ହାଇକୋର୍ଟଙ୍କ ବେଲ୍‌ ଅର୍ଡରକୁ ଅଣଦେଖା: ଥାନାକୁ ଆଣି ଜେଲ ହାଜତରେ ପୂରାଇଲେ, ସମାଧାନ ପାଇଁ ଅପହରଣ ଧମକ

ନୟାଗଡ଼ ଅଫିସ/ରଣପୁର,୧୬ା୩(ସ୍ବ.ପ୍ର.): ନୟାଗଡ଼ ଜିଲା ରଣପୁର ଥାନା ପୋଲିସ ହାଇକୋର୍ଟଙ୍କ ବେଲ୍‌ ଅର୍ଡରକୁ ବି ଖାତିର କରୁନି। ବେଲ୍‌ ଅର୍ଡର ଦେଖାଉଥିବା ଜଣେ ଅଭିଯୁକ୍ତଙ୍କୁ ଥାନାକୁ ଆଣି ୨ଘଣ୍ଟା ହାଜତରେ ରଖିଲେ। ପରେ ଏସ୍‌ଡିପିଓଙ୍କ ନିର୍ଦ୍ଦେଶରେ ଅଭିଯୁକ୍ତଙ୍କଠାରୁ ବେଲ୍‌ ଅର୍ଡର ରଖି ଛାଡିଥିଲେ। ଏତିକିରେ କଥା ସରି ନ ଥିଲା। ଛାଡିବା ସମୟରେ ତୁରନ୍ତ ମକଦ୍ଦମା ଫଏସଲା ନ କଲେ ବ୍ରହ୍ମପୁରର ଯୁବକ ଅପହରଣ କରିନେବେ ବୋଲି ଧମକ ଦେଲେ। ଏପରି କି ଥାନା ହାଜତରେ ରଖିବା ସମ୍ପର୍କରେ କାହାରିକୁ ନ କହିବାକୁ ମଧ୍ୟ ଧମକ ଦେଲେ। ଏଭଳି ଘଟଣା ରବିବାର ରଣପୁର ଏନ୍‌ଏସି ହଂସରାରେ ଘଟିଛି। ପୋଲିସର ଏପରି କାଣ୍ଡ ସାଧାରଣରେ ଭୟ ସଞ୍ଚାର କରିଛି।
ଅଭିଯୋଗ ଅନୁସାରେ ବ୍ରହ୍ମପୁରର ନରେଶ ମିଶ୍ରଙ୍କ ସହ ରଣପୁର ସିନ୍ଦୂରିଆର ରଞ୍ଜନ କୁମାର ସ୍ବାଇଁ(୪୦), ହଂସରାର ସମେନ୍ଦୁ ସୁନ୍ଦର ସାହୁ (୩୫) ଓ ସ୍ବପ୍ନେନ୍ଦୁ ସାହୁ(୨୮), ଶ୍ରୀକୃଷ୍ଣପୁରର ଉପେନ୍ଦ୍ର ସ୍ବାଇଁ (୩୮) ମିଳିତ ଭାବେ ହଂସରାରେ କେବୁଲ ଚ୍ୟାନେଲ ଦେଇଥିଲେ। ସଂସ୍ଥା ଭଲରେ ଚାଲିବା ପରେ ବ୍ରହ୍ମପୁରର ନରେଶ ମିଶ୍ରଙ୍କ ସହ ୪ ଯୁବକଙ୍କ ବିବାଦ ଉପୁଜିଥିଲା। ୫୦ ଲକ୍ଷ ଟଙ୍କା ଠକେଇ ଥିଲା ବିବାଦର କାରଣ। ଅକ୍ଟୋବର ୨୩ରେ ଉପେନ୍ଦ୍ର ସ୍ବାଇଁ ନରେଶ ମିଶ୍ରଙ୍କ ନାଁରେ କେବୁଲ ସଂସ୍ଥାର ଠକେଇ ସମ୍ପର୍କରେ ରଣପୁର ଥାନାରେ ଅଭିଯୋଗ କରିଥିଲେ। ହେଲେ ପୋଲିସ ଆପୋସ ସମାଧାନ କରିବାକୁ କହି ଅଭିଯୋଗ ରଖି ନ ଥିଲା। କିଛିଦିନ ପରେ ନରେଶଙ୍କ ଅଭିଯୋଗକୁ ଭିତ୍ତିକରି ପୋଲିସ ରଞ୍ଜନ, ସମେନ୍ଦୁ, ସ୍ବପ୍ନେନ୍ଦୁ ଓ ଉପେନ୍ଦ୍ରଙ୍କ ନାମରେ ୪୧/୧୦।୨।୨୦୨୦ରେ ମାମଲା ରୁଜୁ କରିଥିଲା। ଏପରି କି ୫୦ ଲକ୍ଷ ଟଙ୍କା ନରେଶଙ୍କୁ ଦେବା ପାଇଁ ୪ଜଣ ଯୁବକଙ୍କ ଉପରେ ଚାପ ପ୍ରୟୋଗ କରିଥିଲା। ଟଙ୍କା ନ ଦେଲେ ଗିରଫ କରି ଜେଲ ପଠାଯିବ ବୋଲି ଧମକ ଦିଆଯାଇଥିଲା । ପୋଲିସ ନିର୍ଯାତନାରେ ଅତିଷ୍ଠ ହୋଇ ୪ ଯୁବକ ହାଇକୋର୍ଟରେ ବେଲ୍‌ ପାଇଁ ଆବେଦନ କରିଥିଲେ। କୋର୍ଟ ଏହାକୁ ଗ୍ରହଣ କରି ୫।୩।୨୦୨୦ରେ ୪ଜଣଙ୍କୁ ୨୦୨୦ ଏପ୍ରିଲ ୧୪ ତାରିଖ ପର୍ଯ୍ୟନ୍ତ ଗିରଫ କରାଯାଇ ପାରିବ ନାହିଁ ବୋଲି ନିର୍ଦ୍ଦେଶ ଦେଇଥିଲେ। ତୁରନ୍ତ କେସ୍‌ ଡାଇରି ଦାଖଲ ପାଇଁ ପୋଲିସକୁ ନିର୍ଦ୍ଦେଶ ଦେଇଥିଲେ। ସେହିପରି ଉପେନ୍ଦ୍ରଙ୍କ ଅଭିଯୋଗକୁ ଗ୍ରହଣ କରି ନରେଶଙ୍କ ନାଁରେ ମାମଲା ରୁଜୁ କରିବାକୁ ନିର୍ଦ୍ଦେଶ ଦେଇଥିଲେ। ହେଲେ ପୋଲିସ ହାଇକୋର୍ଟଙ୍କ ଆଦେଶକୁ ଅଣଦେଖା କରିଥିଲା। ଘଟଣା ସମ୍ପର୍କରେ ଶରଣକୁଳ ଏସଡିପିଓ ଏସ୍‌. ଟପୋଙ୍କୁ ପଚାରିବାରୁ ସେ ଉପେନ୍ଦ୍ର ସ୍ବାଇଁଙ୍କ ଅଭିଯୋଗର ତଦନ୍ତ କରାଯାଇ ପଦକ୍ଷେପ ନିଆଯିବ ବୋଲି କହିଥିଲେ।
ଆଇଆଇସିଙ୍କ ନିଲମ୍ବନ ଦାବି
ରଣପୁର ଥାନା ଆଇଆଇସିଙ୍କୁ ତୁରନ୍ତ ନିଲମ୍ବିତ କରିବାକୁ ବିଭିନ୍ନ ମହଲରେ ଦାବି ହେଉଛି। ପୋଲିସ ନିର୍ଯାତନାର ଶିକାର ହୋଇଥିବା ହଂସରାର ସମେନ୍ଦୁ ସୁନ୍ଦର ସାହୁ କୁହନ୍ତି, ହାଇକୋର୍ଟଙ୍କ ଅର୍ଡର ଅନୁସାରେ ମୁଁ ପୋଲିସକୁ ସହଯୋଗ କରିଥିଲି। ହେଲେ ଆଇଆଇସି ମୋତେ ଉଠାଇନେଇ ୨ଘଣ୍ଟା ଜେଲ ହାଜତରେ ପୂରାଇ ନିର୍ଯାତନା ଦେଲେ। ପ୍ରଥମତଃ ଆମ ଅଭିଯୋଗକୁ ଗ୍ରହଣ କଲେ ନାହିଁ। ପଛରେ ଅଭିଯୋଗ କରିଥିବା ବ୍ୟକ୍ତିଙ୍କ ଅଭିଯୋଗକୁ ନେଇ ଆମ ୪ଜଣଙ୍କ ନାଁରେ ମାମଲା ରୁଜୁ କଲେ। ଅଭିଯୋଗ ନ ରଖିବା ଅପରାଧ। ପୁଣି ହାଇକୋର୍ଟଙ୍କ ଆଦେଶକୁ ଅଣଦେଖା କରିବା ଗୁରୁତର ଅପରାଧ। ଏଭଳି ଅଫିସରଙ୍କୁ ନିଲମ୍ବନ କଲେ ବି ଦଣ୍ଡ ଠିକ୍‌ ହେବ ନାହିଁ। ଏସ୍‌ପି ଓ ଜିଲାପାଳ ସତ୍ୟାସତ୍ୟ ଅନୁଧ୍ୟାନ କରି ପଦକ୍ଷେପ ନେବା ଉଚିତ। ମୋ ଘଟଣାରେ ଆଇଆଇସି ଦଣ୍ଡ ନ ପାଇଲେ ଲୋକଙ୍କ ଭରସା ଆଉ ଥାନା ଉପରେ ରହିବ ନାହିଁ। ମୋ ସରକାର ଓ ୫ ଟି ମଧ୍ୟ ବିଶ୍ୱାସ ହରାଇବ। ଘଟଣା ସମ୍ପର୍କରେ ମୁଁ ରବିବାର ନୟାଗଡ଼ ଏସ୍‌ପିଙ୍କୁ ଅବଗତ କରାଇଛି। ଆଶା ରଖିଛି ନ୍ୟାୟ ନିଶ୍ଚିତ ମିଳିବ।
ତଦନ୍ତ ଆଦେଶ ଦେଲେ ଏସ୍‌ପି
ହାଇକୋର୍ଟଙ୍କ ଆଦେଶକୁ ଅଣଦେଖା କରି ହଂସରାର ସମେନ୍ଦୁଙ୍କୁ ଥାନାରେ ୨ ଘଣ୍ଟା ଅଟକ ରଖିବା ଘଟଣାର ତଦନ୍ତ କରାଯିବ। ତଦନ୍ତରେ ଆଇଆଇସିଙ୍କ ସମ୍ପୃକ୍ତି ଜଣାପଡିଲେ ଆଇନ ଅନୁଯାୟୀ ପଦକ୍ଷେପ ନିଆଯିବ ବୋଲି ନୟାଗଡ଼ ଏସ୍‌ପି ପ୍ରତ୍ୟୁଷ ଦିବାକର ଧରିତ୍ରୀକୁ ସୂଚନା ଦେଇଛନ୍ତି। ଏ ନେଇ ରଣପୁର ବିଧାୟକ ସତ୍ୟ ନାରାୟଣ ପ୍ରଧାନ କୁହନ୍ତି, ରଣପୁର ଆଇଆଇସିଙ୍କୁ ବଦଳି କରିବାକୁ ମୁଁ ବିଭିନ୍ନ ସମୟରେ ଡିଜି ଓ ଡିଆଇଜିଙ୍କୁ ଅବଗତ କରାଇଛି । ତେବେ ଏଯାବତ କୌଣସି ପଦକ୍ଷେପ ନେଉ ନାହାନ୍ତି। ଫଳରେ ରଣପୁର ଥାନା ଅଂଚଳରେ ଆଇନଶୃଙ୍ଖଳା ବିଗିଡିବାରେ ଲାଗିଛି। ଲୋକେ ପୋଲିସ ଉପରୁ ଆସ୍ଥା ହରାଉଛନ୍ତି। ଆଇଆଇସିଙ୍କ ତୁରନ୍ତ ବଦଳି ନ ହେଲେ ଲୋକେ ଆନ୍ଦୋଳନ କରିବାକୁ କହୁଥିବା ସେ କହିଛନ୍ତି।


