ଅହରହ ଗର୍ଜୁଛି ବେଆଇନ ବ୍ଲାଷ୍ଟିଂ

ଖୋର୍ଦ୍ଧା ଅଫିସ,୧୪।୩: ଖୋର୍ଦ୍ଧା ଜିଲାରେ ବଢି ଚାଲିଛି ବେଆଇନ ଖଣି ମାଫିଆଙ୍କ ଉତ୍ପାତ। ପାହାଡରେ ଅହରହ ଗର୍ଜୁଛି ବେଆଇନ ବ୍ଲାଷ୍ଟିଂ। ଧ୍ୱଂସ ପାଉଛି ପାହାଡ। ଏଥିଯୋଗୁ ବାୟୁମଣ୍ଡଳ ପ୍ରଦୂଷିତ ହେବାରେ ଲାଗିଛି। ପାହାଡରେ ଥିବା ଔଷଧୀୟ ବୃକ୍ଷ ଲୋପ ପାଇବାକୁ ବସିଛି। ଅନ୍ୟପକ୍ଷରେ ମାଫିଆମାନେ ବାରୁଦ, ଜିଲୋଟିନ୍‌ ଓ ଡିନାମାଇଟ୍‌ ବ୍ୟବହାର କରି ବେଆଇନ ଭାବେ ଜିଲାର ଅନେକ ପାହାଡକୁ ବିସ୍ଫୋରଣ କରି ଚାଲିଛନ୍ତି। ଫଳରେ ପାହାଡ ତଳି ଅଞ୍ଚଳରେ ଥିବା ଜନବସତିରେ ଲୋକେ ମନୁଷ୍ୟ କୃତ ଅହରହ ଗର୍ଜନରେ ଆତଙ୍କିତ ହୋଇପଡିଛନ୍ତି। ପାହାଡ ତଳେ ବେଆଇନ କ୍ରଶର ଗଢି ଉଠିଛି। ଏହାର ଡଷ୍ଟରେ ପରିବେଶ ପ୍ରଦୂଷିତ ହେଉଛି। ଚାପ ପଡିବା ପରେ ସରକାରଙ୍କ ପକ୍ଷରୁ ଜିଲାର ବହୁ ମାଙ୍କଡା ପଥର, କଳାମୁମୁନି ପଥର ଖଣିକୁ ସିଲ୍‌ କରାଯାଇଥିଲା। ତେବେ କ୍ରଶର ମାଲିକମାନେ ଖଣି ଖନନ ବନ୍ଦ ଯୋଗୁ ଉପୁଜିଥିବା ସମସ୍ୟା ସମ୍ପର୍କରେ ସରକାରଙ୍କୁ ଅବଗତ କରିଥିଲେ। ଜିଲାରେ ଥିବା ୪୧ଟି ପଥର ଖଣି ମଧ୍ୟରୁ କେତେଗୋଟିରୁ ଖନନ କରିବାକୁ କ୍ରଶର ମାଲିକଙ୍କୁ ସ୍ବୀକୃତି ମିଳିଛି।
ସରକାରୀ କଟକଣା ନ ଥିବାରୁ ପାହାଡ ବ୍ଲାଷ୍ଟିଂ, ପରିବେଶ ଓ ଶବ୍ଦ ପ୍ରଦୂଷଣ, ଗଛକଟା ମାତ୍ରାଧିକ ପରିମାଣରେ ବଢି ଚାଲିଛି। ଏଥଯୋଗୁ ପରିବେଶ ଜଳ ଓ ସ୍ଥଳ ଭାଗ ପ୍ରଦୂଷଣ ହେଉଛି। ଏହାକୁ ସୁଧାରିବାରେ ପ୍ରଶାସନିକ ଅଧିକାରୀଙ୍କଠାରୁ ଆରମ୍ଭ କରି ଜନସାଧାରଣ ଓ ପଥର ମାଫିଆମାନେ ମଧ୍ୟ ସଚେତନ ହେଉନାହାନ୍ତି। ଅନ୍ୟପକ୍ଷରେ କ୍ରଶର ମାଲିକମାନେ ସରକାରୀ ନିୟମକୁ ଉଲ୍ଲଂଘନ କରୁଛନ୍ତି। ବେଆଇନ କ୍ରଶର ଥିବା ସ୍ଥଳରେ ଗଛ ଲଗାଇବା ସହ ଡଷ୍ଟ ନ ଉଡିବା ଲାଗି ପାଣି ସିଞ୍ଚନ କରିବାକୁ ନିୟମ ରହିଛି। ଗାଡି କିମ୍ବା ଟ୍ରକରେ ମେଟାଲ, ଗୋଡି, ବଜୁରି ଓ ପଥର ଡଷ୍ଟ ପରିବହନ ସମୟରେ ପାଲ ପକାଇବାକୁ ନିୟମ ରହିଛି। ହେଲେ ଏହି କଟକଣାକୁ କେହି ପାଳନ କରୁନାହାନ୍ତି। ଫଳରେ ବାୟୁମଣ୍ଡଳରେ ପ୍ରଦୂଷଣର ମାତ୍ରା ବଢି ଚାଲିଛି। ପାହାଡ ବ୍ଲାଷ୍ଟିଂ ଯୋଗୁ ଶତାଧିକ ଗଛ ସହ ଉପର ଭାଗରେ ଥିବା ଔଷଧୀୟ ବୃକ୍ଷ ଲୋପ ପାଇବାକୁ ବସିଛି। ସେହିପରି ଖଣି ମାଫିଆମାନଙ୍କ ପକ୍ଷରୁ ବେଆଇନ ବ୍ଲାଷ୍ଟିଂ କରାଯାଉଥିବା ବେଳେ ବାରୁଦ ନିଆଁରେ ପାହାଡ ତଳି ଅଞ୍ଚଳରେ ଥିବା ପ୍ରାକୃତିକ ଜଙ୍ଗଲଗୁଡିକ ଅଗ୍ନି ସଂଯୋଗ ହୋଇ ପୋଡିଯାଉଛି। ଏହି ସମ୍ପର୍କରେ ପରିବେଶବିତ୍‌ ରାଜ କିଶୋର ପାଣିଗ୍ରାହୀ କୁହନ୍ତି, ଜିଲାରେ ବିଭିନ୍ନ କାରଣକୁ ନେଇ ଗଛ ଧ୍ୱଂସ ହେବାରେ ଲାଗିଛି। ସେହି ପରିମାଣର ଗଛ ଲଗା ଯାଉନାହିଁ। ସରକାରଙ୍କ ଉଦାସୀନ ମନୋଭାବ ଯୋଗୁ ବେଆଇନ ଖଣି ଖାଦାନ ଉପରେ ଅଙ୍କୁଶ ଲାଗୁନି। ଫଳରେ ପରିବେଶ ପ୍ରଦୂଷଣକୁ ରୋକା ଯାଇପାରୁନାହିଁ। ସେହିପରି ତାପଙ୍ଗ ଅଞ୍ଚଳର ରାମଚନ୍ଦ୍ର ଖମାରୀ କୁହନ୍ତି, ପ୍ରକୃତି ଦତ୍ତ ପାହାଡ ସୌନ୍ଦର୍ଯ୍ୟ ବର୍ଦ୍ଧନ କରୁଥିଲା। ପାହାଡ ଉପରୁ ଝରଣା ଆସି ଚାଷ ଉପଯୋଗୀ ଜମି ଗୁଡିକରେ ଜଳ ସେଚିତ ହେଉଥିଲା। ପାହାଡ ଉହାଡରେ ମଧ୍ୟ ଗ୍ରାମାଞ୍ଚଳରେ ପାଳିତ ହେଉଥିବା ଗୋରୁ ମଧ୍ୟ ସୁରକ୍ଷିତ ଭାବେ ଚରାବୁଲା କରି ପାରୁଥିଲେ। ସେହିପରି ପୂର୍ବକାଳରୁ ପାହାଡ ଉପରିସ୍ଥ ଭାଗରୁ ବିଭିନ୍ନ ପ୍ରକାରର ଔଷଧୀୟ ଗଛ ମିଳୁଥିଲା, ଯାହା କି ଗ୍ରାମାଞ୍ଚଳ ବୈଦ୍ୟ ଏହାକୁ ନେଇ ବିଭିନ୍ନ ଔଷଧ ତିଆରି କରୁଥିଲେ। ପାହାଡ ଧ୍ୱଂସ କାରଣରୁ ବୈଦ୍ୟମାନଙ୍କୁ ଆଉ ଔଷଧୀୟ ବୃକ୍ଷ ମିଳିନାହିଁ। ପାହାଡରୁ ପଥର କାଢିବା ଲାଗି ଅହରହ ବ୍ଲାଷ୍ଟିଂ ଚାଲିଛି। ପାଖରେ ଥିବା ଚାଷ ଜମିରେ ପଥର ଖଣ୍ଡ ପଡି ଏହା ଚାଷ ଉପଯୋଗୀ ହୋଇ ଆଉ ରହୁନାହିଁ। ଏ ସମ୍ପର୍କରେ ଅଭିଯୋଗ କରିବାକୁ ଜମି ମାଲିକମାନେ ଭୟ କରୁଛନ୍ତି। ହାତିଆ ପାହାଡ ମାଟିରେ ମିଶିବାକୁ ବସିଥିଲା ବେଳେ ତାହାକୁ ପ୍ରଶାସନ ପକ୍ଷରୁ ସିଜି କରାଯାଇଥିଲା। ଏବେ ପୁଣି ଏହାର ନିକଟବର୍ତ୍ତୀ ଅନେକ ପାହାଡ ଠିକ୍‌ ସେହିଭଳି ମାଟିରେ ମିଶିବାକୁ ଯାଉଛି।


