Posted inଭଦ୍ରକ

ଗୋପାଳନକୁ ଜୀବିକା କରିଛନ୍ତି ଇଞ୍ଜିନିୟର

ଭଦ୍ରକ ଅଫିସ,୧୫।୩-ଜଳବାୟୁ ପରିବର୍ତ୍ତନ ଓ ପ୍ରାକୃତିକ ବିପର୍ଯ୍ୟୟ କୃଷି ଉପରେ ଦାଉ ସାଧୁଛି। ଏଣୁ ଚାଷୀମାନେ କୃଷି ପ୍ରତି ଆଗ୍ରହ ହରାଇ ବସୁଛନ୍ତି। ଯୁବପିଢ଼ି ମଧ୍ୟ କୃଷି କାର୍ଯ୍ୟଠାରୁ ଦୂରେଇ ଯାଉଛନ୍ତି। ଏଭଳି ସ୍ଥିତିରେ ଭଦ୍ରକ ଜିଲାରେ ଜଣେ ଉଚ୍ଚଶିକ୍ଷିତ ଇଞ୍ଜିନିୟରିଂ ଛାତ୍ର ନିରଞ୍ଜନ ଉପାଧ୍ୟାୟ(୨୫) ଚାକିରି ପଛରେ ନ ଗୋଡ଼ାଇ ଆତ୍ମନିର୍ଭରଶୀଳ ହେବାକୁ ଆନୁସଙ୍ଗିକ କୃଷି କାର୍ଯ୍ୟକୁ ଆଦରି ଭିନ୍ନ ନଜିର ସୃଷ୍ଟି କରିଛନ୍ତି। ନିଜ ପ୍ରଚେଷ୍ଟାରେ ସେ ଆରମ୍ଭ କରିଥିବା ଏକ ଡାଏରୀ ଫାର୍ମରେ ୧୫ରୁ ଊର୍ଦ୍ଧ୍ୱ ଗାଈ ରଖି ମାସକୁ ଖର୍ଚ୍ଚ ବାଦ୍‌ ୨୦ ହଜାର ଟଙ୍କା ଆୟ କରିପାରୁଛନ୍ତି। ନିରଞ୍ଜନ ନିଜେ ରୋଜଗାରକ୍ଷମ ହେବା ସହ ଅନ୍ୟ ୩ ପରିବାରର ୫ଜଣଙ୍କୁ ଡାଏରୀ ଫାର୍ମ ଦେଖାଶୁଣା ପାଇଁ ନିଯୁକ୍ତି ଦେଇଛନ୍ତି। ନିରଞ୍ଜନ କହିଛନ୍ତି, କୃଷି ଆମ ଦେଶରେ ଅର୍ଥନୀତିର ମେରୁଦଣ୍ଡ। ପ୍ରତିକୂଳ ପରିସ୍ଥିତିକୁ ସାମ୍ନା କରି ଦୃଢ଼ ଇଚ୍ଛାଶକ୍ତି ଓ ମନୋବଳ ନେଇ କାର୍ଯ୍ୟ କଲେ କୃଷିର ଉନ୍ନତି ସମ୍ଭବ ହେବ। ଯୁବପିଢ଼ି ଆଧୁନିକ ଜ୍ଞାନକୌଶଳ ଏବଂ ସରକାରୀ ଯୋଜନାର ସୁଯୋଗ ନେଇ କୃଷି ଓ ଆନୁସଙ୍ଗିକ କୃଷିକାର୍ଯ୍ୟ ପ୍ରତି ଆଗଭର ହେବା ଦରକାର।
ନିରଞ୍ଜନଙ୍କ ଘର ଭଦ୍ରକ ଜିଲା ସଦର ବ୍ଲକ ଆମ୍ବରୋଳି ପଞ୍ଚାୟତ ଅଧୀନ ତଳାଙ୍ଗ ଗଁାରେ। ବାଲେଶ୍ୱରର ଏକ ଘରୋଇ ଇଞ୍ଜିନିୟରିଂ କଲେଜରୁ ୨୦୧୨ରେ ମେକାନିକାଲରେ ଡିପ୍ଲୋମା ପାସ୍‌ କରିଥିଲେ। ମା’ ବାପାଙ୍କ ସ୍ବପ୍ନ ଥିଲା ପୁଅ ଇଞ୍ଜିନିୟର ହେବ। ସୁଖର ଘରସଂସାର କରିବ। ହେଲେ ପିଲାଦିନୁ ଗୋମାତାଙ୍କ ପ୍ରତି ମନରେ ଥିବା ମମତା ତାଙ୍କୁ ଗୋପାଳନ ଭଳି କାର୍ଯ୍ୟ କରିବାକୁ ଟାଣି ଆଣିଥିଲା। ଇଞ୍ଜିନିୟରିଂ ପାସ୍‌ ପରେ କୌଣସି ସରକାରୀ ଚାକିରି ପ୍ରତି ମନ ନ ବଳାଇ ସେ ଡାଏରୀ ଫାର୍ମ କରି ଗୋପାଳନ କରିବାକୁ ସ୍ଥିର କରିଥିଲେ। ପ୍ରାଥମିକ ଅବସ୍ଥାରେ ଏହି କାର୍ଯ୍ୟ ଜଟିଳ ମନେ ହୋଇଥିଲେ ବି ସେ ସାହସ ହରାଇ ନ ଥିଲେ। ସରକାରୀ କାର୍ଯ୍ୟାଳୟ ସହ ଯୋଗାଯୋଗ କରି ଡାଏରୀ ଫାର୍ମ ଚଳାଇବାକୁ ଉଦ୍ୟମ ଆରମ୍ଭ କରିଥିଲେ। ଏହି ଚେଷ୍ଟା ତାଙ୍କୁ ଆଜି ସଫଳତା ଆଣି ଦେଇଛି। ଜଣେ ସଫଳ ଗୋପାଳକ ଭାବେ ପରିଚୟ ଲାଭ କରି ସେ ଜିଲାର ଅନ୍ୟ ଉଚ୍ଚଶିକ୍ଷିତ ବେକାରମାନଙ୍କ ପାଇଁ ଉଦାହରଣ ପାଲଟିଛନ୍ତି। ନିରଞ୍ଜନ କହିଛନ୍ତି, ପ୍ରଥମେ ଦୁଇଟି ଗାଈରୁ ସେ ଆରମ୍ଭ କରିଥିଲେ ଗୋପାଳନ। ଏବେ ସେ ୧୫ରୁ ଊର୍ଦ୍ଧ୍ୱ ଗାଈ ରଖିଛନ୍ତି। ତାଙ୍କ ବାପା ଅଭିମନ୍ୟୁ ଉପାଧ୍ୟାୟ ଜଣେ ଅବସରପ୍ରାପ୍ତ ବ୍ଲକ ଶିକ୍ଷାଧିକାରୀ। ମା’ ରତ୍ନମଣି ଗୃହିଣୀ। ପୁଅର ଏହି ସଫଳତାରେ ମା’ବାପା ଖୁସି ଅଛନ୍ତି। ଭଦ୍ରକ ବ୍ଲକର ପ୍ରାଣୀ ଚିକିତ୍ସକ ଓ ରାଣୀତାଲ କୃଷି ବିଜ୍ଞାନକେନ୍ଦ୍ରର ବିଶେଷଜ୍ଞମାନେ ନିରଞ୍ଜନଙ୍କ ଗୋପାଳନ କେନ୍ଦ୍ର ପ୍ରତି ନଜର ରଖିଛନ୍ତି। ଆବଶ୍ୟକ ପଡ଼ିଲେ ସେମାନେ ନିରଞ୍ଜନଙ୍କୁ ବିଭିନ୍ନ ପରାମର୍ଶ ଦେଉଛନ୍ତି। ଗାଈମାନଙ୍କ ପାଇଁ ଉପଯୁକ୍ତ ଖାଦ୍ୟ ଯୋଗାଡ଼ କରିବା ଲାଗି ସେ ଉନ୍ନତ କିସମର ହାତୀଆ ଘାସ ଚାଷ, ଫିଡର ଚାଷ, ପାରା ଗ୍ରାସ, ଗ୍ରୀନ ଗ୍ରାସ ଚାଷ କରୁଛନ୍ତି। ଗାଈଙ୍କଠାରୁ କ୍ଷୀର ସଂଗ୍ରହ କରିବା ବ୍ୟତୀତ ସେମାନଙ୍କ ଗୋବରକୁ ରଖି ମାଛ ଚାଷ କରୁଥିବା ଚାଷୀଙ୍କୁ ବିକୁଛନ୍ତି। ଏଥିସହ ଆଗକୁ ଏକ ଗୋବର ଗ୍ୟାସ୍‌ ପ୍ଲାଣ୍ଟ ବସାଇବାକୁ ଯୋଜନା ରଖିଛନ୍ତି। ବଳକା କ୍ଷୀରକୁ ସାଇତି ରଖି ସେଥିରୁ ଘିଅ ଓ ଛେନା ତିଆରି କରି ବେଶ୍‌ ଦୁଇପଇସା ରୋଜଗାର କରୁଛନ୍ତି। ଏହି ଫାର୍ମରୁ ସେ ଦିନକୁ ପ୍ରାୟ ୭୦ଲିଟର କ୍ଷୀର ବିକ୍ରି କରୁଥିବା କହିଛନ୍ତି।


