Posted inଜାତୀୟ

ମହାମାରୀ ବର୍ଷକୁ ନେଉଛି ୭.୨୦ ଲକ୍ଷ ଜୀବନ: ବିଶ୍ୱକୁ କ୍ଷତି ୩୭ ଲକ୍ଷ କୋଟି

ନୂଆଦିଲ୍ଲୀ,୧୭।୩: ଚିକିତ୍ସା ବିଜ୍ଞାନର ଦ୍ରୁତ ଅଗ୍ରଗତି ସତ୍ତ୍ୱେ କରୋନା ଭଳି ରୋଗ ମହାମାରୀ ରୂପ ନେଇଥିବା ଦେଖାଯାଇଛି। ଏଭଳି ବିଭିନ୍ନ ମହାମାରୀ ଯୋଗୁ ବିଶ୍ୱ ଅର୍ଥବ୍ୟବସ୍ଥା ବୃହତ୍‌ କ୍ଷତି ସହୁଛି। ୟୁରୋପୀୟ ପାର୍ଲାମେଣ୍ଟର ଏକ ରିପୋର୍ଟ ମୁତାବକ ଏଭଳି ସମସ୍ୟା ଯୋଗୁ ବୌଦ୍ଧିକ ସ୍ତରରେ ସାରା ବିଶ୍ୱକୁ ବାର୍ଷିକ ୫୦୦ ବିଲିୟନ ଡଲାର ବା ପ୍ରାୟ ୩୬,୯୭,୯୫୦ କୋଟି ଟଙ୍କା କ୍ଷତି ସହିବାକୁ ପଡୁଛି। ବାର୍ଷିକ ମହାମାରୀରେ ୭.୨୦ ଲକ୍ଷ ଲୋକ ମୃତ୍ୟୁବରଣ କରୁଛନ୍ତି ବୋଲି ବିଶ୍ୱ ବ୍ୟାଙ୍କ ରିପୋର୍ଟରେ ପ୍ରକାଶ କରିଛି।
ରିପୋର୍ଟ ମୁତାବକ, ଇବୋଲା ଭାଇରସ ଯୋଗୁ ୨୦୧୩-୧୬ ମଧ୍ୟରେ ଲାଇବେରିଆ ଭଳି ଦେଶରେ ଜିଡିପି ୮% ଖସିଯାଇଥିଲା। ଗରିବ ଏବଂ ନିମ୍ନ ମଧ୍ୟମ ଆୟକାରୀ ଦେଶଗୁଡିକ ଏହି ମହାମାରୀ ଯୋଗୁ ଗଭୀର ଭାବେ କ୍ଷତିଗ୍ରସ୍ତ ହେଲେ। ଏଥିଯୋଗୁ ଗରିବ ଏବଂ ମଧ୍ୟମ ଆୟବର୍ଗର ଦେଶଗୁଡିକର ଅର୍ଥବ୍ୟବସ୍ଥା ୧.୬% ପ୍ରଭାବିତ ହେଉଥିବା ବେଳେ ବିକଶିତ ଦେଶଗୁଡିକ ଉପରେ ୦.୩% ପ୍ରଭାବ ପରିଲକ୍ଷିତ ହୋଇଛି। ବିଶ୍ୱ ସ୍ବାସ୍ଥ୍ୟ ସଙ୍ଗଠନ (ଡବ୍ଲ୍ୟୁଏଚ୍‌ଓ) ଏବଂ ବିଶ୍ୱ ବ୍ୟାଙ୍କର ୨୦୧୯ ରିପୋର୍ଟ ମୁତାବକ ମହାମାରୀ ଯୋଗୁ ବିଶ୍ୱ ସ୍ତରରେ ଜିଡିପି ୨.୨%ରୁ ୪.୮% କ୍ଷତିଗ୍ରସ୍ତ ହେଉଛି। ଏଭଳି ସମସ୍ୟା ଯୋଗୁ ବିଶ୍ୱ ଅର୍ଥ ବ୍ୟବସ୍ଥାକୁ ମୋଟ୍‌ ୩ ଟ୍ରିଲିୟନ ଡଲାରର କ୍ଷତି ସହିବାକୁ ପଡୁଛି ବୋଲି ଏକ ଆକଳନରେ କୁହାଯାଇଛି। ଉକ୍ତ ସମସ୍ୟା ଫଳରେ ସାହାରା ଏବଂ ଆଫ୍ରିକୀୟ ଦେଶଗୁଡିକର ଜିଡିପି ୧.୭% କ୍ଷତିଗ୍ରସ୍ତ ହୋଇଛି। ଏହି ଦେଶଗୁଡିକୁ ୨୮ ବିଲିୟନ ଡଲାର କ୍ଷତି ସହିବାକୁ ପଡିଛି। ବିଶ୍ୱ ବ୍ୟାଙ୍କର ରିପୋର୍ଟ ଅନୁସାରେ ଇବୋଲା ପୂର୍ବରୁ ଗୁଆନା, ଲାଇବେରିଆ ଭଳି ଦେଶର ଅଭିବୃଦ୍ଧି ସବୁଠାରୁ ଦ୍ରୁତ ରହିଥିଲା। ଏହି ଦେଶଗୁଡିକରେ ଇବୋଲା ଆସିବା ଯୋଗୁ ସ୍ଥିତି ବିଗାଡି ଦେଲା। ମହାମାରୀ ଯୋଗୁ ହସ୍ପିଟାଲଗୁଡିକରେ ରୋଗୀଙ୍କ ସଂଖ୍ୟା ବଢିଯାଏ। ଏଥିଲାଗି ପ୍ରଶାସନିକ ଏବଂ ପରିଚାଳନା ଖର୍ଚ୍ଚ ବଢାଇବାକୁ ପଡେ। ୨୦୧୭ରେ ଜିକା ଭାଇରସ ଯୋଗୁ ଲାଟିନ ଆମେରିକା ଏବଂ କାରିବିଆନ ଦେଶଗୁଡିକର ମେଡିକାଲ ଖର୍ଚ୍ଚ ୭ରୁ ୧୮ ବିଲିୟନ ଡଲାରକୁ ବଢିଯାଇଥିଲା। ମହାମାରୀ ଯୋଗୁ ପର୍ଯ୍ୟଟନ କ୍ଷେତ୍ର ଉପରେ ଅଧିକ ପ୍ରଭାବ ପରିଲକ୍ଷିତ ହେଉଛି। ଏହି ସମୟରେ ସପିଙ୍ଗ ମଲଗୁଡିକୁ ବନ୍ଦ କରି ଦିଆଯାଏ। କମ୍ପାନୀଗୁଡିକ ସେମାନଙ୍କ ଉତ୍ପାଦନ କମାଇଦିଅନ୍ତି। ଏହାଦ୍ୱାରା ରପ୍ତାନି ଏବଂ ଶ୍ରମଶକ୍ତି ଉପରେ ପ୍ରଭାବ ପରିଲକ୍ଷିତ ହୁଏ। ଗ୍ରାହକଙ୍କ ଖର୍ଚ୍ଚ ଉପରେ ଏହାର ପ୍ରଭାବ ମଧ୍ୟ ପଡିଥାଏ। ୨୦୦୩ର ସାର୍ସ ଭାଇରସ ଯୋଗୁ ହଂକଂ ଏବଂ ସିଙ୍ଗାପୁରରେ ଗ୍ରାହକଙ୍କ ଖର୍ଚ୍ଚ ଅତିମାତ୍ରାରେ ବଢିଯାଇଥିଲା। କରୋନା ଯୋଗୁ ଚାଇନାରେ ଏବେ ବାଣିଜ୍ୟ କାରବାର ହ୍ରାସ ପାଇଛି। ୧୯୯୭ରେ ରିଫ୍ଟ ବେଲି ଫିଭର ଯୋଗୁ ସୋମାଲିୟାର ଉତ୍ପାଦନ ଏବଂ ବାଣିଜ୍ୟ ୬୦ରୁ ୬୫% କ୍ଷତିଗ୍ରସ୍ତ ହୋଇଥିଲା।


