ବିଜୟାନନ୍ଦ ସମବାୟ ଚିନିକଳ :ତୃତୀୟ ଟେଣ୍ଡରକୁ ଅପେକ୍ଷା

 

ବଲାଙ୍ଗୀର ଅଫିସ, ୧୭ା୩
ବଲାଙ୍ଗୀର ଜିଲାର ଏକମାତ୍ର କୃଷିଭିତ୍ତିିକ ଶିଳ୍ପ ଦେଓଗଁା ବ୍ଲକ ସାଗରପାଲିସ୍ଥିତ ବିଜୟାନନ୍ଦ ଚିନିକଳ ଦୀର୍ଘ ୬ ବର୍ଷ ହେଲା ବନ୍ଦ ପଡିଛି ା ଏହି ଚିନିକଳରେ ଝୁଲୁଥିବା ତାଲା କେବେ ଖୋଲିବ ତା’ର ଉତ୍ତର କାହା ପାଖରେ ନାହିଁ ା ରାଜରାସ୍ତାରୁ ବିଧାନସଭା ସବୁଠି ଏହି ଚିନିକଳ କାର୍ଯ୍ୟକ୍ଷମ କରିବା ତଥା ସହସ୍ରାଧିକ ଆଖୁଚାଷୀଙ୍କୁ ନ୍ୟାୟ ପ୍ରଦାନ କରିବା ଆଲୋଚନା ହୋଇଛି ା ମାତ୍ର ସରକାର ଏହାକୁ କାର୍ଯ୍ୟକ୍ଷମ କରିବାରେ ସଫଳ ହୋଇନାହାନ୍ତି ା ଚାଷ ଓ ଚାଷୀଙ୍କୁ ଗୁରୁତ୍ୱ ଦିଆଯାଉଥିବା ନେଇ ରାଜ୍ୟ ସରକାର କହୁଥିଲେ ମଧ୍ୟ ବିଜୟାନନ୍ଦ ଚିନିକଳର ଚରମ ଦୁର୍ଦ୍ଦଶା ବଲାଙ୍ଗୀର ଜିଲାର ଆଖୁଚାଷୀଙ୍କ ଦୟନୀୟତାକୁ ବଖାଣୁଛି ା ବାସ୍ତବରେ ସରକାର ଏହି ଜିଲାର ଆଖୁଚାଷୀ, ବିଜୟାନନ୍ଦ ସମବାୟ ଚିନିକଳ କର୍ମଚାରୀଙ୍କୁ କେବେ ସଦୟ ହେବେ ତାହା ଏବେ ବି ପ୍ରଶ୍ନ ଘେରରେ ରହିଛି ା
ବିଜୟାନନ୍ଦ ସମବାୟ ଚିନିକଳ ଜେନେରାଲ ମ୍ୟାନେଜର ଶତଦଳ ମିଶ୍ରଙ୍କୁ ଏନେଇ ପଚରାଯିବାରୁ ପୂର୍ବରୁ ଦୁଇଥର ଟେଣ୍ଡର ଆହ୍ବାନ କରାଯାଇଥିଲା ା ମାତ୍ର ଏଥିରେ କେହି ଆସିଲେ ନାହିଁ ା ଆସନ୍ତା ଏପ୍ରିଲ ମାସରେ ତୃତୀୟ ଥର ସକାଶେ ଟେଣ୍ଡର ଆହ୍ବାନ କରାଯିବ। ଅନେକ ଅସୁବିଧା ସତ୍ତ୍ୱେ ଖୁବ୍‌ଶୀଘ୍ର ଏହି ଚିନିକଳ କାର୍ଯ୍ୟକ୍ଷମ ହେବ ବୋଲି ଆଶା ରହିଥିବା ସେ କହିଛନ୍ତି। ଦେଓଗଁା ଚିନିକଳ କର୍ମଚାରୀ ସଂଘ ଉପସଭାପତି ମିତ୍ରଭାନୁ ବାରିକଙ୍କୁ ପଚାରିବାରୁ ଏହି ଚିନିକଳ ଚଳାଇବା ନେଇ ରାଜ୍ୟ ସରକାର, ଜନପ୍ରତିନିଧି ଓ ପ୍ରଶାସକଙ୍କ ଆନ୍ତରିକତା ନାହିଁ ା ଏହି କାରଣରୁ ହିଁ ଏହି ଚିନିକଳର ତାଲା ଖୋଲୁନାହିଁ ା ଆଖୁଚାଷୀଙ୍କ ଦୁର୍ଦ୍ଦଶା ବୁଝିବାକୁ କେହିନାହାନ୍ତି ବୋଲି ସେ କହିଛନ୍ତି ା
