କର୍ମଜୀବୀ ଓ ଫିଟ୍‌ନେସ୍‌

ଆଜିକାଲି ଅନେକ ମହିଳା ନିଜକୁ ସ୍ବାବଲମ୍ବୀ କରିବାକୁ ଆଗେଇ ଆସୁଛନ୍ତି। କେତେକେ ନିଜେ କିଛି ରୋଜଗାର କରିବା ସହ ଅନ୍ୟମାନଙ୍କୁ ରୋଜଗାରକ୍ଷମ କରାଇବାରେ ମଧ୍ୟ ସକ୍ଷମ ହୋଇଛନ୍ତି। ତେବେ କର୍ମଜୀବୀମାନେ ବ୍ୟସ୍ତବହୁଳ ଜୀବନ ଭିତରେ ନିଜ ଶରୀର ପ୍ରତି ନଜର ଦେବା ନିହାତି ଜରୁରୀ। କାରଣ ସୁସ୍ଥ ରହିଲେ ହିଁ ଜଣେ ଆଗକୁ ଆଗେଇପାରିବ। ହେଲେ କର୍ମମୟ ଜୀବନରେ କେତେକ କର୍ମଜୀବୀ ନିଜ ସ୍ବାସ୍ଥ୍ୟ ପ୍ରତି ଅଣଦେଖା କରିଥାଆନ୍ତି। ସକାଳୁ ଉଠି ଘରକାମ ସାରି ଅଫିସ ଯିବା, ସେଠାରେ ନିଜ ଦାୟିତ୍ୱ ତୁଲାଇବା, ପୁଣି ଅଫିସ ଶେଷ ହେବା ପରେ ଘରକୁ ଆସି ଘରକାମରେ ନିଜକୁ ନିୟୋଜିତ ରଖିବା-ଏସବୁ ସେମାନଙ୍କ ଜୀବନର ନିତିଦିନିଆ ଘଟଣା। ତେବେ ଏପରି କେତେକ ସରଳ ଉପାୟ ରହିଛି, ଯାହାକୁ କର୍ମଜୀବୀ ଆପଣେଇପାରିଲେ ଅନେକାଂଶରେ ସୁସ୍ଥ ରହିପାରିବେ। ଜାଣନ୍ତୁ ଏ ସମ୍ପର୍କରେ …
କ’ଣ କରିବେ
-ନିଜ କାର୍ଯ୍ୟକୁ ନେଇ ଯେତେ ବ୍ୟସ୍ତ ରହିଲେ ମଧ୍ୟ ସେଥିରୁ କିଛି ସମୟ ବାହାରକରି ରେଷ୍ଟ ନିଅନ୍ତୁ। ସେହି ଅନୁସାରେ ନିଜର ଦୈନନ୍ଦିନ କାର୍ଯ୍ୟତାଲିକା ପ୍ରସ୍ତୁତ କରନ୍ତୁ।
-ସବୁବେଳେ କ’ଣ କରିବେ ସେନେଇ ଆଗରୁ ଯୋଜନା ପ୍ରସ୍ତୁତ କରନ୍ତୁ। ନିଜ ଦୈନିକ କାର୍ଯ୍ୟକୁ ଡାଏରୀରେ ଲେଖିରଖନ୍ତୁ।
-ସକାଳୁ ଯେତେ ବ୍ୟସ୍ତ ରହିଲେ ମଧ୍ୟ ବ୍ୟାୟାମ ପାଇଁ କିଛି ସମୟ ବାହାର କରନ୍ତୁ। ଅତିକମ୍‌ରେ ଅଧଘଣ୍ଟା ଚାଲନ୍ତୁ। କିଛି ସମୟ ଯୋଗ କରିପାରନ୍ତି।
ମାନସିକ ଓ ଶାରୀରିକ ଫିଟ୍‌ନେସ ଲାଗି ଏକ୍ସରସାଇଜ୍‌ ନିଶ୍ଚିତ କରନ୍ତୁ।
-ଆଜିକାଲି ଅନେକ ଅଫିସରେ ଯିବା ଆସିବା ପାଇଁ ଲିଫ୍ଟ ବ୍ୟବସ୍ଥା ରହିଛି। ତେବେ ଲିଫ୍ଟ ବଦଳରେ ଶିଡ଼ି ବ୍ୟବହାର କରନ୍ତୁ।
-ନିଜ କାର୍‌କୁ ପାର୍କରେ ରଖି କିଛି ସମୟ ଚାଲି ଚାଲି ଅଫିସ୍‌ ଭିତରକୁ ଯାନ୍ତୁ।
-ଲଞ୍ଚ୍‌ ପାଇଁ ଘରେ ପ୍ରସ୍ତୁତ ଖାଦ୍ୟକୁ ନେଇ ଯାନ୍ତୁ। ବାହାର ଖାଦ୍ୟଠାରୁ ନିଜକୁ ଦୂରେଇ ରଖନ୍ତୁ।
ଅଫିସ୍‌ରେ ଓ୍ବାର୍କଆଉଟ୍‌ର ଫାଇଦା
