କାନ୍ଥରେ ଗୌରବ ଗାଥା

ଢେଙ୍କାନାଳ ଅଫିସ, ୧୬।୩: କାନ୍ଥ ବଖାଣୁଛି ଗୌରବ ଗାଥା। ଐତିହ୍ୟ, ସଂସ୍କୃତି, ପର୍ଯ୍ୟଟନ, ଲୋକକଳା, ସାହିତ୍ୟ, ବ୍ୟକ୍ତିତ୍ୱ ସବୁକିଛି ଝଲସି ଉଠିଛି କାନ୍ଥରେ। ସରକାରୀ ଦପ୍ତର, ଶିକ୍ଷାନୁଷ୍ଠାନର କାନ୍ଥରେ ଏପରି ରଙ୍ଗବେରଙ୍ଗର ଚିତ୍ର ଆନମନା କରୁଛି ପର୍ଯ୍ୟଟକଙ୍କୁ। ରଙ୍ଗତୂଳୀରେ ନିଖୁଣ କଳାକୁ ଦେଖିଲେ ଲାଗୁଛି ଐତିହ୍ୟସମ୍ପନ୍ନ ଢେଙ୍କାନାଳ ସହର ଆଦର୍ଶ ସହର ଆଡ଼କୁ ପାଦ ବଢ଼ାଉଛି।
ରାଜ୍ୟ ନଗର ଉନ୍ନୟନ ବିଭାଗ ପକ୍ଷରୁ ୨୦୧୯ରେ ଢେଙ୍କାନାଳକୁ ମିଳିଛି ଆଦର୍ଶ ସହରର ମାନ୍ୟତା। ଏହାକୁ ସାକାର ରୂପ ଦେବାକୁ ଅଣ୍ଟା ଭିଡ଼ିଛି ପୌରସଂସ୍ଥା। ପ୍ରାଥମିକ ପର୍ଯ୍ୟାୟରେ ସହରର ସ୍ବଚ୍ଛତା ଏବଂ ସୌନ୍ଦର୍ଯ୍ୟ ବୃଦ୍ଧି କରିବାକୁ ଅଗ୍ରାଧିକାର ଦିଆଯାଇଛି। ଏହି କ୍ରମରେ ସରକାରୀ କାର୍ଯ୍ୟାଳୟ, ଶିକ୍ଷାନୁଷ୍ଠାନ, ଷ୍ଟାଡିୟମ, ମିନି ଷ୍ଟାଡିୟମ, ପ୍ରଶାସନିକ ଅଧିକାରୀଙ୍କ ଆବାସିକ ଗୃହ ପାଚେରିଗୁଡ଼ିକରେ ଜିଲାର ଐତିହ୍ୟ ବିଭବକୁ ପ୍ରତିପାଦିତ କରୁଥିବା ଭଳି ଚିତ୍ର ଅଙ୍କାଯାଉଛି।
ପ୍ରସିଦ୍ଧ ମହିମା ଧର୍ମପୀଠ ଯୋରନ୍ଦା, କପିଳାସ ଶୈବପୀଠ, ମହିମା ସନ୍ନ୍ୟାସୀ, ଶହୀଦ ବାଜି ରାଉତ, ସପ୍ତଶଯ୍ୟାର ସବୁଜିମା, କପିଳାସ ଚିଡ଼ିଆଖାନା, ସଂରକ୍ଷିତ ଅଭୟାରଣ୍ୟ, ସମର କବି ବ୍ରଜନାଥ ବଡ଼ଜେନା, ମହାତ୍ମା ଗାନ୍ଧୀ, ସଂଗ୍ରାମୀ ସାରଙ୍ଗଧର ଦାସ, ଓଡ଼ିଶାର ପ୍ରଥମ ମହିଳା ମୁଖ୍ୟମନ୍ତ୍ରୀ ନନ୍ଦିନୀ ଶତପଥୀ, ନାରୀକବି ସୁଲକ୍ଷଣା ଦେବୀ, ଏଭରେଷ୍ଟ ବିଜୟିନୀ କଳ୍ପନା ଦାଶଙ୍କ ଚିତ୍ର କାନ୍ଥର ଶୋଭା ବଢ଼ାଉଛି। ଏଥିସହ ବିଭିନ୍ନ କ୍ରୀଡ଼ା, ଯୋଗାସନ, କନ୍ୟାସନ୍ତାନ ସୁରକ୍ଷା, ସମଗ୍ର ଶିକ୍ଷା ସମ୍ପର୍କିତ ଚିତ୍ର ଜନସଚେତନତା ସୃଷ୍ଟି କରୁଛି। ସେହିପରି କଣ୍ଢେଇନାଚ, ବିଭିନ୍ନ ଭଙ୍ଗୀରେ ଥିବା ଓଡ଼ିଶୀ ନୃତ୍ୟାଙ୍ଗନାଙ୍କ ଛବି ବେଶ୍‌ ଆକର୍ଷଣୀୟ ହୋଇଛି।