୧୯୯୩ ମସିିହାରେ ଦେଓଗଁା ସାଗରପାଲିଠାରେ ୮୬ଏକର ପରିମିତ ଜମିରେ ତାମିଲନାଡୁର ପୋନ୍ନିସୁଗାର ଏଣ୍ଡ କେମିକାଲ୍ସ କମ୍ପାନୀ ପକ୍ଷରୁ ଏକ ଘରୋଇ ଚିନିକଳ ଆରମ୍ଭ ହୋଇଥିଲା ା ଶିଳ୍ପବିହୀନ ବଲାଙ୍ଗୀର ଜିଲାର ଚାଷୀମାନେ ଏହାକୁ ନେଇ ଅନେକ ସ୍ବପ୍ନ ଦେଖିଥିଲେ ା ବଲାଙ୍ଗୀର, ସୁବର୍ଣ୍ଣପୁର, ନୂଆପଡା, କଳାହାଣ୍ଡି ଓ ବୌଦ୍ଧ ଜିଲାର ଆଖୁଚାଷୀମାନେ ବେଶ୍‌ ଦୁଇପଇସା ରୋଜଗାର କରିବା ଆରମ୍ଭ କରିଥିଲେ ା କିନ୍ତୁ ଦୁର୍ଭାଗ୍ୟ ମାତ୍ର ୭ବର୍ଷ ଚାଲିବା ପରେ ଅର୍ଥାତ୍‌ ୨୦୦୦ ମସିହାରେ ଏହି ଚିନିକଳ ବନ୍ଦ ହୋଇଗଲା ା ଚିନିକଳ କ୍ଷତିରେ ଚାଲିଥିବା ଦର୍ଶାଗଲା ା ଫଳରେ ଋଣ ଦେଇଥିବା ଆଇସିଆଇସିଆଇ ବ୍ୟାଙ୍କ ହାତକୁ ଚିନିକଳ ଚାଲିଯାଇଥିଲା ା ଆଖୁଚାଷୀଙ୍କ ଆନ୍ଦୋଳନ ପରେ ୨୦୦୫ରେ ଏହି ଚିନିକଳ ପୁଣି ଥରେ ବିଜୟାନନ୍ଦ ସମବାୟ ଚିନିକଳ ଲିମିଟେଡ୍‌ ନଁାରେ କାର୍ଯ୍ୟକ୍ଷମ ହେଲା ା ତେବେ ମାତ୍ର ୮ ବର୍ଷ କାର୍ଯ୍ୟକ୍ଷମ ହେଲା ପରେ ୨୦୧୩ରେ ଏହା ପୁଣି ଥରେ ବନ୍ଦ ହେଲା ା ଚିନିକଳ ବନ୍ଦ କାରଣ ଯୋଗୁ ଢ଼େର କ୍ଷତି ଓ ଆର୍ଥିକ ଅନିୟମିତତା ପ୍ରସଙ୍ଗ ଯୋଡି ହେଲା। ଚାଷୀମାନେ ଘୋର ଆର୍ଥିକ କ୍ଷତିର ସମ୍ମୁଖୀନ ହେଲେ ା କର୍ମଚାରୀମାନେ ଦରମା ପାଇଲେ ନାହିଁ ା ପ୍ରାୟ ୩ଶହ କର୍ମଚାରୀ, ୭ ହଜାରରୁ ଊର୍ଦ୍ଧ୍ୱ ଆଖୁଚାଷୀ ଓ ୧ ହଜାରରୁ ଊର୍ଦ୍ଧ୍ୱ ଟ୍ରାନ୍ସପୋର୍ଟର ପରିବାରଙ୍କ ଭବିଷ୍ୟତ ଅନିର୍ଦ୍ଦିଷ୍ଟ କାଳ ଅନ୍ଧାରକୁ ଠେଲି ହୋଇଗଲା ା ଦିନକୁ ୨୫ ଶହ ମେଟ୍ରିକ୍‌ ଟନ୍‌ ଆଖୁ ପେଡିବା କ୍ଷମତା ଥିବା ଏହି ଚିନିକଳ ଉନ୍ନତ ମାନର ଚିନି ଉପତ୍ାଦନ କରି ବର୍ଷକୁ ୮୦କୋଟି ଟଙ୍କାର ବ୍ୟବସାୟ କରୁଥିବା ସତ୍ତ୍ୱେ ଏହା ବନ୍ଦ ହୋଇ ପଡିଛି ା ଋଣବୋଝ ଓ ଆର୍ଥିକ ଅନିୟମିତତା ମାମଲାରେ ଛନ୍ଦି ହୋଇପଡିଛି ା ଏହି ଚିନିକଳକୁ ପୁନର୍ବାର ଚାଲୁ କରିବା ପାଇଁ ବାରମ୍ବାର ଦାବି ଉଠୁଛି ା ସରକାର ଉଦ୍ୟମ କରୁଥିବା କହୁଛନ୍ତି ା ୫୨କୋଟି ୨୩ଲକ୍ଷ ଟଙ୍କାରେ ଓଡ଼ିିଶା ରାଜ୍ୟ ସମବାୟ ବ୍ୟାଙ୍କ ପକ୍ଷରୁ ୨୦୧୭ରୁ ଇତିମଧ୍ୟରେ ଦୁଇଥର ଟେଣ୍ଡର ଡକାଯାଇଥିଲେ ମଧ୍ୟ ଏହି ପ୍ରକ୍ରିୟାରେ କେହି ସାମିଲ ହୋଇ ନାହାନ୍ତି।


