ମୁଢ଼ି କରିଛି ସ୍ବାବଲମ୍ବୀ

ବାରିପଦା ଅଫିସ,୩ା୩(ରଞ୍ଜନ କୁମାର ପ୍ରଧାନ)- ବାରିପଦା ମୁଢ଼ି ମାଂସର ସ୍ବତନ୍ତ୍ରତା ରହିଛି। ଏହି ମୁଢ଼ିକୁ ରାଜ୍ୟର କୋଣ ଅନୁକୋଣରେ ପହଞ୍ଚାଇବା ପାଇଁ ଉଦ୍ୟମ ଚଳାଇଛନ୍ତି ମୟୂରଭଞ୍ଜ ଜିଲା ରାସଗୋବିନ୍ଦପୁର ବ୍ଲକର ତମ୍ବାଖୁରୀ ଗ୍ରାମର ରଶ୍ମି ମହାନ୍ତି। ନିଜର ଉନ୍ନୟନ ନାମକ ସ୍ବେଚ୍ଛାସେବୀ ସଂଗଠନ ସହାୟତାରେ ମୟୂରଭଞ୍ଜ ମହିଳା ଆସୋସିଏଶନ ନାମକ ସଂଘ ଗଠନ କରି ଏଥିରେ ୧୩୦ ମହିଳାମାନଙ୍କୁ ସାମିଲ କରି ସେମାନଙ୍କୁ କରାଇ ପାରିଛନ୍ତି ଆର୍ଥିକ ସ୍ବାବଲମ୍ବୀ। ଉକ୍ତ ମହିଳାମାନେ ନିଜେ ଘରେ ହାଣ୍ଡିରେ ମୁଢ଼ି ଭାଜି ଏହାକୁ ଜିଲା ଓ ଜିଲା ବାହାରକୁ ବିକ୍ରି ପାଇଁ ପଠାଉଛନ୍ତି। ବାରିପଦା ମୁଢ଼ି ବ୍ରାଣ୍ଡରେ ନାମିତ ଏହି ମୁଢ଼ିର ବର୍ତ୍ତମାନ ଚାହିଦା ବଢିବାରେ ଲାଗିଛି। ଏହା କେବଳ ଯେ ଜିଲାରେ ସୀମିତ ରହିଛି ତାହା ନୁହେଁ ଏହି ମୁଢ଼ି ପ୍ୟାକେଟକୁ ମୁମ୍ବାଇକୁ ମଧ୍ୟ ଡାକ ଯୋଗେ ପଠାଯାଉଛି।
ଉଲ୍ଲେଖଯୋଗ୍ୟ, ରାସଗୋବିନ୍ଦପୁର ବ୍ଲକ ଗଡ଼ିଘାଟି ପଞ୍ଚାୟତର ତମ୍ବାଖୁରୀ, ବନ୍ଧମୁଣ୍ଡି, ଅସ୍ତଗଡ଼ିଆ, ମାଲକଡ଼ିଆ, ଗଡ଼ିଘାଟି, ବହ୍ମପୁରା ଆଦି ଗ୍ରାମରେ ବସବାସ କରୁଥିବା କୈବର୍ତ୍ତ୍ୟ ସମ୍ପ୍ରଦାୟର ଲୋକମାନେ ଗ୍ରାମ ଦେଇ ସୁବର୍ଣ୍ଣରେଖା ନଦୀ ଯାଉଥିବାରୁ ମାଛ ଓ ଚାଷବାସ କରି ଜୀବନ ଜୀବିକା ନିର୍ବାହ କରୁଥିଲେ। ହେଲେ କିଛି ବର୍ଷ ତଳେ ନଦୀରେ ପାଣି ନ ଆସିବା ଓ କେତେକ ଲୋକଙ୍କ ଜମି ନ ଥିବାରୁ ସେମାନେ ଜୀବନ ଜୀବିକା ନିର୍ବାହ କରିବା ପାଇଁ ଚିନ୍ତାରେ ପଡ଼ି ଯାଇଥିଲେ। ଏହି ସମୟରେ ଗ୍ରାମକୁ ଯାଇଥିବା ରଶ୍ମି ଏ ନେଇ ଏକ ଉପାୟ ବାହାର କରିଥିଲେ। ବାରିପଦା ମୁଢ଼ିକୁ ମାଧ୍ୟମ କରି ମହିଳାମାନଙ୍କୁ ଆର୍ଥିକ ସ୍ବଚ୍ଛଳ କରାଇବା ନେଇ ସେ ପ୍ରୟାସ ଆରମ୍ଭ କରି ଦେଇଥିଲେ। ୨୦୦୨ରେ ମାତ୍ର ୧୪ ମହିଳାଙ୍କୁ ନେଇ ମୟୂରଭଞ୍ଜ ମହିଳା ଆସୋସିଏଶନ ଗଠନ କରିଥିଲେ। ଘରେ ହାଣ୍ଡି ଭଜା ମୁଢ଼ି ପ୍ରସ୍ତୁତ ପରେ ଏହାକୁ ପ୍ୟାକିଂକରି ବିକ୍ରି କରିଥିଲେ। ବର୍ତ୍ତମାନ ଏହି ସଂଘରେ ୨୧ଟି ଗ୍ରୁପ ସାମିଲ ହୋଇଥିବାବେଳେ ୧୩୦ ସଦସ୍ୟା ରହିଛନ୍ତି। ପ୍ରତି ମାସରେ ୫୦ରୁ ୬୦ କୁଇଣ୍ଟାଲ ମୁଢ଼ି ବିକ୍ରି କରାଯାଉଛି। ପ୍ରତିଦିନ ମହିଳାମାନେ ନିଜ ଘରୁ ହାଣ୍ଡିରେ ମୁଢ଼ି ଭାଜି ଆଣି ସଂଘ କାର୍ଯ୍ୟାଳୟରେ ଦିଅନ୍ତି। ପରେ ସେଠାରେ ଉକ୍ତ ସଂଘର ୯ ଜଣ ମହିଳା ଏହାକୁ ପ୍ୟାକିଂ କରନ୍ତି। ପ୍ରତି ପ୍ୟାକେଟରେ ୨୫୦ ଓ ୫୦୦ ଗ୍ରାମ୍‌ର ମୁଢ଼ି ରହୁଥିବାବେଳେ ଏହା ଯଥାକ୍ରମେ ୨୫ ଓ ୫୦ ଟଙ୍କାରେ ବିକ୍ରି ହେଉଛି। ସେହିଭଳି ବିଭିନ୍ନ ସ୍ଥାନରେ ଏହାର ମୂଲ୍ୟ ପରିବର୍ତ୍ତିତ ରହୁଛି। ବିନା ୟୁରିଆ, ସୋଢ଼ା ବ୍ୟବହାର କରି ଏହି ମୁଢି ହାଣ୍ଡିରେ ଭଜା ଯାଉଛି। ବାରିପଦାର ଗରମ ମୁଢ଼ି , ଖାଇବାକୁ ଭାରି ମଜା ଟ୍ୟାଗ୍‌ ଲାଇନ୍‌ ଦେଇ ଏହି ମୁଢ଼ି ବିକ୍ରି କରାଯାଉଛି। ଏନେଇ ରଶ୍ମି କୁହନ୍ତି ଯେ, ବିଭିନ୍ନ ସ୍ଥାନରେ ବର୍ତ୍ତମାନ ଖାଦ୍ୟପଦାର୍ଥରେ ଅପମିଶ୍ରଣ ହେଉଥିବା ବେଳେ ଆମେ ଲୋକମାନଙ୍କୁ ହାଣ୍ଡିରେ ପ୍ରସ୍ତୁତ ଦେଶୀ ଭଜା ମୁଢ଼ି ଦେଉଛୁ। ଘରେ ତିଆରି କରାଯାଉ ଥିବାରୁ ଏହି ମୁଢ଼ିର ଚାହିଦା ରହିଛି। ସେହିଭଳି ବର୍ତ୍ତମାନ ଚାହିଦା ବଢ଼ି ଯାଇଥିବାରୁ ଆଗାମୀ ଦିନରେ ମୁଢ଼ିର ଗୁଣବତ୍ତାରେ କୌଣସି ସାଲିସ ନ କରି ଗ୍ରାହକମାନଙ୍କୁ କିପରି ଦେଶୀ ମୁଢ଼ି ଯୋଗାଇ ଦିଆଯିବ ସେଥିପ୍ରତି ଯତ୍ନବାନ ରହିଛୁ। ରାଜ୍ୟର ପ୍ରତିଟି କୋଣ ଅନୁକୋଣରେ ବାରିପଦା ମୁଢ଼ି ବିକ୍ରି କରାଯିବା ନେଇ ଲକ୍ଷ୍ୟ ରହିଥିବା ସେ ପ୍ରକାଶ କରିଛନ୍ତିି। ସଂଘର ମହିଳାମାନେ ଯେ, କେବଳ ମୁଢ଼ି ବ୍ୟବସାୟ କରୁଛନ୍ତି ତାହା ନୁହେଁ ଆମ୍ବୁଲ, ତେନ୍ତୁଳି, ସୋରିଷ ଆଦି ଦେଶୀ ଜିନିଷକୁ ପ୍ୟାକିଂ କରି ବିକ୍ରି ମଧ୍ୟ କରୁଛନ୍ତି। ବିଭିନ୍ନ ମହୋତ୍ସବରେ ଷ୍ଟଲ ଖୋଲି ଏମାନେ ବାରିପଦା ମୁଢ଼ି ସହିତ ମାଂସ ମଧ୍ୟ ବିକ୍ରି କରି ସ୍ବାବଲମ୍ବୀ ହୋଇ ପାରିଛନ୍ତି। ୨୦୦୫ରେ ମୁଖ୍ୟମନ୍ତ୍ରୀ ଏହି ଗ୍ରାମକୁ ଆସି ବାରିପଦା ମୁଢ଼ି କାର୍ଯ୍ୟାଳୟ ପରିଦର୍ଶନ କରିଥିଲେ। ମୁଢି ବ୍ୟବସାୟରୁ ବର୍ଷକୁ କୋଟିଏରୁ ଊର୍ଦ୍ଧ୍ୱ ରୋଜଗାର ହେଉଥିବା ମୟୂରଭଞ୍ଜ ମହିଳା ଆସୋସିଏଶନର ସଭାପତି ଇତିଶ୍ରୀ କବି ଓ ସମ୍ପାଦିକା କବିତା ବେହେରା କହିଛନ୍ତି।


