ବିଧାନସଭାରେ ନୀରବ ଜନପ୍ରତିନିଧି

ଯାଜପୁର ଅଫିସ,୩ା୩: ଯାଜପୁର ଜିଲାରେ ପ୍ରାୟ ୧୮ହଜାର ହେକ୍ଟର ଜମିରେ ପନିପରିବା ଚାଷ ହେଉଛି। ଏଠାରୁ ପନିପରିବା ଜିଲା ତଥା ରାଜ୍ୟ ବାହାରକୁ ମଧ୍ୟ ରପ୍ତାନୀ ହେଉଛି। କିନ୍ତୁ ଜିଲା କୃଷି ଓ ଉଦ୍ୟାନ ବିଭାଗର ଦୂରଦର୍ଶିତା ଓ ଆନ୍ତରିକତା ଅଭାବରୁ ଗତ ୫ବର୍ଷ ମଧ୍ୟରେ ଶୀତଳ ଭଣ୍ଡାର ୧ରୁ ୨ ହୋଇପାରି ନାହିଁ। ଏଥିପାଇଁ ଜିଲାର ଲକ୍ଷାଧିକ ପରିବା ଚାଷୀ ଅଭାବି ବିକ୍ରୀର ଶିକାର ହେଉଛନ୍ତି। ଏହାସହ କୃଷି ଓ କୃଷକ ସଶକ୍ତୀକରଣରେ କାର୍ଯ୍ୟକାରୀ ହେଉଥିବା ବିଭିନ୍ନ ଯୋଜନା ମଧ୍ୟ ଚାଷୀଙ୍କ ପାଖରେ ଉପଯୁକ୍ତଭାବେ ପହଞ୍ଚି ପାରୁନାହିଁ। ଏହିକ୍ରମରେ ପରିବା ଚାଷୀ ସବୁକ୍ଷେତ୍ରରେ ଉପେକ୍ଷିତ ହେଉଥିବାବେଳେ ଯାଜପୁର ଜିଲାର ଜଣେ ହେଲେ ନିର୍ବାଚିତ ପ୍ରତିନିଧି ୨୬ ତାରିଖରେ ଶେଷ ହୋଇଥିବା ବିଧାନସଭାରେ ପରିବା ଚାଷୀଙ୍କ ବିକାଶ ପାଇଁ ଗୋଟିଏ ବି ପ୍ରଶ୍ନ ଉତଥାପନ କରି ନାହାନ୍ତି। କେବଳ ଉଦ୍ୟାନ ବିଭାଗ ନୁହେଁ ଜିଲାର ବିକାଶରେ ସମ୍ପୃକ୍ତ ଅନ୍ୟ ଯୋଜନା ସମ୍ପର୍କରେ ମଧ୍ୟ କେହି ପ୍ରଶ୍ନଟିଏ ନ କରିବା ଜିଲାର ନିର୍ବାଚିତ ପ୍ରତିନିଧିଙ୍କ କାର୍ଯ୍ୟ ଦକ୍ଷତା ଉପରେ ପ୍ରଶ୍ନବାଚୀ ସୃଷ୍ଟି କରିଛି।
ଭୁବନେଶ୍ୱର କୃଷି ଭବନ ଉଦ୍ୟାନ ବିଭାଗ ନିର୍ଦ୍ଦେଶାଳୟର ଅତିରିକ୍ତ ନିର୍ଦ୍ଦେଶକ ତାଙ୍କ ପତ୍ରସଂଖ୍ୟା ୧୮୪୯/୧୯ା୨ା୨୦୧୯ରେ ନୟାଗଡା, କୋରାପୁଟ, ବଲାଙ୍ଗୀର, କଳାହାଣ୍ଡି, ରାୟଗଡା, କଟକ ଓ ଅନୁଗୁଳ ଜିଲାର ଉଦ୍ୟାନ ଉପନିର୍ଦ୍ଦେଶକ(ଡିଡିଏଚ) ଏବଂ ଯାଜପୁର, ବରଗଡ ଓ ପଦମପୁର ଅତିରିକ୍ତ ଉପନିର୍ଦ୍ଦେଶକ(ଏଡିଏଚ୍‌)ଙ୍କୁ ୨୦ା୨ା୨୦୨୦ ସୁଦ୍ଧା ବିଧାନସଭା ପ୍ରଶ୍ନର ଉତ୍ତର ଦାଖଲ କରିବାକୁ ନିର୍ଦ୍ଦେଶ ଦେଇଥିଲେ। ବଡଚଣା ବ୍ଲକରେ ଥିବା ମହାବିନାୟକ ଫଳ ଉଦ୍ୟାନରେ କାର୍ଯ୍ୟରତ କର୍ମଚାରୀଙ୍କ ସଂଖ୍ୟା କେତେ ଓ ଅସ୍ଥାୟୀ କର୍ମଚାରୀଙ୍କୁ ସ୍ଥାୟୀ କରିବା ସହିତ ଏହି ଫଳ ଉଦ୍ୟାନକୁ ଅଧିକ କ୍ରିୟାଶୀଳ କରିବା ପାଇଁ ଆର୍ଥିକ ସହାୟତା ପ୍ରଦାନ କରିବେ କି ବୋଲି ବଡ଼ଚଣା ବିଧାୟକ ଅମରପ୍ରସାଦ ଶତପଥି (୯୮୨ ନମ୍ବର)ରେ ଏକମାତ୍ର ପ୍ରଶ୍ନ କରିଥିଲେ। ବିଧାୟକ ସତ୍ୟନାରାୟଣ ପ୍ରଧାନ(ତାରକା ଚିହ୍ନିତ ୭୨୫)ରେ ନୟାଗଡ ଜିଲାରେ ଚାଷ ଜମିରେ ପନିପରିବା ଓ ଫଳ ଚାଷ, ବିଧାୟକ ତାରାପ୍ରସାଦ ବାହିନୀପତି(ତାରକା ଚିହ୍ନିତ ୭୬୨)ରେ ଆଳୁ ଓ ପିଆଜ ଚାଷ ପାଇଁ ସରକାର ଆନ୍ତରିକତା ପ୍ରଦାନ କରୁନାହାନ୍ତି କାହିଁକି, ବିଧାୟକ ମକରନ୍ଦ ମୁଦୁଲି (ତାରକା ଚିହ୍ନିତ ୭୬୪)ରେ ରାୟଗଡା ଜିଲାର ଉଦ୍ୟାନ କୃଷି ପାଇଁ ବିଭିନ୍ନ ପ୍ରକ୍ପର ସଫଳତା ହାର, ବିଧାୟକ ଦେବେଶ ଆଚାର୍ଯ୍ୟ(ତାରକା ଚିହ୍ନିତ ୮୩୭)ବରଗଡ ଜିଲାର ସାମଗ୍ରିକ ଭାବେ କୃଷି କ୍ଷେତ୍ରରେ ଉନ୍ନତି ଲାଭ କରିଛି କି, ବିଧାୟକ ସୌଭିକ ବିଶ୍ୱାଳ(ନମ୍ବର ୮୮୨ ଓ ୮୮୩)ରେ ଫୁଲ ଚାଷକୁ ପ୍ରୋତ୍ସାହନ, ରମେଶଚନ୍ଦ୍ର ସାଏ(୮୮୯) ଚାଷୀଙ୍କୁ ଆମ୍ବ ଚାଷ ପାଇଁ ପ୍ରୋତ୍ସାହନ, ମୌଷଧି ବାଗ(୯୬୦) ଉଦ୍ୟାନ କୃଷିର ବିକାଶ ପାଇଁ ପ୍ରୋତ୍ସାହନ ଓ ପ୍ରଶାନ୍ତ ବେହେରା(୯୬୫)ରେ ସାଲେପୁରରେ ଶୀତଳ ଭଣ୍ଡାର ପ୍ରତିଷ୍ଠା ଆଦି ଚାଷୀଙ୍କ ବିଭିନ୍ନ ସମସ୍ୟା ସଂକ୍ରାନ୍ତରେ ପ୍ରଶ୍ନ କରି ଯୋଜନାର କାର୍ଯ୍ୟକାରୀ ଉପରେ ଗୁରୁତ୍ୱାରୋପ କରିଥିଲେ। ତେବେ ଯାଜପୁର ପନିପରିବା ଚାଷ ପାଇଁ ପ୍ରସିଦ୍ଧି ଲାଭ କରିଥିଲେ ହେଁ କୌଣସି ନେତୃବର୍ଗ ବିଧାନସଭାରେ ପ୍ରଶ୍ନ କିମ୍ବା ଦାବି ଉପସ୍ଥାପନ ନ କରିବା ଚାଷୀଙ୍କ ପାଇଁ କେତେ ଆନ୍ତରିକତା