ବ୍ଲେଡରେ ଦାଦା ଗଳା କାଟିଲା ପୁତୁରା

ବ୍ରହ୍ମପୁର ଅଫିସ,୮ା୬- ପୋଲସରା ଥାନା ଚିରିକିପଡ଼ାଶାସନ ପଞ୍ଚାୟତ ବିରିପୁର ଗ୍ରାମରେ ଶୁକ୍ରବାର ରାତିରେ ପୁତୁରା ଆକ୍ରମଣରେ ଦାଦା ଗୁରୁତର ହୋଇଛନ୍ତି। ଆହତ ଜଣକ ହେଲେ ବିରିପୁର ଗ୍ରାମର ଏସ. ରାଜାରାଓ ଦୋରା। ପ୍ରକାଶ ଯେ, ଶୁକ୍ରବାର ରାତି ପ୍ରାୟ ୮ଟାରେ ରାଜାରାଓଙ୍କ ପୁଅ ଧର୍ମାରାଓ ତାଙ୍କ ଦୋକାନରେ ବସିଥିଲେ। ପୁତୁରା ନିଶାସକ୍ତ ଅବସ୍ଥାରେ ଆସି ଧର୍ମାରାଓଙ୍କ ସହ କୌଣସି କାରଣକୁ ନେଇ ପାଟିତୁଣ୍ଡ କରିଥିଲେ। ପାଟି ଶୁଣି ବାପା ରାଜାରାଓ ଦୋକାନ ପାଖକୁ ଆସିଯିବାରୁ ପୁତୁରା ଧରିଥିବା ଏକ ବ୍ଲେଡରେ ତାଙ୍କ ଡ଼ାହାଣ ହାତ ଓ ବେକକୁ ବ୍ଲେଡ୍‌ରେ କାଟି ଦେଇଥିଲେ। ପରିବାର ଲୋକେ ତାଙ୍କୁ ଉଦ୍ଧାର କରି ପୋଲସରା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନେଇଥିଲେ। ଖବର ଲେଖାହେବା ସୁଦ୍ଧା ଥାନାରେ ମାମଲା ରୁଜୁ ହୋଇନଥିବା ଜଣାପଡିଛି।

