ପୁରୁଣା ବ୍ରାହ୍ମଣୀ ସେତୁରେ ମାଟିବାଲି ଆସ୍ତରଣ, ଯାତାୟାତ ବାଧାପ୍ରାପ୍ତ

ରସୁଲପୁର,୧୫।୩(ଡିଏନଏ): ରସୁଲପୁର ବ୍ଲକ ବାରବାଟୀ ସୀମା ସଂଲଗ୍ନ ବ୍ରାହ୍ମଣୀ ନଦୀ ଉପରିସ୍ଥ ପୁରୁଣା ବ୍ରାହ୍ମଣୀ ପୋଲ ଉପରେ ବାଲିମାଟିର ଆସ୍ତରଣ ଜମିଛି। ଏହି ପୋଲର ଉଭୟ ପାର୍ଶ୍ୱରୁ ପ୍ରାୟତଃ ୨ଫୁଟ ଓସାରର ବାଲିମାଟି, ପଲିଥିନ, କୁଟାକାଠି, ଲୁହା ପଥରଗୁଣ୍ଡ ମିଶା ଆଳିଆ ଆବର୍ଜନା ଆରମ୍ଭରୁ ଶେଷ ଯାଏ ଗଦାହୋଇ ରହିଛି। ଫଳରେ ପୋଲ ଉପରେ ଯାନବାହାନ ଗମନାଗମନରେ ବାଧା ଉପୁଜୁଛି। ବିଶେଷ କରି ଦୁଇ ଚକିଆ ଯାନ, ସାଇକେଲ ଆରୋହୀଙ୍କ ଜୀବନପ୍ରତି ବିପଦ ସୃଷ୍ଟି କରୁଛି। ଏଥିପ୍ରତି ବିଭାଗୀୟ ଅଧିକାରୀ ଧ୍ୟାନ ଦେଉ ନ ଥିବାରୁ ପୋଲ ଉପରେ ଯାତ୍ରା ବିପଦପୂର୍ଣ୍ଣ ହୋଇଛି। ସଡ଼କ ଦୁର୍ଘଟଣା ବଢିବାରେ ସହାୟକ ହେଉଛି।