ଆଦର୍ଶ ସହର ପରିକଳ୍ପନା କେବଳ ଚିତ୍ରରେ ସୀମିତ ହୋଇ ରହିବ ନାହିଁ। ବାସହୀନଙ୍କୁ ଥଇଥାନ କରିବାକୁ ସ୍ଥାନୀୟ କାଠଗଡ଼ାରେ ୮ ଏକର ଜମି ଚିହ୍ନଟ କରାଯାଇଛି। ଏହି ଜାଗାରେ ଥଇଥାନ କଲୋନୀ ନିର୍ମାଣ କରାଯିବ। ମହିଷାପାଟରେ ୫ ଏକର ଜାଗାରେ ସ୍ମାର୍ଟ ପାର୍କ ନିର୍ମାଣ ହେବ। ଏଥି ଲାଗି ୧ କୋଟି ଟଙ୍କା ବ୍ୟୟ ଅଟକଳ ରଖାଯାଇଛି। ଦୀର୍ଘ ୨୦ବର୍ଷ ହେଲା ପୁରୁଣା ପୋଲିସ କାର୍ଯ୍ୟାଳୟ ନିକଟରେ ପରିତ୍ୟକ୍ତ ଅବସ୍ଥାରେ ଥିବା ଡ୍ରିଟ୍‌ ପାର୍କକୁ ପୁନରୁଦ୍ଧାର କରାଯିବ। ସହରର ଆବର୍ଜନା ପରିଚାଳନା ଲାଗି ଡମ୍ପିଂୟାର୍ଡ କରାଯାଇଛି। ଐତିହ୍ୟସମ୍ପନ୍ନ ଯାଉଁଳିପୋଖରୀ, ନୂଆପୋଖରୀ ଓ କୁଞ୍ଜକାନ୍ତ ପୋଖରୀର ବିକାଶ କରାଯିବ। ଏଥିରେ ୫୦ ଲକ୍ଷ ଟଙ୍କା ଲେଖାଏ ବ୍ୟୟ ହେବ। ପୋଖରୀ ଚାରିପଟେ ଚଲାପଥ ରହିବ। ଆରଟିଓ ଅଫିସ ନିକଟରେ କୋଟିଏରୁ ଊର୍ଦ୍ଧ୍ୱ ଟଙ୍କା ବ୍ୟୟରେ ନିର୍ମାଣାଧୀନ ଅଡିଟୋରିୟମ କାମ ଶେଷ ପର୍ଯ୍ୟାୟରେ ପହଞ୍ଚତ୍ଛି। ଗୋପବନ୍ଧୁ ଟାଉନ୍‌ ହଲ୍‌ର ବିକାଶ ଲାଗି ୮୦ଲକ୍ଷ ଟଙ୍କା ବ୍ୟୟ ଅଟକଳ କରାଯାଇଛି। ମହିଷାପାଟ, ସୁଆଗୀ ଶ୍ମଶାନ ଅତ୍ୟାଧୁନିକ ରୂପ ପାଇବ। ଏଥିଲାଗି ଯୋଜନା ପ୍ରସ୍ତୁତ କରାଯାଇଛି। ଏହାକୁ ବାଦ୍‌ଦେଲେ ସହରର ଗଳିକନ୍ଦି, ରାସ୍ତାଘାଟର ଉନ୍ନତୀକରଣ ହେବ। ଡ୍ରେନେଜ ବ୍ୟବସ୍ଥା, ସବୁ ଅଞ୍ଚଳକୁ ଆଲୋକୀକରଣ ପ୍ରତି ସ୍ବତନ୍ତ୍ର ଦୃଷ୍ଟି ଦିଆଯିବ ବୋଲି ପୌରସଂସ୍ଥା ପକ୍ଷରୁ ଯୋଜନା କରାଯାଇଛି।
ଏ ନେଇ ପୌର ନିର୍ବାହୀ ଅଧିକାରୀ ଅତନୁ କୁମାର ସାମନ୍ତ କୁହନ୍ତି, ଆଦର୍ଶ ସହର ଘୋଷଣା କରାଯିବା ପରେ ସହରକୁ ଆକର୍ଷଣୀୟ କରିବାକୁ ବିଭିନ୍ନ ପଦକ୍ଷେପ ନିଆଯାଉଛି। ଐତିହ୍ୟ, କଳାସଂସ୍କୃତିକୁ ସାଉଁଟି ରଖିବାକୁ ଚିତ୍ର ଅଙ୍କାଯାଉଛି। ଯୋଜନା କାର୍ଯ୍ୟକାରୀ କରିବା ଲାଗି ଅର୍ଥମଞ୍ଜୁର ହୋଇଥିବା ସେ ସୂଚନା ଦେଇଛନ୍ତି।


