଇ ବରବେଶରେ ସଜାଇ ହୋଇ ରହିଥାନ୍ତି। ମା’ପାର୍ବତୀଙ୍କ ପକ୍ଷରୁ ବିଜେ ପ୍ରତିମା ଗୋପୀନାଥଜୀଉ ମାର୍କେଟରେ ଥିବା ଚାଳିମଣ୍ଡପରେ ଭୋଗ ଖାଇ ନଗର ପରିକ୍ରମା ପରେ ଭିକାରୀପଡ଼ାକୁ ଯାଇ ବିବାହ କାର୍ଯ୍ୟ ପାଇଁ ଚନ୍ଦ୍ରଶେଖରଙ୍କୁ ଆମନ୍ତ୍ରଣ କରନ୍ତି। ଫେରିବା ବେଳେ ମନ୍ଦିରଠାରୁ ୧୦୦ ମିଟର ଦୂରରେ ବର ଓ କନ୍ୟାଯାତ୍ରୀଙ୍କ ମଧ୍ୟରେ ଗୀତ ମାଧ୍ୟମରେ କଥା କଟାକଟି ହୁଏ। ଏହାକୁ ଦେଖିବା ପାଇଁ ଲୋକଙ୍କ ଗହଳି ଲାଗେ। ଏହା ପରେ ମନ୍ଦିରରେ ଶିବ ପାର୍ବତୀଙ୍କ ବିବାହ କାର୍ଯ୍ୟ ସମ୍ପନ୍ନ ହୁଏ। ହେଲେ ପ୍ରଶାସନ ପକ୍ଷରୁ ପୁରୁଣା ଚାଳିମଣ୍ଡପ ଭଙ୍ଗାଯିବା ପରେ ଏଥିରେ ବ୍ୟତିକ୍ରମ ଦେଖାଦେଇଛି। ଗୁରୁବାର ଠାକୁରଙ୍କ ନଗର ପରିକ୍ରମା କରା ନ ଯାଇ ମନ୍ଦିରରେ ବିବାହ କାର୍ଯ୍ୟ ସମ୍ପନ୍ନ କରାଯାଇଛି। ପ୍ରଶାସନ ପକ୍ଷରୁ ମାର୍କେଟରେ ନୂତନ ଚାଳିମଣ୍ଡପ କରାଯାଇଥିଲେ ମଧ୍ୟ ସେବକଙ୍କ ପକ୍ଷରୁ ଏହାକୁ ବିରୋଧ କରାଯାଇ ଠାକୁରଙ୍କ ବାହ୍ୟ ପର୍ବ ବନ୍ଦ କରାଯାଇଛି। ପ୍ରଶାସନ ଓ ସେବାୟତଙ୍କ ବିବାଦରୁ ଠାକୁରଙ୍କ ବାହ୍ୟପର୍ବ ବନ୍ଦ ହେବା ଘଟଣାକୁ ଭକ୍ତମାନେ ନିନ୍ଦା କରିଛନ୍ତି। ସୂଚନାଯୋଗ୍ୟ ଲଡ଼ୁବାବାଙ୍କ ବିଜେପ୍ରତିମା ଶ୍ରୀ ଚନ୍ଦ୍ରଶେଖର ଦଶହରା, ଦୋଳପୂର୍ଣ୍ଣିମା, ଶୀତଳଷଷ୍ଠୀ, ଚନ୍ଦନଯାତ୍ରା, ମାଘସପ୍ତମୀ ଭଳି ୩୭ଟି ବିଶେଷ ପର୍ବପର୍ବାଣିରେ ଷୋଡ଼ଶ ଉପଚାରରେ ଚାଳିମଣ୍ଡପରେ କିଛି ସମୟ ରହି ସେଠାରେ ଚାଚେରି ଭୋଗ କରାଯାଏ। ହେଲେ ଅଗଷ୍ଟ ୨୦୧୭ରେ ରାଜ୍ୟ ରାଜପଥ-୨୧ ପ୍ରଶସ୍ତୀକରଣ ସମୟରେ ଉକ୍ତ ଚାଳିମଣ୍ଡପକୁ ଭଙ୍ଗାଗଲା। ଉକ୍ତ ମଣ୍ଡପର ଶାସ୍ତ୍ରୀୟ ମର୍ଯ୍ୟାଦା କ’ଣ ସେ କଥା ଚିନ୍ତା ନ କରି ଛତିଶା ନିଯୋଗ ତଥା ପଣ୍ଡିତମାନଙ୍କ ବିନା ପରାମର୍ଶରେ ପ୍ରଶାସନ ପୁରୁଣା ମଣ୍ଡପକୁ ଭାଙ୍ଗି ମାର୍କେଟଠାରେ ନୂତନ ଚାଳିମଣ୍ଡପ ତିଆରି କରିଥିବା ସେବାସୀ ସଂଘ ସଭାପତି ତ୍ରିଲୋଚନ ମହାପାତ୍ର ପ୍ରକାଶ କରିଛନ୍ତି। ବର୍ତ୍ତମାନ ମାର୍କେଟରେ ନିର୍ମାଣ ହୋଇଥିବା ନୂତନ ଚାଳିମଣ୍ଡପଠାରେ ପୂର୍ବରୁ ଏକ ଧର୍ମଶାଳା ଥିଲା। ଧର୍ମଶାଳାରେ ଚାଳିମଣ୍ଡପ ତିଆରି ହୋଇଥିବାରୁ ତାହା ଶାସ୍ତ୍ରସମ୍ମତ ନୁହେଁ ବୋଲି ସମ୍ପାଦକ କୃଷ୍ଣଚନ୍ଦ୍ର ମହାପାତ୍ର ପ୍ରକାଶ କରିଛନ୍ତି। ଏ ବିବାଦ ନେଇ ସେବାୟତ ସଂଘ ଓ ଶରଣକୁଳ ଅଞ୍ଚଳର ୧୦ ଖଣ୍ଡ ମୌଜାର ଲୋକେ ଏଣ୍ଡାଓମେଣ୍ଟ କମିଶନଙ୍କୁ ଜଣାଇଥିଲେ। ପ୍ରଶାସନ ପକ୍ଷରୁ ବିକଳ୍ପ ବ୍ୟବସ୍ଥା କରା ନ ଯାଇ ଅଗଷ୍ଟ ୨୦୧୭ରେ କେତେଜଣ ବ୍ୟକ୍ତିଙ୍କ ସ୍ବାର୍ଥ ସାଧନରେ ଲଡୁବାବାଙ୍କ ଚାଳିମଣ୍ଡପ ଭଙ୍ଗାଯାଇଥିଲା। ଏ ନେଇ ପ୍ରଶାସନକୁ ବାରମ୍ବାର ଜଣାଯାଇଥିଲେ ମଧ୍ୟ କୌଣସି ସମାଧାନ ହୋଇପାରୁନାହିଁ। ଏହାର ଅନୁସନ୍ଧାନ କରି ପୂର୍ବରୁ ଥିବା ଚାଳିମଣ୍ଡପଠାରେ ଅସ୍ଥାୟୀ ଚାଳିମଣ୍ଡପ କରି ଠାକୁରଙ୍କ ନୀତିକାନ୍ତି ସମ୍ପନ୍ନ କରିବାକୁ ସଂଘ ପକ୍ଷରୁ ନିବେଦନ କରାଯାଇଥିଲା। ମେ ୧ ତାରିଖରେ ଏଣ୍ଡାଓମେଣ୍ଟ କମିଶନ ନୟାଗଡ଼ ଦେବୋତ୍ତର ବିଭାଗକୁ ପୂର୍ବ ସ୍ଥାନରେ ଅସ୍ଥାୟୀ ଚାଳିମଣ୍ଡପ କରି ଠାକୁରଙ୍କ ନୀତିକାନ୍ତି ସମ୍ପନ୍ନ କରିବା ପାଇଁ ନିର୍ଦ୍ଦେଶ ଦେଇଥିଲେ। ହେଲେ ଏହାକୁ ପ୍ରଶାସନ ପକ୍ଷରୁ ପାଳନ କରାଗଲା ନାହିଁ। ଏ ନେଇ ଦେବୋତ୍ତର ନିର୍ବାହୀ ଅଧିକାରୀ ତଥା ଉପଜିଲାପାଳ ଜିତେନ୍ଦ୍ର କୁମାର ସାହୁଙ୍କୁ ପଚାରିବାରୁ ସେ କହିଥିଲେ, ପ୍ରଶାସନ ତ ସେବାୟତମାନଙ୍କୁ ଜୋରଜବରଦସ୍ତ କରି ବାହ୍ୟପର୍ବ କରାଇବ ନାହିଁ, ସେବାୟତମାନେ ଏସବୁ ନିଜଆଡ଼ୁ କରିବା କଥା। ଯେଉଁମାନେ କରିନାହାନ୍ତି ତଦନ୍ତ କରାଯାଇ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ। ସେହିଭଳି ଏଣ୍ଡାଓମେଣ୍ଟ କମିଶନ ଚିଠି କରିଥିବାରୁ ଏହାର ତଦନ୍ତ କରାଯାଇ ସମାଧାନ କରାଯିବ। ଏହାଛଡା ପୁରୁଣା ଚାଳିମଣ୍ଡପଠାରେ ଡ୍ରେନ ନିର୍ମାଣ ହୋଇଥିବାରୁ ସେଠାରେ କିପରି ଅସ୍ଥାୟୀ ମଣ୍ଡପ କରାଯାଇ ଭୋଗ ଲାଗିବ ବୋଲି ଉପଜିଲାପାଳ ସାହୁ ପ୍ରକାଶ କରିଥିଲେ। ପ୍ରଶାସନ ଓ ସେବାୟତଙ୍କ ମଧ୍ୟରେ ଦେଖାଦେଇଥିବା ଏହି ବିବାଦ ସମାଧାନ ପାଇଁ ଭକ୍ତ ମହଲରେ ଦାବି ହେଉଛି।