ରହିଛି ତାହା ସ୍ପଷ୍ଟ ଦିଶୁଛି। ଯାଜପୁର ଓ କଟକ ଜିଲା ସୀମାନ୍ତ ଛତିଆରେ ଏକମାତ୍ର ବଂଶୀଧର ଶୀତଳ ଭଣ୍ଡାର ରହିଛି। ଚାଷୀଙ୍କଠାରୁ ତାହା ଦୂର ହେଉଥିବାରୁ ନିଜ କଷ୍ଟୋପାର୍ଜିତ ପନିପରିବାକୁ ଅତି କମ ଦରରେ ଦଲାଲ ହାତରେ ଟେକି ଦେଇ ବହୁ କ୍ଷତିର ସମ୍ମୁଖୀନ ହେଉଛନ୍ତି। ଗତ ୫ ବର୍ଷ ମଧ୍ୟରେ ରାଜ୍ୟରେ ସମବାୟ ବିଭାଗ ଅଧୀନରେ କୌଣସି ଶୀତଳ ଭଣ୍ଡାର ହୋଇନାହିଁ। ପୂର୍ବରୁ ସମବାୟ ବିଭାଗ ଅଧୀନରେ ରାଜ୍ୟରେ ସମୁଦାୟ ୧୮ଟି ସମବାୟ ଶୀତଳ ଭଣ୍ଡାର ରହିଛି। ସେଥିରୁ ମାତ୍ର ୪ଟି କାର୍ଯ୍ୟକ୍ଷମ। ହେଲେ ବିଡମ୍ବନା ଯେ, ଯାଜପୁର ଜିଲାରେ ଗୋଟିଏ ବି ସମବାୟ ଭିତ୍ତିକ ଶୀତଳ ଭଣ୍ଡାର ନିର୍ମାଣ ହୋଇପାରି ନାହିଁ। ଏଥିରୁ ଯାଜପୁର ଜିଲାର କୃଷି ଓ କୃଷକଙ୍କୁ କିଭଳି ଉପେକ୍ଷା କରାଯାଉଛି ତାହା ସ୍ପଷ୍ଟ ଅନୁମେୟ। ଅନ୍ୟପକ୍ଷେ ଗତ ୫ବର୍ଷ ମଧ୍ୟରେ ରାଜ୍ୟରେ ୨୧ଟି ଶୀତଳ ଭଣ୍ଡାର ବେସରକାରୀସ୍ତରରେ ନିର୍ମାଣ କରାଯାଇଛି। ଏଥିରୁ ଯାଜପୁର ଜିଲାର ଯାଜପୁର ଓ କଟକ ସୀମାନ୍ତ ଛତିଆ ନିକଟରେ ୪୯୦୦ ଏମଟି କ୍ଷମତା ବିଶିଷ୍ଟ ବଂଶୀଧର କୋଲ୍ଡ ଷ୍ଟୋରେଜ ନାମରେ ଏକ ଶୀତଳ ଭଣ୍ଡାର ନିର୍ମାଣ ହୋଇଛି। ରସୁଲପୁର ଅଞ୍ଚଳର ଚାଷୀ ରବୀନ୍ଦ୍ର ବେହରା, ଅକ୍ଷୟ ବେହେରା, ସୁଶାନ୍ତ ବେହେରା, ରମେଶ ବେହେରା ପ୍ରମୁଖ କୁହନ୍ତି ଏବେ ଗୋଟିଏ ଫୁଲ କୋବିକୁ ୧୦/୧୨ ଟଙ୍କା ଦରରେ ବିକ୍ରି କରିବାକୁ ପଡୁଛି। ଯଦି ନିକଟରେ ଶୀତଳ ଭଣ୍ଡାର ଥାଆନ୍ତା ସେଠାରେ ପରିବା ସଂରକ୍ଷଣ କରି ଠିକ ସମୟରେ ଉପଯୁକ୍ତ ଦରରେ ବିକ୍ରି କରି ପାରନ୍ତେ। କିନ୍ତୁ ଜିଲାରେ ଶୀତଳ ଭଣ୍ଡାର ନ ଥିବାରୁ ଶାଗମାଛ ଦରରେ ପରିବା ବିକ୍ରି କରି ସର୍ବସ୍ବାନ୍ତ ହେଉଛନ୍ତି ବୋଲି କହିଛନ୍ତି।