ସୁଧୁରିବ ରେଶମ ସହରର ଟ୍ରାଫିକ ସମସ୍ୟା : ବିଏମ୍‌ସି ପକ୍ଷରୁ ଆଇଟିଏମ୍‌ଏସ୍‌ର ନିର୍ମାଣ କାର୍ଯ୍ୟ ଆରମ୍ଭ
ବ୍ରହ୍ମପୁର ଅଫିସ,୮ା୬- ବ୍ରହ୍ମପୁରରେ ଟ୍ରାଫିକ ବ୍ୟବସ୍ଥା ସୁଧାରିବାକୁ ବ୍ରହ୍ମପୁର ମହାନଗର ନିଗମ ପକ୍ଷରୁ ଇଣ୍ଟିଗ୍ରେଟେଡ ଟ୍ରାଫିକ ମ୍ୟାନେଜମେଣ୍ଟ ସିଷ୍ଟମ (ଆଇଟିଏମ୍‌ଏସ୍‌) ନିର୍ମାଣ କାର୍ଯ୍ୟ ଆରମ୍ଭ ହୋଇଛି। ଜୁନ ଶେଷ ସୁଦ୍ଧା ପୂର୍ବ ନିର୍ଦ୍ଧାରିତ ପ୍ରସ୍ତାବ ଅନୁସାରେ ସହରର ୫ ଜନଗହଳିପୂର୍ଣ୍ଣ ଛକରେ ସିଭିଲ, କେବୁଲ ଓ ଅଣ୍ଡର ୱାଇରିଂ କାର୍ଯ୍ୟ ସରିବ। ଜୁଲାଇରୁ ସମସ୍ତ ଛକରେ ଇଣ୍ଟିଗ୍ରେଟେଡ କ୍ୟାମେରା ଲଗାଯିବା ନେଇ ବିଏମ୍‌ସି ପକ୍ଷରୁ ସୂଚନା ମିଳିଛି। ବ୍ରହ୍ମପୁର ସହରର ଜନସଂଖ୍ୟା ବଢ଼ିବା ସାଙ୍ଗକୁ ଦିନକୁ ଦିନ ଟ୍ରାଫିକ ସମସ୍ୟା ଜଟିଳ ହୋଇପଡୁଛି। ଏଥିସହ ଟ୍ରାଫିକ ବ୍ୟବସ୍ଥା ମଧ୍ୟ ବେହାଲ ହୋଇଛି। ବ୍ୟବସ୍ଥାରେ ସୁଧାର ଆଣିବା ଓ ବେପାରୁଆ ଗାଡ଼ିଚାଳନା କରୁଥିବା ବ୍ୟକ୍ତିଙ୍କ ଉପରେ ଅଙ୍କୁଶ ଲଗାଇବାକୁ ବିଏମ୍‌ସି ପକ୍ଷରୁ ନୂତନ ଟ୍ରାଫିକ ବ୍ୟବସ୍ଥା କାର୍ଯ୍ୟକ୍ଷମ କରିବାକୁ ଅଣ୍ଟାଭିଡିଛିା ପୋଲିସ ପ୍ରଶାସନ, ଗଞ୍ଜାମ ଜିଲା ଆରଟିଓ ଅଫିସର ସହଯୋଗରେ ସହରର ପ୍ରମୁଖ ୫ ଟି ଛକରେ ବିଏମ୍‌ସି ପକ୍ଷରୁ କାର୍ଯ୍ୟକ୍ଷମ ହେବାକୁ ଯାଉଛି ଇଣ୍ଟିଗ୍ରେଟେଡ ଟ୍ରାଫିକ ମ୍ୟାନେଜମେଣ୍ଟ ସିଷ୍ଟମ(ଆଇଟିଏମ୍‌ଏସ୍‌)। ଏନେଇ ଫେବୃୟାରୀ ୬ରେ ଟେଣ୍ଡର ପ୍ରକ୍ରିୟା ଚୂଡାନ୍ତ ହୋଇଥିବା ବେଳେ ଏହାର ନିର୍ମାଣ ଦାୟିତ୍ୱ ଭୁବନେଶ୍ୱରର ଭିଏଲଏସ୍‌ଏସ୍‌ ଇଣ୍ଡିଆ ପ୍ରାଇଭେଟ ଲିମିଟେଡ କମ୍ପାନୀକୁ ଦିଆଯାଇଛିା ଫେବୃୟାରୀ ୨୫ରେ ଏହାର ନିର୍ମାଣ କାର୍ଯ୍ୟର ଶୁଭାରମ୍ଭ ହୋଇଛି। ତେବେ ବିଏମ୍‌ସି ପକ୍ଷରୁ ମିଳିଥିବା ସୂଚନାନୁଯାୟୀ, ମେ ମାସ ସୁଦ୍ଧା ବିଏମ୍‌ସି ପକ୍ଷରୁ ଏହି ସିଷ୍ଟମ ପାଇଁ ସ୍ବତନ୍ତ୍ର ଆପ୍ଲିିକେଶନ ସଫ୍ଟୱେର ଡେଭଲପ କରାଯାଇଛି। ଏଥିସହ ଆରଟିଓ କାର୍ଯ୍ୟାଳୟର ଇ-ବାହନ ଆପ ସହ ମଧ୍ୟ ଏହାକୁ ସଂଲଗ୍ନ କରାଯିବା କାର୍ଯ୍ୟ ଶେଷ ହୋଇଛି। ବିଏମ୍‌ସି କାର୍ଯ୍ୟଳୟ ପରିସରରେ କମାଣ୍ଡାଣ୍ଟ କଣ୍ଟ୍ରୋଲ ସେଣ୍ଟର କାର୍ଯ୍ୟ ମଧ୍ୟ ୮୦ ପ୍ରତିଶତ ଶେଷ ହୋଇଛି। ମେ ଶେଷ ସପ୍ତାହରୁ ପ୍ରମୁଖ କୋର୍ଟପେଟା, କମାପଲ୍ଲୀ ଛକରେ କେବୁଲ ଓ ଅଣ୍ଡର ୱାଇରିଂ କାର୍ଯ୍ୟ ଶେଷ ହୋଇଛି।
ଜୁନ ସୁଦ୍ଧା ଉକ୍ତ ଦୁଇ ଛକ ସମେତ ଟାଟାବେଞ୍ଜ, ପିଭିଏନ୍‌ ରାଓ, ଗେଟବଜାର ଛକରେ କେବୁଲ, ଅଣ୍ଡର ୱାଇରିଂ ଓ ସିଭିଲ ୱାର୍କ ଶେଷ ହେବ। ଜୁଲାଇରୁ ସମସ୍ତ ଛକରେ ଇଣ୍ଟିଗ୍ରେଟେଡ କ୍ୟାମେରା ଖଞ୍ଜା ଯିବ ବୋଲି ବିଏମ୍‌ସି ପକ୍ଷରୁ କୁହାଯାଇଛି। ସୂଚନାଯୋଗ୍ୟ, ସହରର ଟ୍ରାଫିକ ନିୟନ୍ତ୍ରଣ ପାଇଁ ବିଏମ୍‌ସି ପକ୍ଷରୁ ଆରମ୍ଭ ହୋଇଥିବା ଆଇଟିଏମ୍‌ଏସ୍‌ ସିଷ୍ଟମରେ ସହରର ଜନଗହଳିପୂର୍ଣ୍ଣ ଛକ ଟାଟାବେଞ୍ଜ, ପିଭିଏନ ରାଓ ପେଟ୍ରୋଲ ପମ୍ପ, କମାପଲ୍ଲୀ, ଗେଟବଜାର, କୋର୍ଟପେଟାରେ ସ୍ବୟଂଚାଳିତ ଟ୍ରାଫିକ ଲାଇଟ ସହ ଇଣ୍ଟିଗ୍ରେଟେଡ କ୍ୟାମେରା ଲାଗିବ। ୭ କୋଟି ଟଙ୍କା ବିନିମୟରେ ନିର୍ମିତ ହେବାକୁ ଥିବା ଏହି ପ୍ରକଳ୍ପରେ ସମସ୍ତ ଛକରେ କଳା ଓ ରଙ୍ଗିନ ଫଟୋ ଉତ୍ତୋଳନ କରିପାରୁଥବା ଦୁଇପ୍ରକାର କ୍ୟାମେରା ଲଗାଯିବ। ଏହି କ୍ୟାମେରା ଜେବ୍ରା କ୍ରସିଂ ଦେଇ ଯାତାୟାତ କରୁଥିବା ବାଇକ୍‌ ଚାଳକଙ୍କ ସ୍ପିଡ ଡିଟେକ୍ଟ କରିବା ସହ ତା’ର ନମ୍ବର ପ୍ଲେଟ ଫଟୋ ଉତ୍ତୋଳନ କରିବ। ଏହି କ୍ୟାମେରା ଦ୍ୱୟ ନାଇଟ ଭିଜନ ହୋଇଥିବାରୁ ରାତିରେ ମଧ୍ୟ ଏହା ଚାଳକଙ୍କ ବେଗ ରେକର୍ଡ କରିବା ସହ ଫଟୋ ଉତ୍ତୋଳନ କରିବ। ବିଏମ୍‌ସି କାର୍ଯ୍ୟାଳୟରେ ଏହାର ମୁଖ୍ୟ କଣ୍ଟ୍ରୋଲ ରୁମ ରହିବା ସହ ଆରଟିଓ ଓ ବ୍ରହ୍ମପୁର ଏସ୍‌ପିଙ୍କ କାର୍ଯ୍ୟାଳୟରେ ମଧ୍ୟ ସ୍ବତନ୍ତ୍ର କଣ୍ଟ୍ରୋଲ ରୁମ ରହିବ। ଏହି ବ୍ୟବସ୍ଥାରେ ରଙ୍ଗସାଇଡ୍‌ , ଟ୍ରାଫିକ ନିୟମକୁ ଅବମାନନା କରୁଥିବା ବ୍ୟକ୍ତିଙ୍କ ଗାଡି ନମ୍ବର ପ୍ଲେଟ ସଙ୍ଗେ ସଙ୍ଗେ କ୍ୟାମେରାରେ ଉତ୍ତୋଳିତ ହୋଇ ଆରଟିଓ ଓ ବିଏମ୍‌ସି କଣ୍ଟ୍ରୋଲ ରୁମରେ ପହଞ୍ଚିବା ପରେ ଆରଟିଓ ଅଫିସରୁ ଉକ୍ତ ବ୍ୟକ୍ତିଙ୍କୁ ଜରିମାନା ନୋଟିସ ପ୍ରେରଣ କରାଯିବାର ବ୍ୟବସ୍ଥା ରହିଛି।


