‘ପାଲା’ ପାଇଁ ପାଗଭିଡ଼ା

ଭୁବନେଶ୍ୱର,୧୩।୩(ବ୍ୟୁରୋ): ଦିନେ ଓଡ଼ିଶାର ଘରେ ଘରେ ପରିଚିତ ଥିବା ପାରମ୍ପରିକ ଲୋକକଳା ‘ପାଲା’ ପ୍ରତି ଲୋକଙ୍କ ଆଗ୍ରହ କମିବାରେ ଲାଗିଛି। ଧୀରେ ଧୀରେ ଜନମାନସରୁ ଦୂରେଇ ଯାଉଥିବାବେଳେ ପାଲାକୁ ପ୍ରୋତ୍ସାହନ ଦେବାକୁ ପାଗ ଭିଡ଼ିଛନ୍ତି ରାଜ୍ୟ ସରକାର। ‘ମୁଖ୍ୟମନ୍ତ୍ରୀ କଳାକାର ସହାୟତା ଯୋଜନା’ ମାଧ୍ୟମରେ ପାଲା କଳାକାରମାନଙ୍କୁ ଆର୍ଥିକ ସହାୟତା ଯୋଗାଇ ଦେଉଛନ୍ତି। ଏହାସହ ପାଲାର ପ୍ରଚାର ପ୍ରସାର ପାଇଁ ସରକାରଙ୍କ ବିଭିନ୍ନ ସଚେତନଧର୍ମୀ କାର୍ଯ୍ୟକ୍ରମରେ ଏହି କଳାକାରଙ୍କୁ ସାମିଲ୍‌ କରାଯାଉଛି। ରାଜ୍ୟର ମୋଟ ୪୩୩୧ଜଣ ପଞ୍ଜୀକୃତ ପାଲା କଳାକାର ମୁଖ୍ୟମନ୍ତ୍ରୀ କଳାକାର ସହାୟତା ଯୋଜନାରେ ଅନ୍ତର୍ଭୁକ୍ତ ହୋଇଛନ୍ତି। ତେବେ କଟକ ଜିଲାରେ ସର୍ବାଧିକ ପାଲା କଳାକାର ରହିଥିବାବେଳେ ନବରଙ୍ଗପୁର, ରାୟଗଡ଼ା, ମାଲାକାନଗିରି, କୋରାପୁଟ ଓ ଗଜପତି ଜିଲାରେ ଜଣେ ବି ହେଲେ ପଞ୍ଜୀକୃତ ପାଲା କଳାକାର ନ ଥିବା ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ ସୂଚନା ଦେଇଛନ୍ତି।