-ଅଫିସ୍‌ରେ ୨ ମିନିଟ୍‌ର ଓ୍ବାର୍କ କରିବା ଦ୍ୱାରା ଏହା ଶରୀର ଉପରେ ସକାରାତ୍ମକ ପ୍ରଭାବ ପକାଇଥାଏ।
-ଆଖି ଓ ମେରୁଦଣ୍ଡ ହାଡ଼କୁ ଆରାମ ମିଳିଥାଏ।
-ଚାଲିବା ଦ୍ୱାରା ଶରୀରରେ ରକ୍ତ ସଞ୍ଚାଳନ ଭଲ ହୋଇଥାଏ।
-ଚାଲିବା ସମୟରେ ଶରୀର ଫୁର୍ତ୍ତି ଲାଗିଥାଏ।
-ଓ୍ବାର୍କଆଉଟ୍‌ କରିବା ଦ୍ୱାରା ଦିନସାରା ମୁଡ୍‌ ଭଲ ରହିଥାଏ।
-ବ୍ୟାୟାମ ଦ୍ୱାରା ମାନସିକ ଓ ଶାରୀରିକ ଶାନ୍ତି ମିଳେ।
କାମ ସହ ଓ୍ବାର୍କଆଉଟ୍‌
-ଅଫିସ୍‌ରେ ଗୋଟିଏ ନିର୍ଦ୍ଦିଷ୍ଟ ଜାଗାରେ ବସି କାମ କରିବା ବ୍ୟତୀତ ଆପଣ ନିଜକୁ ଫିଟ୍‌ ମଧ୍ୟ ରଖିପାରିବେ। କିଛି ଏମିତି ଏକ୍ସରସାଇଜ୍‌ ଅଛି, ଯାହାକୁ ଅଫିସ୍‌ କାମ ସହିତ କରିପାରିବେ।
-ଅଫିସ୍‌ରେ ଲଗାତର ବସି କାମ କରିବାକୁ ପଡ଼ିଥାଏ। ଭଲ ସ୍ବାସ୍ଥ୍ୟ ପାଇଁ ପ୍ରତି ଘଣ୍ଟାରେ ଦୁଇ ମିନିଟ୍‌ ଓ୍ବାକ୍‌ କରନ୍ତୁ।
-ଅଫିସ୍‌ରେ ନିଜ ଫାଇଲ୍‌ ରେଜିଷ୍ଟର ଆଦିକୁ ନିଜେ ଉଠାଇ ରଖନ୍ତୁ।
-ପିଇବା ପାଣି ନିଜେ ଯାଇ ଆଣନ୍ତୁ। ନିଜ ସିଟ୍‌ ପର୍ଯ୍ୟନ୍ତ ଆସିବା ଲାଗି ଲମ୍ବା ରାସ୍ତା ଆପଣାନ୍ତୁ।
-ଲଞ୍ଚ୍‌ କରିବା ପରେ କିଛି ସମୟ ଚାଲନ୍ତୁ।
-କମ୍ପ୍ୟୁଟରରେ କାମ କରି କରି ଥକି ପଡ଼ିଥିଲେ ଚେୟାର ଉପରେ ବିଶ୍ରାମ ଦାୟକ ମୁଦ୍ରାରେ ବସନ୍ତୁ। ନିୟମିତ ସମୟ ଅନ୍ତରାଳରେ ମୁହଁ ଧୁଅନ୍ତୁ। ଏହାଦ୍ୱାରା ନିଜକୁ ଫ୍ରେସ୍‌ ଲାଗିବା ସହ ଆଖି ଉପରେ କାମର ପ୍ରଭାବ ପଡ଼ି ନ ଥାଏ।
-ଅଧିକ ସମୟ ଚେୟାରରେ ବସିବା ବଦଳରେ ଅଧିକରୁ ଅଧିକ ଫିଜିକାଲ୍‌ ମୁଭ୍‌ମେଣ୍ଟ କରନ୍ତୁ।
-ଚେୟାର ଉପରେ ବସି ଆପଣ କାନ୍ଧକୁ ୧୦ଥର ପଛକୁ ଏବଂ ପୁଣି ୧୦ ଥର ଆଗକୁ ବୁଲାନ୍ତୁ।
-ଚେୟାର ଉପରେ ବସି ୧୦ଥର ପାଦକୁ ଷ୍ଟ୍ରେଚ୍‌ କରନ୍ତୁ। ଚେୟାର ହାଇଟ୍‌ର ପାଦକୁ ତଳୁ ଉପରକୁ ଉଠାନ୍ତୁ।
-ଆପଣ ନିଜ ହାତକୁ ପିଠି ଆଡ଼କୁ ନେଇଯାନ୍ତୁ ଓ ଦୁଇ ହାତର ଆଙ୍ଗୁଠିକୁ ଲକ୍‌ କରି ପଛ ଆଡ଼କୁ ଷ୍ଟ୍ରେଚ୍‌ କରନ୍ତୁ।
-ନିଜ ଦୁଇ ହାତକୁ କାନ୍ଧ ସମାନକୁ ନେଇଆସନ୍ତୁ। ମୁଠା ବନ୍ଦକରି ୧୦ ଥର ଭିତର ଆଡ଼କୁ ବୁଲାନ୍ତୁ, ପୁଣି ୧୦ଥର ବାହାରକୁ ବୁଲାନ୍ତୁ।