ପ୍ରକାଶ ଯେ, ୧୬ ନଂ ଜାତୀୟ ରାଜପଥ ବ୍ରାହ୍ମଣୀ ପୁରୁଣା ପୋଲ କ୍ରମଶଃ ଦୁର୍ବଳ ହୋଇଯାଉଥିବା ଭଳି ମନେହେଉଛି। ଏହି ପୋଲ ରାଜପଥ ଆରମ୍ଭରୁ ରହିଛି। ପରେ ଆଉ ଏକ ନୂତନ ପୋଲି ନିର୍ମାଣ ହୋଇସାରିଛି। ଏହି ପୋଲ ଅପେକ୍ଷାକୃତ ପୁରୁଣା ପୋଲଠାରୁ ଓସାରିଆ ରହିଛି ଏବଂ ନିର୍ମାଣ ଶୈଳୀରେ ବି ଭିନ୍ନ ରହିଛି। ରାଜପଥ ସଂପ୍ରସାରଣ କାର୍ଯ୍ୟ ଚାଲିଛି। ରାସ୍ତାକୁ ୬ଲେନ ବିଶିଷ୍ଟ କରିବା ପାଇଁ ଏବେ ଆଉ ଏକ ନୂଆ ପୋଲ ନିର୍ମାଣ ହେଉଛି। ହେଲେ ପୁରୁଣା ପୋଲର ଦୁର୍ବଳ ଅଂଶକୁ ମରାମତି କରିବାରେ ରାଜପଥ କର୍ତ୍ତୃପକ୍ଷ ବିଫଳ ହୋଇଛନ୍ତି। ପୋଲର ଯୋଡେଇ ମୁଣ୍ଡରେ ବଡ଼ବଡ଼ ଫାଟ ସୃଷ୍ଟି ହୋଇ ଯାତାୟାତରେ ବାଧା ଉପୁଜୁଛି। ତେଣେ ପୋଲ ଉଭୟ ପାର୍ଶ୍ୱରେ ଅଳିଆ ଆବର୍ଜନା ଗଦା ହୋଇ ପୋଲରୁ ବର୍ଷା ପାଣି ନିଷ୍କାସନ ହୋଇପାରୁ ନାହିଁ। ସମାନ୍ୟ ବର୍ଷାରେ ପୋଲ ଉପରେ ପାଣି ଲହଡ଼ି ମାରୁଛି। ଖରା ସମୟରେ ଗାଡ଼ି ଚକାରୁ ବାଲିମାଟି ଗୁଣ୍ଡ ଉଡ଼ି ବାୟୁମଣ୍ଡଳ ଦୂଷିତ ହେଉଛି। ବାଇକ ଓ ସାଇକେଲ ଆରୋହୀଙ୍କ ଆଖି, କାନ, ନାକ, ମୁଣ୍ଡ ଧୂଳିଧୂଆଁରେ ପ୍ରଭାବିତ ହେଉଛି। ବାରବାଟୀରେ ଦୈନିକ ପରିବା ହାଟ ବସୁଛି। ଏହି ହାଟକୁ ଚାଷୀମାନେ ସେମାନଙ୍କ ଉପତ୍ାଦିତ ଦ୍ରବ୍ୟକୁ ସାଇକେଲ ଓ ମୋଟର ସାଇକେଲରେ ନେଇ ଯାଉଛନ୍ତି। ପୋଲର ଏଭଳି ସ୍ଥିତି ସେମାନଙ୍କୁ ବିଶେଷ ପ୍ରଭାବିତ କରୁଛି। ରାଜପଥ ନିର୍ମାଣ ଦାଇତ୍ୱରେ ଥିବା ଠିକାଦାରଙ୍କ ପକ୍ଷରୁ ବାଲି,ମାଟି ଓ ଚିପ୍‌ସ ବୋଝେଇ ଟ୍ରକଗୁଡିକ ଅତି ବେପରୁଆଭାବେ ପରିବହନ କରାଯାଉଛି। ଉକ୍ତ ଟ୍ରକରୁ ପରିବହନ ସାମଗ୍ରୀଗୁଡିକ ଖସି ପୋଲ ଉପରେ ଗଦା ହୋଇ ଏଭଳି ସ୍ଥିତି ସୃଷ୍ଟି କରୁଛି। ତେବେ ଘଟଣା ଯାହା ହେଉନା କାହିଁକି, ଏହି ରାସ୍ତାରେ ରାଜପଥ କର୍ତ୍ତୃପକ୍ଷଙ୍କ ମୋବାଇଲ ଭ୍ୟାନ ୨୪ଘଣ୍ଟା ଯାତାୟାତ ହେଉଛି। ରାସ୍ତା ନିର୍ମାଣ ଦାୟିତ୍ୱରେ ଥିବା ଠିକାସଂସ୍ଥା ସଦାସର୍ବଦା ଏଠାରେ ଉପସ୍ଥିତ ଥାଇ ମଧ୍ୟ ପୋଲ ଓ ଯାତ୍ରୀଙ୍କ ସୁରକ୍ଷା ପ୍ରତି ଧ୍ୟାନ ନ ଦେବା ଅତ୍ୟନ୍ତ ଦୁର୍ଭାଗ୍ୟଜନକ ବୋଲି କୁହାଯାଉଛି। ତୁରନ୍ତ ପୋଲର ଉଭୟ ପାର୍ଶ୍ୱକୁ ପରିସ୍କାର ପରିଚ୍ଛନ୍ନ କରି ଯାତ୍ରୀ ଗମନାଗମନ ସୁଗମ କରିବାକୁ ଦାବି ହେଉଛି।


All Right Reserved By Dharitri.Com

‘ଅଗ୍ନି-୨’ର ସଫଳ ପରୀକ୍ଷଣ

ବାଲେଶ୍ୱର ଅଫିସ, ୧୭।୧୧-ବାଲେଶ୍ୱର ଜିଲା ଚାନ୍ଦିପୁର ଆଇଟିଆର୍‌ ପକ୍ଷରୁ ଭଦ୍ରକ ଜିଲାସ୍ଥିତ ଅବଦୁଲ କଲାମ ଦ୍ୱୀପର ୪ ନଂ. ଲଞ୍ଚପ୍ୟାଡ୍‌ରୁ ଶନିବାର ସନ୍ଧ୍ୟା ସାଢ଼େ ୭ଟା...

ସ୍ବାସ୍ଥ୍ୟକେନ୍ଦ୍ର ପରିସରରେ ଗାର୍ଡେନିଂ: ରତୀନ୍ଦ୍ରଙ୍କ ଅନନ୍ୟ ପ୍ରୟାସ

ବାଲିଆପାଳ, ୧୩ା୮(ଡି.ଏନ.ଏ.)-ସୁସ୍ଥ ପରିବେଶ ଦେହ ଓ ମନକୁ ସୁସ୍ଥ ରଖେ। ଏହି କଥାର ମର୍ମ ବୁଝି ଏହାକୁ କାର୍ଯ୍ୟରେ ଲଗାଇ ଚର୍ଚ୍ଚାକୁ ଆସିଛନ୍ତି ଡାକ୍ତରଖାନାରେ ରୋଗୀଙ୍କୁ...

