କୋଟିଏରୁ ଊର୍ଦ୍ଧ୍ୱ ଟଙ୍କାର ବ୍ରାଉନ ସୁଗାର ଜବତ: ୨ ଛାତ୍ର ସମେତ ୩ ଗିରଫ

ଭୁବନେଶ୍ୱର,୧୩।୩ (ବ୍ୟୁରୋ): ରାଜ୍ୟରେ ଦିନକୁ ଦିନ ନିଶା କାରବାର ବଢ଼ି ଚାଲିଥିବାବେଳେ ସେଥିରେ ଛାତ୍ରଙ୍କ ସମ୍ପୃକ୍ତି ନଜରକୁ ଆସୁଛି। ବୁଧବାର ରାତିରେ ପିପିଲି ଅଞ୍ଚଳରୁ ୨ଜଣ ଛାତ୍ର ସମେତ ୩ ଜଣଙ୍କୁ ଗିରଫ କରିଛି ଏସ୍‌ଟିଏଫ୍‌। ସେମାନଙ୍କଠାରୁ ୧କିଲୋ ୭୪୯ ଗ୍ରାମ (କୋଟିଏରୁ ଊର୍ଦ୍ଧ୍ୱ ଟଙ୍କାର) ବ୍ରାଉନ ସୁଗାର ଜବତ କରିଛି। ଏ ସମ୍ପର୍କରେ ପୋଲିସ ଡିଜି ଅଭୟ ଏକ ଖବରଦାତା ସମ୍ମିଳନୀରେ ସୂଚନା ଦେଇଛନ୍ତି। ଚଢାଉ ବେଳେ ଗୋଟିଏ ସ୍କର୍ପିଓ(ଓଡି-୦୨ବିକେ-୪୬୪୬), ୩ ବାଇକ୍‌, ପ୍ୟାକିଂ ମେଶିନ, ଗୋଟିଏ ସିସିଟିଭି କ୍ୟାମେରା ଓ ୮ଟି ମୋବାଇଲ୍‌ ଫୋନ ଅଭିଯୁକ୍ତମାନଙ୍କଠାରୁ ଜବତ କରାଯାଇଛି। ଅଭିଯୁକ୍ତମାନେ ହେଲେ ଗଞ୍ଜାମର ମାନସ ରଞ୍ଜନ ପରିଜା, ସନ୍ତୋଷ କୁମାର ଦାଶ ଓ ପୁରୀର ମହେଶ୍ୱର ସାହୁ। ସେମାନଙ୍କ ବିରୋଧରେ ଏସ୍‌ଟିଏଫ୍‌ ଏନ୍‌ଡିପିଏସ୍‌ ଆକ୍ଟ(୧୯୮୫) ସେକ୍ସନ ୨୧(ସି) ଓ ୨୯ ଅନୁଯାୟୀ କେସ୍‌ ନଂ.୧୫/୨୦ ରୁଜୁ କରି ସେମାନଙ୍କୁ କୋର୍ଟ ଚାଲାଣ କରିଛି।
ପୂର୍ବରୁ ଗିରଫ ହୋଇଥିବା ବ୍ରାଉନ ସୁଗାର ବେପାରୀଙ୍କୁ ପଚରାଉଚରା ପରେ ଏହି ତିନି ଅଭିଯୁକ୍ତଙ୍କ ସମ୍ପର୍କରେ ଏସ୍‌ଟିଏଫ୍‌ ଜାଣିପାରି ସେମାନଙ୍କ ଉପରେ ନଜର ରଖୁଥିଲା। ବୁଧବାର ସେମାନେ ବ୍ରାଉନ ସୁଗାର ଆଣିଥିବା ଏସ୍‌ଟିଏଫ ଖବର ପାଇଥିଲା। ଫଳରେ ରାତିରେ ଏସ୍‌ଟିଏଫ୍‌ର ଏକ ଟିମ୍‌ ସାଦା ପୋଷାକରେ ମହେଶ୍ୱରଙ୍କ ଘରକୁ ଯାଇଥିଲେ। ଗ୍ରାହକ ଭାବେ ବ୍ରାଉନ ସୁଗାର ମାଗିବା ପରେ ଚଢାଉ କରି ମହେଶ୍ୱର ଏବଂ ସନ୍ତୋଷଙ୍କୁ ଗିରଫ କରିଥିଲେ। ମିଳିଥିବା ତଥ୍ୟ ଅନୁସାରେ, ଏସ୍‌ଟିଏଫ୍‌ ଦୁଇ ମାସରେ ୪କେଜି ୨୭ ଗ୍ରାମର ବ୍ରାଉନ ସୁଗାର ଜବତ କରିଛି। ଏହାସହ ୧୭ ମାମଲା ରୁଜୁ କରି ୩୨ ଜଣଙ୍କୁ ଗିରଫ କରିଛି।
ପାଠ ପଢ଼ିବା ସହ ବିକୁଥିଲେ ବ୍ରାଉନ ସୁଗାର