All Right Reserved By Dharitri.Com

ଛୁରାମାଡ଼ରେ ଯୁବକ ଗୁରୁତର: ପୋଲିସର ତଦନ୍ତ ଆରମ୍ଭ

ଭଦ୍ରକ ଅଫିସ,୬।୧୧: ଭଦ୍ରକରେ କାଳୀପୂଜା ପାଇଁ ଯାତ୍ରା ଚାଲିଥିବା ବେଳେ ମଙ୍ଗଳବାର ବିଳମ୍ବିତ ରାତିରେ ଚରମ୍ପାରେ ଜଣେ ଯୁବକଙ୍କୁ ଛୁରାମାଡ଼ ହୋଇଛି। ସେ ହେଲେ ଚରମ୍ପାର...

ଶ୍ରେଣୀଗୃହ ଅଭାବ, ବାରଣ୍ଡାରେ ପାଠପଢ଼ା

ତିହିଡ଼ି, ୪।୮ (ଡି.ଏନ.ଏ.) – ଭଦ୍ରକ ଜିଲା ତିହିଡ଼ି ବ୍ଲକ ଅଧୀନ କୋହ୍ଲ ମଧ୍ୟଇଂରାଜୀ (ଏମ୍‌ଇ) ସ୍କୁଲରେ ଶ୍ରେଣୀଗୃହ ଅଭାବ ଦେଖାଦେଇଛି। ଫଳରେ ଛାତ୍ରୀଛାତ୍ର ବାରଣ୍ଡାରେ...

ସହର ଭିତରକୁ ବାଇକ୍‌, ସାଇକେଲ ମନା

ଭଦ୍ରକ ଅଫିସ,୨୭ା୪: ଭଦ୍ରକ ସହର ଭିତରକୁ ବାଇକ୍‌ ଓ ସାଇକେଲ ମନା। ସାମାଜିକ ଦୂରତ୍ୱ ବଜାୟ ରଖିବା ପାଇଁ ଜିଲା ପୋଲିସ ପକ୍ଷରୁ ଏହି ପଦକ୍ଷେପ...