All Right Reserved By Dharitri.Com

କମେଣ୍ଟ ମାରୁଥିବା ଯୁବକଙ୍କୁ କାବୁ କରି ପୋଲିସ ଜିମାଦେବା ଘଟଣା: ଶର୍ମିଷ୍ଠାଙ୍କୁ ସମ୍ମାନିତ କଲେ ଏସ୍‌ପି

ବଲାଙ୍ଗୀର ଅଫିସ, ୨ା୧୦-ହାଇସ୍କୁଲରେ ପଢୁଥିବା ଦୁଇ ସାନ ଭଉଣୀ ଓ ତାଙ୍କ ସହାପାଠିନୀଙ୍କୁ ବାରମ୍ବାର କମେଣ୍ଟ ମାରି ହଇରାଣ କରୁଥିବା ଜଣେ ଉଦ୍ଧତ ଯୁବକଙ୍କୁ ବିଚ୍‌...

ରାଜ୍ୟର ୨,୦୬୩ ଅଙ୍ଗନଓ୍ବାଡି କେନ୍ଦ୍ର ବିପଦସଙ୍କୁଳ

ଭୁବନେଶ୍ୱର,୧୭।୧୧(ବ୍ୟୁରୋ): ରାଜ୍ୟରେ ବର୍ତ୍ତମାନ ୭୨ହଜାର ୫୮୭ଟି ଅଙ୍ଗନଓ୍ବାଡ଼ି ଓ ମିନି ଅଙ୍ଗନବାଡ଼ି କେନ୍ଦ୍ର ଚାଲୁଛି। ଏଥିମଧ୍ୟରେ ୪୦ହଜାର ୭୮୮ କେନ୍ଦ୍ର ନିଜସ୍ବ ଘରେ ଓ ୪...

କୁସୁମୀ ସେତୁ ଆପ୍ରୋଚ ରାସ୍ତା ନିର୍ମାଣରେ ବିଳମ୍ବ : ବିଭାଗୀୟ କର୍ତ୍ତୃପକ୍ଷଙ୍କ ନୀରବ ନେଇ ଅସନ୍ତୋଷ

ଖଣ୍ଡପଡ଼ା,୧ା୮(ସ୍ବ.ପ୍ର.): ଖଣ୍ଡପଡ଼ା ବ୍ଲକ ଅଧୀନ ବୋଦସା ଗ୍ରାମ ନିକଟସ୍ଥ ରାଣୀଛେଲି ପଞ୍ଚାୟତସ୍ଥ କଳପଙ୍ଗୀ ଗ୍ରାମକୁ ସଂଯୋଗ କରୁଥିବା କୁସୁମୀ ନଦୀ ଉପରେ ଆପ୍ରୋଚ ରାସ୍ତା ନିର୍ମାଣରେ...