All Right Reserved By Dharitri.Com

କୃତ୍ରିମ ବନ୍ୟା ପାଇଁ ସରକାରକୁ ଦାୟୀ କଲା ଭାଜପା

ବ୍ରହ୍ମପୁର ଅଫିସ,୨୩ା୮- ବର୍ଷା ବିତ୍ପାତର ୩ ଦିନ ବିତିବା ପରେ ବି ରେଶମ ନଗରୀ ବ୍ରହ୍ମପୁରର ବିଗିଡ଼ି ଯାଇଥିବା ସ୍ଥିତି ଅପରିବର୍ତ୍ତିତ ରହିଛି। ସବୁ ରାସ୍ତା...

ଭୁଶୁଡ଼ିଲା ଦୁଇ ମହଲା କୋଠା ସମେତ ୩ ଚାଳ ଛପର ଘର

ଦିଗପହଣ୍ଡି,୨୩।୩(ଡି.ଏନ୍‌.ଏ.): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ସହଦେବ ଟିକରପଡ଼ା ଗାଁରେ ରବିବାର ରାତିରେ ରଜନୀକାନ୍ତ ଗୌଡ଼,ଚନ୍ଦ୍ରମା ଗୌଡ଼ଙ୍କ ୨ଟି ଦୁଇ ମହଲା ଘର ଏବଂ ପଡ଼ୋଶୀ...

