Posted inଖେଳ

ରଣଜୀ ଟ୍ରଫି: ସୌରାଷ୍ଟ୍ର ୪୨୫, ବେଙ୍ଗଲ ୧୩୪/୩

ରାଜକୋଟ, ୧୨।୩- ଏଠାରେ ଚାଲିଥିବା ରଣଜୀ ଟ୍ରଫି ଫାଇନାଲର ତୃତୀୟ ଦିବସ ଖେଳ ବୁଧବାର ଶେଷ ହୋଇଛି। ଅର୍ପିତ ବାସବଦାଙ୍କ ଶତକ ସହାୟତାରେ ସୌରାଷ୍ଟ୍ର ୪୨୫ ରନ କରିଥିବାବେଳେ ତୃତୀୟ ଦିବସ ଷ୍ଟମ୍ପ୍ସ ପ୍ରତ୍ୟାହୃତ ବେଳକୁ ବେଙ୍ଗଲ ୩ ଉଇକେଟ ହରାଇ ୧୩୪ ରନ କରିଛି। ୭ ଉଇକେଟ ସୁରକ୍ଷିତ ଥିବାବେଳେ ବେଙ୍ଗଲ ଆହୁରି ୨୯୧ ରନ ପଛରେ ରହିଛି।
ଅର୍ପିତଙ୍କ ୮ମ ଶତକ
ଟସ୍‌ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିବା ସୌରାଷ୍ଟ୍ର ଟପ୍‌ ଅର୍ଡର ବ୍ୟାଟ୍ସମ୍ୟାନଙ୍କ ଧୈର୍ଯ୍ୟପୂର୍ଣ୍ଣ ପ୍ରଦର୍ଶନ ବଳରେ ବଡ଼ ସ୍କୋର କରିବାକୁ ସକ୍ଷମ ହୋଇଥିଲା। ହାର୍ଭିକ ଦେଶାଇ (୩୮) ଓ ଅଭି ବାରୋଟ(୫୪) ଓପନିଂ ଯୋଡ଼ିରେ ୨୨୭ ବଲ୍‌ରୁ ୮୨ ରନ ସଂଗ୍ରହ କରିଥିଲେ। ବାସବରାଜ ଜାଡେଜା ୯୨ ବଲ୍‌ରୁ ୫୪ ରନ କରିଥିବାବେଳେ ଅର୍ପିତ ୨୮୭ ବଲ୍‌ ଖେଳି କ୍ୟାରିୟରର ୮ମ ପ୍ରଥମଶ୍ରେଣୀ ଶତକ(୧୦୬ ରନ) ହାସଲ କରିଥିଲେ। ମିଡଲ ଅର୍ଡରରେ ଚେତେଶ୍ୱର ପୂଜାରା ୨୩୭ ବଲ୍‌ରୁ ୬୬ ଓ ଶେଷଭାଗରେ ଧର୍ମେନ୍ଦ୍ରସିନ୍‌ ଜାଡେଜା ୩୩ ରନରେ ଅପରାଜିତ ରହିବାରୁ ପାଖାପାଖି ଅଢ଼େଇ ଦିନ ଖେଳି ସୌରାଷ୍ଟ୍ର ପ୍ରଥମ ଇନିଂସରେ ୪୨୫ ରନ ସ୍କୋର କରିଥିଲା। ବେଙ୍ଗଲର ଆକାଶଦୀପ ୪ଟି, ଶାହାବାଜ ଅହମ୍ମଦ ୩ଟି, ମୁକେଶ କୁମାର ୨ଟି ଓ ଈଶାନ ପୋରେଲ ଗୋଟିଏ ଉଇକେଟ ନେଇଥିଲେ।
ରଣଜୀ ଟ୍ରଫି ଟାଇଟଲ ହାସଲ କରିବାକୁ ହେଲେ ବେଙ୍ଗଲକୁ ପ୍ରଥମେ ପ୍ରଥମ ଇନିଂସରେ ସୌରାଷ୍ଟ୍ରଠାରୁ ଅଧିକ ସ୍କୋର କରିବା ଆବଶ୍ୟକ ହେଉଛି। ୩୫ ରନରେ ଦୁଇ ଓପ୍‌ନରଙ୍କୁ ହରାଇ ଦଳ ପ୍ରାରମ୍ଭିକ ବ୍ୟାଟିଂ ବିପର୍ଯ୍ୟୟ ଲାଭ କରିଥିବାବେଳେ ସୁଦୀପ ଚାଟାର୍ଜୀ ଓ ମନୋଜ ତିଓ୍ବାରୀ ୩ୟ ଉଇକେଟ ଯୋଡ଼ିରେ ୮୯ ରନ ଯୋଗକରି କିଛି ସମୟ ସ୍ଥିତି ସମ୍ଭାଳିଥିଲେ। ତେବେ ଦିବସର ଶେଷଭାଗରେ ମନୋଜଙ୍କ ଉଇକେଟ ହରାଇବାରୁ ବେଙ୍ଗଲ ପୁଣି ଆଶଙ୍କା ମଧ୍ୟରେ ରହିଛି। ୧୧୬ଟି ବଲ୍‌ର ସମ୍ମୁଖୀନ ହୋଇଥିବା ମନୋଜ ୩୫ ରନ କରିଥିବାବେଳେ ପ୍ରତିପକ୍ଷ ଚିରାଗ ଜାନିଙ୍କ ବଲ୍‌ରେ ଏଲବିଡବଲ୍ୟୁ ଆଉଟ ହୋଇ ଯାଇଥିଲେ। ତୃତୀୟ ଦିବସ ଷ୍ଟମ୍ପ୍ସ ବେଳକୁ ସୁଦୀପ ୧୪୫ ବଲ୍‌ରୁ ୪୭ ଓ ଅଭିଜ୍ଞ ରିଦ୍ଧିମାନ ଶାହା ୪୩ ବଲ୍‌ରୁ ୪ ରନ କରି ଅପରାଜିତ ଅଛନ୍ତି। ସୌରାଷ୍ଟ୍ରର ଡି. ଜାଡେଜା, ପ୍ରେରକ ମଙ୍ଗଡ ଓ ଚିରାଗ ଜାନି ଗୋଟିଏ ଲେଖାଏ ଉଇକେଟ ପାଇଛନ୍ତି।
ସଂକ୍ଷିପ୍ତ ସ୍କୋର
ସୌରାଷ୍ଟ୍ର ପ୍ରଥମ ଇନିଂସ: ୪୨୫/ଅଲଆଉଟ(ଅର୍ପିତ-୧୦୬, ପୂଜାରା-୬୬, ବାରୋଟ-୫୪, ବାସବରାଜ-୫୪, ଡି. ଜାଡେଜା-୩୩*, ଆକାଶ-୪/୯୮, ଶାହବାଜ ଅହମ୍ମଦ-୩/୧୦୩, ମୁକେଶ-୨/୧୦୩, ପୋରେଲ-୧/୫୧)।
ବେଙ୍ଗଲ ପ୍ରଥମ ଇନିଂସ: ୧୩୪/୩(ସୁଦୀପ ଚାଟାର୍ଜୀ-୪୭, ମନୋଜ-୩୫, ଡି. ଜାଡେଜା-୧/୪୩, ପ୍ରେରକ-୧/୭, ଚିରାଗ-୧/୧୬)।