ଶିକ୍ଷୟିତ୍ରୀଙ୍କ ଗହଣା ଲୁଟ୍‌, ବଳାତ୍କାର ଉଦ୍ୟମ

ଦିଗପହଣ୍ଡି,୧୭୮(ଡି.ଏନ.ଏ.)-ଦିଗପହଣ୍ଡି ଥାନା ମହୁଡ଼ା ଅଞ୍ଚଳ ଅପରାଧୀଙ୍କ ଅମରାବତୀ ପାଲଟିଛି। ପୋଲିସ ଅଭିଯୁକ୍ତମାନଙ୍କୁ ଧରିବାରେ ବିଫଳ ହେଉଛି। ଗୁରୁବାର ଜଣେ ଶିକ୍ଷୟିତ୍ରୀଙ୍କୁ ମହୁଡ଼ା-ନରସିଂହପୁର ଗ୍ରାମ ନିଛାଟିଆ ରାସ୍ତାରେ...

ରେଳବଜେଟରେ ଯାଜପୁର ନିରାଶ

ଯାଜପୁର ଅଫିସ,୬ା୨: ରେଳବଜେଟ ୨୦୨୦-୨୧ ଓଡ଼ିଶା ଏବଂ ବିଶେଷକରି ଯାଜପୁର ଜିଲା ପାଇଁ ନିରାଶଜନକ ହୋଇଛି। ଯାଜପୁର-କେନ୍ଦୁଝରରୋଡ ରେଳଷ୍ଟେଶନରୁ ଧାମରା(ଭାୟା-ବିରଜାକ୍ଷେତ୍ର ଓ ଆରଡି)କୁ ସିଧାସଳଖ ଟ୍ରେନ...

ଶହେ କିଲୋମିଟର ବେଳାଭୂମିକୁ ସଫା କଲେ ୧୦ହଜାର ସ୍ବେଚ୍ଛାସେବୀ

ପୁରୀ ଅଫିସ,୨୧।୯: ପୁରୀରେ ଅନ୍ତର୍ଜାତୀୟ ବେଳାଭୂମି ସଫେଇ ଦିବସ ପାଳିତ ହୋଇଛି। ଶନିବାର ଜିଲାର ପ୍ରାୟ ଶହେ କିଲୋମିଟର ପର୍ଯ୍ୟନ୍ତ ବେଳାଭୂମିକୁ ଏକାସାଙ୍ଗରେ ୧୦ହଜାର ସ୍ବେଚ୍ଛାସେବୀ...

ଆଜି ସରୁଛି ଡେଡ୍‌ଲାଇନ୍‌: ମାର୍ଚ୍ଚ ପହିଲାରୁ ଜୋରଦାର ହେବ ଧରପଗଡ଼; ପାଖରେ ରଖନ୍ତୁ ଆବଶ୍ୟକ କାଗଜପତ୍ର

ଭୁବନେଶ୍ୱର,୨୯।୨(ବ୍ୟୁରୋ): ୨୦୧୯ ସେପ୍ଟେମ୍ବର ୧ରେ ସାରା ଭାରତରେ ନୂଆ ମୋଟର ଯାନ ଆଇନ କଡ଼ାକଡ଼ି ପାଳନ ପାଇଁ ନିର୍ଦ୍ଦେଶ ହୋଇଥିଲା। ହେଲେ ଲୋକମାନଙ୍କ ଅସନ୍ତୋଷ ଏବଂ...

ରାଜ୍ୟରେ ବନ୍ଦ ହେବ ଓଏସ୍‌ଟିଏଫ୍‌

କଟକ ଅଫିସ, ୯ା୧: ଓଡ଼ିଶା ରାଜ୍ୟ ଚିକିତ୍ସା ପାଣ୍ଠି (ଓଏସ୍‌ଟିଏଫ୍‌) ବନ୍ଦ ହେବାକୁ ଯାଉଛି। ଫେବୃୟାରୀ ମାସ ଅଧାରୁ ଏହି ଯୋଜନାକୁ ବନ୍ଦ କରାଯିବ। ଓଏସ୍‌ଟିଏଫ୍‌କୁ...

Leave a comment

Your email address will not be published. Required fields are marked *