ଓଡ଼ିଶାକୁ ପ୍ରତିନିଧିତ୍ୱ କରୁଥିବାରୁ ଖୁସି ଲାଗେ

ଡ୍ୟାନ୍ସରରୁ ଇଞ୍ଜିନିୟର। ଇଞ୍ଜିନିୟରରୁ ବ୍ଲଗର୍‌। ଆଉ ବ୍ଲଗର୍‌ରୁ ଆକ୍ଟର। ଏକାଧାରାରେ ଏତେ ପ୍ରତିଭାର ଅଧିକାରୀ ମେଘା ରାୟ ଏବେ ଜି ଟିଭିରେ ପ୍ରସାରିତ ହେଉଥିବା ଟେଲିଭିଜନ ଶୋ’ ‘ଦିଲ୍‌ ୟେ ଜିଦ୍ଦି ହୈ’ର ମୁଖ୍ୟ ନାୟିକା। ପ୍ରକୃତି ମିଶ୍ରଙ୍କ ପରେ ଦ୍ୱିତୀୟ ଓଡ଼ିଆଭାବେ ହିନ୍ଦୀ ଟେଲି ଧାରାବାହିକରେ ଲିଡ୍‌ ରୋଲ୍‌ରେ ଅଭିନୟ କରୁଥିବା ଭଦ୍ରକର ସଞ୍ଜୟ ଗୋପାଳ ଓ ସୁଜାତା ରାୟଙ୍କ କନ୍ୟା ମେଘାଙ୍କ ସହ ଏଥର ଧରିତ୍ରୀ ଆଳାପ।

ଇଞ୍ଜିନିୟରିଂ ଚାକିରି ଛାଡ଼ି ଅଭିନୟ ଆଡ଼କୁ କାହିଁକି ଆସିଲେ?
*ପିଲାବେଳୁ ମୋର ଅଭିନୟ ଓ ଟେଲିଭିଜନ ପ୍ରତି ଦୁର୍ବଳତା ଥିଲା। ମୁଁ ଜଣେ ଡ୍ୟାନ୍ସର ଥିଲି। ଭାରତନାଟ୍ୟମ୍‌ରେ ମାଷ୍ଟର ଡିଗ୍ରୀ କରିଛି। ପାଠପଢାରେ ବି ଭଲ ଥିଲା। ମୁମ୍ବାଇ ବିଶ୍ୱବିଦ୍ୟାଳୟରୁ କମ୍ପ୍ୟୁଟର ଇଞ୍ଜିନିୟରିଂରେ ଶିକ୍ଷା ଗ୍ରହଣ କରିବା ପରେ ଏକ ପ୍ରତିଷ୍ଠିତ ଏମ୍‌ଏନ୍‌ସିରେ ବର୍ଷେ ଯାଏଁ ଚାକିରି କରିଥିଲି। ହେଲେ ପ୍ୟାଶନ୍‌କୁ ଅନୁକରଣ କରିବାକୁ ନିଷ୍ପତ୍ତି ନେଇଥିଲି ଓ ଚାକିରି ଛାଡି ଫୁଲ୍‌ଟାଇମ୍‌ ଆକ୍ଟିଂ ଉପରେ ଫୋକସ୍‌ କରିବି ବୋଲି ଭାବି ନେଇଥିଲି। ନୃତ୍ୟ କରିବା ଯୋଗୁ ଛୋଟବେଳୁ ଷ୍ଟେଜ୍‌ ସହ ମୋର ଭଲ ସମ୍ପର୍କ ଥିଲା। ତେଣୁ ଅଭିନୟ ମୋ ପାଇଁ ଏତେ କଷ୍ଟ ନଥିଲା।
ହିନ୍ଦୀ ଫିଲ୍ମରେ ସୁଯୋଗ ମିଳିଲେ କେଉଁ ଚରିତ୍ରରେ ଅଭିନୟ କରିବେ?
*ବଲିଉଡ୍‌ ଯିବାକୁ କାହାର ଇଚ୍ଛା ନ ଥାଏ। ମୋର ବି ଅଛି। କିଛି ଭଲ ଫିଲ୍ମ ଓ ଭଲ ନିର୍ମାତାଙ୍କ ସହ କାମ କରିବାକୁ ଇଚ୍ଛା ଅଛି। ‘ଦିଲ୍‌ ୟେ ଜିଦ୍ଦି ହୈ’ରେ ଏବେ ମୁଁ ୟଙ୍ଗ୍‌ ଓ ବବ୍‌ଲି କ୍ୟାରେକ୍ଟର ପ୍ଲେ କରୁଛି। ଆଗକୁ ଯାଇ ଯଦି କିଛି ଇଣ୍ଟେନ୍ସ, ସିରିୟସ୍‌ କିମ୍ବା ଆକ୍ସନ, ମିଷ୍ଟ୍ରି ଫିଲ୍ମରେ ଅଭିନୟ କରିବାର ସୁଯୋଗ ମିଳେ ତା’ହେଲେ ମଜା ଆସିଯିବ।
ପ୍ରଥମ ହିନ୍ଦୀ ଟେଲିଭିଜନ ଶୋ’ରେ ମୁଖ୍ୟ ଅଭିନେତ୍ରୀ ଚରିତ୍ର ଅଫର୍‌ ମିଳିବା ପରେ କେମିତି ଲାଗିଥିଲା?
*ଲିଡ୍‌ ରୋଲ୍‌ରେ ଅଭିନୟ କରିବା ବହୁତ ପୂର୍ବରୁ ମୋର ସ୍ବପ୍ନ ଥିଲା। ଭଗବାନଙ୍କ ଆଶୀର୍ବାଦରୁ ମୋତେ ବମ୍ବେ ଭଳି ସ୍ଥାନରେ ନବାଗତ ଭାବେ ଏତେ ସଂଘର୍ଷ କରିବାକୁ ପଡ଼ିନି। ଚାକିରି ଛାଡ଼ି ପ୍ରଥମେ ଫ୍ୟାଶନ ଓ ଲାଇଫ୍‌ଷ୍ଟାଇଲ୍‌ ବ୍ଲଗର୍‌ଭାବେ ପରିଚିତ ହେବାପରେ ‘ଏମ୍‌ଏକ୍ସ ପ୍ଲେୟାର’ରେ ପ୍ରସାରିତ ଓ୍ବେବ୍‌ସିରିଜ ‘ପଓ୍ବନ୍‌ ଆଣ୍ଡ୍‌ ପୂଜା’ରେ ଅଭିନୟ କରିଥଲି। ଏହାପରେ ‘ଦିଲ୍‌ ୟେ ଜିଦ୍ଦି ହୈ’ରେ ମୋତେ ବ୍ରେକ୍‌ ମିଳିଥିଲା। ସବୁକିଛି ସ୍ବପ୍ନ ଭଳି ଲାଗିଲା। ଜି ଟିଭି ଭଳି ପ୍ଲାଟ୍‌ଫର୍ମରେ ଲିଡ୍‌ କାଷ୍ଟ୍‌ ପାଇବା ନିଶ୍ଚୟ ଏକ ବଡ଼ କଥା।
ହିନ୍ଦୀ ଟେଲିଭିଜନ ଇଣ୍ଡଷ୍ଟ୍ରିରେ ଜଣେ ଓଡ଼ିଆ ଭାବେ କ’ଣ ଅନୁଭବ କରନ୍ତି?
*ଓଡ଼ିଆ ଏବଂ ଓଡ଼ିଶାକୁ ପ୍ରତିନିଧିତ୍ୱ କରୁଥିବାରୁ ମୋତେ ବହୁତ ଖୁସି ଲାଗେ। ଓଡ଼ିଆ ଲୋକଙ୍କୁ ଇଣ୍ଡଷ୍ଟ୍ରିରେ ଦେଖିଲେ ଭଲଲାଗେ। ମୁମ୍ବାଇ ଭଳି ସ୍ଥାନରେ ଓଡ଼ିଆଙ୍କୁ ପାଇବା ବହୁତ କଷ୍ଟ। ହେଲେ ଯେତେବେଳ ଜଣେ ଓଡ଼ିଆଙ୍କ ସହ ଦେଖା ହୋଇଯାଏ ବହୁତ ଖୁସି ଓ ନିଜର ନିଜର ଲାଗେ। ଆଶା କରୁଛି ଯେ ଆଗକୁ ଯାଇ ଓଡ଼ିଶାକୁ ଜାତୀୟସ୍ତରରେ ଆହୁରି ଗୌରବାନ୍ବିତ କରିବି।
