ରାଜସ୍ବରେ ଆଗୁଆ, ସେବା ଦେବାରେ ପଛୁଆ

ଜୟପୁର,୧୩।୩(ନି.ପ୍ର.) – କୋରାପୁଟ ଜିଲାର ଜୟପୁର ରେଳ ବିଭାଗ ଟିକେଟ ନେବାରେ ଆଗୁଆ ଥିବାବେଳେ ସେବା ପ୍ରଦାନରେ ପଛୁଆ ରହିଛି। ରେଳ କର୍ତ୍ତୃପକ୍ଷ ଚିଠି ଲେଖିଲେଖି ଥକିଲେଣି, କିନ୍ତୁ ଷ୍ଟେସନର କୌଣସି ଉନ୍ନତି ହେଉନାହିଁ। ବି-ଗ୍ରେଡ୍‌ପ୍ରାପ୍ତ ଏହି ଷ୍ଟେଶନରେ ଯାତ୍ରୀ ହଇରାଣ ହେଉଥିଲେ ମଧ୍ୟ ରେଳ ବିଭାଗ କାନ ଦେଉନାହିଁ। ପାଣି ଓ ପରିସ୍ରାଗାର ସମସ୍ୟା ଏଠାରେ ମୁଖ୍ୟ। ୩୫ ବର୍ଷ ତଳେ ଷ୍ଟେଶନରେ ଯେଉଁ ସମସ୍ୟା ଥିଲା, ଏବେମଧ୍ୟ ସେହି ସମସ୍ୟା ରହିଛି। ନୂତନ ଟ୍ରେନ ପଡ଼ିଛି, କିନ୍ତୁ ଯାତ୍ରୀଙ୍କ ଦୁର୍ଦ୍ଦଶା ବଢ଼ିଛି।
୧୯୬୬ରେ ସ୍ଥାପିତ ଜୟପୁର ଷ୍ଟେଶନ ଦେଇ ଏକମାତ୍ର ପାସେଞ୍ଜର ଟ୍ରେନ କିରଣ୍ଡୁଲ- କୋଟବାଲସା ଚାଲୁଥିଲା। ରାଜ୍ୟ ରାଜଧାନୀରୁ ୫୫୦ କିମି ଦୂରରେ ଅବସ୍ଥିତ ଜୟପୁର ଉପଖଣ୍ଡ ସହ ନବରଙ୍ଗପୁର ଓ ମାଲକାନଗିରି ଜିଲାବାସୀ ରାଜଧାନୀକୁ ସିଧା ରେଳ ସଂଯୋଗରୁ ଉପେକ୍ଷିତ ରହୁଥିଲେ। ଫଳରେ ଜରୁରୀ କାମ ପାଇଁ ଭୁବନେଶ୍ୱର ଯିବାକୁ ହେଲେ ଏହି ଅଞ୍ଚଳର ଲୋକଙ୍କୁ କୋରାପୁଟ ଯାଇ ରେଳ ଚଢ଼ିବାକୁ ପଡୁଥିଲା। ଯାତ୍ରୀଙ୍କ ଦାବିରେ ରେଳ ବିଭାଗ ହୀରାଖଣ୍ଡ, ସମଲେଶ୍ୱରୀ, ଦୁର୍ଗ, ବିଶାଖାପାଟଣା ଟ୍ରେନ ଚାଲୁ କଲେ। ବସ୍‌ରେ ୧୮ ଘଣ୍ଟା ଯାତ୍ରା ପରେ ଭୁବନେଶ୍ୱରରେ ପହଞ୍ଚତ୍ ହେଉଥିଲା। ହୀରାଖଣ୍ଡ, ସମଲେଶ୍ୱରୀ ଭାୟା ଜୟପୁର ଦେଇ ଜଗଦଲପୁର ସମ୍ପ୍ରସାରଣ ଯୋଗୁ ନୂତନ ଭାବେ ଦୁର୍ଗକୁ ଟ୍ରେନ ହେବା ପରେ ଏହି ଅଞ୍ଚଳର ଯାତ୍ରୀଙ୍କୁ ଯେତିକି ସୁବିଧା ହୋଇଛି, ତାଠାରୁ ଦୁଇଗୁଣ ଅସୁବିଧା ଭୋଗିବାକୁ ପଡ଼ିଛି। ଜଗଦଲପୁରରୁ ଭାୟା ଜୟପୁର, କୋରାପୁଟ, ରାୟଗଡ଼ା, ପାର୍ବତୀପୁରମ ବିଜୟନଗରମ ପର୍ଯ୍ୟନ୍ତ ସିଙ୍ଗଲ ଲାଇନ ହୋଇଥିବା ବେଳେ ଏହି ଲାଇନ ଦେଇ ଦାମନଯୋଡ଼ିରୁ ଉତ୍ପାଦିତ ଆଲୁମିନା ପାଉଡର, ବୈଲାଡିଲାରୁ ବାହାରୁଥିବା ଲୁହାପଥର ପରିବହନ ହେଉଛି। ଫଳରେ ଅଧିକାଂଶ ମାଲଗାଡି ଏହି ଲାଇନ ଦେଇ ଚାଲୁଛି। ହୀରାଖଣ୍ଡକୁ ତାର ଯାତ୍ରାପଥରେ ଏହି ମାଲଗାଡ଼ିକୁ ଲାଇନ କ୍ଲିୟରାନ୍ସ ଦେଇ ଗନ୍ତବ୍ୟସ୍ଥଳରେ ପହଞ୍ଚତ୍ବାକୁ ବିଳମ୍ବ ହେଉଛି। କୋରାପୁଟ, ଜୟପୁର କିମ୍ବା ଭୁବନେଶ୍ୱରରେ ପହଞ୍ଚତ୍ବା ସମୟ ୪ରୁ ୫ ଘଣ୍ଟା ଲେଖାଏ ବିଳମ୍ବ ଘଟୁଛି। ଜୟପୁର ଷ୍ଟେଶନରେ ପ୍ଲ୍‌ାଟଫର୍ମ ଟ୍ରେନ ବଗି ଯାଏ ଉଚ୍ଚତା ନ ଥିବାବେଳେ ଆକାରରେ ମଧ୍ୟ ଛୋଟ ଅଛି। ଅଧିକାଂଶ ସମୟରେ ଯାତ୍ରୀଙ୍କୁ ଟ୍ରେନରୁ ଓହ୍ଲାଇବା ଓ ଚଢ଼ିବା ପାଇଁ ଅସୁବିଧା ହୋଉଛି। ତୁରନ୍ତ ଷ୍ଟେଶନର ପ୍ଲାଟଫର୍ମ ଉଚ୍ଚତା ବଗି ଉଚ୍ଚତା ପର୍ଯ୍ୟନ୍ତ କରାଯିବା ଓ ପ୍ଲାଟଫର୍ମ ଦୈର୍ଘ୍ୟ ବଢ଼ାଇବା ପାଇଁ ଦାବି ହେଉଛି। ପା୍ଲଟଫର୍ମର ଛାତ କମ୍‌ ଥିବାରୁ ବର୍ଷା ଓ ଖରାରେ ଯାତ୍ରୀମାନେ ହଇରାଣ ହେଉଛନ୍ତି। ପ୍ଲାଟଫାର୍ମରେ ସିମେଣ୍ଟ ଚେୟାର ନାହିଁ। ଭିନ୍ନକ୍ଷମ ଓ ବରିଷ୍ଠ ନାଗରିକ ମଧ୍ୟ ବହୁ ଅସୁବିଧା ଭୋଗୁଛନ୍ତି। ଆଗକୁ ଖରାଦିନ ଥିବାବେଳେ ଷ୍ଟେଶନରେ ପାନୀୟ ଜଳର ବ୍ୟବସ୍ଥା ଠିକ ଭାବେ ନାହିଁ। ୨୦ରୁ ଅଧିକ ଷ୍ଟାଣ୍ଡ ପୋଷ୍ଟ ଥିବାବେଳେ ପାଣି ଆସୁନାହିଁ। ରେଲୱେ କୁଲି ନାହାନ୍ତି। ଷ୍ଟେଶନ ଉପରେ ନିର୍ଭରଶୀଳ ୨ ହଜାରରୁ ଅଧିକ ଦୈନିକ ଯାତ୍ରୀଙ୍କ ପାଇଁ ଆବଶ୍ୟକ ପରିମାଣରେ ରେଷ୍ଟରୁମ, ବାଥରୁମ, ଲାଟିନ ନାହିଁ। ଷ୍ଟେଶନ ସହରଠାରୁ ୬ କିମି ଦୂରରେ ଥିବାରୁ ଅଟୋବାଲାଙ୍କ ଦୌରାତ୍ମ୍ୟ ବଢ଼ି ଚାଲିଛି। ଭଡ଼ା ୧୫୦ରୁ ୨୦୦ ଟଙ୍କା ଲେଖାଏ ନେଉଛନ୍ତି। ଏଠାରେ ପ୍ରବଳ ଭିଡ଼ ହେବାରୁ ହୀରାଖଣ୍ଡ ରହଣି ସମୟ ବର୍ତ୍ତମାନ ୨ରୁ ୧୦ ମିନିଟ ଯାଏ ବଢ଼ାଇବାକୁ ଦାବି ହେଉଛି। ହୀରାଖଣ୍ଡକୁ ସାବେରୀ ଏକ୍ସପ୍ରେସ ନାମରେ ନାମିତ କରାଯିବା ପାଇଁ ମଧ୍ୟ ଦାବି ଜୋର୍‌ ଧରିଛି। ଏ ସମ୍ପର୍କରେ ଜୟପୁର ଷ୍ଟେଶନ ମାଷ୍ଟର ଜନ୍‌ କୁଜୁରୁ କହିଛନ୍ତି, ଏଠାରେ ପାଣି ସମସ୍ୟା ରହିଛି। ୧୫ ଦିନ ଭିତରେ ଏହାର ସମାଧାନ ସହ ଅନ୍ୟ ସମସ୍ୟା ଦୂର କରାଯିବ।


All Right Reserved By Dharitri.Com

ଗୋଖାଦ୍ୟ ବୋଝେଇ ଟ୍ରକ୍‌ରେ ୪ କ୍ୱିଣ୍ଟାଲରୁ ଊର୍ଦ୍ଧ୍ୱ ଗଞ୍ଜେଇ ଚାଲାଣ: ଟ୍ରକ ଜବତ, ୨ ଗିରଫ

କୋରାପୁଟ,୧୫।୧୧(ସ୍ବ.ପ୍ର.): କୋରାପୁଟ ଜିଲା ପଟ୍ଟାଙ୍ଗିଠାରେ ଶୁକ୍ରବାର ଏକ ଟ୍ରକରୁ ସ୍ଥାନୀୟ ପୋଲିସ ଦ୍ୱାରା ୪ କ୍ୱିଣ୍ଟାଲରୁ ଊର୍ଦ୍ଧ୍ୱ ଗଞ୍ଜେଇ ଜବତ ହୋଇଛି। ଗୋଖାଦ୍ୟ ସାମଗ୍ରୀ ନେଇ...

ସ୍ତ୍ରୀ ପଥର ମାଡରେ ସ୍ବାମୀ ଗୁରୁତର

  ଚନ୍ଦାହାଣ୍ଡି,୩୧।୧୨(ଡି.ଏନ.ଏ)-ନବରଙ୍ଗପୁର ଜିଲା ଚନ୍ଦାହାଣ୍ଡି ବ୍ଲକ ଜମାଦାରପଡା ଗ୍ରାମରେ ଗୁରୁବାର ସ୍ତ୍ରୀର ପଥର ମାଡରେ ସ୍ବାମୀ ଗୁରୁତର ହୋଇଛନ୍ତି। ଗୁରୁତର ଜଣକ ହେଲେ ମନୁ ଜଗଳ...

ସେବାଶ୍ରମ ଛାତ୍ରୀ ଗର୍ଭବତୀ ଘଟଣା: ଗିରଫ ହେଲେ ପ୍ରଧାନ ଶିକ୍ଷୟିତ୍ରୀଙ୍କ ସ୍ବାମୀ

ଜୟପୁର,୬।୧୨(ଡି.ଏନ୍‌.ଏ.): କୋରାପୁଟ ଜିଲା ଜୟପୁର ବ୍ଲକ ଅଞ୍ଚଳ ମଙ୍ଗଳବିଭାଗ ଦ୍ୱାରା ପରିଚାଳିତ ଏକ ସେବାଶ୍ରମରେ ଜଣେ ସପ୍ତମ ଶ୍ରେଣୀ ଛାତ୍ର ଗର୍ଭବତୀ ହୋଇଥିବା ଜଣାପଡ଼ିଛି। ଏହି...

