ଅଧାପନ୍‌ତରିଆ ପଡ଼ିଛେ ପଢ଼ାକୁଠି ତିଆରି କାମ୍‌:୨ଟା କୁଠିଥି ୮ଟା ଶ୍ରେଣୀର ଛାତ୍ରୀଛାତ୍ର

ଲୋଇସିଂହା, ୮।୬(ଡି.ଏନ୍‌.ଏ): ବଲାଙ୍ଗୀର ଜିଲା ଲୋଇସିଂହା ବ୍ଲକ ବାଦିବାହାଲ ପଁଚେତ୍‌ ଅଧୀନ ଅଗଲାପାଲି ଗଁାର ସରକାରୀ ଉଚ୍ଚ ପ୍ରାଥମିକ ବିଦ୍ୟାଲୟ ନୂତନ ପଢ଼ାକୁଠି ତିଆରିରେ ବଡ଼ଭାରି ହେରଫେର ହେଇଥିବାର ଗଁାବାସୀ ଅଭିଯୋଗ କରିଛନ୍‌। ଯେନ୍‌ଥିରଲାଗି ତିଆରି କାମ୍‌ ଗଲା ୫ ବଛର ହେଲା ଅଧାପନ୍‌ତରିଆ ହେଇ ପଡ଼ିଛେ। ଇଆଡ଼େ ପଢ଼ାକୁଠି ଅଭାବୁ ଛାତ୍ରୀଛାତ୍ରକଁର ପାଠ୍‌ପଢ଼ାରେ ଖେଲଢ଼େପ ହେଉଥିବାର ଅଭିଭାବକମାନେ ଅଭିଯୋଗ କରିଛନ୍‌।
ସୂଚନା ଅନ୍‌ସାରେ ଅଗଲାପାଲି ସରକାରୀ ଉଚ୍ଚ ପ୍ରାଥମିକ ବିଦ୍ୟାଲୟଟା ୧୯୫୩ ସାଲେ ଥାପନା ହେଇଥିଲା। ଏହେଦେ ସ୍କୁଲରେ ୮ ଶ୍ରେଣୀ ତକ୍‌ ପଢ଼ବାର ବେବସ୍‌ତା ଥିଲାବେଲେ ମୋଟ ୧୨୦ ଛାତ୍ରୀଛାତ୍ର ପାଠ୍‌ ପଢ଼ୁଛନ୍‌। ୨୦୧୨ ସାଲେ ସ୍କୁଲର ପୁରାତନ କୁଠାର ଛାତୁ ସିମେଟ ଅତଡ଼ା ପଡ଼ି ୨ ଝନ୍‌ ଛାତ୍ର ଖଁଡ଼ିଆଡଁଡ଼ିଆ ହେଇଥିଲେ। ସେଦିନ୍‌ଠାନୁ ଶିକ୍ଷା ବିଭାଗ ସ୍କୁଲର ୮ଟାରୁ ୬ଟା କୁଠିକେ ବଁଦ୍‌ କରିଦେଇଛେ। ଇଆଡ଼େ ପଢ଼ାକୁଠି ଅଭାବୁ ଛାତ୍ରୀଛାତ୍ରକଁର ପାଠ୍‌ପଢ଼ାରେ ବଡ଼ଭାରି ଅସ୍‌ବିଧା ହେଲାରୁ ଗଁାବାସୀ ପରଶାସନକେ ଗୁହାରି କରିଥିଲେ। ଇତାର ପରେ ଶିକ୍ଷା ବିଭାଗ ଅଧ୍‌କା ୩ଟା ନୂତନ୍‌ ପଢ଼ାକୁଠି ତିଆରିବାକେ ଅନୁଦାନ ଦେଇଥିଲା। ସେ ସମିଆରେ ଥିବାର ପ୍ରଧାନଶିକ୍ଷକ କୁଠି ତିଆରି ଦାଇତିଅରେ ରହିଥିଲେ। ହେଲେ ବଡ଼ଭାରି ହେରଫେର ଲାଗି କୁଠି ତିଆରିବେଲେ ଛାୟା ଭାଂଗିଯାଇଥିଲା। ଯେନ୍‌ଟାକେ ନେଇ ଗଁାବାସୀକର ଭିତରେ ଅସନ୍‌ତୋଷ ଦେଖାଦେଇଥିଲା। ବିଭାଗୀୟ ତଦଁତ୍‌ ଉତାରୁ ଇ ନୂତନ କୁଠି ତିଆରି କାମ୍‌କେ ବଁଦ୍‌ କରି ଦିଆଯାଇଥିଲା। ସେଦିନ୍‌ଠାନୁ ଆଏଜ୍‌କେ ୫ ବଛର ହେଲା ନୂତନ କୁଠି ତିଆରି କାମ୍‌ ଅଧାପନ୍‌ତରିଆ ହେଇ ପଡ଼ିରହିଛେ। ଇଆଡ଼େ ପଢ଼ାକୁଠି ଅଭାବ୍‌ ଲାଗି ଛାତ୍ରୀଛାତ୍ର, ଶିକ୍ଷକ ବଡ଼ଭାରି ସମସିଆର ସାମନା କରୁଛନ୍‌। ଅଫିସ ଘର ସମେତ ୨ ବଖରା ଘରେ ୮ଟା ଶ୍ରେଣୀର ଛାତ୍ରୀଛାତ୍ର ବସି ପାଠ୍‌ ପଢ଼ୁଛନ୍‌। ଇ ବାବ୍‌ଦେ ପ୍ରଧାନଶିକ୍ଷକ ଯବଦୁ ପଧାନକଁର ମତାମତ ନାଇଁ ମିଲିପାରି। ସ୍କୁଲ ପରିଚାଲନା କମିଟିର ସଭାପତି ପ୍ରସାଦି ସାହୁ କହିଛନ୍‌ ଯେ, ଇ କାମ୍‌ଟା ପୂରବର ପ୍ରଧାନ ଶିକ୍ଷକକଁର ଅମଲର। ତାହାକୁ ଉନିଆ ସ୍କୁଲକେ ବଦଲି ହେଇଯାଇଛେ। ନୂତନ କୁଠିର ତିଆରି କାମ୍‌ ଅଧାପନ୍‌ତରିଆ ହେଇ ପଡ଼ିଛେ। ଦୁଖର କଥା ଇ ବାବ୍‌ଦେ ଶିକ୍ଷା ବିଭାଗ କି ପରଶାସନକେ ଜନାଲେ କେହି କେହେନ୍‌ସି ପରକାର ପଦକ୍ଷେପ ନାଇଁ ନେବାର ବଲି ସେ କହିଥିଲେ।