ଏସ୍‌ଟିଏଫ୍‌ ହାତରେ ଧରାପଡ଼ିଥିବା ବ୍ରାଉନସୁଗାର ବେପାରୀଙ୍କ ଉଚ୍ଚ ଶିକ୍ଷାଗତ ଯୋଗ୍ୟତା ରହିଛି। ଏହି ରାକେଟର ମାଷ୍ଟରମାଇଣ୍ଡ କୁହାଯାଉଥିବା ମହେଶ୍ୱର ସାହୁ ଜଣେ ବି.ଟେକ୍‌ ଛାତ୍ର ହୋଇଥିବା ବେଳେ ସନ୍ତୋଷ ମଧ୍ୟ ଜଣେ ବିବିଏ ଛାତ୍ର। ଉଭୟ ରାଜଧାନୀ ଉପକଣ୍ଠ ଏକ ଘରୋଇ କଲେଜରେ ପାଠ ପଢୁଛନ୍ତି। ମହେଶ୍ୱରଙ୍କ ଘରେ ସନ୍ତୋଷ ରହୁଥିଲେ। ସେମାନେ ବ୍ରାଉନ ସୁଗାର ବିକି ପାଉଥିବା ଟଙ୍କାରେ ମଉଜ କରୁଥିଲେ। ଉଭୟଙ୍କର ଗ୍ରାହକ ଉକ୍ତ ଘରୋଇ କଲେଜର ଛାତ୍ରଛାତ୍ରୀ ରହିଥିବା ଜଣାପଡ଼ିଛି।
ଘରେ ଲାଗିଥିଲା ଓ୍ବାଇଫାଇ କ୍ୟାମେରା
ମହେଶ୍ୱର ପୋଲିସ ନଜରରୁ ବର୍ତ୍ତିବା ପାଇଁ ଘରେ ଲଗାଇଥିଲେ ସିସିଟିଭି କ୍ୟାମେରା, ଯାହା ତାଙ୍କ ମୋବାଇଲ ଫୋନ ସହ ସଂଯୋଗ ଥିଲା। ସେ ବାହାରକୁ ଯାଉଥିଲେ ମଧ୍ୟ ଘରକୁ ଆସୁଥିବା ବ୍ୟକ୍ତିଙ୍କ ଉପରେ ସେ ମୋବାଇଲ୍‌ ଫୋନରେ ନଜର ରଖୁଥିଲେ।
ମୁର୍ଶିଦାବାଦରୁ ଓଡ଼ିଶା ଆସୁଥିଲା
ପଶ୍ଚିମବଙ୍ଗର ମୁର୍ଶିଦାବାଦରୁ ବ୍ରାଉନ ସୁଗାର ମେଦିନାପୁରକୁ ଆସୁଛି। ସେଠାରୁ ତାହା ବାଲେଶ୍ୱର ପରେ କଟକ, ଭୁବନେଶ୍ୱର, ଖୋର୍ଦ୍ଧା, ପୁରୀ, ନୟାଗଡ଼କୁ ଯାଉଛି। ଗିରଫ ୩ ଅଭିଯୁକ୍ତ ବାଲେଶ୍ୱରରୁ ବ୍ରାଉନ ସୁଗାର ଆଣୁଥିଲେ। ମହେଶ୍ୱର ଘରେ ତାହାକୁ ଜରିରେ ପ୍ୟାକିଂ କରାଇ ଜଟଣୀ,ଏୟାରଫିଲ୍ଡ ଓ ପିପିଲି ଅଞ୍ଚଳକୁ ପଠାଉଥିଲେ।
ବ୍ୟାଙ୍କ୍‌ ଡକାୟତିରେ ସାମିଲ
ବ୍ରାଉନ ସୁଗାର ବେପାର ସହ ବ୍ୟାଙ୍କ୍‌ ଡକାୟତି ଭଳି ଅଭିଯୋଗ ଏହି ଗ୍ୟାଙ୍ଗ୍‌ ନଁାରେ ରହିଛି। ନିକଟରେ ଜଙ୍କିଆ ଥାନା ଅଞ୍ଚଳର ଓଡ଼ିଶା ଗ୍ରାମ୍ୟ ବ୍ୟାଙ୍କରୁ ସେମାନେ ଡକାୟତି କରିଥିଲେ। ଏନେଇ ଜଙ୍କିଆ ଥାନାରେ ଏକ ମାମଲା କରାଯାଇଛି। ତେଣୁ ସେମାନଙ୍କ ଆଉ କେଉଁ ଡକାୟତି ଓ ଅନ୍ୟ ଅପରାଧରେ ସମ୍ପୃକ୍ତି ରହିଛିି ତାହା ଜାଣିବା ପାଇଁ ଏସ୍‌ଟିଏଫ୍‌ ସେମାନଙ୍କୁ ରିମାଣ୍ଡରେ ନେବ। ଏଥିଲାଗି କୋର୍ଟରେ ୫ ଦିନ ରିମାଣ୍ଡ ପାଇଁ ଆବେଦନ କରିଛି।
ଅଞ୍ଜଳି ଦିଦି ଲିଙ୍କ୍‌
ବାଂଲାଦେଶରୁ ଯୁବତୀ ଚାଲାଣ ମାମଲାରେ ଗିରଫ ହୋଇଥିବା ଅଞ୍ଜଳି ଦିଦି ଏବଂ ଇବ୍ରାହିମ୍‌ ଲିଙ୍କ୍‌ରେ ରହିଥିଲେ ଏହି ୩ ଅଭିଯୁକ୍ତ। ସେମାନେ ବାଂଲାଦେଶରୁ ବ୍ରାଉନ ସୁଗାର ଆଣିବା ସମୟରେ ଅଞ୍ଜଳି ଦିଦିଙ୍କ ସହ ଭେଟ ହୋଇଥିଲା। ତେଣୁ ଏହି ଗ୍ୟାଙ୍ଗ ଯୁବତୀ ଚାଲାଣରେ ସମ୍ପୃକ୍ତ ରହିଥିବା ପୋଲିସ ସନ୍ଦେହ କରୁଛି।


