ବ୍ଲକ ଅଧ୍ୟକ୍ଷଙ୍କୁ ନେଇ ତେଜୁଛି ନାଉଗଁ। ରାଜନୀତି

ଜଗତ୍‌ସିଂହପୁର ଅଫିସ,୮ା୬: ଜଗତ୍‌ସିଂହପୁର ଜିଲା ନାଉଗଁ। ବ୍ଲକ ଅଧ୍ୟକ୍ଷ ଜଗନ୍ନାଥ ଦାସଙ୍କୁ ନେଇ ଏବେ ଏକ ପ୍ରକାର ରାଜନୈତିକ ଉଷ୍ମତା ପ୍ରକାଶ ପାଇଛି। ଜଗନ୍ନାଥ କଂଗ୍ରେସ ସମର୍ଥନରେ ବ୍ଲକ ଅଧ୍ୟକ୍ଷ ହୋଇଥିବାବେଳେ ଏବେ ତାଙ୍କ କାର୍ଯ୍ୟଧାରା ଉଭୟ କଂଗ୍ରେସ ଓ ବିଜେଡି ଶିବିରରେ ଆଲୋଡ଼ନ ସୃଷ୍ଟି କରିଛି। ତାଙ୍କୁ ସମର୍ଥନ କରି ବ୍ଲକ ଅଧ୍ୟକ୍ଷ କରିବା କଂଗ୍ରେସ ପାଇଁ ଏବେ ବୁମେରାଂ ହୋଇଥିବାବେଳେ ସେପଟେ ବିଜେଡିରେ ଗୋଷ୍ଠୀ କନ୍ଦଳ ଦେଖାଦେଲାଣି। ଏଭଳି ଏକ ଜଟିଳ ରାଜନୈତିକ ପରିସ୍ଥିତିକୁ ନେଇ ଚର୍ଚ୍ଚା ଜୋର ଧରିଛି।
ସୂଚନା ଅନୁଯାୟୀ, ନାଉଗାଁ ବ୍ଲକରେ ୧୬ ପଞ୍ଚାୟତ ରହିଛି। ଗତ ପଞ୍ଚାୟତ ନିର୍ବାଚନରେ କୋରୁଅ, ଓଷକଣା, ତିରୁଣା, ନାଉଗାଁ, ଅଲଣା, ଘୋଡାଂଶ, ଗଜରାଜପୁର, ବଛାଳୋ ଆଦି ୮ ପଞ୍ଚାୟତରେ ବିଜେଡି ସମର୍ଥିତ ୮ ସମିତି ସଭ୍ୟ ବିଜୟୀ ହୋଇଥିଲେ। ସେହିପରି ବାଂଶ, ଡାବର, ଶିଖର, ରୋହିଆ ଓ ନୂଆଗାଁ ଆଦି ୬ ପଞ୍ଚାୟତରେ କଂଗ୍ରେସ ସମର୍ଥିତ ସମିତି ସଭ୍ୟ ବିଜୟୀ ହୋଇଥିବାବେଳେ ଜାମୁଗଁ।ରେ ଭାଜପା ସମର୍ଥିତ ଓ ଗଳଧାରୀରେ ସ୍ବାଧୀନ ପ୍ରାର୍ଥୀ ବିଜୟୀ ହୋଇଥିଲେ। ତେଣୁ ବ୍ଲକ ଅଧ୍ୟକ୍ଷ ପଦବୀକୁ ନେଇ ବିଜେଡିରେ ଟଣାଓଟରା ଚାଲିଥିଲା। ନାଉଗାଁ ସମିତି ସଭ୍ୟ ଭାବେ ଜିତିଥିବା ଜଗନ୍ନାଥ ଏହି ପଦ ପାଇଁ ଆଶାୟୀ ଥିଲେ। କିନ୍ତୁ ବ୍ଲକ ବିଜେଡି ଅଧ୍ୟକ୍ଷ ସୁଜିତ ମଲ୍ଲିକ ତାଙ୍କୁ ସମର୍ଥନ କରି ନ ଥିଲେ। ସୁଜିତଙ୍କ ସ୍ତ୍ରୀ ଏଲିନା