ରସୁଲପୁର ତହସିଲ: ଲିଜ୍‌ଧାରୀଙ୍କୁ ସୁରକ୍ଷା ଦେବାରେ ପ୍ରଶାସନ ବିଫଳ

ରସୁଲପୁର,୧୩।୩(ଡି.ଏନ୍‌.ଏ.): ରସୁଲପୁର ତହସିଲ ଅଧୀନରେ ବେଆଇନ ବାଲି ମାଫିଆଙ୍କ ପାଦ୍ରୁର୍ଭାବ ଦିନକୁ ଦିନ ବଢିବାରେ ଲାଗିଛି। ମାଫିଆମାନେ ନିଲାମ ବାଲି ଘାଟକୁ ବନ୍ଦ କରିବାକୁ ମହିଳାଙ୍କୁ ଢାଲ କରୁଥିବାବେଳେ ତେଣେ ଲିଜ୍‌ଧାରୀଙ୍କୁ ସୁରକ୍ଷା ଦେବାରେ ପ୍ରଶାସନ ବିଫଳ ହେଉଛି। ଯାହାଫଳରେ ସରକାରଙ୍କୁ ଲକ୍ଷାଧିକ ଟଙ୍କା ଟିକସ ଦେଇ ମଧ୍ୟ ନିଲାମଧାରୀମାନେ ବାଲି ଉଠାଇ ପାରୁ ନାହାନ୍ତି। ଏଭଳିସ୍ଥିତିରେ ପ୍ରଶାସନ ବିରୋଧରେ ଲିଜ୍‌ଧାରୀମାନେ କୋର୍ଟଙ୍କ ଆଶ୍ରୟ ନେବାକୁ ପ୍ରସ୍ତୁତ ହେଉଥିବାବେଳେ ଅନେକ ସମୟରେ କାର୍ଯ୍ୟାନୁଷ୍ଠାନ ଗ୍ରହଣ କରିବାବେଳକୁ ପ୍ରଶାସନିକ ଅଧିକାରୀ ବିରୋଧର ଶିକାର ହେଉଛନ୍ତି।
ମିଳିଥିବା ସୂଚନା ଅନୁସାରେ ବାଲି ମାଫିଆମାନେ ସ୍ଥାନୀୟ ଅଞ୍ଚଳର ମହିଳାଙ୍କୁ ଢାଲକରି ପ୍ରଶାସନିକ କାର୍ଯ୍ୟରେ ବାଧା ସୃଷ୍ଟି କରୁଛନ୍ତି। ଯାହାକି ଜାବରା ପଞ୍ଚାୟତ ନିକଟସ୍ଥ ବ୍ରାହ୍ମଣୀ ନଦୀର ଲିଜ୍‌ ଘାଟରୁ ବାଲି ଉଠାଣକୁ ସ୍ଥାନୀୟ ଜନସାଧାରଣ ବିରୋଧ ଘଟଣାରୁ ସ୍ପଷ୍ଟ ହୋଇଯାଇଛି। ଏଠାରେ ବେଆଇନ ବାଲି ଚାଲାଣ ବନ୍ଦ କରାଯିବାରୁ ପରିସ୍ଥିତି ଅଣାୟତ୍ତ ହୋଇଛି। ଶନିବାର ପ୍ରଶାସନିକ ଅଧିକାରୀମାନେ ଆଇନଗତ ପଦକ୍ଷେପ ନେବାକୁ ଯାଇ ହଟହଟା ହେବା ଘଟଣା ସମଗ୍ର ତହସିଲ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି। ଏହି ତହସିଲ ଅଞ୍ଚଳରେ ୭ଟି ନିଲାମ ବାଲିଘାଟ ରହିଛି। ସେଥି ମଧ୍ୟରୁ ଜାବରା ବାଲିଘାଟ ଅନ୍ୟତମ। ଏହି ଘାଟକୁ ନେଇ ଲିଜ୍‌ଧାରୀ ଓ ବେଆଇନ ବାଲି ମାଫିଆଙ୍କ ମଧ୍ୟରେ ଛକାପଞ୍ଚା ଲାଗି ରହିଛି। ଦୁଇ ଗୋଷ୍ଠୀ ମଧ୍ୟରେ ସୃଷ୍ଟ ବିବାଦ ମଝିରେ ରସୁଲପୁର ତହସିଲ ଓ କୁଆଖିଆ ଥାନା ପୋଲିସ ପ୍ରଶାସନ ଛନ୍ଦି ହୋଇଯାଇଛି। ଦୀର୍ଘବର୍ଷ ଧରି ଏଠିକାର