All Right Reserved By Dharitri.Com

କାଳିଆ ଯୋଜନା ଅର୍ଥ କାଟ୍‌କୁ ନବନିର୍ମାଣ କୃଷକ ସଂଗଠନର ବିରୋଧ: ଅକ୍ଷୟ କୁମାରଙ୍କୁ ଭେଟିଲେ ତଥାଗତ

ଭୁବନେଶ୍ୱର,୫।୧(ବ୍ୟୁରୋ): କାଳିଆ ଯୋଜନାରୁ ଅର୍ଥ କାଟକୁ ବିରୋଧ କରି ୨୦୧୯ ଡିସେମ୍ବର ୨୬ରୁ ନବନିର୍ମାଣ କୃଷକ ସଂଗଠନର ଆବାହକ ଅକ୍ଷୟ କୁମାର ସୁନ୍ଦରପଦାସ୍ଥିତ ବୀରବନ୍ଧ ରାଜ୍ୟ...

ଅପରାହ୍ନରେ ତାଣ୍ଡବ ରଚିଲା କାଳବୈଶାଖୀ

କୋରାପୁଟ,୨୯।୪(ସ୍ବ.ପ୍ର.): କୋରାପୁଟ ସହର ଓ ଆଖପାଖ ଅଞ୍ଚଳରେ ସୋମବାର କାଳବୈଶାଖୀ ତାଣ୍ଡବ ରଚିଛି। ଶତାଧିକ ଗଛ ଭାଙ୍ଗିବା ସହ ୩୦ରୁ ଊର୍ଦ୍ଧ୍ୱ ସ୍ଥାନରେ ବିଦ୍ୟୁତ ଟାଓ୍ବାର...

କରୋନା ସ୍ଥିତି ଅନୁଧ୍ୟାନ କଲେ ଉପଜିଲାପାଳ

ବାମରା, ୩୦।୩ (ଡି.ଏନ.ଏ.)-ବର୍ତ୍ତମାନ କରୋନା ପାଇଁ ସାରା ଦେଶ ସମ୍ପୂର୍ଣ୍ଣ ଲକ ଡାଉନ ପରିସ୍ଥିତିରେ ଗତି କରୁଥିବା ବେଳେ ଏହାକୁ ନେଇ ରାଜ୍ୟ ସରକାର ଜିଲା...