ମଡେଲିଂରେ ଆଗ୍ରହ ଅଛି କି?
*ମୁଁ ପ୍ରଥମେ ମଡେଲିଂରୁ ହିଁ କ୍ୟାରିୟର ଆରମ୍ଭ କରିଥିଲି। ଫ୍ୟାଶନ ବ୍ଲଗିଂ ମଧ୍ୟ କରୁଥିଲି। ପ୍ରଫେସନାଲ ମଡେଲ୍‌ ଭାବେ ସ୍ପଟିଫାଏ ସହ ମୋର ପ୍ରଥମ ପ୍ରୋଜେକ୍ଟ ଥିଲା। ଚାରିଆଡେ ବଡ଼ ବଡ଼ ହୋର୍ଡିଂ ଦେଖି ବହୁତ ଖୁସି ଲାଗୁଥିଲା। ଏବେ ସିରିଏଲ୍‌ ମିଳିବା ପରେ ଆଉ ସମୟ ହେଉନି। ହେଲେ ଆଗକୁ ଯାଇ ନିଶ୍ଚୟ ମଡେଲିଂ ଜାରି ରଖିବି।
ଓଡ଼ିଆ ଫିଲ୍ମରେ ସୁଯୋଗ ମିଳିଲେ ଓଡ଼ିଶା ଫେରିବେ ?
*ହଁ, ନିଶ୍ଚୟ ଆସିବି। ନିଜ ମାତୃଭାଷାରେ ଅଭିନୟ କରିବାଠାରୁ ଭଲ କଥା ଆଉ କିଛି ନାହିଁ। ଭଲ ପ୍ରୋଜେକ୍ଟ ହାତକୁ ଆସିଲେ ମୁଁ ନିଶ୍ଚିନ୍ତ କରିବି।
କ’ଣ ଖାଇବାକୁ ଭଲଲାଗେ?
*ମୁଁ ବହୁତ ବଡ଼ ଫୁଡି। ଘରେ ମମ୍ମି ଯାହା କରନ୍ତି ସବୁ ଭଲଲାଗେ। ଏହାବ୍ୟତୀତ ମୁମ୍ବାଇର ଷ୍ଟ୍ରିଟ୍‌ ଫୁଡ୍‌ ବହୁତ ପସନ୍ଦ। ଭିନ୍ନ ଭିନ୍ନ ଦେଶର ଖାଦ୍ୟ ଖାଇବାକୁ ଭଲଲାଗେ। କଣ୍ଟିନେଣ୍ଟାଲ, ଥାଇ କୁଇଜିନ୍‌ ମୋର ଫେଭରାଇଟ୍‌। ଓଡ଼ିଆ ଖାଦ୍ୟ ଭିତରେ ପଖାଳ ଭାତ ମୋର ସବୁଠୁ ପ୍ରିୟ। ଏହାସହ ଚିଙ୍ଗୁଡି ଛେଚା ମିଳିଗଲେ ବାସ୍‌ ଆଉକିଛି ଦରକାର ପଡ଼େନା। ମୋ ମାମୁ ଘର କଟକ। ଓଡ଼ିଶା ଗଲେ ମୁଁ କଟକର ଚାଟ୍‌ ଖାଇବାକୁ କେବେ ଭୁଲେନା।
ଯେଉଁମାନେ ଅଭିନୟକୁ କ୍ୟାରିୟର କରିବାକୁ ଚାହୁଁଛନ୍ତି ସେମାନଙ୍କୁ କ’ଣ କହିବେ?
*ଫେମ୍‌, ଗ୍ଲାମର୍‌କୁ ଆଶା ରଖି କେବେ ବି ଏହି ଇଣ୍ଡଷ୍ଟ୍ରିକୁ ଆସିବା କଥା ନୁହେଁ। ହେଲେ କଳା ପ୍ରତି ଯଦି ଭଲପାଇବା ଅଛି, ଏହା ତୁମର ପ୍ୟାଶନ ତା’ହେଲେ ହିଁ ଆସ। ନଚେତ୍‌ ଏଠାରେ ତିଷ୍ଠି ରହିବା ବହୁତ କଷ୍ଟକର। କଳାକାରଭାବେ ବହୁତ ପରିଶ୍ରମ କରିବାକୁ ପଡ଼ିବ। ପ୍ରତିଦିନ ଅଭ୍ୟାସ କରିବାକୁ ପଡ଼ିବ। ପ୍ରତିଦିନ ଜୀବନରୁ ସମସ୍ତଙ୍କ ଠାରୁ କିଛି ନା କିଛି ଶିଖ ଓ ତାହାକୁ ନିଜ କଳାରେ ସାମିଲ କର।
‘ଦିଲ୍‌ ୟେ ଜିଦ୍ଦି ହୈ’ର ସ୍ମରଣୀୟ ମୁହୂର୍ତ୍ତ?
*ଆମେ ଶୁୁଟିଂ କରିବାକୁ ଝାନ୍‌ସୀ ଯାଇଥିଲୁ। ଶୋ’ର କିଛିଟା ଆଉଟ୍‌ଡୋର୍‌ ଶୁୁଟ୍‌ ସେଠାରେ ହୋଇଥିଲା। ପ୍ରଥମ ଏପିସୋଡ୍‌ର ଏକ ଦୃଶ୍ୟ ଥିଲା। ମୋ ସହ ଅଭିନେତା ଭାବେ ଯିଏ ଏହି ଧାରାବାହିକରେ ଅଛନ୍ତି ତାଙ୍କ ସହ ସୁକ୍‌ମା ଡୁକ୍‌ମା ଡ୍ୟାମ୍‌ ପାଖରେ ଏକ ଦୃଶ୍ୟର ଶୁଟିଂ ହେଉଥିଲା। ହେଲେ ସେ ଡ୍ୟାମ୍‌ ଏତେ ସୁନ୍ଦର ଥିଲା ଯେ ତାହା ଉପରେ ମୋ ନଜର ହଟୁ ନ ଥିଲା। ଏହା ସାଙ୍ଗକୁ ସେ ସିନ୍‌ର କାହାଣୀ ମଧ୍ୟ ଆହୁରି ଭଲ ଥିଲା। ଆଜିଯାଏ ମୁଁ ସେ ଦୃଶ୍ୟକୁ ଭୁଲିପାରୁନି।
ପାଠକଙ୍କୁ କ’ଣ କହିବେ?
*ପାଠକଙ୍କୁ ଏତିକି କହିବି ମୋ ଶୋ’କୁ ଦେଖନ୍ତୁ। ମୋତେ ଆହୁରି ଭଲପାଇବା ଦିଅନ୍ତୁ। ଶୋ’ ହିଟ୍‌ ହେଲେ ଓଡ଼ିଶାକୁ ହିଁ ପରିଚୟ ମିଳିବ।


