‘ଗ୍ୟାପ୍‌ ଇଙ୍କ୍‌’ ସିଇଓ

ବ୍ୟକ୍ତିତ୍ୱ/ ଜିତେନ୍ଦ୍ର କୁମାର ନାୟକ
ପୁ ରୁଷ, ମହିଳା ଓ ଶିଶୁମାନଙ୍କ ପାଇଁ ପୋଷାକ ପରିଚ୍ଛଦ ଓ ବ୍ୟକ୍ତିଗତ ଆବଶ୍ୟକତା ମେଣ୍ଟାଇବା ସକାଶେ ଖୁଚୁରା ପଦାର୍ଥ ଯୋଗାଉଥିବା କମ୍ପାନୀ ବିଷୟରେ ଆଲୋଚନା କଲା ବେଳେ ବିଶ୍ୱ ସ୍ତରରେ ଆଗଧାଡ଼ିରେ ଆସୁଥିବା କମ୍ପାନୀ ମଧ୍ୟରେ ଗ୍ୟାପ୍‌ ଇଙ୍କ୍‌ ଅନ୍ୟତମ। ବିଶ୍ୱର ୯୦ ରାଷ୍ଟ୍ରରେ ଏହି କମ୍ପାନୀ ଦ୍ୱାରା ମାନ୍ୟତା ପାଇଥିବା ଷ୍ଟୋର୍‌ଗୁଡ଼ିକ ସାମଗ୍ରୀ ବିକ୍ରି କରିବାର ସୁଯୋଗ ପାଉଛନ୍ତି। ଇ-କମର୍ସ ସାଇଟ୍‌ ମାଧ୍ୟମରେ ଏହାର ପଦାର୍ଥମାନ ବିକ୍ରି ହେବାରେ ଲାଗିଛି। ଏଭଳି ଏକ ନାମକରା କମ୍ପାନୀର ସଭାପତି ତଥା ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ଭାବେ ଭାରତୀୟ-ଆମେରିକୀୟ ସୋନିଆ ସିଙ୍ଗଲ ନିଯୁକ୍ତି ପାଇବା ପରେ ଏବେ ତାଙ୍କ ବ୍ୟକ୍ତିତ୍ୱ ଚର୍ଚ୍ଚାର ବଳୟକୁ ଆସିଛି। ପେପ୍‌ସିକୋ ମୁଖ୍ୟ ଭାବେ ୨୦୧୮ରେ ପଦବୀ ପରିତ୍ୟାଗ କରିଥିବା ଇନ୍ଦ୍ରା ନୁଇଙ୍କ ପରେ ଏକ ଫର୍ଚୁନ୍‌-୫୦୦ କମ୍ପାନୀର ଭାରତୀୟ-ଆମେରିକୀୟ ମହିଳା ସିଇଓ ହେବାରେ ସୋନିଆ ଗୌରବ ଅର୍ଜନ କରିଛନ୍ତି। ଅନ୍ତର୍ଜାତୀୟ ମହିଳା ଦିବସର ଅବ୍ୟବହିତ ପୂର୍ବରୁ ସୋନିଆଙ୍କୁ ଏଭଳି ପଦବୀ ମିଳିବା ଭାରତୀୟ ମହିଳାଙ୍କୁ ଉତ୍ସାହିତ କରିବା ସ୍ବାଭାବିକ।