All Right Reserved By Dharitri.Com

ସରୁନି ସ୍ଲୁଇସ୍‌ ଗେଟ୍‌ କାମ, ମୁକୁଳା ନଦୀବନ୍ଧ

ଆରଡ଼ି, ୨୮।୫ (ଡି.ଏନ.ଏ.) – ଭଦ୍ରକ ଜିଲା ଧାମନଗର ବ୍ଲକର କୁଳସାହି ନିକଟ ବୈତରଣୀ ନଦୀବନ୍ଧରେ ୮ ମାସ ତଳେ ଆରମ୍ଭ ହୋଇଥିବା ସ୍ଲୁଇସ୍‌ ଗେଟ୍‌...

ରାସ୍ତାରେ ଉନ୍ନତମାନର ମାଙ୍ଗାନିଜ

ଯୋଡ଼ା, ୨୦।୪(ଡି.ଏନ.ଏ.): ଯୋଡ଼ା ମୁଖ୍ୟ ରାସ୍ତାରେ ଥିବା ସରକାରୀ ଡାକ୍ତରଖାନା ସମ୍ମୁଖରେ ଟ୍ରକ୍‌ରୁ ଉନ୍ନତମାନର ମାଙ୍ଗାନିଜ ପଡିବାରୁ ସାଧାରଣ ପଥଚାରୀ ହନ୍ତସନ୍ତ ହେଉଛନ୍ତି। ଶୁକ୍ରବାର ସକାଳେ...