All Right Reserved By Dharitri.Com

ମାସ୍କ ପିନ୍ଧି, ସାନିଟାଇଜର ଲଗାଇ କଲେ ବିବାହ

ପାଟନା,୧୬।୪: କରୋନା ଭାଇରସ ଯୋଗୁ ସାରା ଦେଶରେ ମେ’ ୩ ପର୍ଯ୍ୟନ୍ତ ଚାଲିଥିବା ଲକ୍‌ଡାଉନକୁ ଦେଖି ଅନେକ ଲୋକ ସେମାନଙ୍କ ବିବାହ ତାରିଖରେ ପରିବର୍ତ୍ତନ କରୁଥିବା...

ଟିକ୍‌ଟକ୍‌ ପାଇଁ ଆତ୍ମହତ୍ୟା କଲେ ୨ ସନ୍ତାନର ମାଆ

ନୂଆଦିଲ୍ଲୀ,୧୪ା୬(ଆଇଏଏନ୍‌ଏସ୍‌):ସଂକ୍ଷିପ୍ତ ଭିଡିଓ ପ୍ରସ୍ତୁତକାରୀ ଆପ୍‌ ଟିକ୍‌ଟକ୍‌ ପାଇଁ ତାମିଲନାଡୁର ୨ ସନ୍ତାନର ଜନନୀ ଜଣେ ୨୪ ବର୍ଷୀୟା ମହିଳା ଗୁରୁବାର ଆତ୍ମହତ୍ୟା କରିଛନ୍ତି। ଅନୀତା ନାମ୍ନୀ...