ରାଜ୍ୟ ସରକାରଙ୍କ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଦ୍ୱାରା ୨୦୧୮ ପୂର୍ବରୁ ପ୍ରଚଳିତ ଦୁଃସ୍ଥ କଳାକାର ଭତ୍ତା ଯୋଜନା ଅଧୀନରେ ୩୬୧୬ଜଣ କଳାକାର ଭତ୍ତା ପାଉଥିଲେ। ମାତ୍ର ସେମାନଙ୍କ ତାଲିକା କଳାର ପ୍ରକାରଭେଦ ଅନୁସାରେ ପ୍ରସ୍ତୁତ କରାଯାଇ ନ ଥିଲା। ତେବେ ବର୍ତ୍ତମାନ କାର୍ଯ୍ୟକାରୀ ହେଉଥିବା ‘ମୁଖ୍ୟମନ୍ତ୍ରୀ କଳାକାର ସହାୟତା ଯୋଜନା’ ଅନୁସାରେ କଳାକାରଙ୍କ ପ୍ରକାରଭେଦ କରାଯାଇଥିବାବେଳେ ରାଜ୍ୟରେ ଥିବା ପାଲା କଳାକାରଙ୍କୁ ଚିହ୍ନଟ କରାଯାଇଛି। ରାଜ୍ୟର ବିଭିନ୍ନ କଳାକାରଙ୍କ ସହ ପାଲା ଗାୟକ, ବାୟକ ଓ ପାଳିଆ (ପାଲା କଳାକାର)ଙ୍କୁ ମଧ୍ୟ ମାସିକ ୧୨୦୦ ଟଙ୍କାର ଆର୍ଥତ୍କ ସହାୟତା ଜିଲା ପ୍ରଶାସନ ମାଧ୍ୟମରେ ପ୍ରଦାନ କରାଯାଉଥିବା ନେଇ ମନ୍ତ୍ରୀ ପାଣିଗ୍ରାହୀ ବିଧାନସଭାରେ ବିଧାୟକ ସୌଭିକ ବିଶ୍ୱାଳଙ୍କ ଏକ ଅଣତାରକା ପ୍ରଶ୍ନର ଉତ୍ତରରେ କହିଛନ୍ତି। ସୂଚନା ମୁତାବକ, କଟକ ଜିଲାରେ ସର୍ବାଧିକ ପାଲା କଳାକାର ରହିଥିବାବେଳେ ମୋଟ ୪୯୯ଜଣ ଗାୟକ, ବାୟକ ଏବଂ ପାଳିଆ ମୁଖ୍ୟମନ୍ତ୍ରୀ କଳାକାର ସହାୟତା ଯୋଜନାରେ ଉପକୃତ ହେଉଛନ୍ତି। ଯାଜପୁରରେ ଦ୍ୱିତୀୟ ସର୍ବାଧିକ ୪୯୦ଜଣ ପଞ୍ଜୀକୃତ ପାଲା କଳାକାର ଥିବାବେଳେ ଅନୁଗୋଳରେ ୪୫୫ଜଣ, ବରଗଡ଼ରେ ୩୫୩ ଜଣ, କେନ୍ଦୁଝରରେ ୩୪୭ଜଣ, ଭଦ୍ରକରେ ୨୯୬ଜଣ, ଖୋର୍ଦ୍ଧାରେ ୨୭୭ଜଣ, ବାଲେଶ୍ୱରରେ ୨୧୫ଜଣ, ଢେଙ୍କାନାଳରେ ୧୮୫ଜଣ, ପୁରୀ ଓ ସୁନ୍ଦରଗଡ଼ରେ ୧୭୫ଜଣ ଲେଖାଏ ପାଲା କଳାକାର ରହିଛନ୍ତି।

ସମନ୍ବୟ ରଖୁଥିବା ଲୁପ୍ତପ୍ରାୟ ଲୋକକଳା
ଓଡ଼ିଶାର ଏହି ଲୁପ୍ତପ୍ରାୟ ଲୋକକଳା ‘ପାଲା’ ହିନ୍ଦୁ ଓ ଇସଲାମ ଧର୍ମ ମଧ୍ୟରେ ସମନ୍ବୟ ରକ୍ଷା କରୁଥିବା ବିଶ୍ୱାସ ରହିଛି। ଏଥିରେ ଉଭୟ ସତ୍ୟନାରାୟଣ ଏବଂ ପୀର ବାବାଙ୍କୁ ପୂଜା କରାଯାଉଥିବାରୁ ପାଲାକୁ ସତ୍ୟପୀର ପୂଜା ବୋଲି ମଧ୍ୟ କୁହାଯାଏ। ବାଦୀପାଲା ସର୍ବାଧିକ ଲୋକପ୍ରିୟ ପାଲା ହୋଇଥିବାବେଳେ ପ୍ରାଚୀନ ସମୟରେ ଏହା ଲୋକଙ୍କ ମନୋରଞ୍ଜନର ପ୍ରମୁଖ ମାଧ୍ୟମ ଥିଲା। କେବଳ ଏତିକି ନୁହେଁ, ସାହିତ୍ୟ, ସଂସ୍କୃତି ଓ କଳା ପ୍ରତି ଏହା ଲୋକଙ୍କୁ ଆକୃଷ୍ଟ କରୁଥିଲା। ସବୁଠାରୁ ବଡ଼କଥା ହେଉଛି, ପାଲା ମାଧ୍ୟମରେ ଓଡ଼ିଶାରେ ଭାଷା ଆନ୍ଦୋଳନ ଘରେ ଘରେ ପହଞ୍ଚତ୍ ପାରିଥିଲା। ସେହିଭଳି ସ୍ବାଧୀନତା ଆନ୍ଦୋଳନ ସମୟରେ ମଧ୍ୟ ପାଲାର ଗୁରୁତ୍ୱପୂର୍ଣ୍ଣ ଭୂମିକା ରହିଥିବା କୁହଯାଏ। ତେବେ ଧୀରେ ଧୀରେ ଟେଲିଭିଜନ, ସ୍ମାର୍ଟଫୋନ୍‌ ଓ ଇଣ୍ଟରନେଟ୍‌ ଭଳି ଆଧୁନିକ ମନୋରଞ୍ଜନ ମାଧ୍ୟମ ଆସିବା ପରେ ପାଲା ଧୀରେ ଧୀରେ ନିଜ ସ୍ଥିତି ହରାଇଲା। ବର୍ତ୍ତମାନ ଓଡ଼ିଶାର ଗାଁ ଗହଳିରେ କାଁ ଭାଁ ସ୍ଥାନରେ ପାଲା ପରିବେଷଣ ହେଉଥିବା ଦେଖିବାକୁ ମିଳେ।