All Right Reserved By Dharitri.Com

ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ୨.୫୦ ଲକ୍ଷ ଟଙ୍କା ସହାୟତା ପ୍ରଦାନ

ଭଦ୍ରକ ଅଫିସ,୧୮।୪: କରୋନା ମୁକାବିଲା ପାଇଁ ଭଦ୍ରକର ପି.ଏନ୍‌. ଏଜେନ୍ସିି ପକ୍ଷରୁ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ୨.୫୦ ଲକ୍ଷ ଟଙ୍କା ପ୍ରଦାନ କରାଯାଇଛି। ପି.ଏନ୍‌. ଏଜେନ୍ସିି...

ନେଳିଆବାଗ୍‌ର ୬୧ନଂ ଆକ୍ରାନ୍ତ ପାଲଟିଛନ୍ତି ‘ସୁପର୍‌ ସ୍ପ୍ରେଡର୍‌’; ୧୨ଜଣଙ୍କୁ କଲେଣି ସଂକ୍ରମିତ

ଭୁବନେଶ୍ୱର,୨୮।୪(ବ୍ୟୁରୋ): ବାଲେଶ୍ୱର ନେଳିଆବାଗର ୬୧ନଂ କରୋନା ପଜିଟିଭ୍‌ ବ୍ୟକ୍ତି ‘ସୁପର୍‌ ସ୍ପ୍ରେଡର୍‌’ ପାଲଟିଛନ୍ତି। ମଙ୍ଗଳବାର ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଉକ୍ତ ଅଞ୍ଚଳର...

ଲକ୍‌ଡାଉନ ବେଳେ ଚୋରା ମଦ କାରବାର: ୪ ଗିରଫ

ବଡ଼ବିଲ, ୩୦ା୪(ସ୍ବ.ପ୍ର.)-ଲକ୍‌ଡାଉନ ପାଇଁ ବିଭିନ୍ନ ଦୋକାନ ଖୋଲିବା ନେଇ କଟକଣା ଲାଗିଥିବାବେଳେ ମଦ ବିକ୍ରି ଉପରେ ନିଷେଧାଦେଶ ଲାଗିଛି। ହେଲେ ଲୁଚାଛପାରେ ବିକ୍ରି ହେଉଛି ମହୁଲି...