ନିଲାମ ବାଲିଘାଟ ମାମଲା କୋର୍ଟରେ ବିଚାରାଧୀନ ଥିଲା। ଏହି ମୌକାରେ ଜାବରା, ବରକୋଳି ପାଟଣା, କଣ୍ଠିଆକଣ ଆଦି ଗ୍ରାମ ନିକଟସ୍ଥ ବ୍ରାହ୍ମଣୀ ନଦୀର ବେଆଇନ ବାଲି ଘାଟରୁ ଶହ ଶହ ଟ୍ରିପ ବାଲି ଚାଲାଣ ହେଉଥିଲା। କୋର୍ଟଙ୍କ ଅବରୋଧ ହଟିବା ପରେ ତହସିଲ ପ୍ରଶାସନ ପକ୍ଷରୁ ବାଲିଘାଟକୁ ଲିଜ୍‌ ଦିଆଯାଇଥିଲା। ଏହି ଅଞ୍ଚଳରେ ବେଆଇନ ବାଲିଘାଟ ପ୍ରଭାବିତ ହୋଇଥିଲା। ଉକ୍ତ ବେଆଇନ ବାଲି ପରିବହନରୁ ଲାଭ ଉଠାଉଥିବା ବ୍ୟକ୍ତିମାନେ ଆଇନଗତ ବାଲି ପରିବହନକୁ ବନ୍ଦ କରିବା ପାଇଁ ନାନା ପନ୍ଥା ଆପଣେଇ ଥିଲେ। ବାଲିଘାଟରେ ମେଶିନ ସହାୟତାରେ ବାଲି ଉତ୍ତୋଳନ ହେବା ସହ ହାଇୱାରେ ବାଲି ପରିବହନ ହେବାରୁ ବିରୋଧ ଆରମ୍ଭ ହୋଇଥିଲା। ବିଶେଷକରି ସୀମା ବାହାରୁ ବାଲି ଉଠାଇବା, ନିର୍ମାଣ ପୋଲ ନିକଟରୁ ବାଲି ଉଠାଇବା, ପୋଲପ୍ରତି ବିପଦ ସୃଷ୍ଟି କରିବା, ବାଲି ଉତ୍ତୋଳନ କ୍ଷେତ୍ରକୁ ମାପଚୁପ କରିବା ଭଳି ନାନା ଦାବି କରି ଲିଜ୍‌ଧାରୀମାନେ ଆନ୍ଦୋଳନ କରିଆସୁଥିଲେ। ଏହାକୁ ନେଇ ଉଭୟ ଗୋଷ୍ଠୀ ମୁହାଁମୁହିଁ ହେବା ସହ ଅନେକ ଥର ମାମଲା ଥାନାରେ ବି ପହଞ୍ଚତ୍ଥିଲା। ଏପରି କି ବିରୋଧୀମାନେ ଶେଷଥର ନିଲାମ ବାଲିଘାଟ ମାପଚୁପ୍‌ କରିବାକୁ ଜିଦ୍‌ କରି ବାଲି ଉତ୍ତୋଳନକୁ ବନ୍ଦ କରିଥିଲେ। ଏହାକୁ ନେଇ ଉଭୟ ଗୋଷ୍ଠୀ ମଧ୍ୟରେ ଗଣ୍ଡଗୋଳ ଉପୁଜିଥିଲା। ଏହି ଘଟଣା ସମ୍ପର୍କରେ ଥାନାରେ ଦୁଇଟି ଅଭିଯୋଗ ହୋଇଥିଲା। ଅଭିଯୋଗ ଆଧାରରେ ପୋଲିସ ଉଭୟ ପକ୍ଷଙ୍କୁ ଡାକି ଆଲୋଚନା କରିବା ସହ ଲିଜ୍‌ ଘାଟର ମାପଚୁପ୍‌ କରିବା ପାଇଁ ଆପୋଷ ଭାବରେ ସ୍ଥିର ହୋଇଥିଲା। ନିଷ୍ପତ୍ତି ମୁତାବକ ମାର୍ଚ୍ଚ ୭ତାରିଖରେ ତହସିଲଦାର ଜ୍ୟୋତିକାନ୍ତ ଭୂଜବଳ ଓ କୁଆଖିଆ ଥାନା ଅଧିକାରୀ ମନୋଜ କୁମାର ସ୍ବାଇଁଙ୍କ ନେତୃତ୍ୱରେ ତହସିଲ ପ୍ରଶାସନ ଓ ପୋଲିସ ବାହିନୀକୁ ନେଇ ବାଲି ଘାଟ ମାପଚୁପ୍‌ କରିବା ପାଇଁ ନିଲାମ ଘାଟ ନିକଟରେ ପହଁଚି ଥିଲେ। ମାତ୍ର ବିରୋଧୀ ଗୋଷ୍ଠୀ ସ୍ବର ବଦଳାଇବା ସହ ନିଲାମ ଘାଟକୁ ବାତିଲ କରିବା ଦାବି କରି ପ୍ରଶାସନ ଅଧିକାରୀଙ୍କୁ ମାପଚୁପ୍‌ କରାଇ ଦେଇ ନ ଥିଲେ। ଏହାକୁ ନେଇ ସ୍ଥାନୀୟ ଅଞ୍ଚଳର ଜନସାଧାରଣ ଓ ପ୍ରଶାସନିକ ଅଧିକାରୀଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ଉପୁଜିଥିଲା। ଯାହାଫଳରେ ମାପଚୁପ୍‌କୁ ଅଧାରୁ ବନ୍ଦକରି ପ୍ରଶାସନିକ ଅଧିକାରୀମାନେ ଫେରି ଆସିଥିଲେ। ସେହି ଦିନରୁ ଆଇନଗତ ବାଲି ଘାଟରୁ ବାଲି ପରିବହନ ବନ୍ଦ ରହିଛି। ଉକ୍ତ ଘଟଣାକୁ ନେଇ ଲିଜ୍‌୍‌ଧାରୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ପ୍ରଶାସନିକ ଅଧିକାରୀଙ୍କ ପକ୍ଷରୁ ନିଲାମ ଘାଟ ପରିଚାଳନା କରିବାରେ ସହଯୋଗ ମିଳୁ ନ ଥିବାରୁ ଆଇନର ସହାୟତା ନେବାକୁ ଲିଜଧାରୀ ସଜବାଜ ହେଉଥିବାର ସୂଚନା ମିଳୁଛି। ତେଣେ ଏହି ଘଟଣା ପରେ ପ୍ରଶାସନିକ ଅଧିକାରୀଙ୍କ ପକ୍ଷରୁ ଅସମ୍ଭବ ନୀରବତା ଉଭୟ ଗୋଷ୍ଠୀଙ୍କୁ ଦ୍ୱନ୍ଦ୍ୱରେ ପକାଇଛି। ଏନେଇ ରସୁଲପୁର ତହସିଲଦାର ଭୂଜବଳଙ୍କୁ ପଚାରିବାରୁ ସେ ଏହି ଘଟଣାକୁ ଗୁରୁତର ସହ ନେଇଛନ୍ତି। ଏବେ ସେ ଦୁଇଟି ତହସିଲ ଦାୟିତ୍ୱରେ ଅଛନ୍ତି ା ଏନେଇ ସମୟ ବାହାର କରି ଥାନା ଅଧିକାରୀ ସ୍ବାଇଁଙ୍କ ସହ ଆଲୋଚନା କରିବା ପରେ ଯାହାକିଛି ପଦକ୍ଷେପ ନେବେ ବୋଲି ପ୍ରକାଶ କରିଛନ୍ତି। ପ୍ରକାଶ ଥାଉ କି, ଏହି ତହସିଲ ଅଧୀନସ୍ଥ ରାଜେନ୍ଦ୍ରପୁର ପଞ୍ଚାୟତ କରଜଙ୍ଗା ଗ୍ରାମ ନିକଟସ୍ଥ ବ୍ରାହ୍ମଣୀ ନଦୀର ରଣେଶ୍ୱର ଘାଟରୁ ନିଲାମଧାରୀ କୈଳାସ ସାହୁ ଲିଜ୍‌ ନେଇଛନ୍ତି। ଏହି ଘାଟରୁ ଅଳ୍ପ କେତେ ଦୂରରେ ଆଉ ଏକ ବେଆଇନ ବାଲିଘାଟ ଚାଲୁଛି। ସେଠାରୁ ଏବେ ବି ଶହ ଶହ ଟ୍ରିପ୍‌ ବାଲି ପରିବହନ ହେଉଛି। ମାତ୍ର ପ୍ରଶାସନିକ ଅଧିକାରୀଙ୍କ ଟାଳଟୁଳ ନୀତି ଯୋଗୁଁ ନିଲାମ ଘାଟଟି ଏବେ ବି ବନ୍ଦ ରହିଥିବା ଜଣାଯାଇଛି ା