ପାହାଡ଼ ଉପରେ ମାଫିଆଙ୍କ ଲୋଲୁପ ଦୃଷ୍ଟି

ଜୟପୁର,୩୦।୧୨(ଡି.ଏନ୍‌.ଏ.) ଜୟପୁର ସହର ଉପକଣ୍ଠରୁ ମାତ୍ର ୩ କିମି ଦୂର ବାରିଣିପୁଟ ନିକଟସ୍ଥ ମହୁଲଭଟ୍ଟା ରାସ୍ତାରେ ଥିବା ପାହାଡ଼ରୁ ମୋରମ ଓ ମାଟି ବେଆଇନ ଚାଲାଣ କରାଯାଉଛି।...

ଡାକ୍ତରଙ୍କ ଅବହେଳାରୁ ସେବାଶ୍ରମ ଛାତ୍ରୀଙ୍କ ମୃତ୍ୟୁ : ଅଭିଯୋଗ ଆଣିଲେ ପରିବାର ଲୋକେ

କୋରାପୁଟ/ନାରାୟଣପାଟଣା,୨୭।୯(ସ୍ବ.ପ୍ର/ଡି.ଏନ୍‌.ଏ.): କୋରାପୁଟ ଜିଲା ନାରାୟଣପାଟଣା ବ୍ଲକ ଓଡିଆପେଣ୍ଠ ସେବାଶ୍ରମର ଜଣେ ତୃତୀୟ ଶ୍ରେଣୀ ଛାତ୍ରୀ ଜ୍ୱରରେ ପୀଡିତ ହୋଇ ନାରାୟଣପାଟଣା ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସିତ ହେଉଥିଲେ। ତେବେ...

ବିଏସ୍‌ଏନ୍‌ଏଲ୍‌ କର୍ମଚାରୀଙ୍କ କାର୍ଯ୍ୟବନ୍ଦ ଆନ୍ଦୋଳନ

ଜୟପୁର,୧୯।୮(ଡି.ଏନ୍‌.ଏ): କୋରାପୁଟ ଜିଲା ଜୟପୁର ଉପଖଣ୍ଡର ୬ଟି ବ୍ଲକ ଏବଂ ଗୋଟିଏ ପୌରାଞ୍ଚଳରେ କାର୍ଯ୍ୟରତ ୫୪ ଅସ୍ଥାୟୀ ବିଏସ୍‌ଏନ୍‌ଏଲ୍‌ କର୍ମଚାରୀ ସୋମବାର କାର୍ଯ୍ୟବନ୍ଦ ଆନ୍ଦୋଳନ କରିଛନ୍ତି।...

ବିଭିନ୍ନ ଦୋକାନରେ ଚଢ଼ାଉ: ୧ କ୍ୱିଣ୍ଟାଲରୁ ଊର୍ଦ୍ଧ୍ୱ ପଲିଥିନ ସାମଗ୍ରୀ ଜବତ, ୩୮,୫୦୦ ଟଙ୍କା ଜରିମାନା ଆଦାୟ

ଜୟପୁର,୬।୧୨(ଡି.ଏନ୍‌.ଏ.) : କୋରାପୁଟ ଜିଲା ଜୟପୁର ସହରର ବିଭିନ୍ନ ଦୋକାନ ଉପରେ ଚଢ଼ାଉ କରାଯାଇଛି। ଏହି ଚଢ଼ାଉରେ ୧ କ୍ୱିଣ୍ଟାଲ ୯୫ କିଲୋଗ୍ରାମ ପଲିଥିନ ସାମଗ୍ରୀ...

ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର

କୋରାପୁଟ,୨୫।୧୧(ସ୍ବ.ପ୍ର.): କୋରାପୁଟ ଟାଉନ ଥାନା ଅନ୍ତର୍ଗତ କେଚଲା ନଦୀ ପାର୍ଶ୍ୱରେ ଜଣେ ଅଜଣା ବ୍ୟକ୍ତିଙ୍କ ମୃତଦେହ ସୋମବାର ପୋଲିସ ଉଦ୍ଧାର କରିଛି। ମୃତକଙ୍କ ବୟସ ୩୦ରୁ...

Leave a comment

Your email address will not be published. Required fields are marked *