ବେଆଇନ ନର୍ସିଂ ହୋମ୍‌ ମାମଲା: ହାଇକୋର୍ଟରେ ହାଜର ହେଲେ ସ୍ବାସ୍ଥ୍ୟ ସଚିବ

କଟକ ଅଫିସ,୧।୧୦: ବେଆଇନ ନର୍ସିଂହୋମ୍‌କୁ ନେଇ ହାଇକୋର୍ଟରେ ରୁଜୁ ହୋଇଥିବା ମାମଲାରେ ରାଜ୍ୟ ସରକାରଙ୍କ ପ୍ରମୁଖ ସ୍ବାସ୍ଥ୍ୟ ସଚିବ ପ୍ରମୋଦ ମେହେର୍ଦ୍ଦା ସୋମବାର ବ୍ୟକ୍ତିଗତ ହାଜର...

‘ଖୁବ୍‌ଶୀଘ୍ର ଆଉ ୩ ମେଡିକାଲ କଲେଜ’

ଭୁବନେଶ୍ୱର/ସମ୍ବଲପୁର/,୮।୭(ବ୍ୟୁରୋ): ରାଜ୍ୟରେ ଖୁବ୍‌ଶୀଘ୍ର ଆଉ ୩ଟି ମେଡିକାଲ କଲେଜ ପ୍ରତିଷ୍ଠା କରାଯିବ। ସୁନ୍ଦରଗଡ଼, ପୁରୀ ଓ ତାଳଚେରରେ ମେଡିକାଲ କଲେଜ ସ୍ଥାପନ କରିବାକୁ ରାଜ୍ୟ ସରକାର...

ବିଧାନସଭା ସ୍ଥାୟୀ କମିଟି ଅଧ୍ୟକ୍ଷ, ସଦସ୍ୟଙ୍କ ନାଁ ଘୋଷିତ

ଭୁବନେଶ୍ୱର,୨।୭(ବ୍ୟୁରୋ): ବିଧାନସଭାର ୧୦ ସ୍ଥାୟୀ କମିଟି ଅଧ୍ୟକ୍ଷ ଏବଂ ସଦସ୍ୟଙ୍କ ନାମ ବାଚସ୍ପତି ସୂର୍ଯ୍ୟନାରାୟଣ ପାତ୍ର ସୋମବାର ଗୃହରେ ଘୋଷଣା କରିଛନ୍ତି। ଏହି ଅଧ୍ୟକ୍ଷମାନେ ହେଉଛନ୍ତି-...

ରାଜଧାନୀରେ ରାତିର କର୍ଫ୍ୟୁ: ଚାରିଆଡ଼େ ଖୋଲାମେଲା

ଭୁବନେଶ୍ୱର, ୧୦।୫ (ବ୍ୟୁରୋ): କରୋନା ସଂକ୍ରମଣ ରୋକିବାକୁ ସନ୍ଧ୍ୟା ୭ରୁ ସକାଳ ୭ଟା ପର୍ଯ୍ୟନ୍ତ ୧୨ ଘଣ୍ଟିଆ କର୍ଫ୍ୟୁ କରିଛି କମିଶନରେଟ ପୋଲିସ। ଏପରି କି...

କରୋନା ମୁକାବିଲା ପାଇଁ ଭୁବନେଶ୍ୱର ବିମାନ ବନ୍ଦରରେ ସ୍ବତନ୍ତ୍ର ବ୍ୟବସ୍ଥା

ଭୁବନେଶ୍ୱର, ୫।୩(ବ୍ୟୁରୋ): ସାରା ବିଶ୍ୱରେ କରୋନା ଭୂତାଣୁ ନିଜର କାୟା ବିସ୍ତାର କରିବାରେ ଲାଗିଛି। ଭାରତରେ ମୋଟ ୨୯ଜଣ କରୋନା ରୋଗୀ ଚିହ୍ନଟ ହୋଇଛନ୍ତି। ଏଥିରୁ...

Leave a comment

Your email address will not be published. Required fields are marked *