ଶିକ୍ଷାରେ ଦକ୍ଷତା

ହରିଶଙ୍କର ମିଶ୍ର
କିଛିଦିନ ପୂର୍ବରୁ ଏଇ ପୃଷ୍ଠାର ସମ୍ପାଦକୀୟ ନକଲି ପ୍ରମାଣପତ୍ରଧାରୀ ଠକ ଶିକ୍ଷକ ସମ୍ବନ୍ଧୀୟ ଥିଲା। ଜାଲିଆତି ଓ ଦୁର୍ନୀତି ଅନେକ ବର୍ଷରୁ ଶିକ୍ଷା ବିଭାଗକୁ କବଳିତ କରିସାରିଛି। ପୂର୍ବର ଶିକ୍ଷାଜିଲା ବା ମଣ୍ଡଳ ସ୍କୁଲ ପରିଦର୍ଶକ ଏବଂ ବର୍ତ୍ତମାନର ଗୋଷ୍ଠୀ ବା ଜିଲା ଶିକ୍ଷାଧିକାରୀ ସମସ୍ତେ ଶିକ୍ଷକ। ତେଣୁ ଗତ ଦୁଇ ଦଶନ୍ଧି ମଧ୍ୟରେ ନିଯୁକ୍ତ ଗୋଷ୍ଠୀ ବା ଜିଲା ଶିକ୍ଷାଧିକାରୀ ସମେତ ପ୍ରତ୍ୟେକ ବର୍ଗର ଶିକ୍ଷକଙ୍କୁ ଯାଞ୍ଚ ପ୍ରକ୍ରିୟାରେ ସାମିଲ କରାଯିବା ଉଚିତ।
ରାଜ୍ୟର ପ୍ରଥମ ମହିଳା ମୁଖ୍ୟମନ୍ତ୍ରୀ ନନ୍ଦିନୀ ଶତପଥୀ ଶିକ୍ଷା ବିଭାଗକୁ ନୂଆ ରୂପ ଦେଇଥିଲେ। ରାଜ୍ୟର ପ୍ରତ୍ୟେକ ନିମ୍ନପ୍ରାଥମିକ ବିଦ୍ୟାଳୟକୁ ଉଚ୍ଚ ପ୍ରାଥମିକ, ଉଚ୍ଚ ପ୍ରାଥମିକକୁ ଉନ୍ନୀତ ମଧ୍ୟ ଇଂରାଜୀ ବିଦ୍ୟାଳୟ କରାଇଥିଲେ। ସମସ୍ତ ସାହାଯ୍ୟପ୍ରାପ୍ତ ବିଦ୍ୟାଳୟକୁ ପୂର୍ଣ୍ଣ ଅନୁଦାନପ୍ରାପ୍ତ, ଛାତ୍ରୀ ଓ ଅନେକ ବର୍ଗର ଛାତ୍ରଙ୍କୁ ଦରମା ଛାଡ ଏବଂ ଅବିଭକ୍ତ ପୁରୀ ଜିଲାର ଶିକ୍ଷକମାନଙ୍କୁ ଡାକଘର ଜମାଖାତା ମାଧ୍ୟମରେ ପ୍ରତ୍ୟକ୍ଷ ଦରମା ପ୍ରଦାନ କରାଇଥିଲେ। ପରେ କିଛି ଶିକ୍ଷା ବେପାରୀଙ୍କ ଦ୍ୱାରା ସ୍କୁଲ ସୃଷ୍ଟି ହେଲା। ଦୃଢ ଦାପ୍ତରିକ ସହଯୋଗ ହେତୁ ଅନୁଦାନ ପ୍ରାପ୍ତି ସତ୍ତ୍ୱେ କିଛି ବିଦ୍ୟାଳୟର ସ୍ଥିତି ମଧ୍ୟ ନ ଥିଲା। ପରିଚାଳନା କମିଟି ଦ୍ୱାରା ଶିକ୍ଷକ ନିଯୁକ୍ତିରେ ଦକ୍ଷତା ଅପେକ୍ଷା ଆନୁଗତ୍ୟକୁ ଗୁରୁତ୍ୱ ଦିଆଯାଉଥିଲା। ଏମାନଙ୍କର ସର୍ବଦା ଆନ୍ଦୋଳନ ଯୋଗୁ ବିଜୁବାବୁ ତାଙ୍କ ମୁଖ୍ୟମନ୍ତ୍ରିତ୍ୱ କାଳରେ ଏମାନଙ୍କୁ ସରକାରୀ ଶିକ୍ଷକ ଘୋଷଣା କରିଦେଲେ। ଧୁଆ ଓ ଅଧୁଆ ମୂଳା ସମାନ ହୋଇଗଲେ।