ଭାରତୀୟ ଦମ୍ପତି ସୁଷମା ଓ ସତ୍ୟ ସିଙ୍ଗଲଙ୍କ କନ୍ୟା ସୋନିଆ ଭାରତରେ ଜନ୍ମଗ୍ରହଣ କରିଥିଲେ। ପରିବାର କାନାଡ଼ାକୁ ଯିବା ପରେ ସୋନିଆଙ୍କ ଗଠନାତ୍ମକ ବର୍ଷଗୁଡ଼ିକ ସେହିଠାରେ ହିଁ କଟିଥିଲା। ଏହା ପରେ ସୋନିଆ ଆମେରିକା ଚାଲିଯାଇଥିଲେ। ୧୯୯୩ରେ କେଟେରିଂ ବିଶ୍ୱବିଦ୍ୟାଳୟରୁ ମେକାନିକାଲ ଇଞ୍ଜିନିୟରିଂରେ ସ୍ନାତକ ଡିଗ୍ରୀ ଅର୍ଜନ କରିବା ପରେ ସେ ୧୯୯୫ରେ ଷ୍ଟାନ୍‌ଫୋର୍ଡ ବିଶ୍ୱବିଦ୍ୟାଳୟରୁ ମାନୁଫାକ୍‌ଚରିଂ ସିଷ୍ଟମ୍ସ ଇଞ୍ଜିନିୟରିଂରେ ସ୍ନାତକୋତ୍ତର କରିଥିଲେ। ଫର୍ଚୁନ୍‌ ୫୦୦ କମ୍ପାନୀରୁ ତାଙ୍କ କ୍ୟାରିୟର ଆରମ୍ଭ ହୋଇଥିଲା। ସେଥିମଧ୍ୟରୁ ସେ ୧୦ ବର୍ଷ ସନ୍‌ ମାଇକ୍ରୋସିଷ୍ଟମ୍‌ ଓ ୬ ବର୍ଷ ଫୋର୍ଡ ମୋଟର କମ୍ପାନୀରେ ବିତାଇଥିଲେ। ଏହି ବୃହତ୍‌ କମ୍ପାନୀରେ ଦୀର୍ଘବର୍ଷ କାର୍ଯ୍ୟ କରିବା ଭିତରେ ସେ ବହୁ ଅଭିଜ୍ଞତା ଅର୍ଜନ କରିଥିଲେ। ଏହା ପରେ ସେ ବିଶ୍ୱର ଅନ୍ୟତମ ଯୋଗାଣ ଶୃଙ୍ଖଳ ଗ୍ୟାପ୍‌ ଇଙ୍କ୍‌ରେ ଯୋଗ ଦେଇଥିଲେ। ସେଥିରେ ସେ ଗ୍ୟାପ୍‌ ଇଙ୍କ୍‌ ୟୁରୋପର ପରିଚାଳନା ନିର୍ଦ୍ଦେଶକ ହୋଇଥିଲେ। ତାଙ୍କ ନେତୃତ୍ୱରେ ୨୦୧୬ରୁ ୨୦୧୮ ଯାଏ କମ୍ପାନୀ ବହୁବିଧ କ୍ଷେତ୍ରରେ ଉନ୍ନତି ଲାଭ କରିଥିଲା। ଏପରି କି ଆମେରିକା, କାନାଡ଼ା ଓ ମେକ୍ସିକୋର ୧,୨୦୦ ଷ୍ଟୋର୍‌ରେ କମ୍ପାନୀର ସାମଗ୍ରୀ ଖୁବ୍‌ ବେପାର କରିଥିଲା। ଏଥିସହିତ ଗ୍ୟାପ୍‌ ଇଙ୍କ୍‌ ଆମେରିକାରେ ସର୍ବାଧିକ ବୈଶିଷ୍ଟ ବହନ କରୁଥିବା ଖୁଚୁରା ଯୋଗାଣ ଶୃଙ୍ଖଳ ହୋଇପାରିଥିଲା। ସୋନିଆଙ୍କ ଏକନିଷ୍ଠ କାର୍ଯ୍ୟ ଓ ଟିମ୍‌ର ନେତୃତ୍ୱ ନେବାର କଳା ତାଙ୍କୁ ଉପରକୁ ଉଠିବାରେ ସାହାଯ୍ୟ କରିଥିଲା। ୧,୩୫,୦୦୦ରୁ ଊର୍ଦ୍ଧ୍ୱ କର୍ମଚାରୀଙ୍କୁ ନେଇ ବିଶ୍ୱବ୍ୟାପୀ ଚାଲୁଥିବା ଷ୍ଟୋରଗୁଡ଼ିକକୁ ପରିଚାଳନା ଲାଗି ଯେଉଁ ବ୍ୟାବସାୟିକ ଦକ୍ଷତା ଲୋଡ଼ା ପଡ଼ୁଥିଲା, ତାହାକୁ ସୋନିଆ ନିଜର ସୂକ୍ଷ୍ମ ବୁଦ୍ଧି ବଳରେ ଆଗେଇ ନେଇପାରିଥିବାରୁ ସେ ସର୍ବୋଚ୍ଚ ପଦବୀରେ ବସିପାରିଛନ୍ତି ବୋଲି କୁହାଯାଉଛି।
କେବଳ ବ୍ୟବସାୟ ଜଗତ ନୁହେଁ, ଲୋକଙ୍କୁ ସେବା କରିବା ଲାଗି ଯେତେବେଳେ ଯେଉଁଠାରେ ଆବଶ୍ୟକ ପଡ଼ିଛି, ସୋନିଆ ନିଜକୁ ସେଥିରେ ସାମିଲ କରିଛନ୍ତି। ଫିଲାନ୍‌ଥ୍ରୋପି ବା ମାନବପ୍ରେମ ସୃଷ୍ଟି କଲା ଭଳି ସେବାରେ ସେ ନିୟୋଜିତ କରିବାକୁ ଯାଇ ଗ୍ୟାପ୍‌ ଫାଉଣ୍ଡେଶନ ବୋର୍ଡ ଅଫ୍‌ ଟ୍ରଷ୍ଟିଜ୍‌ ଏବଂ ବୋର୍ଡ ଅଫ୍‌ ଗଭର୍ନର୍ସ ଫର୍‌ ବୟେଜ୍‌ ଆଣ୍ଡ୍‌ ଗାର୍ଲସ କ୍ଲବ୍‌ ଅଫ୍‌ ଆମେରିକାରେ କାର୍ଯ୍ୟ କରିବାକୁ ପସନ୍ଦ କରିଛନ୍ତି। ସାନ୍‌ଫ୍ରାନ୍‌ସିସ୍‌କୋ ବିଜନେସ୍‌ ଟାଇମ୍ସ ପକ୍ଷରୁ କର୍ପୋରେଟ୍‌ ଜଗତ ଓ ସେବା କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ କରିଥିବାରୁ ତାଙ୍କୁ ୨୦୧୮ରେ ‘ଦି ୫୦ ମୋଷ୍ଟ୍‌ ପାଓ୍ବାରଫୁଲ୍‌ ମମ୍‌ ଅଫ୍‌ ୨୦୧୮’ ଏବଂ ‘ମୋଷ୍ଟ୍‌ ଇନ୍‌ଫ୍ଲୁଏନ୍‌ସିଆଲ ଓ୍ବେମେନ୍‌ ଇନ୍‌ ବିଜନେସ୍‌ ଅଫ୍‌ ୨୦୧୮’ରେ ମଧ୍ୟ ସମ୍ମାନିତ କରାଯାଇଛି। ସୋନିଆଙ୍କ ବ୍ୟକ୍ତିଗତ ଜୀବନ କହିଲେ ସ୍ବାମୀ ଜୋ ମକ୍‌ଗ୍ରାଥ୍‌ ଏବଂ ଦୁଇ ସନ୍ତାନକୁ ନେଇ ତାଙ୍କ ସଂସାର।