ଏମାନେ କ’ଣ କରନ୍ତି
ପ୍ରତି ଘଣ୍ଟାରେ ଥରେ ସିଟ୍‌ରୁ ଉଠି କିଛି ସମୟ ବୁଲାବୁଲି କରିଥାଉ
-ଇତି ଦର୍ଶନୀ (ଟେକ୍ନୋଲୋଜି ଲିଡ୍‌, ଖରାଡି, ପୁନେ)
କାମ ଆରମ୍ଭ କରିବା ପୂର୍ବରୁ ଆମେ ପୋଶ୍ଚର ଉପରେ ଧ୍ୟାନ ଦେଇଥାଉ। ଯେମିତି କି ମନିଟର ମଧ୍ୟଭାଗରେ ରହିଲେ ଆମର ଆଖି ତା’ ସହ ପାରାଲାଲ ହୋଇପାରୁଥିବ। ଆମ ଅଫିସରେ ବସିବାକୁ ଆରାମଦାୟକ ଚେୟାର ରହିଛି, ଯାହା ଦ୍ୱାରା ବ୍ୟାକ୍‌ପେନ୍‌ ହେବାର ଆଶଙ୍କା କମ୍‌ ଥାଏ। ତଥାପି ଜଣେ କର୍ମଚାରୀ ନିଜ ସୁବିଧା ଅନୁସାରେ କୁସନ ବ୍ୟବହାର କରିଥାଆନ୍ତି। ଏତଦ୍‌ବ୍ୟତୀତ ପ୍ରତି ଘଣ୍ଟାରେ ଥରେ ସିଟ୍‌ରୁ ଉଠି କିଛି ସମୟ ବୁଲାବୁଲି କରିଥାଉ। ପାଣି ପିଇବା ପାଇଁ ସବୁବେଳେ ପାଣି ବୋତଲ ପାଖରେ ରଖିଥାଉ। ଖାସ୍‌ କଥା ହେଲା, ଅଫିସରେ ଲଞ୍ଚ୍‌ କରିବା ପରେ କିଛି ସମୟ ଚଲାବୁଲା କରିଥାଉ। ଆମ ଅଫିସରେ ଉଷୁମ ପାଣିର ବ୍ୟବସ୍ଥା ମଧ୍ୟ ରହିଛି।