ନବେ ଦଶନ୍ଧିରେ ଉପକୂଳ ଜିଲାମାନଙ୍କରେ ଶତାଧିକ ଘରୋଇ ହାଇସ୍କୁଲରେ ସିଟି ସ୍କୁଲ ଖୋଲିଗଲା। ଏଥିପାଇଁ ସରକାରୀ ସ୍ବୀକୃତି ଥିବାରୁ ଉଚ୍ଚ ନ୍ୟାୟାଳୟ ଗୋଟିଏ ବର୍ଷ ପରୀକ୍ଷା ପାଇଁ ଅନୁମତି ଦେଲେ। ପ୍ରାୟୋଜିତ କେନ୍ଦ୍ରରେ ପରୀକ୍ଷା ଯୋଗୁ ସମସ୍ତେ ଉତ୍ତୀର୍ଣ୍ଣ ହୋଇଗଲେ।
ସେଇ ଦଶନ୍ଧିରେ ଗୋଟିଏ ନିର୍ଦ୍ଦେଶନାମାର ସୁଯୋଗ ନେଇ ସାହାଯ୍ୟପ୍ରାପ୍ତ ହାଇସ୍କୁଲରେ ବିଜ୍ଞାନାଗାର ନ ଥାଇ ସହାୟକ ଓ ଦପ୍ତରୀ ପଦବୀ ସହ ମିଥ୍ୟା ଛାତ୍ରସଂଖ୍ୟାରେ ଅତିରିକ୍ତ ଶିକ୍ଷକ ନିଯୁକ୍ତି କରାଗଲା। ପ୍ରଥମେ କାଗଜପତ୍ରରେ ଏହାକୁ ଦୃଢ କରାଯାଇ ଉଚ୍ଚ ନ୍ୟାୟାଳୟଙ୍କ ଆଶ୍ରୟ ନିଆଗଲା। ନ୍ୟାୟାଳୟ ତତ୍କାଳୀନ ମଣ୍ଡଳ ଶିକ୍ଷାଧିକାରୀଙ୍କୁ ଏହାର ତର୍ଜମା ଓ ଫଏସଲା ଦାୟିତ୍ୱ ଦେଲେ। ହଜାର ହଜାର ପଦବୀକୁ ନିୟମିତ କରାଯାଇ ଲକ୍ଷ ଲକ୍ଷ ଟଙ୍କା ବକେୟା ବେତନ ଦିଆଗଲା।
ପୁରୀରେ ସଂସ୍କୃତ ବିଶ୍ୱବିଦ୍ୟାଳୟ ପ୍ରତିଷ୍ଠା ଓ ମଧ୍ୟମାକୁ ମାଟ୍ରିକର ମାନ୍ୟତା ଯୋଗୁ ହଜାର ସଂଖ୍ୟାରେ ସଂସ୍କୃତ ଟୋଲ ଉପକୂଳ ଜିଲାରେ ଖୋଲିଗଲା। ଅସତ୍‌ ଉପାୟକୁ ପ୍ରୋତ୍ସାହନ ଏବଂ କର୍ତ୍ତୃପକ୍ଷଙ୍କ ପ୍ରୋତ୍ସାହନରେ ପାଶ୍‌ ହାର ବୃଦ୍ଧି ସରକାରଙ୍କୁ ଚିନ୍ତାଗ୍ରସ୍ତ କରାଇଲା। ଏହି ପରୀକ୍ଷା ମାଧ୍ୟମିକ ଶିକ୍ଷା ବୋର୍ଡକୁ ହସ୍ତାନ୍ତର ହେବାରେ ୯୦ ଶତାଂଶ ଟୋଲ ନିଶ୍ଚିହ୍ନ ହୋଇଗଲା। କିଛି ଟୋଲ ମାଧ୍ୟମରେ ପାସ୍‌ କରିଥିବା ପିଲାଙ୍କ ପ୍ରମାଣପତ୍ର ନେବାକୁ ଟୋଲ ନ ଥିବାରୁ ଜିଲାର ଗୋଟିଏ ଟୋଲରେ ଜିଲାପାଳଙ୍କ ହେପାଜତରେ ରଖାଗଲା। ଚିହ୍ନ ନ ଥିବା ଟୋଲ କିନ୍ତୁ ସରକାରୀ ସ୍ବୀକୃତି ପାଇଥିଲା। ଅବିଭକ୍ତ କୋରାପୁଟ ଜିଲାରୁ ପ୍ରାଥମିକ ଶିକ୍ଷକଙ୍କର ଉପକୂଳ ଜିଲାକୁ ନବେ ଦଶନ୍ଧିରେ ଏତେ ସଂଖ୍ୟାରେ ବଦଳି ଆଦେଶ ଆସିଲା ଯେ ତଦନ୍ତରେ ଅର୍ଦ୍ଧାଧିକ ନକଲି ଥିବା ବେଳେ ସମ୍ପୃକ୍ତ ଶିକ୍ଷକ ପୂର୍ବ ସ୍କୁଲର ଭୌଗୋଳିକ ସ୍ଥିତି ମଧ୍ୟ ଜାଣି ନ ଥିଲେ। ଏଥିପାଇଁ ଆନ୍ତଃଜିଲା ଶିକ୍ଷକଙ୍କ ବଦଳି ପାଇଁ ଉଚ୍ଚକ୍ଷମତା କମିଟି ଗଠିତ ହେଲା।
ରାଜ୍ୟସାରା ବଢିଚାଲିଛି ବାହାର ରାଜ୍ୟର ପ୍ରମାଣପତ୍ର। ପୁରୀରେ ନକଲି ହିନ୍ଦୀ ପ୍ରସାର ସମିତିର ପର୍ଦ୍ଦାଫାଶ ପରେ ଏବେ ବାହାର ରାଜ୍ୟରୁ ହିନ୍ଦୀ ପରୀକ୍ଷା ପ୍ରମାଣପତ୍ର ମିଳୁଛି। ବି.ଏଡ୍‌. ପ୍ରମାଣପତ୍ର ସଂଖ୍ୟା ସର୍ବାଧିକ ହେଲେ ବି ସମ୍ପୃକ୍ତ ଛାତ୍ରୀଛାତ୍ର ନିଜ ଅନୁଷ୍ଠାନର ଭୌଗୋଳିକ ସ୍ଥିତି ବା ଯାତାୟାତ ମାର୍ଗ ଜାଣି ନ ଥିବା ତଦନ୍ତରୁ ସ୍ପଷ୍ଟ ହେବ। ଏମାନଙ୍କର ଦକ୍ଷତା ଓଟିଇଟି ପରୀକ୍ଷାର ପନ୍ଦର ଶତାଂଶ ସଫଳତାରୁ ସ୍ପଷ୍ଟ ହେଉଛି।
ଜଣେ ଦକ୍ଷ ଶିକ୍ଷକ ହିଁ ସୁଶିକ୍ଷିତ ଛାତ୍ର ସୃଷ୍ଟିକରେ, ଯାହାକି ଆନୁଗତ୍ୟ, ଆନ୍ଦୋଳନ, ଦାପ୍ତରିକ ଅନୀତି, ରାଜନୈତିକ ଛତ୍ର, ନ୍ୟାୟାଳୟ ବା ଅର୍ଥ ବିନିମୟରେ ପ୍ରମାଣପତ୍ରରେ ନିଯୁକ୍ତ ଶିକ୍ଷକଙ୍କ ଦ୍ୱାରା ସମ୍ଭବ ନୁହେଁ। ଏକରୁ ପଚିଶ ପର୍ଯ୍ୟନ୍ତ ଅନର୍ଗଳ ପଣିକିଆ କହିବାରେ ଅନେକ ଗୁରୁ ଅସମର୍ଥ ହେଲେ ତାଙ୍କ ଛାତ୍ର ନବମ ଶ୍ରେଣୀରେ ଶୁଦ୍ଧ ବାକ୍ୟ ଲେଖିବେ କିପରି ଏବଂ ଶିକ୍ଷାରେ ଦକ୍ଷତା ଆସିବ କିପରି?
୧୧୩, ଗୁଣ୍ଡିଚାବିହାର, ସର୍ବୋଦୟନଗର, ପୁରୀ, ମୋ-୭୯୭୮୭୮୫୪୭୮