All Right Reserved By

ଦିବ୍ୟାଙ୍ଗକଁର ଉଚ ଶିକ୍ଷା ଅଭିଲାଶ, ମନବଲ ଥିଲେ ସବୁ ସମ୍‌ଭବ: ଜଗନ୍ନାଥ

ଅତାବିରା, ୬।୬ (ଡି.ଏନ.ଏ):  ବରଗଡ଼ ଜିଲା ପାଇକମାଲ ବ୍ଲକ ଜାମସେଦ ପଁଚେତ୍‌ ଉରୁଆମୁଣ୍ଡା ଗାଁର ପଦ୍ମିନୀ ଆର କ୍ଷୀରସାଗର ତାଣ୍ଡିକଁର ପୁଓ ଜଗନ୍ନାଥ ତାଣ୍ଡି(୧୧)। ସେ...

ଷ୍ଟ୍ରଙ୍ଗ ରୁମ୍‌ରେ ନିଆଁ, ଭୋଟ ଗଣତି ସାମୟିକ ସ୍ଥଗିତ

ସୁନ୍ଦରଗଡ଼,୨୩।୫: ସୁନ୍ଦରଗଡ଼ ମାଦ୍ରିକାଲ ଭବନଠାରେ ରାଜଗାଙ୍ଗପୁର ବିଧାନସଭା ଆସନ ପାଇଁ ଚାଲିଥିବା ଭୋଟ ଗଣତି କେନ୍ଦ୍ର ନିକଟ ଷ୍ଟ୍ରଙ୍ଗ ରୁମ୍‌ରେ ଗୁରୁବାର ଅପରାହ୍ନ ୧ଟାରେ ଶର୍ଟ...