ଦାସ ବାଂଶ ପଞ୍ଚାୟତ ସମିତି ସଭ୍ୟ ଭାବେ ପ୍ରାର୍ଥୀ ହୋଇ ହାରିଥିଲେ। କୁହାଯାଉଥିଲା ଯେ, ଏଲିନାଙ୍କ ହାରିବା ପଛରେ ଜଗନ୍ନାଥଙ୍କ ହାତ ରହିଥିବା ସନ୍ଦେହ କରି ସୁଜିତ ଖପ୍ପା ଥିଲେ। ଏଲିନା ଜିତିଗଲେ ବ୍ଲକ ଅଧ୍ୟକ୍ଷ ପାଇଁ ଦାବିଦାର ହେବାର ସମ୍ଭାବନା ଥିବାରୁ ତାଙ୍କୁ ହରାଇ ଜଗନ୍ନାଥ ଉକ୍ତ ପଦବୀ ହାତେଇବାକୁ ଚାହିଁଥିଲେ। କିନ୍ତୁ ସୁଜିତ ତାଙ୍କୁ ବ୍ଲକ ଅଧ୍ୟକ୍ଷ କରାଇ ନ ଦେବାକୁ ଜିଦ୍‌ ଧରିଥିଲେ। ସେତେବେଳେ ବିଜେଡିର ସାଙ୍ଗଠନିକ ଦାୟିତ୍ୱରେ ଥିବା ବିଷ୍ଣୁ ଚରଣ ଦାସଙ୍କ ସହ ସୁଜିତଙ୍କ ଭଲ ସମ୍ପର୍କ ଥିଲା। ତେଣୁ ଜଗନ୍ନାଥଙ୍କୁ ବିଜେଡି ସମର୍ଥନରେ ବ୍ଲକ ଅଧ୍ୟକ୍ଷ ନ କରିବାକୁ ନିଷ୍ପତ୍ତି ହୋଇଥିଲା। ସେପଟେ ଅନ୍ୟ କେହି ଅଧ୍ୟକ୍ଷ ହେଲେ ସମର୍ଥନ କରିବେ ନାହିଁ ବୋଲି ଜଗନ୍ନାଥ ରୋକଠୋକ୍‌ କହିଦେଇଥିଲେ। ଶେଷରେ ଚିରଞ୍ଜୀବଙ୍କ ଗୋଟି ଚାଳନାରେ କଂଗ୍ରେସ, ଭାଜପା ଓ ସ୍ବାଧୀନ ପ୍ରାର୍ଥୀଙ୍କ ସମର୍ଥନରେ ସେ ବ୍ଲକ ଅଧ୍ୟକ୍ଷ ହେଲେ। ଏ ଭିତରେ ଚିତ୍ର ବଦଳିଯାଇଛି। ନିକଟରେ ଅନୁଷ୍ଠିତ ସାଧାରଣ ନିର୍ବାଚନରେ ଜଗତ୍‌ସିଂହପୁରରୁ ପ୍ରଶାନ୍ତ ମୁଦୁଲି ବିଧାୟକ ହୋଇଥିବାବେଳେ ବିଷ୍ଣୁ ତିର୍ତ୍ତୋଲରୁ ବିଧାୟକ ହୋଇଛନ୍ତି। ତେଣୁ ଜଗନ୍ନାଥ ପ୍ରଶାନ୍ତଙ୍କୁ ସନ୍ତୁଷ୍ଟ କରି ବିଜେଡି ଶିବିରରେ ସକ୍ରିୟ ହେବାକୁ ଉଦ୍ୟମ କରୁଥିବା ଚର୍ଚ୍ଚା ହେଉଛି। ଏହାର ପ୍ରତିଫଳନ ଗତ ୫ ତାରିଖରେ ଅନୁଷ୍ଠିତ ବିଜେଡିର ସମ୍ବର୍ଦ୍ଧନା ସଭାରେ ଦେଖିବାକୁ ମିଳିଛି। ବ୍ଲକ ବିଜେଡି ସଭାପତି ସୁଜିତ ଉକ୍ତ ସଭା ପାଇଁ ସମସ୍ତ ଆୟୋଜନ କରିଥିବାବେଳେ କୌଶଳକ୍ରମେ ଜଗନ୍ନାଥ ସଭାପତିତ୍ୱ କଲେ। ଏଥିରେ ପ୍ରତିକ୍ରିୟାଶୀଳ ହୋଇ ସୁଜିତ ସଭାସ୍ଥଳ ଛାଡି ଚାଲି ଯାଇଥିଲେ। ପରେ ସୁଜିତ ଓ ଜଗନ୍ନାଥଙ୍କ ଗୋଷ୍ଠୀ ମଧ୍ୟରେ ପାଟିତୁଣ୍ଡ ହୋଇଥିଲା। ଏବେ କଥା ଉଠୁଛି ଯେ, ଜଗନ୍ନାଥଙ୍କୁ କଂଗ୍ରେସ ପୂର୍ବପରି ସମର୍ଥନ କରିବ କି ପ୍ରତ୍ୟାହାର କରିନେବ। ଯଦି ପ୍ରତ୍ୟାହାର କରିନେବ ତେବେ ସୁଜିତଙ୍କ ଗୋଷ୍ଠୀ ଜଗନ୍ନାଥଙ୍କୁ ସମର୍ଥନ କରିବେ କି ନାହିଁ। ବିରୋଧ କଲେ ନୂଆ ବ୍ଲକ ଅଧ୍ୟକ୍ଷ କିଏ ହେବେ ଏବଂ କେଉଁ ଦଳର ସମର୍ଥନ ରହିବ। ଏସବକୁ ନେଇ ଅଙ୍କକଷା ଆରମ୍ଭ ହୋଇଯାଇଛି। ଅନ୍ୟପକ୍ଷରେ କଂଗ୍ରେସ ସମର୍ଥିତ କୌଣସି ସମିତି ସଭ୍ୟଙ୍କୁ ବିଜେଡିର ଏକ ଗୋଷ୍ଠୀ ସମର୍ଥନ କରିବାର ସମ୍ଭାବନାକୁ ମଧ୍ୟ ଏଡାଇ ଦିଆଯାଇ ନ ପାରେ। କଂଗ୍ରେସ ଯେଉଁ କ୍ଷତି କରିଛି, ତାକୁ ଭରଣ କରିବାରେ ଯଦି ସଫଳ ହେବ ତେବେ ଆଗକୁ ଦଳ ସମ୍ଭାବ୍ୟ ବିପଦରୁ ବର୍ତ୍ତିପାରିବ ବୋଲି ଚର୍ଚ୍ଚା ହେଉଛି। ଏ ସମ୍ପର୍କରେ ଜଗନ୍ନାଥ କହିଛନ୍ତି ଯେ, ସେ ବିଜେଡିରେ ବିଦ୍ଧିବଦ୍ଧ ଭାବରେ ମିଶିନାହାନ୍ତି। ବିଧାୟକ ଓ ଅନ୍ୟମାନଙ୍କୁ ବ୍ଲକ ଅଧ୍ୟକ୍ଷ ହିସାବରେ ସମ୍ବର୍ଦ୍ଧନା ଦେବାକୁ ସେ ସଭାପତିତ୍ୱ କରିଥିଲେ। ଏହା ସତ୍ତ୍ୱେ ଯଦି କଂଗ୍ରେସ ସମିତି ସଭ୍ୟମାନେ ସମର୍ଥନ ପ୍ରତ୍ୟାହାର କରିନେବେ ତେବେ ଅସୁବିଧା ନାହିଁ। କଂଗ୍ରେସ ନେତା ଚିରଞ୍ଜୀବ ବିଶ୍ୱାଳ କହିଛନ୍ତି ଯେ, ଜଗନ୍ନାଥ ବାବୁ ଏହାର ଠିକ ଉତ୍ତର ଦେଇପାରିବେ। ସେ ଏ ବିଷୟରେ କିଛି ମତ ଦେବାକୁ ଚାହୁଁନାହାନ୍ତି।