All Right Reserved By Dharitri.Com

Posted inଖେଳ View All

ନ୍ୟୁଜିଲାଣ୍ଡ ଟୁର୍‌ରୁ ବାଦ୍‌ ପଡିଲେ ଖଲିଲ ଅହମ୍ମଦ

ଖ୍ରିଷ୍ଟଚର୍ଚ୍ଚ, ୨୫ା୧ (ପି.ଟି.)-ଭାରତ ଏ’ କ୍ରିକେଟ ଦଳର ଚଳିତ ନ୍ୟୁଜିଲାଣ୍ଡ ଟୁର୍‌ରୁ ବାମହାତୀ ପେସ୍‌ ବୋଲର ଖଲିଲ ଅହମ୍ମଦ ବାଦ୍‌ ପଡ଼ିଛନ୍ତି। ଜାନୁୟାରୀ ୨୨ରେ ଭାରତ...

ବ୍ୟାଟିଂ ବେଳେ ଫିଲ୍ଡ ସେଟ୍‌ କଲେ ଧୋନୀ

କାର୍ଡିଫ,୨୯ା୫- କ୍ରିକେଟରେ ଏମିତି କିଛି ନାହିଁ, ଯାହା ମହେନ୍ଦ୍ର ସିଂ ଧୋନୀ କରିପାରିବେ ନାହିଁ। ଭେଟେରାନ ଭାରତୀୟ କ୍ରିକେଟର ବିଶ୍ୱର ଶ୍ରେଷ୍ଠ ଉଇକେଟକିପର ନିଜର ଫିନିଶିଂ...