All Right Reserved By Dharitri.Com

ଅହମଦାବାଦରେ ୩ ଓଡ଼ିଆ ଶ୍ରମିକ ପୋଡ଼ିହୋଇ ମୃତ୍ୟୁ ଘଟଣା: ପରିବାର ନିକଟରେ ପହଞ୍ଚିଲା ଜିଲା ପ୍ରଶାସନ

ରସୁଲପୁର,୨୩।୨(ଡି.ଏନ୍‌.ଏ.): ଗୁଜରାଟ ଅହମଦାବାଦର ଏକ କପଡ଼ା ଲେବଲ ପ୍ରସ୍ତୁତି କାରଖାନାରେ ଶନିବାର ଅପରାହ୍ନରେ ଅଗ୍ନିକାଣ୍ଡ ଘଟି ୩ଜଣ ଓଡ଼ିଆ ଶ୍ରମିକଙ୍କ ମୃତ୍ୟୁ ଘଟିଥିଲା। ସେମାନେ ହେଲେ...

ଭିଡ଼ିଓ କନଫେରେନ୍ସିଂରେ ସରପଞ୍ଚଙ୍କ ସହିତ କଥାହେଲେ ମୁଖ୍ୟମନ୍ତ୍ରୀ

ବରଗଡ଼ ଅଫିସ୍‌,୨୨।୪: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବୁଧବାର ସରପଞ୍ଚମାନଙ୍କ ସହିତ ଭିଡ଼ିଓ କନଫେରେନ୍ସିଂ ଜରିଆରେ କଥାବାର୍ତ୍ତା କରି ବିଭିନ୍ନ ପରାମର୍ଶ ଦେଇଛନ୍ତି। ଲକ୍‌ ଡାଉନ କଟକଣା...

କୋଇଲା ଉତ୍ତୋଳନ ପରେ ହେଉନି ବାଲି ଫିଲିଂ

ତାଳଚେର,୨୦ା୮(ନି.ପ୍ର.)ତାଳଚେରସ୍ଥିତ ଏମ୍‌ସିଏଲର ଥିବା କୋଇଲା ଖଣିଗୁଡିକରୁ କୋଇଲା ଉତ୍ତୋଳନ ପରେ ସେଠାରେ ଠିକ୍‌ ପରିମାଣର ବାଲି ଫିଲିଂ କରାଯାଉ ନାହିଁ। ଏ ନେଇ ତାଳଚେର ଭୂଗର୍ଭ...