All Right Reserved By Dharitri.Com

ରାଜଧାନୀରେ ଅସହାୟ ରୋଗୀଙ୍କ ହୀନସ୍ତା: ପରିସ୍ରାନଳୀ ଧରି ୩ ବର୍ଷ ହସ୍ପିଟାଲ ବାହାରେ ବ୍ରଜବନ୍ଧୁ

ଭୁବନେଶ୍ୱର,୧୦ା୧(ବ୍ୟୁରୋ): ‘ମୋ ସରକାର’ରେ ସାମିଲ ହୋଇଛି ସ୍ବାସ୍ଥ୍ୟ ବିଭାଗ। ଚିକିତ୍ସା କ୍ଷେତ୍ରରେ ଅବହେଳା ଅଭିଯୋଗ ଆସିଲେ କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି ସରକାର। ହେଲେ ଅସହାୟ ଓ...

୬ ଶିଶୁ ଶ୍ରମିକ ଉଦ୍ଧାର

ବାଲିଆପାଳ, ୮।୮(ସ୍ବ.ପ୍ର.)-ବାଲିଆପାଳ ବ୍ଲକ ବାଲିଆପାଳ ବଜାର ଏବଂ କାଳିପଦା ଅଞ୍ଚଳରେ ଚାଇଲ୍ଡଲାଇନ ଏବଂ ଶ୍ରମ ବିଭାଗ ପକ୍ଷରୁ ଗୁରୁବାର ମିଳିତ ଭାବେ ବିଭିନ୍ନ ଦୋକାନ ଉପରେ...

ବେଆଇନ ଖଣି ଖନନ: ଜିଲାପାଳଙ୍କ କୋର୍ଟରେ ଶୁଣାଣି, ୩ ଖଣି ମାଲିକଙ୍କ ସମ୍ପତ୍ତି ବାଜ୍ୟାପ୍ତି ଲାଗି ନିର୍ଦ୍ଦେଶ

କେନ୍ଦୁଝର, ୧୭।୮(ସ୍ବ.ପ୍ର.): କେନ୍ଦୁଝର ଜିଲାପାଳଙ୍କ କୋର୍ଟରେ ଶନିବାର ବେଆଇନ ଖଣି ଖନନ ନେଇ ଜରିମାନା ଦେଇ ନ ଥିବା ୩ ଖଣି ମାଲିକଙ୍କ ମାମଲାର ଚୂଡାନ୍ତ...