All Right Reserved By Dharitri.Com

ମାଡାମ ଟୁସାଡ୍‌ସରେ ପ୍ରିୟଙ୍କା

ଲଣ୍ଡନ: ପ୍ରିୟଙ୍କା ଚୋପ୍ରାଙ୍କ ମହମ ପ୍ରତିମୂର୍ତ୍ତି ମଙ୍ଗଳବାର ମାଡାମ ଟୁସାଡ୍ସ ଲଣ୍ଡନରେ ଅନାବରଣ ହୋଇଛି। ସେ ହେଉଛନ୍ତି ପ୍ରଥମ ବଲିଉଡ ଅଭିନେତ୍ରୀ ଯାହାଙ୍କ ପ୍ରତିମୂର୍ତ୍ତି ସେଠାରେ...

ବିବାହର ୬ ମାସ ପରେ ଅଲଗା ଲୁକ୍‌ରେ କମେଡି କିଙ୍ଗ୍‌

କମେଡି କିଙ୍ଗ୍‌ କପିଲ ଶର୍ମାଙ୍କୁ ବିବାହର ୬ ମାସ ପରେ ଅଲଗା ଲୁକ୍‌ରେ ଦେଖି ଫ୍ୟାନ୍‌ମାନେ ଆଶ୍ଚର୍ଯ୍ୟ ହେବା ସହ ଖୁସି ମଧ୍ୟ ହୋଇଛନ୍ତି। କପିଲ...