All Right Reserved By

ସେବାୟତଙ୍କ ମଧ୍ୟରେ ବିବାଦ: ୪ ଦିନ ଧରି ବନ୍ଦ ରହିଥିଲା ମା’ ହରଚଣ୍ଡୀ ମନ୍ଦିର, ଦେବୋତ୍ତର ବିଭାଗ ହସ୍ତକ୍ଷେପ ପରେ ନୀତିକାନ୍ତି ଆରମ୍ଭ

ନିଶ୍ଚିନ୍ତକୋଇଲି,୧୬।୫(ସ୍ବ.ପ୍ର.): ନିଶ୍ଚିନ୍ତକୋଇଲି ବ୍ଲକ କେରିଲୋ ପଞ୍ଚାୟତ ଛପଚିକଣା ମା’ ହରଚଣ୍ଡୀଙ୍କ ପୀଠରେ ନାଜିବନ୍ତ ସେବାୟତଙ୍କ ଦୁଇ ଗୋଷ୍ଠୀ ମଧ୍ୟରେ ଅନ୍ତର୍ଦ୍ୱନ୍ଦ୍ୱକୁ କେନ୍ଦ୍ରକରି ଗତ ସୋମବାରଠାରୁ ମନ୍ଦିରରେ...

ପୁଣି ଭକ୍ତଙ୍କୁ ମିଳିବ ଟଙ୍କତୋରାଣି

ପୁରୀ ଅଫିସ, ୩୦।୭: ପୁଣି ଭକ୍ତଙ୍କୁ ମିଳିବ ଟଙ୍କତୋରାଣି। ପ୍ରାୟ ୨ବର୍ଷ ଧରି ଆନନ୍ଦବଜାରରୁ ଉଭାନ ହୋଇଯାଇଥିବା ଟଙ୍କତୋରାଣି ଉପଯୁକ୍ତ ମାନ ସହ ଫେରିବ। ସୋମବାର...

ସାତ୍‌ସପନ ହେଇଛେ ଆବାସ ଯୋଜନା: ସହଦେବକେ ସାହା ପରହର ପରଛି

ବିଜେପୁର, ୧୨।୭ (ଡି.ଏନ.ଏ): ଖରା, ବରଷା, ଶୀତନୁ ରକ୍ଷା ପାଏବାର ଲାଗି ଗରିବ ଦୁଖିକୁ କେନ୍ଦ୍ର ପ୍ରଧାନମନ୍ତ୍ରୀ ଆବାସ ଆର ରାଏଜ ସରକାର ମୋ କୁଡିଆ...

ଖର୍ଚ୍ଚ ଦାବି ଆଲୋଚନାରେ ସରକାରଙ୍କୁ ବିରୋଧ

ଭୁବନେଶ୍ୱର, ୧୬।୭(ବ୍ୟୁରୋ): ଗୃହରେ ରାଜସ୍ବ ଓ ବିପର୍ଯ୍ୟୟ ପରିଚାଳନା ଏବଂ ଅବକାରୀ ବିଭାଗର ଖର୍ଚ୍ଚ ଦାବି ଉପରେ ସୋମବାର ଅପରାହ୍ନରେ ଆଲୋଚନା ହୋଇଥିଲା। ଏହି ଆଲୋଚନାରେ...