All Right Reserved By Dharitri.Com

ଅବ୍ୟବସ୍ଥା ଘେରରେ ଭୀମ ଭୋଇ ସାମର୍ଥ୍ୟ ଶିବିର

କର୍ଲାମୁଣ୍ଡା,୨୬।୭(ଡି.ଏନ.ଏ.): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ କାର୍ଯ୍ୟାଳୟ ପରିସରରେ ଶୁକ୍ରବାର ଭୀମଭୋଇ ସାମର୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି। ବ୍ଲକ ପ୍ରଶାସନର ଅବହେଳା ଯୋଗୁ ୫୦ରୁ ଊର୍ଦ୍ଧ୍ୱ...

ବରଗଡ଼ ପୁରୁଣା ଜିଲା ମୁଖ୍ୟ ଡାକ୍ତରଖାନା ସମସ୍ୟା, ମୁଖ୍ୟମନ୍ତ୍ରୀଙ୍କୁ ଭେଟିବେ ବିଜେଡି ପ୍ରତିନିଧି ଦଳ

ବରଗଡ଼ ଅଫିସ, ୪।୩- ବରଗଡ ସହରରେ ରହିଥିବା ପୁରୁଣା ଜିଲା ମୁଖ୍ୟ ଡାକ୍ତରଖାନାରେ ପୂର୍ଣ୍ଣାଙ୍ଗ ସ୍ବାସ୍ଥ୍ୟସେବା ଯୋଗାଇଦେବା ତଥା ଏହାକୁ ସିଟି ହସପିଟାଲ ଘୋଷଣା ଦାବିରେ...

ମଦ ପିଇ ମା’ଙ୍କ ଜୀବନଗଲା, ପୁଅ ଗୁରୁତର

ବଡ଼ଗାଁ,୨୬।୭(ଡି.ଏନ୍‌.ଏ.): ରାଜ୍ୟରେ ମଦ ବିକ୍ରେତାଙ୍କୁ ପୁରସ୍କୃତ କରାଯିବା ପ୍ରସଙ୍ଗ ନେଇ ନବୀନ ସରକାରଙ୍କୁ ବିରୋଧୀ ସମାଲୋଚନା କରିଥିବାବେଳେ ମଦ ବିରୋଧୀ ସଂଗଠନ, ଗାଁ ଗହଳିର ମହିଳାମାନେ...