ଶେଷରେ ଅନନ୍ୟା

ଯାହାହେଉ ଶେଷରେ କରନ୍‌ ଟେନସନରୁ ମୁକ୍ତ ହେଲେ। କଥା କ’ଣ କି ତାଙ୍କର ଆଗାମୀ ଫିଲ୍ମ ‘ଫାଇଟର’ର ନାୟିକା କିଏ ହେବ ସେ ନେଇ ଅଡୁଆରେ...

ସିଦ୍ଧାର୍ଥଙ୍କ ଉପରେ ରାଗିଗଲେ ହିମାଂଶି: କହିଲେ ‘ମହିଳାଙ୍କ ସହ କିଭଳି କଥା ହେବେ ଶିଖନ୍ତୁ’

ବମ୍ବେ: ବିଗ୍‌ବସ୍‌ ସରିବା ପରେ ମଧ୍ୟ ପ୍ରତିଯୋଗୀମାନଙ୍କ ମଧ୍ୟରେ ଆରୋପ ପ୍ରତ୍ୟାରୋପ ଥମୁନାହିଁ। ଏପରିକି ବ୍ୟକ୍ତିଗତ ଜୀବନକୁ ନେଇ ମଧ୍ୟ ଜଣେ ଅନ୍ୟଜଣଙ୍କୁ କଡ଼ା ମନ୍ତବ୍ୟ...

ଚିକି ଚିକି ମୋର ଚିକିଣି ଗାଲ..

‘ଚିକି ଚିକି ମୋର ଚିକିଣି ଗାଲ, ରଙ୍ଗବତୀ ରସବତୀ ଜାଇଫୁଲ’। ଏପରି ଏକ ଆଇଟମ୍‌ ଗୀତକୁ ନେଇ ଓଲିଉଡ୍‌ରେ ଚର୍ଚ୍ଚା ଜୋର୍‌ ଧରିଛି। ଡ. ନିର୍ମଳ...

ମା’ ତୁମେ ବହୁତ ମନେ ପଡୁଛ…

ମୁମ୍ବାଇ: ବଲିଉଡ୍‌ର ଦିବଂଗତ ଅଭିନେତ୍ରୀ ଶ୍ରୀଦେବୀଙ୍କ ୨୪ ଫେବୃୟାରୀ ଅର୍ଥାତ୍‌ ସୋମବାର ଦ୍ୱିତୀୟ ଶ୍ରାଦ୍ଧବାର୍ଷିକୀ। ଆଜିର ଦିନରେ ଶ୍ରୀଦେବୀଙ୍କ ଅଚାନକ ମୃତ୍ୟୁ ସିନେପ୍ରେମୀଙ୍କୁ ହତବାକ କରିଦେଇଥିଲା।...

ନିଃସର୍ତ୍ତ ସହଯୋଗ ଲାଗି ଶ୍ରଦ୍ଧାଙ୍କ ଗୁରୁତ୍ୱ

ମୁମ୍ବାଇ: ବଲିଉଡ୍‌ ଅଭିନେତ୍ରୀ ଶ୍ରଦ୍ଧା କପୁର ନିକଟରେ ନିଜର ଇନ୍‌ଷ୍ଟାଗ୍ରାମ ଆକାଉଣ୍ଟରେ ଏକ କ୍ୟୁଟ୍‌ ଭିଡିଓ ଶେୟାର କରିଛନ୍ତି। ଯେଉଁଥିରେ ଏକ ଛୋଟ ହାତୀ ତାର...

ସେନା ପୋଷାକରେ ଆମିର

ମୁମ୍ବାଇ: ବଲିଉଡ୍‌ର ମିଷ୍ଟର ପରଫେକ୍ସନିଷ୍ଟ ଭାବେ ପରିଚିତ ଆମିର ଖାଁ ନିକଟରେ ସେନା ପୋଷାକରେ ନଜର ଆସିଛନ୍ତି। ସବୁବେଳେ ନିଜ କାମକୁ ଶହେ ପ୍ରତିଶତ ଦେବାକୁ...

Leave a comment

Your email address will not be published. Required fields are marked *