ଅର୍ଥନୈତିକ ସର୍ଭେ ରିପୋର୍ଟ ଗଣମାଧ୍ୟମରେ ପ୍ରକାଶକୁ ନେଇ ବିଧାନସଭାରେ ଉଦ୍‌ବେଗ: ସରକାରଙ୍କ କୈଫିୟତ ତଲବ କଲେ ବିରୋଧୀ

ଭୁବନେଶ୍ୱର, ୨୮।୬(ବ୍ୟୁରୋ): ରାଜ୍ୟ ସରକାରଙ୍କ ଅର୍ଥନୈତିକ ସର୍ଭେ ରିପୋର୍ଟ-୨୦୧୮ ସୋସିଆଲ ମିଡିଆରେ ବୁଲୁଛି, ଖବରକାଗଜରେ ପ୍ରକାଶ ପାଇଛି। ହେଲେ ବିଧାୟକମାନଙ୍କୁ ଏପର୍ଯ୍ୟନ୍ତ ଦିଆଗଲା ନାହିଁ। ସରକାରୀ...

ଅପହୃତା ଝିଅକୁ ଉଦ୍ଧାର ପାଇଁ ଥାନା ଆଗରେ ଧାରଣାରେ ବସିଲେ ମା’, ବାହାର ରାଜ୍ୟକୁ ଚାଲାଣ ଅଭିଯୋଗ ଆଣିଲେ ପରିବାର

ହାଟଡ଼ିହୀ, ୨୭ା୫ (ଡି.ଏନ୍‌.ଏ.): କେନ୍ଦୁଝର ଜିଲା ହାଟଡ଼ିହୀ ବ୍ଲକ ଓରାଳି ପଞ୍ଚାୟତ ମଧୁରଗଡ଼ିଆ ଗ୍ରାମର ଜଣେ ୧୫ ବର୍ଷିୟା ସବର୍ଣ୍ଣ ନାବାଳିକାଙ୍କୁ ସେହି ଗ୍ରାମର କିଛି...

୧୧ରୁ ରଙ୍ଗଶାଳାର ଜାତୀୟ ନାଟକ ମହୋତ୍ସବ: ନଳିନୀ ନିହାରୀ ନାୟକ ପାଇବେ ବ୍ୟୋମକେଶ ସମ୍ମାନ

ପୁରୀ ଅଫିସ, ୧୦ା୮: ଶ୍ରୀକ୍ଷେତ୍ରର ଅଗ୍ରଣୀ ନାଟ୍ୟଅନୁଷ୍ଠାନ ରଙ୍ଗଶାଳା ଆନୁକୂଲ୍ୟରେ ୧୨ତମ ଜାତୀୟ ନାଟକ ମହୋତ୍ସବ ଆସନ୍ତା ୧୧ତାରିଖରୁ ଅନୁଷ୍ଠିତ ହେବ। ଅନ୍ନପୂର୍ଣ୍ଣା ରଙ୍ଗମଞ୍ଚରେ ୫ଦିନ...

ବାଲି ଗାଡ଼ି ଜବତ କଲେ ତହସିଲଦାର

ପାରାଦୀପ,୫ା୬(ସ୍ବ.ପ୍ର.): ଜଗତ୍‌ସିଂହପୁର ଓ କେନ୍ଦ୍ରାପଡ଼ା ଜିଲାର ମଧ୍ୟବର୍ତ୍ତୀ ସୀମା ଭୁତମୁଣ୍ଡାଇ ନିକଟସ୍ଥ ମହାନଦୀରୁ କିଛିଦିନ ହେଲା ବିପୁଳ ପରିମାଣର ବାଲି ଉତ୍ତୋଳନ ଚାଲିଥିଲା। ଦୁଇ ଜିଲାର...

selfi corner

Model This Week

Why Dharitri

Leave a comment

Your email address will not be published. Required fields are marked *