ବାଇକ୍‌ ପଛପଟୁ ପିଟିଲା ଟ୍ରକ୍‌: ମା’, ଝିଅ ମୃତ; ବାପା ଗୁରୁତର

ରୂପ୍‌ସା/ବସ୍ତା, ୧।୧୦(ଡି.ଏନ.ଏ./ସ୍ବ.ପ୍ର.)-ବାଲେଶ୍ୱର ୬୦ନଂ. ଜାତୀୟ ରାଜପଥର ରୂପ୍‌ସା ଥାନା ଅନ୍ତର୍ଗତ ଜୁକନଣ୍ଡି ଛକଠାରେ ମଙ୍ଗଳବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ବାଇକ୍‌କୁ ପଛପଟୁ ଏକ...

ନିରଞ୍ଜନ ସେଠୀଙ୍କୁ ଶ୍ରେଷ୍ଠ ପ୍ରଶାସକ ସମ୍ମାନ

ଭୁବନେଶ୍ୱର,୧୮।୧୨(ବ୍ୟୁରୋ): ସାହିତ୍ୟ ଓ ସାଂସ୍କୃତିକ ଅନୁଷ୍ଠାନ ଓଡ଼ିଶା ପ୍ରତିଭା ପୂଜା ସଂସଦ ପକ୍ଷରୁ ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ଅତିରିକ୍ତ ନିର୍ଦ୍ଦେଶକ ନିରଞ୍ଜନ ସେଠୀଙ୍କୁ...

ଯୋଗ୍ୟ ପ୍ରବାସୀ ଶ୍ରମିକଙ୍କୁ ଖାଦ୍ୟ ସୁରକ୍ଷା ଯୋଜନାରେ ସାମିଲକର: ମନ୍ତ୍ରୀ

ଭୁବନେଶ୍ୱର, ୧୬ା୫(ବ୍ୟୁରୋ): କରୋନା ମୁକାବିଲା ଲାଗି ସାରା ରାଜ୍ୟରେ ଲକ୍‌ଡାଉନ ବଳବତ୍ତର ରହିଛି। ଜନସାଧାରଣଙ୍କ ଖାଦ୍ୟ ନିରାପତ୍ତାକୁ ଦୃଷ୍ଟିରେ ରଖି ରାଜ୍ୟ ଖାଦ୍ୟ ସୁରକ୍ଷା ଯୋଜନାରେ...

ଟୁଇନ୍‌ସିଟିରେ ଗଡ଼ିଲା ବସ୍‌: ୩୦ ଟଙ୍କା ଭଡ଼ାଦେଇ ରାଜଧାନୀକୁ ଆସିଲେ ୨୦ ସରକାରୀ କର୍ମଚାରୀ

ଭୁବନେଶ୍ୱର/କଟକ ଅଫିସ, ୧୩।୫(ବ୍ୟୁରୋ): କଟକରୁ ଭୁବନେଶରକୁ ଗଡିଲା ସରକାରୀ ବସ୍‌ । ବୁଧବାର ୨୦ଜଣ ସରକାରୀ କର୍ମଚାରୀଙ୍କୁ ନେଇ ଗୋଟିଏ ବସ୍‌ କଟକରୁ ଭୁବନେଶର ଯାତ୍ରାକରିଛି...

ହୃଦ୍‌ଘାତରେ ଯାଉଛି ବାର୍ଷିକ ୧୩ ଲକ୍ଷ ଜୀବନ

ଭୁବନେଶ୍ୱର,୧୮ା୧୦(ବ୍ୟୁରୋ) : ଭାରତରେ ପ୍ରତି ବର୍ଷ ୧୩ ଲକ୍ଷ ଲୋକଙ୍କର ହୃଦ୍‌ଘାତ (ହାର୍ଟ ଆଟାକ) ଯୋଗୁ ମୃତ୍ୟୁ ହେଉଥିବା ବେଳେ ଓଡିଶାରେ ମଧ୍ୟ ପ୍ରତି ଘଣ୍ଟାରେ...

Leave a comment

Your email address will not be published. Required fields are marked *