All Right Reserved By Dharitri.Com

ସିଙ୍ଗାପୁର ମାଷ୍ଟର ଟ୍ରାକ୍‌ ଆଣ୍ଡ୍‌ ଫିଲ୍ଡରେ ଦୁର୍ଗା ଚରଣ ମିଶ୍ର ଜିତିଲେ ୨ ସ୍ବର୍ଣ୍ଣ

ଭବାନୀପାଟଣା,୧୧।୭(ଡି.ଏନ୍‌.ଏ.): ସିଙ୍ଗାପୁରରେ ଆରମ୍ଭ ହୋଇଥିବା ମାଷ୍ଟର ଟ୍ରାକ୍‌ ଆଣ୍ଡ ଫିଲ୍ଡ ପ୍ରତିଯୋଗିତାରେ କଳାହଣ୍ଡି ଜିଲା ଭବାନୀପାଟଣା ସହରର ଦୁର୍ଗା ଚରଣ ମିଶ୍ର ଡିସ୍‌କସ୍‌ ଥ୍ରୋ ଓ...

ସବୁଠି ମରୁଡ଼ି ଆଶଙ୍କା

ଭୁବନେଶ୍ୱର, ୨୨ା୭(ବ୍ୟୁରୋ): ଆରମ୍ଭ ହେଲାଣି ଶ୍ରାବଣ। କିନ୍ତୁ ବର୍ଷାର ଦେଖାନାହିଁ। ରାଜ୍ୟର ଯେଉଁ କିଛି ଅଞ୍ଚଳରେ କାଁ ଭାଁ ବର୍ଷା ହେଉଛି, ତାହାକୁ ବି ଖରାତାତି...

ଏସ୍‌ସିବି ଅଧୀକ୍ଷକଙ୍କ ଷ୍ଟେନୋ କୋଟିପତି: ଠାବହେଲା ୧ କୋଟି ୩ ଲକ୍ଷ ୬୪ ହଜାର ୮୮୦ ଟଙ୍କାର ସମ୍ପତ୍ତି

କଟକ ଅଫିସ, ୫ା୧୨: ଏସ୍‌ସିବି ମେଡିକାଲ ଅଧୀକ୍ଷକଙ୍କ ଷ୍ଟେନୋ ପ୍ରମୋଦ କୁମାର ବସନ୍ତରାଙ୍କ ବିରୋଧରେ ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗ ହୋଇଥିଲା। କଟକ ସ୍ବତନ୍ତ୍ର...