ଆରାମରେ କାମ କରିବା ପ୍ରତି ସବୁବେଳେ ଦୃଷ୍ଟି ଦିଏ
-ପ୍ରତୀକ୍ଷା ଦାସ (ଟ୍ରେନିଂ ମ୍ୟାନେଜର,ସିଡିଏ, କଟକ)
ମୁଁ ଆମ ଅଫିସ୍‌ରେ ଟ୍ରେନର ରୂପେ କାମ କରେ। ପିଲାମାନେ କିପରି କମ୍ଫର୍ଟେବଲ୍‌ ଭାବେ କାମ କରିବେ ସେଥିପ୍ରତି ଆମେ ଦୃଷ୍ଟି ଦେଇଥାଉ। ଲେଡି ଷ୍ଟାଫ୍‌ମାନେ ଯେମିତିକି କମ୍ଫର୍ଟେବଲ ହୋଇ ବସି କାମ କରିପାରିବେ, ସେଥିପାଇଁ ତାଙ୍କୁ ସ୍ପେଶିଆଲ ଚେୟାର ଦିଆଯାଇଛି। ଆମେ ଯଦି ଠିକ୍‌ ପୋଶ୍ଚରରେ ବସି ନ ରହିବା ତେବେ ଆମ ଶରୀର ଉପରେ ଏହାର ଖରାପ ପ୍ରଭାବ ପଡ଼ିବ। ଅଲଗା ଅଲଗା କର୍ପୋରେଟ୍‌ ସେକ୍ଟରରେ ତାଙ୍କ ସିଷ୍ଟମରେ ପାଣି ଆଲାର୍ମ ବ୍ୟବସ୍ଥା ରହିଛି। ଏହା ଦ୍ୱାରା କାମ କରିବାର ଆଗ୍ରହ ଆସିବ। ପ୍ରତି ଏକ ଘଣ୍ଟାରେ ଥରେ ବ୍ରେକ୍‌ ନେଇପାରିବେ। ଆଖିକୁ ମଝିରେ ମଝିରେ ବ୍ଲିଙ୍କ କରିବା ଆବଶ୍ୟକ। ଏପରି କରିବା ଦ୍ୱାରା ଆଖି ଉପରେ ଏତେଟା ପ୍ରେସର ପଡ଼ିବ ନାହିଁ। ପ୍ରତି ଅଫିସ୍‌ରେ ଗେମ୍‌ଜୋନ୍‌, ଇନ୍‌ଡୋର ଗେମ୍‌, ଟେବୁଲ୍‌ଟେନିସ୍‌ ଆଦି ରହିଲେ ଭଲ। ଏପରି କରିବା ଦ୍ୱାରା ମାଇଣ୍ଡ୍‌ ରିଫ୍ରେଶ୍‌ମେଣ୍ଟ ରହିବ। କୌଣସି ସ୍ପେଶାଲ ଅକେଜନ୍‌ରେ ମହିଳାଙ୍କୁ ଛୋଟମୋଟ ଗିଫ୍ଟ ଦେବା କିମ୍ବା ଏଥେନିକ୍‌ ଡ୍ରେସ ସେଲିବ୍ରେଶନ୍‌ ଆଦି ବିଭିନ୍ନ ଆକ୍ଟିଭିଟି କଲେ ସେମାନେ ବି ମୋଟିଭେଟ୍‌ ହୋଇପାରିବେ। ମୋଟିଭେଟ୍‌ ହେଲେ ହିଁ କାମ କରିବାକୁ ଆଗ୍ରହ ପ୍ରକାଶ କରିବେ।


All Right Reserved By Dharitri.Com

ରୋଗ ପ୍ରତିରୋଧକ କ୍ଷମତା ବଢ଼ାଇଥାଏ ଘରୋଇ ଉପଚାର

ନ୍ୟାଶନାଲ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଆୟୁର୍ବେଦ ଜୟପୁରର ଆସୋସିଏଟ୍‌ ପ୍ରଫେସର ଡ. ସିଆର ଯାଦବ କୁହନ୍ତି, ରୋଗ ପ୍ରତିରୋଧକ କ୍ଷମତା ବଢ଼ାଇବା ପାଇଁ ଘରୋଇ ଉପଚାର ସବୁଠୁ...

କ୍ରୋଧ ବଢ଼ାଏ କାର୍ଯ୍ୟଦକ୍ଷତା

କ୍ରୋଧ କାର୍ଯ୍ୟଦକ୍ଷତା ବୃଦ୍ଧି କରିବାରେ ସହାୟକ ହୋଇଥାଏ ବୋଲି ନିକଟରେ ହୋଇଥିବା ଏକ ଗବେଷଣାରୁ ଜଣାପଡ଼ିଛି। ଏହି ଗବେଷଣା କାନାଡ଼ାର ୟୁନିଭର୍ସିଟି ଅଫ୍‌ ୱାଟର୍‌ଲୁରେ ହୋଇଥିଲା।...