All Right Reserved By

ମତ୍ସ୍ୟଜେଟି ମୁହାଣ ଖନନ ଦାବିରେ ମତ୍ସ୍ୟଜୀବୀଙ୍କ ଆନ୍ଦୋଳନ

ଛତ୍ରପୁର,୨୭।୭(ଡି.ଏନ୍‌.ଏ): ଗଞ୍ଜାମ ଜିଲା ଗୋପାଳପୁର ପୋର୍ଟ ପରିସରରେ ଥିବା ମତ୍ସ୍ୟଜେଟିର ମୁହାଣ ଖନନ ଦାବିରେ ଶନିବାର ମତ୍ସ୍ୟଜୀବୀଙ୍କ ପକ୍ଷରୁ ଧାରଣା ଦିଆଯିବା ସହ ଆନ୍ଦୋଳନ ଆରମ୍ଭ...

ସୂଚନା କେନ୍ଦ୍ରକୁ ଯୋଡ଼ିଲା ହ୍ବାଟ୍‌ସ ଆପ୍‌ ଗ୍ରୁପ୍‌: ହଜିଲା ଲୋକଙ୍କ ସୂଚନା ପାଇଲେ ପରିଜନ

ପୁରୀ ଅଫିସ,୧୪।୭: ମହାପ୍ରଭୁଙ୍କ ଘୋଷଯାତ୍ରା ଦେଖିବା ଲାଗି ଦେଶର ବିଭିନ୍ନ ସ୍ଥାନରୁ ଶ୍ରଦ୍ଧାଳୁ ପୁରୀକୁ ଆସିଥାନ୍ତି। ରଥଯାତ୍ରାଠୁ ନୀଳାଦ୍ରିବିଜେ ପର୍ଯ୍ୟନ୍ତ ଶ୍ରୀକ୍ଷେତ୍ରରେ ଗହଳି ଚହଳି ଲାଗିଥାଏ।...

ବାନ୍ତି କଲେ ପାଟିରୁ ବାହାରୁଛି କୋଇଲା: ବଲାଙ୍ଗିର ହସ୍ପିଟାଲରେ ଭର୍ତ୍ତି ହେଲେ ୧୦ ବର୍ଷର ନାବାଳିକା

ବଲାଙ୍ଗିର ଅଫିସ,୨୪।୭: ବାନ୍ତି କଲେ ପାଟିରୁ ବାହାରୁଛି ପୋଡ଼ା କାଠର କୋଇଲା। ଏଭଳି ଏକ ଆଶ୍ଚର୍ଯ୍ୟଜନକ ଘଟଣା ଦେଖିବାକୁ ମିଳୁଛି ଖପ୍ରାଖୋଲ ବ୍ଲକ ବୁଡ଼ିବାହାଲ ଗ୍ରାମର...