ଟ୍ରମ୍ପ୍‌ ଦେଖିବେନି ଗୁଜରାଟ ଦାରିଦ୍ର୍ୟ: ଝୁମ୍ପୁଡ଼ି ବସ୍ତି ଆଗରେ ତିଆରି ହେଲା ପ୍ରାଚୀର

ଅହମଦାବାଦ୍‌,୧୩।୨: ଆମେରିକା ରାଷ୍ଟ୍ରପତି ଡୋନାଲ୍ଡ୍‌ ଟ୍ରମ୍ପ୍‌ ଆସନ୍ତା ୨୪-୨୫ରେ ଭାରତ ଗସ୍ତରେ ଆସିବେ। ସେ ଗୁଜରାଟର ଅହମଦାବାଦରେ କେମ୍‌ ଛୋ ଟ୍ରମ୍ପ୍‌ କାର୍ଯ୍ୟକ୍ରମରେ ଯୋଗଦେବେ। ଟ୍ରମ୍ପ୍‌ଙ୍କ...

ବଢୁଛି କରୋନା ସଂକ୍ରମିତଙ୍କ ସଂଖ୍ୟା: କେରଳରେ ୫ ନୂଆ ରୋଗୀ

ନୂଆଦିଲ୍ଲୀ,୮।୩: ଭାରତରେ ବଢିବାରେ ଲାଗିଛି କରୋନା ଭାଇରସ ସଂକ୍ରମିତଙ୍କ ସଂଖ୍ୟା। ରବିବାର କେରଳରେ ୫ ନୂଆ କରୋନା ସଂକ୍ରମିତଙ୍କୁ ଚିହ୍ନଟ କରାଯିବା ପରେ ଏବେ ସାରା...

ବିଏସ୍‌ପି ମୁଖ୍ୟ ଭାବେ ମାୟାବତୀ ପୁନଃ ନିର୍ବାଚିତ

ଲକ୍ଷ୍ନୌ, ୨୯ା୮(ପି.ଟି.): ବହୁଜନ ସମାଜ ପାର୍ଟି(ବିଏସ୍‌ପି)ର ମୁଖ୍ୟ ଭାବେ ପୁଣି ଥରେ ମାୟାବତୀ ବୁଧବାର ସର୍ବସମ୍ମତି କ୍ରମେ ନିର୍ବାଚିତ ହୋଇଛନ୍ତି। ଦଳର କେନ୍ଦ୍ରୀୟ କାର୍ଯ୍ୟକାରୀ କମିଟି...

ଜମ୍ମୁ-କଶ୍ମୀର ଛାଡ଼ ନିର୍ଦ୍ଦେଶ: ଶ୍ରୀନଗର ବିମାନ ବନ୍ଦରରେ ଟିକେଟ ପାଇଁ ପର୍ଯ୍ୟଟକଙ୍କ ଭିଡ଼

ଶ୍ରୀନଗର,୩।୮: ସୁରକ୍ଷାକୁ ଦୃଷ୍ଟିରେ ରଖି କେନ୍ଦ୍ର ସରକାରଙ୍କ ପକ୍ଷରୁ ଅମରନାଥ ଯାତ୍ରାକୁ ସ୍ଥଗିତ ରଖିବା ସହିତ ଶୀଘ୍ର ଜମ୍ମୁ-କଶ୍ମୀର ଛାଡିବାକୁ ନିର୍ଦ୍ଦେଶ ଜାରି କରିଛନ୍ତି। ଏହି...

କରୋନା ଦେଖେନି ଧର୍ମ-ବର୍ଣ୍ଣ-ଜାତି: ଏକଜୁଟ ହୋଇ ଆମେ ଲଢ଼ିବା ଭାରତବାସୀ; କହିଲେ ମୋଦି

ନୂଆଦିଲ୍ଲୀ,୧୯।୪: କରୋନା ସଂକ୍ରମଣ ଧର୍ମ, ବର୍ଣ୍ଣ, ଜାତି ଦେଖେନି। ଏହା ଯେ କୌଣସି ଲୋକଙ୍କୁ ମଧ୍ୟ ସଂକ୍ରମିତ ହୋଇପାରେ। ଏହା ବିରୋଧରେ ଆମେ ଭାରତବାସୀ ଏକଜୁଟ...

ଚୁପ୍‌ ରହିଛନ୍ତି ସିଦ୍ଧୁ

ଚଣ୍ଡିଗଡ଼,୧୩।୬: ପଞ୍ଜାବର କ୍ୟାବିନେଟ ମନ୍ତ୍ରୀ ନବଜୋତ ସିଂ ସିଦ୍ଧୁ ନିଜ ବିବାଦୀୟ ବୟାନ ପାଇଁ ସବୁବେଳେ ଚର୍ଚ୍ଚାରେ ରହୁଥିବା ବେଳେ ଏବେ କିନ୍ତୁ ପୁରା ଚୁପ୍‌...

Leave a comment

Your email address will not be published. Required fields are marked *