ବ୍ୟକ୍ତିଗତ ଟିପ୍ପଣୀ ଦେଇ ଷ୍ଟୋଇନିସ୍‌ ଦଣ୍ଡିତ

ସିଡନୀ,୫।୧(ଏଏଫ୍‌ପି): ଅଷ୍ଟ୍ରେଲିଆ ତାରକା ଅଲରାଉଣ୍ଡର ମାର୍କସ ଷ୍ଟୋଇନିସ୍‌ ସାଥି ଖେଳାଳିଙ୍କୁ ବ୍ୟକ୍ତିଗତ ଟିପ୍ପଣୀ ଦେଇ ଜରିମାନାର ସମ୍ମୁଖୀନ ହୋଇଛନ୍ତି। ବିଗ୍‌ ବାସ୍‌ ଟି୨୦ ଲିଗ୍‌ରେ ଶନିବାର...

ଚାଇନା ତାରକା ଫୁଟବଲର କରୋନା ଭାଇରସ ଆକ୍ରାନ୍ତ

ସାଙ୍ଘାଇ,୨୧।୩(ପି.ଟି.):  ଚାଇନାର ଜଣାଶୁଣା ଫୁଟବଲ ତାରକା ବୁ ଲେଇ ସ୍ପେନ୍‌ରେ କରୋନା ଭାଇରସ୍‌ ଦ୍ୱାରା ଆକ୍ରାନ୍ତ ହୋଇଛନ୍ତି। ସ୍ପେନ୍‌ର ଇସ୍ପାନ୍ୟୋଲ କ୍ଲବ ତରଫରୁ ଖେଳୁଥିବା ଲେଇଙ୍କ...

ହୋଇପାରିଥାନ୍ତେ ବଡ଼ ଖେଳାଳି, ଆହତ ସମସ୍ୟା ସବୁ ଛଡ଼ାଇନେଲା

ଅନ୍ତର୍ଜାତୀୟ କ୍ରିକେଟରେ ବଡ଼ ଖେଳାଳି ହେବାର ଯୋଗ୍ୟତା ଥିଲା। ହେଲେ ଆହତ ସମସ୍ୟା ପଲ ବାଲଥାଟିଙ୍କଠାରୁ ସବୁ କିଛି ଛଡ଼ାଇନେଲା। ୨୦୧୧ ଆଇପିଏଲରେ ଚେନ୍ନାଇ ସୁପର...

ଅଶ୍ୱିନ, ବୋଥାମଙ୍କୁ ଟପିଲେ ଆଣ୍ଡରସନ

କେପ୍‌ ଟାଉନ, ୬।୧- ଅଭିଜ୍ଞ ଇଂଲଣ୍ଡ ଦ୍ରୁତ ବୋଲର ଜେମ୍ସ ଆଣ୍ଡରସନ ଟେଷ୍ଟରେ ସର୍ବାଧିକ ୫ ଉଇକେଟ୍‌ ସଫଳତା ପାଇବାରେ ସାର୍‌ ଇଆନ ବୋଥାମ ଓ...

ଅଶ୍ୱିନଙ୍କ ଅଲ୍‌ରାଉଣ୍ଡ ପ୍ରଦର୍ଶନ ସତ୍ତ୍ୱେ ନଟ୍ଟିଂହାମ୍‌ଶାୟର ପରାସ୍ତ

ଟ୍ରେଣ୍ଟବ୍ରିଜ, ୧୬।୭- ପ୍ରମୁଖ ଭାରତୀୟ ସ୍ପିନର ରବିଚନ୍ଦ୍ରନ ଅଶ୍ୱିନଙ୍କ ଚମତ୍କାର ଅଲ୍‌ରାଉଣ୍ଡ ପ୍ରଦର୍ଶନ ସତ୍ତ୍ୱେ ଏଠାରେ ଅନୁଷ୍ଠିତ କାଉଣ୍ଟି ଚାମ୍ପିୟନଶିପ୍‌ ଡିଭିଜନ-୧’ର ଏକ ମ୍ୟାଚ୍‌ରେ ନଟ୍ଟିଂହାମଶାୟର...

ଭାଇଙ୍କ ସହ କ୍ରିକେଟ ଅଭ୍ୟାସ ଦେଖିବାକୁ ଷ୍ଟାଡିୟମ ଯାଉଥିଲେ, ଏବେ ଭାରତୀୟ ଦଳରେ ସ୍ଥାନ ପାଇ ହାସଲ କଲେ ଏହି ରେକର୍ଡ

ନୂଆଦିଲ୍ଲୀ: ଟିମ ଇଣ୍ଡିଆ ମହିଳା ଦଳର ଅଲରାଉଣ୍ଡର ଦୀପ୍ତି ଶର୍ମା ପ୍ରଥମ ଭାରତୀୟ କ୍ରିକେଟର ଭାବେ ଟି-୨୦ରେ ରେକର୍ଡ ସୃଷ୍ଟି କରିଛିନ୍ତି। ମଙ୍ଗଳବାର ଭାରତ ଓ...

Leave a comment

Your email address will not be published. Required fields are marked *