ବଞ୍ଚିବାକୁ ରାହା ଖୋଜୁଛନ୍ତି ମମତା

ଆରଡ଼ି,୩।୨(ଡି.ଏନ.ଏ.)-ପରିବାର ନିୟୋଜନ ଅସ୍ତ୍ରୋପଚାର ବେଳେ ଡାକ୍ତରଙ୍କ ଖାମଖିଆଲି ଯୋଗୁ ଖାଦ୍ୟନଳୀ କଣା ହୋଇଯାଇଛି। ଚିକିତ୍ସା ପାଇଁ ୩ ଲକ୍ଷ ଟଙ୍କା ଖର୍ଚ୍ଚ ସରିଲାଣି। ତଥାପି ସ୍ବାସ୍ଥ୍ୟାବସ୍ଥାରେ...

ଅସ୍ଥାୟୀ ସ୍ବାସ୍ଥ୍ୟକେନ୍ଦ୍ର ତଦାରଖ କଲେ ଅତିରିକ୍ତ ଜିଲାପାଳ

ବନ୍ତ,୨୯।୩(ଡି.ଏନ୍‌.ଏ.): ଅତିରିକ୍ତ ଜିଲାପାଳ(ରାଜସ୍ବ) ଅରୁଣ କୁମାର ମହାପାତ୍ର ରବିବାର ଭଦ୍ରକ ଜିଲା ବନ୍ତ ବ୍ଲକର ବିଭିନ୍ନ ଅସ୍ଥାୟୀ ସ୍ବାସ୍ଥ୍ୟକେନ୍ଦ୍ର ତଦାରଖ କରିଛନ୍ତି। ନିଳୋକ ହାଇସ୍କୁଲସ୍ଥିତ ଅସ୍ଥାୟୀ...

ପ୍ରଶାସନ ପକ୍ଷରୁ ମାଗଣା ରନ୍ଧା ଖାଦ୍ୟ

ଭଦ୍ରକ ଅଫିସ, ୨ା୪-ଭଦ୍ରକ ଜିଲା ପ୍ରଶାସନ ପକ୍ଷରୁ ନିରାଶ୍ରୟ, ବହିରାଗତ, ଦିନମଜୁରିଆ, ବାହାରୁ ଆସି ଆଶ୍ରୟ ନେଇଥିବା ଲୋକଙ୍କୁ ମାଗଣାରେ ରନ୍ଧାଖାଦ୍ୟ ପ୍ରଦାନ କରାଯାଇଛି। ବାହାର...

୬ ବର୍ଷ ପରେ ଜନ୍ମମାଟିକୁ ଫେରିଲେ ନାବାଳିକା

ଭଦ୍ରକ ଅଫିସ,୬ା୧୧- ଦୀର୍ଘ ୬ ବର୍ଷ ପରେ ନୟାଗଡ଼ରୁ ଉଦ୍ଧାର ହୋଇଥିବା ସଂଖ୍ୟାଲଘୁ ସମ୍ପ୍ରଦାୟର ଜଣେ ଅସହାୟ ନାବାଳିକା ନିଜ ଜନ୍ମମାଟିକୁ ଫେରିଛନ୍ତି। ତାଙ୍କ ପରିବାର...

ସନ୍ଦେହ ଜନକ ମୃତ୍ୟୁ: ଥାନାରେ ମାମଲା

ଧାମନଗର ୩।୯(ଡି.ଏନ.ଏ.)- ଭଦ୍ରକ ଜିଲା ଧାମନଗର ବ୍ଲକ ଧୂଷୁରୀ ଥାନା ଅନ୍ତର୍ଗତ ସରପୁର ଗ୍ରାମରେ ନିରଞ୍ଜନ ପତିଙ୍କର ୫୩ ବର୍ଷ ବୟସରେ ସନ୍ଦେହଜନକ ପରିସ୍ଥିତିରେ ମୃତ୍ୟୁ...

Leave a comment

Your email address will not be published. Required fields are marked *