All Right Reserved By Dharitri.Com

ଭାଷାବଗିଚାକୁ ଗାଉଁଲି ଚାରା

ପଦ୍ମନାଭ ସାହୁ ଜାତିର ଜୀବନ ଭାଷା। ଭାଷାର ରୂପ ଭିତରେ ଜାଜ୍ୱଲ୍ୟମାନ ଗୋଟିଏ ଜାତିର ପରିଚୟ। ଭାଷାର ସମୃଦ୍ଧିରେ ଦେଶ ଓ ସମାଜର ବିକାଶ ସାଧିତ...

ସମାପ୍ତ ନା ସମ୍ପ୍ରସାରଣ

ଭାରତରେ ତୃତୀୟ ପର୍ଯ୍ୟାୟ ଲକ୍‌ଡାଉନ୍‌ ୧୭ ମେ’ରେ ସରିବାକୁ ଯାଉଛି। ଯଦି ଲକ୍‌ଡାଉନ୍‌ ୪.୦ କାର୍ଯ୍ୟକାରୀ ହୁଏ, ତେବେ ସଂକ୍ରମଣ ରୋକିବା ପାଇଁ ରେଳଗାଡ଼ି ବନ୍ଦ...

ମଣିମା ଓ ମଣିଷ

ନିରଞ୍ଜନ ପାଢ଼ୀ ଗଣତନ୍ତ୍ରର ଗରିମା ମଧ୍ୟରେ ରାଜତନ୍ତ୍ର ବିଲୟ ଲଭିବାର ଇତିହାସ ପୁରୁଣା ହୋଇଗଲାଣି। ଜନତନ୍ତ୍ରର ଜୟଧ୍ୱନି ମଧ୍ୟରେ କେବେଠୁଁ ନିଃଶବ୍ଦ ହୋଇଗଲାଣି ମଣିମା ବୋଲି...

କାଠଗଡ଼ାରେ କୁକୁଡ଼ା

ତୁଳସୀଦାସ ମିଶ୍ର ଗତ ଦଶହରା ସମୟରେ ଅଭିଯୋଗକାରୀଙ୍କୁ ସେବାର ପ୍ରତିଦାନରେ ଜଣେ ପୋଲିସ ବାବୁ କୁକୁଡ଼ା ଏବଂ ଅଣ୍ଡା ଦେବାକୁ କହିବାରୁ ତାଙ୍କ ମୁଣ୍ଡରେ ଖଣ୍ଡା...

ପରିବର୍ତ୍ତନ ସହ ତାଳ ଦେଇ ଚାଲିବା

ଡ. ପ୍ରମୋଦ କୁମାର ମିଶ୍ର ଆଜି ଆପଣମାନେ (ଛାତ୍ରୀଛାତ୍ରମାନେ) ଯେତେବେଳେ ଜୀବନର ନୂତନ ପର୍ଯ୍ୟାୟରେ ପାଦ ଥାପୁଛନ୍ତି, ଆପଣମାନଙ୍କ ଆଗରେ ବ୍ୟାପକ ସମ୍ଭାବନା ଓ ସୁଯୋଗ...

ଲକ୍‌ଡାଉନରେ ବାବୁ ଅନୁପସ୍ଥିତ

ମେଡିକାଲ କିମ୍ବା ଅନ୍ୟ କାରଣରୁ ଯେଉଁ ଅଧିକାରୀମାନେ କାର୍ଯ୍ୟରେ ଯୋଗ ଦେଇ ପାରି ନ ଥିଲେ ସେମାନଙ୍କ ଜାଗାରେ ନୂଆ ଅଧିକାରୀଙ୍କୁ ରିପ୍ଲେସ୍‌ କରିବା ପାଇଁ...

କିଏ ଖୁସି ହେବ

ତଥାଗତ ସତପଥୀ ତଥ୍ୟ ବା ଡାଟା ଏବେ ଦେଶ ଦୁନିଆକୁ ପରିଚାଳନା କରୁଛି। ସେଥିପାଇଁ ସରକାରୀ, ଘରୋଇ ସଂସ୍ଥାଠାରୁ ଆରମ୍ଭ କରି ବ୍ୟକ୍ତିଗତ ଜୀବନରେ ତଥ୍ୟକୁ...

ମଦରୁ ମୁକ୍ତି କେବେ

ସୁଧିରାଜ ରାଉତ ଏକ ଘରୋଇ ସ୍କୁଲର ସାଂସ୍କୃତିକ ଉତ୍ସବକୁ ଅତିଥି ହୋଇ ଯାଇଥାଏ। କାର୍ଯ୍ୟକ୍ରମ ଆରମ୍ଭ ହୋଇ ନ ଥାଏ। ଦୁଇଟି ଶିଶୁ ଖୁବ୍‌ ଦୁଷ୍ଟାମି...

Leave a comment

Your email address will not be published. Required fields are marked *