All Right Reserved By Dharitri.Com

ବିଦ୍ୟାଳୟ ଶିକ୍ଷାରେ ଗୁଣାତ୍ମକ ମାନ : ଏକ ସମୀକ୍ଷା

ଡ. ଗୋବିନ୍ଦ ବେହେରା ଗତ କିଛିମାସ ତଳେ ନୀତି ଆୟୋଗ ପକ୍ଷରୁ ବିଦ୍ୟାଳୟ ଶିକ୍ଷାର ମାନ ପରିମାପର ସୂଚକ ଛାତ୍ର-ଶିକ୍ଷକ, ଉପସ୍ଥାନ, ପ୍ରଶାସନିକ ସୁବିଧା, ତାଲିମ,...

ସଭିଏଁ ହୋଇ ଏକମୁଖ

ଶ୍ରୀ ସନ୍ନ୍ୟାସୀ ପୂର୍ବରୁ ମୁଖ୍ୟମନ୍ତ୍ରୀ ଓଡ଼ିଶା ପାଇଁ ୭ ଦିନିଆ ଲକ୍‌ଡାଉନ୍‌ ଘୋଷଣା କରିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମଗ୍ର ଦେଶରେ ଏହାକୁ ୨୧...

ସମ୍ପାଦକୀୟ/ ସେଠି ଯାହା, ଏଠି ତାହା

ଦିଲ୍ଲୀର ଅନାଜ ମଣ୍ଡିରେ ୮ ଡିସେମ୍ବର ଭୋର ସମୟରେ ଭୟାବହ ଅଗ୍ନିକାଣ୍ଡ ଘଟିବାରୁ ୪୩ ଜଣ ଲୋକଙ୍କ ମୃତ୍ୟୁ ଘଟିଥିବା ବେଳେ ୧୬ ଜଣ ଡାକ୍ତରଖାନାରେ...

ଏଇ ଭାରତରେ

ଦୁଇ ମହିଳାଙ୍କୁ ପସନ୍ଦ ଆସିଲା ଗୋଟିଏ ପୋଷାକ। ତାହାକୁ କିିଣିବା ପାଇଁ ଉଭୟେ ଚପଲରେ ପିଟାପିଟି ହେବା ଘଟଣା ଚର୍ଚ୍ଚାର ବିଷୟ ହୋଇଛି। ଝିମିଟି ଖେଳରୁ...

ଦୁଇଟି ଉଦ୍ଭାବନର ଅନ୍ତ

ଇଂ. ମାୟାଧର ସ୍ବାଇଁ ସଭ୍ୟତାର ବିକାଶରେ ସହାୟକ ହୋଇଥିବା କେତୋଟି ପ୍ରଭାବଶାଳୀ ଉଦ୍ଭାବନ ମଧ୍ୟରୁ ଦୁଇଟିର ବ୍ୟବହାର ବନ୍ଦ ହେବାକୁ ଯାଉଛି। ଗୋଟିଏ ହେଉଛି ତାପଦୀପ୍ତ...

ପୁନର୍ଜନ୍ମ ଓ ପ୍ରାଣୀ ନିର୍ଯାତନା

ମାନେକା ଗାନ୍ଧୀ ଡ. ମ୍ୟାକ୍ସିମିୟାନି ପୋର୍ଟାସ୍‌(ସାବିତ୍ରୀ ଦେବୀ) ଓ୍ବାଲର୍‌ଡ ରିଲିଜିଅନ ଉପରେ ଗବେଷଣା କରିଥିଲେ। ୧୯୦୫ରେ ତାଙ୍କର ଜନ୍ମ। ତାଙ୍କ ବାପା ଥିଲେ ଜଣେ ଗ୍ରୀକ୍‌...

କ୍ୱାରାଣ୍ଟାଇନକୁ ଲୁଚିଲେ ବାବୁ

ଦିଲ୍ଲୀକା ବାବୁ ଦିଲୀପ ଚେରିଏନ୍‌ ଅନେକ ବାବୁ ଭାବନ୍ତି ଯେ,ନିୟମ ସେମାନଙ୍କ ପାଇଁ ନୁହେଁ , ତାହା କେବଳ ଅନ୍ୟମାନଙ୍କ ପାଇଁ କରାଯାଇଛି । କେରଳରେ...

ଭବିଷ୍ୟତର ପୂର୍ବାନୁମାନ

ଆକାର ପଟେଲ ଭବିଷ୍ୟତ ସମ୍ବନ୍ଧରେ ପୂର୍ବାନୁମାନ କରିବା ସବୁବେଳେ କଷ୍ଟକର ବୋଲି କୁହାଯାଏ। କିନ୍ତୁ ପରିବର୍ତ୍ତନର ହାର ସମ୍ବନ୍ଧରେ ପୂର୍ବାନୁମାନ କରିବାର ଗୋଟିଏ ଉପାୟ ଅଛି।...

Leave a comment

Your email address will not be published. Required fields are marked *