ଅଜଣା ଗାଡ଼ିଧକ୍କାରେ ବ୍ୟକ୍ତିଙ୍କ ଜୀବନ ଗଲା: କ୍ଷତିପୂରଣ ଦାବିରେ ରାସ୍ତାରୋକୋ

କେସିଙ୍ଗା,୨୮।୯: କଳାହାଣ୍ଡି ଜିଲା କେସିଙ୍ଗା ବ୍ଲକ ଅନ୍ତର୍ଗତ କନ୍ତେଶିର ଗ୍ରାମ ନିକଟସ୍ଥ ଜାତୀୟ ରାଜପଥ ୨୯ରେ ଅଜଣାଗାଡ଼ି ଧକ୍କାରେ ନିଳାମ୍ବର ବିଶି (୫୭) ନାମକ ଜଣେ...

ସରକାରୀ ସାହାଯ୍‌ରୁ ବଁଚିତ୍‌ ଦିବ୍ୟାଙ୍ଗ ଭାଇବହେନ୍‌

କୋକସରା, ୨୨।୬, (ଡି.ଏନ.ଏ): କେନ୍ଦ୍ର ଆର ରାଏଜ୍‌ ସରକାର ଦିବ୍ୟାଙ୍ଗମାନକର ସୁବିଧା ଆର ତାହାକୁ ସମାଜର ମୁଖିଆ ଧାରରେ ସାମିଲ କରବାର ଲାଗି ଅନେକ ଯୋଜନା...

ବୁଢ଼ାବୁଢ଼ି ଭତା ପାଏଲେ କୁଆଦେଇ

ଲାଠୋର ୧୮ା୬(ଡି.ଏନ.ଏ.): ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଅଧୀନ ଲାଠୋର ଗଁାର ୮୩ ବଛ୍‌ରିଆ ବିଧବା ବୁଢ଼ି କୁଆଦେଇକୁଁ ଶେଷେ ଲାଠୋର ପଁଚେତ୍‌ ପରଶାସନ ଭତା...

ବରଗଡ଼ ଲୋକ ସଭା: ସୁରେଶ-ପ୍ରସନ୍ନଙ୍କ ମଧ୍ୟରେ କଡ଼ା ଟକ୍କର

ବରଗଡ଼ ଅଫିସ,୨୩।୫: ବରଗଡ଼ ଲୋକ ସଭା ଆସନରେ ଭାଜପାର ସୁରେଶ ପୂଜାରୀ ଓ ବିଜେଡିର ପ୍ରସନ୍ନ ଆଚାର୍ଯ୍ୟଙ୍କ ମଧ୍ୟରେ କଡ଼ା ଟକ୍କର ହେଉଛି। ୧୫ଶ ରାଉଣ୍ଡ...

ପୁଡ଼ିଗଲା ଘର: ଭଗବାନ ଭରସାରେ ଭିନ୍ନକ୍ଷମ ମା’ପୁଓ

ପାଟଣାଗଡ଼,୨୯।୪(ଡି.ଏନ.ଏ.): ପାଟଣଗଡ଼ ବ୍ଲକ ଅଧୀନ ଯୋଗୀମୁଣ୍ଡା ପଁଚେତ୍‌ ନେହେନାବନ୍ଧ ଗାଁର ଦିବ୍ୟାଙ୍ଗ ହେମ ପରାଭୁଏକଁର ଘର ଗଲା ରଏବାର ନିଆଁ ଲାଗି ପୁଡ଼ିଯାଇଛେ। ସେଥି ତାକର...

ଏସିଆନ୍‌ କୋଚ୍‌ ଭାବେ ଏହେସାସ ହୋତାଙ୍କ ସଫଳତା

ବୀରମହାରାଜପୁର, ୧୦।୬ (ଡି.ଏନ୍‌.ଏ): ଜାତୀୟ ଏବଂ ଅନ୍ତର୍ଜାତୀୟସ୍ତରର କ୍ରୀଡ଼ା କ୍ଷେତ୍ରରେ ଲଗାତର ପାରଦର୍ଶିତା ପ୍ରଦର୍ଶନ କରି ଚର୍ଚ୍ଚାକୁ ଆସିଥିବା ସୁବର୍ଣ୍ଣପୁର ଜିଲା ବୀରମହାରାଜପୁରର ଯୁବ କ୍ରୀଡାବିତ୍‌...

selfi corner

Model This Week

Why Dharitri

Leave a comment

Your email address will not be published. Required fields are marked *