ଦିଲ୍ଲୀ ହିଂସା ପାଇଁ ଶାହାଙ୍କୁ ଦାୟୀ କଲା ପିସିସି: କୁଶପୁତ୍ତଳିକା ଦାହ, ଇସ୍ତଫା ଦାବି

ଭୁବନେଶ୍ୱର, ୨୮।୨(ବ୍ୟୁରୋ): କେନ୍ଦ୍ର ଗୃହମନ୍ତ୍ରୀ ଅମିତ୍‌ ଶାହା ଶୁକ୍ରବାର ୨ ଦିନିଆ ଓଡ଼ିଶା ଗସ୍ତରେ ଆସିଛନ୍ତି। ତାଙ୍କର ଏହି ଗସ୍ତକୁ ବିରୋଧକରି ପ୍ରଦେଶ କଂଗ୍ରେସ କମିଟି(ପିସିସି)ର...

ତେଲଙ୍ଗାନାରେ ଫସିଛନ୍ତି ୧୫ରୁ ଊର୍ଦ୍ଧ୍ୱ ଶ୍ରମିକ

ବାଲେଶ୍ୱର ଅଫିସ,୨।୫: ବାଲେଶ୍ୱର ଜିଲା ଗୋପାଳପୁର ଅଞ୍ଚଳର ୧୫ରୁ ଊର୍ଦ୍ଧ୍ୱ ଶ୍ରମିକ ଦୁଇବର୍ଷ ଧରି ତେଲଙ୍ଗାନା ରାଜ୍ୟର ମେଡ଼ିଚାଲ ଜିଲା ଅଲାମ୍ପେଟ ପଞ୍ଚାୟତରେ ଥିବା ଶ୍ରୀରାମ...

କନ୍ୟାଶ୍ରମ ଦେଇଛି ସାହାରା

ସୋର,୧୯।୧୨(ଡି.ଏନ.ଏ.)- ବାଲେଶ୍ୱର ଜିଲା ସୋରସ୍ଥିତ ଗାନ୍ଧୀ ପୁରୁବାଇ କନ୍ୟାଶ୍ରମର ଅନ୍ତେବାସୀ ମାହେଶ୍ୱରୀ ରଣା (୧୭) ଚିତ୍ର ମାଧ୍ୟମରେ ସାମାଜିକ ସଚେତନତାର ବାର୍ତ୍ତା ଦେଇ ବେଶ୍‌ ଚର୍ଚ୍ଚାକୁ...

ଜଳକଷ୍ଟ ଭୋଗୁଛନ୍ତି ଗନ୍ଧିଗୁଡ଼ା ଗ୍ରାମବାସୀ

ଚିତ୍ରକୋଣ୍ଡା,୧୩।୩(ଡି.ଏନ.ଏ.) – ଚିତ୍ରକୋଣ୍ଡା ପଞ୍ଚାୟତ ସମିତି ଅନ୍ତର୍ଗତ ପାପରମେଟେଲା ପଞ୍ଚାୟତର ଗନ୍ଧିଗୁଡା ଗ୍ରାମବାସୀ ଜଳକଷ୍ଟ ଭୋଗୁଛନ୍ତି। ଯନ୍ତାପାଇଠାରୁ ୧୫ କିମି ଦୂରରେ ଥିବା ଏହି ଗ୍ରାମରେ...

ଦ୍ୱିତୀୟ ସ୍ପିଲ୍‌ୱେ

ବୃହତ୍‌ ମାଟିବନ୍ଧ ହୀରାକୁଦର ସୁରକ୍ଷା ପାଇଁ ଦ୍ୱିତୀୟ ସ୍ପିଲ୍‌ୱେ ନିର୍ମାଣ କଥା ଉଠିଥିଲା। ୨୦୧୫ ଏପ୍ରିଲରେ ସେଣ୍ଟ୍ରାଲ ୱାଟର କମିଶନ (ସିଡବ୍ଲ୍ୟୁସି) ଓ ୱାଲ୍ଡ ବ୍ୟାଙ୍କର...

Leave a comment

Your email address will not be published. Required fields are marked *