ପିସିଓଏସ୍‌-ଆଇଭିଏଫ୍‌ ଚିକିତ୍ସା ପ୍ରଣାଳୀ

”ପଲିସାଇଷ୍ଟିକ୍‌ ଓଭାରିଆନ ଡିଜିଜ (ପିସିଓଡି) ଯାହାକି ପଲିସାଇଷ୍ଟିକ ଓଭାରିୟାନ ସିନଡ୍ରୋମ (ପିସିଓଏସ) ଭାବେ ଏହି ରୋଗ ବର୍ତ୍ତମାନ ମହିଳାମାନଙ୍କ ମଧ୍ୟରେ ବିଶେଷ କରି ୪୦ ବର୍ଷ...

ଓଜନ ହ୍ରାସ ପାଇଁ ଖାଆନ୍ତୁ ରୁଟି

ଓଜନ ବୃଦ୍ଧି ହେଲେ ସଭିଏଁ ସାଧାରଣତଃ ବ୍ୟସ୍ତ ଓ ଚିନ୍ତିତ ହୋଇଯାଆନ୍ତି। ତେଣୁ ଓଜନ ହ୍ରାସ ପାଇଁ ବିଭିନ୍ନ ଉପାୟ ଅବଲମ୍ବନ କରିବାକୁ ପଡ଼ିଥାଏ। ଶରୀରରେ...

କଥାବାର୍ତ୍ତା ବେଳେ ଜଳକଣା ଦ୍ୱାରା ବ୍ୟାପିଥାଏ କରୋନା

ନୂଆଦିଲ୍ଲୀ,୧୬।୫: କରୋନା ମହାମାରୀ ଏବେ ସାରା ବିଶ୍ୱକୁ ଚିନ୍ତାରେ ପକାଇ ଦେଇଥିବା ବେଳେ ଏହାର ଚିକିତ୍ସା ପାଇଁ ଦିନରାତି ଚାଲିଛି ଗବେଷଣା। ଏପରି କି ଏହାର...

ଏସବୁ ରୋଗରୁ ମୁକ୍ତି ଦିଏ ଅଖରୋଟ୍‌

ଅଖ୍‌ରୋଟ୍‌ ମସ୍ତିଷ୍କ ଲାଗି ଉପକାରୀ ହୋଇଥାଏ ବୋଲି ଆପଣ ଜାଣିଥିବେ। ମାତ୍ର ଏହା ଖାଲି ମସ୍ତିଷ୍କ ପାଇଁ ନୁହେଁ ବିଭିନ୍ନ ସ୍ବାସ୍ଥ୍ୟ ସମସ୍ୟାରୁ ମୁକ୍ତି ଦେଇଥାଏ।...

ଶୀତଦିନେ କେଶର ଯତ୍ନ

ଶୀତଦିନରେ ଶରୀର ସହିତ ନିଜର କେଶର ଯତ୍ନ ନେବା ମଧ୍ୟ ଜରୁରୀ। ସାଧାରଣତଃ ଶୀତଦିନରେ କେଶରେ ଅଧିକ ରୁକ୍ଷତା ଦେଖିବାକୁ ମିଳେ। ତେବେ ଏହି ସମୟରେ...

ହାର୍ଟ ଆଟାକ୍‌ରୁ ଦୂରେଇ ରହିବା ପାଇଁ ସକାଳେ ଏଥିରୁ ପିଅନ୍ତୁ ଅଧାକପ୍‌…

କଫି ଓ ଚା’ ହୃଦ୍‌ଘାତରୁ ମନୁଷ୍ୟକୁ ସୁରକ୍ଷା ଦେଇଥାଏ। କଫିରେ ଥିବା କାଫିନ୍‌ ଓ ଚା’ରେ ଥିବା ନିକୋଟାଇନ୍‌ ରକ୍ତରେ ମିଶିବା ଦ୍ୱାରା ରେଡ୍‌ ବ୍ଲଡ୍‌...

Leave a comment

Your email address will not be published. Required fields are marked *