ହରିଚନ୍ଦନଙ୍କୁ ବାଲେଶ୍ୱରରେ ଭବ୍ୟ ‘ନାଗରିକ ସମ୍ବର୍ଦ୍ଧନା’: ‘ବରପୁତ୍ରଙ୍କୁ ସମ୍ମାନ ଦେବାର ବେଳ ଆସିଛି’

ବାଲେଶ୍ୱର ଅଫିସ, ୧୧।୧-ଆନ୍ଧ୍ରପ୍ରଦେଶର ରାଜ୍ୟପାଳ ବିଶ୍ୱଭୂଷଣ ହରିଚନ୍ଦନଙ୍କୁ ଶୁକ୍ରବାର ବାଲେଶ୍ୱର ପ୍ରତିଭା ବିକାଶ ମଞ୍ଚ ତରଫରୁ ଆୟୋଜିତ ସଭାରେ ‘ନାଗରିକ ସମ୍ବର୍ଦ୍ଧନା’ ପ୍ରଦାନ କରାଯାଇଛି। ସ୍ଥାନୀୟ...

ବସ ଦୁର୍ଘଟଣା, ଅଳ୍ପକେ ବର୍ତ୍ତିଲା ଯାତ୍ରୀ

କୋକସରା,୩।୮(ଡି.ଏନ.ଏ.) କଳାହାଣ୍ଡି ଜିଲା ଆମପାଣି ଥାନା ଅଧୀନ ୨୬ ନଂ. ଜାତୀୟ ରାଜପଥ ସିଉନି ଗାଁ ବିଦ୍ୟାଳୟ ସାମ୍ନା ବୁଲାଣିରେ ଶୁକ୍ରବାର ଏକ ଯାତ୍ରୀବାହୀ ବସ୍‌...

ବିଭିନ୍ନ ଦ୍ରବ୍ୟର ନକଲି କାରବାର

ନୟାଗଡ଼ ଅଫିସ,୯।୧୧: ନୟାଗଡ଼ ସହରରେ ଦୁଇଜଣ ବ୍ୟବସାୟୀ ନକଲି ଜର୍ଦ୍ଦା ବିକ୍ରି କରୁଥିବା ଅଭିଯୋଗରେ ଟାଉନ ପୋଲିସ ଗୁରୁବାର ସେମାନଙ୍କୁ ଗିରଫ କରିଥିଲା। ସେମାନେ ହେଲେ...

ଜବତ ବଜ୍ରକାପ୍ତା ଜନ୍ମ ଦେଲା ଶାବକ

ବାରିପଦା ଅଫିସ,୧ା୧୧- ମୟୂରଭଞ୍ଜ ଜିଲା ବାରିପଦା ବନଖଣ୍ଡ ପକ୍ଷରୁ ଗତ ମଙ୍ଗଳବାର ରାତିରେ କୁଳିଅଣା ଥାନା ଅଧୀନ ଅସନଯୋଡ଼ା ନିକଟସ୍ଥ ଏକ ଢାବାରୁ ୧୮ କିଗ୍ରା...

କରୋନା ମୁକାବିଲା: ଡେରାବିଶ ବ୍ଲକ ପ୍ରଶାସନର ତତ୍ପରତା

ଡେରାବିଶ, ୧୧।୪ (ସ୍ବ.ପ୍ର.)-ମହାମାରୀ କରୋନା ପାଇଁ ଡେରାବିଶ ବ୍ଲକ ପ୍ରଶାସନ ପକ୍ଷରୁ ବିଭିନ୍ନ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି। ସରକାରଙ୍କ ନିର୍ଦ୍ଦେଶାନୁସାରେ ବ୍ଲକ ଅଧୀନ ୩୧,୬୭୦...

Leave a comment

Your email address will not be published. Required fields are marked *