ଅକ୍ଟୋବର ୬ରେ ହେବ ମା’ ମାଣିକେଶ୍ୱରୀଙ୍କ ଛତରଯାତ୍ରା; ଶାନ୍ତି ଶୃଙ୍ଖଳାର ସହ ପାଳନ ଉପରେ ଗୁରୁତ୍ୱ

ଭବାନୀପାଟଣା,୧୯।୯(ଡି.ଏନ.ଏ.) କଳାହାଣ୍ଡିର ଇଷ୍ଟଦେବୀ ମା’ ମାଣିକେଶ୍ୱରୀଙ୍କ ଛତର ଯାତ୍ରା ଓ ଦଶହରା ପୂଜା ପାଳନ ନିମନ୍ତେ ପ୍ରସ୍ତୁତି ବୈଠକ ବୁଧବାର ଅପରାହ୍ନରେ ଅନୁଷ୍ଠିତ ହୋଇଯାଇଛି ।...

ଜମି ଚିହ୍ନଟ ଦାବିରେ ଭୂମିହୀନଙ୍କ ଧାରଣା

ବନ୍ତ, ୨୭।୫ (ଡି.ଏନ.ଏ.) – ଭଦ୍ରକ ଜିଲା ବନ୍ତ ତହସିଲ ଅଧୀନ ଷେଣ୍ଢତୀରା ପଞ୍ଚାୟତ ବରପଦା ଗ୍ରାମରେ ବସୁନ୍ଧରା ଯୋଜନାରେ ହିତାଧିକାରୀଙ୍କୁ ପଟ୍ଟା ମିଳିଛି। ହେଲେ...

ଖରିଆରରୋଡରେ ଆବାସ ଯୋଜନା ବାଟବଣା: ହିତାଧିକାରୀ ଜିଲାପାଳଙ୍କ ଦ୍ୱାରସ୍ଥ; କାର୍ଯ୍ୟାଦେଶ ପରେ ବି ଟଙ୍କା ମିଳୁନି

ନୂଆପଡା ଅଫିସ,୧୧ା୯-ରାଜ୍ୟରେ ଜଣେ ହେଲେ କୁଡିଆ ଘରେ ରହିବେ ନାହିଁ। ୨୦୨୦ ସୁଦ୍ଧା ସମସ୍ତଙ୍କୁ ପକ୍କା ଘର ଯୋଗାଦେବାର ସଂକଳ୍ପ ନେଇଛନ୍ତି ସରକାର। ହେଲେ ବିଭାଗୀୟ...

ବିଦ୍ୟୁତ୍‌ ଆଘାତରେ ଗୁରୁତର ମହିଳା ମୃତ: କ୍ଷତିପୂରଣ ଦାବିରେ ରାସ୍ତାରୋକୋ

ଜି.ଉଦୟଗିରି,୨୦ା୨(ଡି.ଏନ.ଏ.)-୧୩୨ କେଭି ବିଦ୍ୟୁତ୍‌ ତାର ସଂସ୍ପର୍ଶରେ ଆସି ଗତ ୧୭ ତାରିଖରେ କଳିଙ୍ଗା ପଞ୍ଚାୟତ ତାରାବାଡ଼ି ଗ୍ରାମର ଅମୂଲ୍ୟା ଦିଗାଳ (୩୮) ଗୁରୁତର ହୋଇଥିଲେ। ତାଙ୍କୁ...

କେନ୍ଦ୍ରୀୟ ବିଦ୍ୟାଳୟ ପାଇଁ ଜମି ମିଳିଲା

ଛତ୍ରପୁର,୬ା୮(ଡି.ଏନ.ଏ.)-ଛତ୍ରପୁର ମିଳିତ କ୍ରିୟାନୁଷ୍ଠାନ କମିଟିର ଏକ ଜରୁରୀ ବୈଠକ ସୋମବାର ସନ୍ଧ୍ୟାରେ ସ୍ଥାନୀୟ ରିଡିଙ୍ଗ ରୁମରେ ଅନୁଷ୍ଠିତ ହୋଇଥିଲା ା ଛତ୍ରପୁରରେ ଖୋଲିବାକୁ ଥିବା କେନ୍ଦ୍ରୀୟ...

ବେତ କାରୁକାର୍ଯ୍ୟରେ ନିପୁଣ ଶିଳ୍ପୀ ସୁଦର୍ଶନ

ସୋର, ୧୭।୧୦(ଡି.ଏନ.ଏ.)- ବେତରେ ବିଭିନ୍ନ ସାମଗ୍ରୀ ତିଆରି କରିବା କଳାକୁ ଜୀବିକା ଭାବେ ଆଦରି ନେଇଛନ୍ତି ଶିଳ୍ପୀ ସୁଦର୍ଶନ ବେହେରା (୪୮)। ନୂତନ ଶୈଳୀରେ ସେ...

Leave a comment

Your email address will not be published. Required fields are marked *