‘ଅଧ୍ୟବସାୟ, ଉଦ୍ୟମ ବଳରେ ସବୁ କାର୍ଯ୍ୟ ସମ୍ଭବ’

ତିହିଡ଼ି, ୧୬।୭ (ଡି.ଏନ.ଏ.)- ଅଳ୍ପ ପୁଞ୍ଜି ଓ ସୀମିତ ଭିତ୍ତିଭୂମିରେ ଛତୁଚାଷ କ୍ଷୁଦ୍ର ଓ ନାମମାତ୍ର ଚାଷୀଙ୍କୁ ସ୍ବାବଲମ୍ବୀ କରିପାରିବ। ଏଭଳି ବିଶ୍ୱାସ ନେଇ ୬ବର୍ଷ...

ରାଜ୍ୟରେ ‘ଗାର୍ଡ ଅଫ୍‌ ଅନର୍‌’ ବ୍ୟବସ୍ଥା ଉଚ୍ଛେଦ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୧୪।୮(ବ୍ୟୁରୋ): ରାଜ୍ୟରେ ‘ଗାର୍ଡ ଅଫ୍‌ ଅନର୍‌’ ବ୍ୟବସ୍ଥା ଉଚ୍ଛେଦ କରାଯାଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବୁଧବାର ଏହି ନିର୍ଦ୍ଦେଶ ଦେଇଛନ୍ତି। ଏହାଦ୍ୱାରା ମୁଖ୍ୟମନ୍ତ୍ରୀ, ମନ୍ତ୍ରୀ ଓ...

ଅରୁଣ ବୋଥ୍ରା ହେଲେ ‘କ୍ରୁଟ’ ପରିଚାଳନା ନିର୍ଦ୍ଦେଶକ

ଭୁବନେଶ୍ୱର, ୭।୭(ବ୍ୟୁରୋ): ଓଡ଼ିଶା ପୋଲିସ ତଥା ସେଣ୍ଟ୍ରାଲ ଇଣ୍ଟେଲିଜେନ୍ସ ବ୍ୟୁରୋ (ସିଆଇଡି), କ୍ରାଇମ୍‌ ବ୍ରାଞ୍ଚ ଆଇଜି ଅରୁଣ ବୋଥ୍ରାଙ୍କୁ ଶନିବାର ଅତିରିକ୍ତ ଦାୟିତ୍ୱ ମିଳିଛି। ଏବେଠାରୁ...

ପ୍ରତିଶ୍ରୁତି ପୂରଣ କଲାନି ଏସ୍‌ଆର୍‌ ଷ୍ଟିଲ୍‌ କମ୍ପାନୀ, ଅନଶନରେ ବସିଲେ ବଡକାଳୀମାଟି ଗ୍ରାମବାସୀ

ଚମ୍ପୁଆ ୧୮ା୬(ଡି.ଏନ.ଏ.)-କେନ୍ଦୁଝର ଜିଲା ଚମ୍ପୁଆ ଉପଖଣ୍ଡର ଦୁବୁନାଠାରେ ଥିବା ଏସ୍‌ଆର୍‌ ଷ୍ଟିଲ୍‌ କମ୍ପାନୀ ଦେଇଥିବା ପ୍ରତିଶ୍ରୁତି ପୂରଣ ନ କରିବାରୁ ବଡକାଳୀମାଟି ଗ୍ରାମବାସୀ ଚମ୍ପୁଆ ଉପଜିଲାପାଳ...

ସରିଲା ହେରାପଞ୍ଚମୀ ନୀତି: ନନ୍ଦିଘୋଷ ରଥ ଭାଙ୍ଗିଲେ ଲକ୍ଷ୍ମୀ ସାଆନ୍ତାଣୀ

ପୁରୀ ଅଫିସ, ୯।୭: ଆଡ଼ପ ମଣ୍ଡପରେ ଅବସ୍ଥାନ କରିଛନ୍ତି ଚତୁର୍ଦ୍ଧାବିଗ୍ରହ। ଗୁଣ୍ଡିଚା ମନ୍ଦିରରେ ଲାଗୁଛି ଭକ୍ତଙ୍କ ଗହଳି। ଜନ୍ମବେଦିରେ ଲୀଳାଖେଳା କରୁଛନ୍ତି ଦାରୁବିଗ୍ରହ। ମହାପ୍ରଭୁଙ୍କ ମାନବୀୟ...

selfi corner

Model This Week

Why Dharitri

Leave a comment

Your email address will not be published. Required fields are marked *