ଅତିରିକ୍ତ ତହସିଲଦାର, ଆର୍‌ଆଇଙ୍କୁ ଆକ୍ରମଣ ଘଟଣା: କଲମଛାଡ଼ ଆନ୍ଦୋଳନ ପ୍ରତ୍ୟାହୃତ

ଭଣ୍ଡାରିପୋଖରୀ,୫।୨(ଡି.ଏନ୍‌.ଏ): ଭଦ୍ରକ ଜିଲା ଭଣ୍ଡାରିପୋଖରୀ ତହସିଲ ଅଧୀନ ମଞ୍ଜୁରୀରୋଡ଼ଠାରେ ଥିବା ରାଜସ୍ବ ନିରୀକ୍ଷକ କାର୍ଯ୍ୟାଳୟରେ ପଶି ଗତ ସୋମବାର ବାଲିମାଫିଆମାନେ ଅତିରିକ୍ତ ତହସିଲଦାର, ଆର୍‌ଆଇଙ୍କୁ ଆକ୍ରମଣ...

ନଳକୂପ ପାଇପରୁ ନିର୍ମାଣ ହେଲା ଟାୱାର

ଦାରିଙ୍ଗବାଡ଼ି,୧୯।୧୦(ଡି.ଏନ.ଏ)-ଦାରିଙ୍ଗବାଡ଼ି ବ୍ଲକ ତିଲୋରୀ ପଞ୍ଚାୟତରେ ଶୁକ୍ରବାର ସଂନ୍ଧ୍ୟା ୭ଟାରେ ବିଏସ୍‌ଏନ୍‌ଏଲ୍‌ ମୋବାଇଲ ସେବାର ଶୁଭାରମ୍ଭ ହୋଇଯାଇଛି। ଏହି ସେବା ତିଲୋରୀର ପ୍ରାୟ ୫ହଜାରରୁ ଉର୍ଦ୍ଧ୍ୱ ଲୋକ...

ଲାଇବ୍ରେରି ବହି କିଣା ପାଇଁ ଚାଲିଛି ଷଡ଼ଯନ୍ତ୍ର

ଜଗତ୍‌ସିଂହପୁର ଅଫିସ, ୨୨ା୮: ବିଦ୍ୟାଳୟ ଲାଇବ୍ରେରି ପାଇଁ ବହି କିଣା ବାବଦରେ ସରକାରୀ ଅନୁଦାନ ଯୋଗାଇ ଦିଆଯାଇଛି। ଏଥିରେ ବିଦ୍ୟାଳୟ କର୍ତ୍ତୃପକ୍ଷ ସେମାନଙ୍କ ପସନ୍ଦର ବହି...

ହାଜର ହେଲେ ୮ ଖଣି ମାଲିକ

କେନ୍ଦୁଝର, ୭ା୭ (ସ୍ବ.ପ୍ର./ଡି.ଏନ.ଏ.)-କେନ୍ଦୁଝର ଜିଲାପାଳଙ୍କ କୋର୍ଟରେ ଚାଲିଥିବା ଖିଲାପୀ ଖଣି ସଂସ୍ଥାଙ୍କ ସମ୍ପତି ବାଜ୍ୟାପ୍ତି ମାମଲାରେ ଶନିବାର ୮ ଖଣି ସଂସ୍ଥା ହାଜର ହୋଇଥିଲେ ା...

ରାଜନଗରରେ କରୋନା ସନ୍ଦେହ: ନିରୀକ୍ଷଣରେ ୩ ଯୁବକ

ରାଜନଗର, ୧୬।୩(ଡି.ଏନ୍‌.ଏ.): ଓଡ଼ିଶାରେ ପ୍ରଥମ କରୋନା ପଜିଟିଭି ଚିହ୍ନଟ ହେବା ପରେ ଆତଙ୍କ ଖେଳିଯାଇଛି। କେନ୍ଦ୍ରାପଡ଼ା ଜିଲା ରାଜନଗରରେ ମଧ୍ୟ ଏହାର ପ୍ରଭାବ ଦେଖିବାକୁ ମିଳିଛି।...

Leave a comment

Your email address will not be published. Required fields are marked *