All Right Reserved By Dharitri.Com

ସରକାରୀ ମହିଳା ମହାବିଦ୍ୟାଳୟରେ ଛାତ୍ରୀ ଅଶାନ୍ତି

ବାରିପଦା ଅଫିସ,୧୯ା୧୧- ମୟୂରଭଞ୍ଜ ଜିଲା ବାରିପଦା ବଡ଼ବଜାରସ୍ଥିତ ସରକାରୀ ମହିଳା ମହାବିଦ୍ୟାଳୟରେ ସୋମବାର ଛାତ୍ରୀ ଅଶାନ୍ତି ଦେଖା ଦେଇଛି। ମହାବିଦ୍ୟାଳୟରେ ସାଂସ୍କୃତିକ ଓ କ୍ରୀଡ଼ା କାର୍ଯ୍ୟକ୍ରମ...

ଶହେ ପରତିଶତ ଅକ୍ଷମ ଯୋଗେଶ୍ୱର:ଭତାରେ ସୀମିତ ସରକାରୀ ସାହାଯ୍‌

ଡୁଙ୍ଗୁରିପାଲି, ୯ । ୭ (ଡି.ଏନ୍‌.ଏ.): ଦିବ୍ୟାଙ୍ଗମାନେ କେନ୍‌ଥେଇ ସମାଜର ମୁଖିଆ ଧାରରେ ସାମିଲ ହେଇପାରବେ ସେଥିରଲାଗି ଉଭଏ କେନ୍ଦ୍ର ଆର ରାଏଜ୍‌ ସରକାର ଯୋଜନା...

କଣ୍ଟିଲୋ ନୀଳମାଧବ ଜୀଉ ମନ୍ଦିର: ବଢୁଛି ପର୍ଯ୍ୟଟକଙ୍କ ସଂଖ୍ୟା; ସୁଧୁରୁନି ସମସ୍ୟା

ଖଣ୍ଡପଡା,୧୨।୧୨(ସ୍ବ.ପ୍ର.): କଣ୍ଟିଲୋର ଶ୍ରୀନୀଳମାଧବପୀଠ ରାଜ୍ୟ ପର୍ଯ୍ୟଟନ ମାନଚିତ୍ରରେ ଏକ ସ୍ବତନ୍ତ୍ର ସ୍ଥାନର ମର୍ଯ୍ୟାଦା ଲାଭ କରିଛି। ଏଠାର କଂସା ପିତ୍ତଳ ବାସନ ଶିଳ୍ପ ରାଜ୍ୟ ତଥା...