ଗଞ୍ଜେଇ ଚାଷୀଙ୍କୁ ପ୍ରୋତ୍ସାହନ ଦେଉଛନ୍ତି ଆନ୍ଧ୍ର ବ୍ୟବସାୟୀ

ମାଲକାନଗିରି,୧୪।୧(ଡି.ଏନ୍‌.ଏ.)- ମାଲକାନଗିରି ଜିଲାରେ ଗଞ୍ଜେଇ ଚାଷ କ୍ରମଶଃ ବୃଦ୍ଧି ପାଇବାରେ ଲାଗିଛି। ଗଞ୍ଜେଇ ଚାଷୀଙ୍କୁ ଆନ୍ଧ୍ରପ୍ରଦେଶର ବ୍ୟବସାୟୀ ପ୍ରୋତ୍ସାହନ ଦେଉଛନ୍ତି। ଆନ୍ଧ୍ରପ୍ରଦେଶର ସିଲେରୁ ସହର ଏହି...

ମରାମତି ପରେ ବି ଦବିଲା ଗୋପ-ବାଲିଘାଇ ରାସ୍ତା

ଗୋପ, ୨।୮(ଡି.ଏନ୍‌.ଏ.):  ନିର୍ମାଣାଧୀନ ଗୋପ-ବାଲିଘାଇ ରାସ୍ତାର ଗୋପ ବ୍ରିଜ୍‌ ନିକଟରେ ନିର୍ମାଣାଧୀନ ନୂତନ ସ୍ପାନ୍‌ ରାସ୍ତାଟି ଗତ ୧୦ ତାରିଖରେ ଦବିଯିବା ନେଇ ଖବର ପ୍ରକାଶିତ...

ଅଣ୍ଟାରେ ଅଟକିଛି ଭଙ୍ଗା ଛୁଞ୍ଚତ୍ ଘଟଣା:ଚିକିତ୍ସା ନ ପାଇ କଟକରୁ ଫେରିଲେ ଶିଶୁ କନ୍ୟା

ଅନୁଗୋଳ ଅଫିସ, ୧୯।୧୦ ଅନୁଗୋଳ ଜିଲା ତାଳଚେର କଣ୍ଢାଳ ପଞ୍ଚାୟତ ବାଲୁଗଁାର ଜଣେ ୫ ବର୍ଷୀୟା ଶିଶୁ କନ୍ୟା ଅଣ୍ଟାରେ ଇଞ୍ଜେକଶନ ଛୁଞ୍ଚତ୍ ଧରି ଶୁକ୍ରବାର...

ରାଉରକେଲା ଏନ୍‌ଆଇଟି କ୍ୱାଟର୍ସରୁ ଦମ୍ପତ୍ତିଙ୍କ ମୃତଦେହ ଉଦ୍ଧାର

ରାଉରକେଲା ଅଫିସ, ୧୭।୮: ରାଉରକେଲାସ୍ଥିତ ଜାତୀୟ ବୈଷୟିକ ଶିକ୍ଷାନୁଷ୍ଠାନ(ଏନ୍‌ଆଇଟି) କ୍ୱାଟର୍ସରୁ ଶନିବାର ଏକ ଦମ୍ପତ୍ତିଙ୍କ ମୃତଦେହ ଉଦ୍ଧାର ହୋଇଛି। ସେମାନେ ହେଲେ ଏନ୍‌ଆଇଟିର ସହକାରୀ ପ୍ରଫେସର...

ମିଳୁନି ପକ୍କାଘର: ଭଙ୍ଗାଘରେ ନିରୁପମାଙ୍କ ପରିବାର

ବାଲିକୁଦା,୧୦ା୧୧(ସ୍ବ.ପ୍ର.): ବାଲିକୁଦା ବ୍ଲକ ଅଧୀନ ସଂଗ୍ରାମପୁର ପଞ୍ଚାୟତ ଗୋଗୋଳ ଗ୍ରାମର ବିଧବା ବୃଦ୍ଧା ନିରୁପମା ମଲ୍ଲିକଙ୍କ ଫାଇଁ ପକ୍କାଘର ସାତସପନ ପାଲଟିଛି। ଫଳରେ ସେ ଭାଗ୍ୟକୁ...

ପାଦ ମିଳିଥିଲା, ମିଳିଲା ଖପୁରି: ହତ୍ୟାକାଣ୍ଡର ଖିଅ ଖୋଜୁଛି ପୋଲିସ

ଯୋଡ଼ା,୨।୩(ଡି.ଏନ.ଏ.)- କେନ୍ଦୁଝର ଜିଲା ଯୋଡ଼ା ସହର ଉପକଣ୍ଠ ବାଂଶପାଣି ଟୋଲ ଗେଟ୍‌ ନିକଟବସ୍ତିରୁ ରବିବାର ସନ୍ଧ୍ୟାରେ ଯୋଡା ପୋଲିସ ଏକ ଶିଶୁର ଖପୁରୀ ଜବତ କରିଛି।...

Leave a comment

Your email address will not be published. Required fields are marked *