ମାଡ଼ ମାରିବା ଅଭିଯୋଗରେ ଯୁବକଙ୍କୁ କୋର୍ଟଚାଲାଣ

ଗୋପାଳପୁର,୩ା୯-ଜଣେ ବ୍ୟକ୍ତିଙ୍କୁ ମାଡ଼ ମାରିବା, ଦୁର୍ବ୍ୟବହାର କରିବା ଅଭିଯୋଗରେ ଗୋପାଳପୁର ଥାନା ପୋଲିସ ଅଭିଯୁକ୍ତଙ୍କୁ ମଙ୍ଗଳବାର କୋର୍ଟଚାଲାଣ କରିଛି। ସେ ହେଲେ ଡିଲେସୁ ପ୍ରଧାନ (୨୫)।...

ବ୍ରହ୍ମପୁରରେ ଆଂଶିକ ଶଟ୍‌ଡାଉନ୍‌

ବ୍ରହ୍ମପୁର ଅଫିସ,୫ା୪-ରାଜ୍ୟରେ କରୋନାରେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି। ଏହାକୁ ଦୃଷ୍ଟିରେ ରଖି ଗଞ୍ଜାମ ଜିଲା ପ୍ରଶାସନ ପକ୍ଷରୁ ସମଗ୍ର ଜିଲାରେ ଆଂଶିକ ଶଟ୍‌ଡାଉନ୍‌...

ବସ୍‌ରେ ପାଣି, ହ୍ୟାଣ୍ଡୱାଶ୍‌ ବ୍ୟବସ୍ଥା ଉପରେ ଗୁରୁତ୍ୱ

ବ୍ରହ୍ମପୁର ଅଫିସ,୨୦ା୩ – କରୋନା ମହାମାରୀର ମୁକାବିଲା ପାଇଁ ପ୍ରସ୍ତୁତି ଆରମ୍ଭ କରିଛନ୍ତି ଘରୋଇ, ସରକାରୀ, ସିଟି ବସ୍‌ କର୍ତ୍ତୃପକ୍ଷ । କରୋନା ସଂକ୍ରମଣକୁ ରୋକିବାକୁ...

ପୂର୍ଣ୍ଣ ହତ୍ୟାକାଣ୍ଡର ପର୍ଦ୍ଦାଫାଶ, ଅଭିଯୁକ୍ତ ଗିରଫ

ଆର.ଉଦୟଗିରି,୧୧ା୬(ଡି.ଏନ.ଏ.)- ଗଜପତି ଜିଲା ଆର.ଉଦୟଗିରି ଥାନା ନୂଆଗଡ ବ୍ଲକ ତାବରଡା ଗ୍ରାମର ପୂର୍ଣ୍ଣଚନ୍ଦ୍ର ସିଂ (୬୫) ହତ୍ୟାକାଣ୍ଡର ଗୁମର ଖୋଲିଛି ପୋଲିସ। ୨ ମାସ ୧୮...

ଫାଇନାନ୍ସ କର୍ମଚାରୀଙ୍କଠାରୁ ଟଙ୍କା ଲୁଟ ଘଟଣା: ବନ୍ଧୁକ, ବାଇକ, ଟଙ୍କା ଜବତ: ୬ ଗିରଫ

ରାଇକିଆ,୧୩ା୭(ଡ଼ି.ଏନ.ଏ.)-ରାଇକିଆ ଥାନା କରଡ଼ା ନିକଟରେ ଗତ ଫେବୃୟାରୀରେ ଏକ ଘରୋଇ ଫାଇନାନ୍ସ କମ୍ପାନୀ କର୍ମଚାରୀମାନଙ୍କଠାରୁ ହୋଇଥିବା ଟଙ୍କା ଲୁଟ ଘଟଣାରେ ୬ ଅଭିଯୁକ୍ତଙ୍କୁ ଶୁକ୍ରବାର ରାଇକିଆ...

ସମସ୍ୟାରେ ବୁଡ଼ି ରହିଛି ଛତ୍ରପୁର ସହର: ସମାଧାନ ନ ହେଲେ ଜନ ଆନ୍ଦୋଳନ

ଛତ୍ରପୁର,୨୩ା୯(ଡି.ଏନ.ଏ.)-ଗଞ୍ଜାମ ଜିଲା ହେଡକ୍ୱାର୍ଟର ଛତ୍ରପୁର ସହର ହୋଇ ମଧ୍ୟ ଦୀର୍ଘ ବର୍ଷ ହେଲା ବିଭିନ୍ନ ସମସ୍ୟା ଦେଇ ଗତି କରୁଛି ା ଏ ସମ୍ପର୍କରେ ବିଭିନ୍ନ...

Leave a comment

Your email address will not be published. Required fields are marked *