ଗରିବ୍‌ ଦୁଖିକର ଲାଗି ଦୁରଲଭ ହେଲାନ ପଖାଲ

ଜାମଟିକ୍ରା, ୨୭।୪ (ଡି.ଏନ୍‌.ଏ.): ଓଡ଼ିଶାରେ ଗଁାଗଁଲିନୁ ଆରମ୍‌ କରି ସହର ତକ୍‌ ସମକର ପସନ୍‌ ପଖାଲ। ଖରାଦିନ୍‌ ଆରମ୍‌ ହେଲେ ସମ୍‌କର ମନ୍‌ ପଖାଲ ଖାଏବାକେ...

କାଳବୈଶାଖୀ ପ୍ରଭାବରେ ବ୍ରହ୍ମପୁରରେ ଘଡଘଡି ବର୍ଷା

ବ୍ରହ୍ମପୁର ଅଫିସ,୩ା୬-ଗଞ୍ଜାମ ଜିଲାରେ ରବିବାର କାଳବୈଶାଖୀ ହୋଇଛି। ଏହାର ପ୍ରଭାବରେ ସନ୍ଧ୍ୟାରେ ବ୍ରହ୍ମପୁର ସମେତ ଏହାର ଉପକୂଳ ଅଞ୍ଚଳ, ଏବଂ ଜିଲାର ବିିଭିନ୍ନ ସ୍ଥାନରେ ଘଡଘଡି...

ସୋସାଇଟି ସମ୍ପାଦକଙ୍କୁ ବ୍ୟାଙ୍କରେ ମିଳୁନି ନିଯୁକ୍ତି

ବ୍ରହ୍ମପୁର ଅଫିସ,୪ା୧୦- ପ୍ରତିଶ୍ରୁତି ପୂରିବାକୁ ଯାଉଛି ୪ ମାସ । ତଥାପି ବିସିସି (ବ୍ରହ୍ମପୁର ସମବାୟ କେନ୍ଦ୍ର) ବ୍ୟାଙ୍କରେ ସୋସାଇଟି ସମ୍ପାଦକଙ୍କୁ ମିଳୁନି ନିଯୁକ୍ତି। ସୂଚନାଯୋଗ୍ୟ,...

୪ରେ ଶ୍ରୀକ୍ଷେତ୍ର ଆସିବେ ଶତାଧିକ ପାକିସ୍ତାନୀ ହିନ୍ଦୁ: ମହାପ୍ରଭୁଙ୍କ ଦର୍ଶନ ସହ ସମୁଦ୍ର ସ୍ନାନ କରିବେ

ପୁରୀ ଅଫିସ,୩ା୧: ପାକିସ୍ତାନରେ ରହୁଥିବା ପ୍ରାୟ ଶହେରୁ ଊର୍ଦ୍ଧ୍ୱ ହିନ୍ଦୁ ପୁରୀ ଆସି ମହାପ୍ରଭୁ ଶ୍ରୀଜଗନ୍ନାଥଙ୍କ ଦର୍ଶନ କରିବେ। ସେମାନେ ମହୋଦଧି ସ୍ନାନ କରିବା ସହ...

ଥଇଥାନ ବାଟ ପାଉନି ପ୍ରଶାସନ

ଔପଦା,୧୫।୧୦(ଡି.ଏନ.ଏ.)-ବାଲେଶ୍ୱର ଜିଲା ଔପଦା ବଜାରରେ ସିଲ୍‌ ହୋଇ ରହିଥିବା ୨୩ଟି ଦୋକାନ ଗୃହ ଖୋଲିବାକୁ ପ୍ରଶାସନ ତରଫରୁ କୌଣସି ତତ୍ପରତା ପ୍ରକାଶ ପାଉ ନାହିଁ ା...

Leave a comment

Your email address will not be published. Required fields are marked *