ଭୁବନେଶ୍ୱରରେ ଗୋଷ୍ଠୀ ସଂକ୍ରମଣ ହୋଇନାହିଁ : ମୁଖ୍ୟ ଶାସନ ସଚିବ

ଭୁବନେଶ୍ୱର, ୫ା୪ (ବ୍ୟୁରୋ): ଭୁବନେଶ୍ୱର, କଟକ ଓ ଭଦ୍ରକ ୩ଟି ସହରରେ ରବିବାର ରାତି ରାତି ୮ଟା ରେ ସଟ୍ ଡାଉନ୍ ହଟିବ। ସଟ୍ ଡାଉନ୍...

ଚାଷ ଜମି ଫାଟି ଆଁ ମରୁଡ଼ି ଆଶଙ୍କା: ଚାଷୀକୂଳ ହତାଶ

ତେଲକୋଇ, ୨୪।୭(ଡି.ଏନ.ଏ.): ସ୍ବଳ୍ପ ବୃଷ୍ଟି ପାତ ଯୋଗୁଁ ତେଲକୋଇ ବ୍ଲକରେ ଚାଷ ଜମି ଫାଟି ଆଁ କଲାଣି। ଧାନ ରୁଆ, ବିହୁଡା ଠପ ହୋଇଥିବା ବେଳେ...

ବିଭାଗୀୟ କାର୍ଯ୍ୟର ସମୀକ୍ଷା କଲେ ହସ୍ତତନ୍ତ, ବୟନ ଓ ହସ୍ତଶିଳ୍ପ ମନ୍ତ୍ରୀ: ଫନୀ ବିପନ୍ନଙ୍କୁ କ୍ଷତିପୂରଣ ଦେବାକୁ ନିର୍ଦ୍ଦେଶ

ଭୁବନେଶ୍ୱର,୧ା୬(ବ୍ୟୁରୋ): ହସ୍ତତନ୍ତ, ବୟନ ଓ ହସ୍ତଶିଳ୍ପ ବିଭାଗର ନୂତନ ମନ୍ତ୍ରୀ ଭାବେ ଦାୟିତ୍ୱ ଗ୍ରହଣ କରିଥିବା ପଦ୍ମିନୀ ଦିଆନ ଶୁକ୍ରବାର ବିଭାଗ ପରିଦର୍ଶନ କରିବା ସହ...

ରାତି ଅଧରେ ରୋଗୀ ପାଇବେ ମାଗଣା ଔଷଧ

କଟକ ଅଫିସ,୨୨ା୧:ଏଣିକି ରାତି ଅଧରେ ଏସ୍‌ସିବି ମେଡିକାଲକୁ ଆସୁଥିବା ରୋଗୀଙ୍କୁ ସମସ୍ତ ପ୍ରକାର ସରକାରୀ ସହାୟତା ଯୋଗାଇ ଦିଆଯିବ। ରୋଗୀଙ୍କୁ ୨୪ ଘଣ୍ଟିଆ ସହାୟତା ଯୋଗାଇବା...

ମଧ୍ୟାହ୍ନ ଭୋଜନରେ ଦିଆଯିବ ଦୁଗ୍ଧଜାତ ଦ୍ରବ୍ୟ

ଭୁବନେଶ୍ୱର, ୧୧-୯(ବ୍ୟୁରୋ):ରାଜ୍ୟରେ ଦୁଗ୍ଧ ଉତ୍ପାଦନ ବିଗତ ବର୍ଷଗୁଡ଼ିକରେ କ୍ରମାଗତ ଭାବରେ ବୃଦ୍ଧି ପାଇଛି। ଅଧିକରୁ ଅଧିକ ଲୋକ ଦୁଗ୍ଧ ଚାଷକୁ ଆପଣେଇଛନ୍ତି। ରାଜ୍ୟରେ ଦୁଗ୍ଧ ଉତ୍ପାଦନ...

Leave a comment

Your email address will not be published. Required fields are marked *