ଚର୍ଚ୍ଚାରେ ରାଜ୍ୟ ସଭା ଲଢ଼େଇ

ଭୁବନେଶ୍ୱର,୨୬।୨(ବ୍ୟୁରୋ): ଓଡିଶାର ୩ଟି ରାଜ୍ୟ ସଭା ଆସନ ଏପ୍ରିଲ ୨ତାରିଖରେ ଖାଲି ହେବାକୁ ଥିବାବେଳେ ଗୋଟିଏ ଆସନ ୨୦୧୯ ସାଧାରଣ ନିର୍ବାଚନ ଫଳାଫଳ ବାହାରିବା ପରଠାରୁ ଖାଲି ପଡିଛି। କଂଗ୍ରେସ ଏମ୍‌ପି ରଞ୍ଜୀବ ବିଶ୍ୱାଳ, ବିଜେଡିର ନରେନ୍ଦ୍ର କୁମାର ସ୍ବାଇଁ ଏବଂ ସରୋଜିନୀ ହେମ୍ବ୍ରମଙ୍କ କାର୍ଯ୍ୟକାଳ ଏପ୍ରିଲ ୨ରେ ଶେଷ ହେଉଛି। ରାଜ୍ୟ ସଭାରେ ଏମ୍‌ପି ଥିବା ଅନୁଭବ ମହାନ୍ତି କେନ୍ଦ୍ରାପଡା ଲୋକ ସଭା ଆସନରୁ ଏମ୍‌ପି ଭାବେ ବିଜୟୀ ହେବା ପରେ ତାଙ୍କ ପୂର୍ବ ପଦବୀରୁ ଇସ୍ତଫା ଦେଇସାରିଛନ୍ତି। ହେଲେ ରାଜ୍ୟ ସଭାରେ ତାଙ୍କର କାର୍ଯ୍ୟକାଳ ୧ ବର୍ଷରୁ କମ୍‌ ସମୟ ଥିବା ଯୋଗୁ ସେହି ଆସନରେ ଉପନିର୍ବାଚନ କରାଯାଇନାହିଁ। ଅର୍ଥାତ୍‌ ଏହି ଆସନରେ ମଧ୍ୟ ଆସନ୍ତା ମାସ ୨୬ରେ ନିର୍ବାଚନ ହେବ ବୋଲି ଭାରତ ନିର୍ବାଚନ କମିଶନ ମଙ୍ଗଳବାର ଘୋଷଣା କରିଛନ୍ତି। କେବଳ ଓଡିଶା ନୁହେଁ ବରଂ ଦେଶର ୧୭ଟି ରାଜ୍ୟର ମୋଟ ୫୫ଟି ରାଜ୍ୟ ସଭା ଆସନ ଲାଗି ନିର୍ବାଚନ ହେବ। ତେବେ କେବଳ ଓଡିଶା କଥା ଦେଖିଲେ ସମସ୍ତ ୪ଟି ଯାକ ଆସନରେ ବିଜେଡି ଛଡା ଅନ୍ୟ କେଉଁ ଦଳ ସପକ୍ଷରେ ଯିବା ସହଜ କଥା ନୁହେଁ। ୩ଟି ଆସନ ବିଜେଡି ବିନା ପ୍ରତିଦ୍ୱନ୍ଦ୍ୱିତାରେ ନେବା ଲାଗି ସକ୍ଷମ ଥିବାବେଳେ ଗୋଟିଏ ଆସନକୁ ନେଇ ଚର୍ଚ୍ଚା ଜୋର୍‌ ଧରିଛି। ତେବେ ଗତଥର ଓଡିଶାରେ ଖାଲି ହୋଇଥିବା ୩ଟି ରାଜ୍ୟ ସଭା ଆସନ ମଧ୍ୟରୁ ଗୋଟିଏରେ ବିଜେଡି ପ୍ରାର୍ଥୀ ନ ଦେଇ ଭାଜପାକୁ ଛାଡିଥିଲା। ତେଣୁ ଏଥର ସେଭଳି ପରିସ୍ଥିତି ସୃଷ୍ଟି ହେବ ବୋଲି ଚର୍ଚ୍ଚା ଜୋର୍‌ ଧରିଥିବା ବେଳେ କ’ଣ ହେବ ସେନେଇ ସ୍ପଷ୍ଟ ସୂଚନା ମିଳିନାହିଁ। ଅନ୍ୟପଟେ ରାଜ୍ୟ ସଭାରେ ଭାଜପା ସଂଖ୍ୟାଲଘୁ ଥିବାବେଳେ ବିଭିନ୍ନ ପ୍ରସଙ୍ଗରେ ଅନ୍ୟ କ୍ଷୁଦ୍ର ଦଳ ଠାରୁ ସମର୍ଥନ ମାଗିବାକୁ ବାଧ୍ୟ ହେଉଛି। ତେଣୁ ରାଜ୍ୟ ସଭାରେ ନିଜର ଆସନ ବୃଦ୍ଧି କରିବା ଭାଜପା ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏଭଳି ସ୍ଥିତିରେ ବିଧାନ ପରିଷଦ ବିଲ୍‌ କେନ୍ଦ୍ର ସରକାର ଏ ପର୍ଯ୍ୟନ୍ତ ପାସ୍‌ କରାଇ ନାହାନ୍ତି। ଓଡିଶାର ୪ଟି ରାଜ୍ୟ ସଭା ଆସନ ମଧ୍ୟରୁ ଯଦି କେତୋଟି ଭାଜପା ନେବାକୁ ଇଚ୍ଛା କରିବ ତେବେ ସେମାନଙ୍କୁ ପ୍ରଥମେ ବିଧାନ ପରିଷଦ ବିଲ୍‌ ପାସ୍‌ କରାଇବାକୁ ପଡିବ ବୋଲି କୁହାଯାଉଛି। ତେବେ ଏପରି ସ୍ଥିତିରେ ଆସନ୍ତା ୨୮ତାରିଖରେ ପୂର୍ବାଞ୍ଚଳ ରାଜ୍ୟ ବୈଠକରେ ଯୋଗଦେବାକୁ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ଓଡିଶା ଆସୁଛନ୍ତି। ଏହି ଅବସରରେ ସେ ରାଜ୍ୟ ସଭା ଆସନ ବୁଝାମଣା ସମ୍ପର୍କରେ ଆଲୋଚନା କରିବାର ଯଥେଷ୍ଟ ସମ୍ଭାବନା ଥିବା କୁହାଯାଉଛି। ମାତ୍ର ରାଜ୍ୟ ସଭା ନିର୍ବାଚନ ତାରିଖ ଘୋଷଣା ହେବାପରେ ଆସନ ବୁଝାମଣା ସମ୍ପର୍କରେ ନ ଉଠି କିଏ କେତୋଟି ଆସନ ହାତେଇବ ତାକୁ ନେଇ ଆଲୋଚନା ହେବାରେ ଲାଗିଛି।
ସଂଖ୍ୟା କ୍ଷେତ୍ରରୁ ଦେଖିଲେ ବିଧାନସଭାରେ ଶାସକ ବିଜେଡି ସଦସ୍ୟଙ୍କ ସଂଖ୍ୟା ୧୧୩ ଥିବାବେଳେ ଭାଜପାର ୨୩, କଂଗ୍ରେସ ୯, ସିପିଆଇ ୧ ଏବଂ ସ୍ବାଧୀନ ୧ ଅଛନ୍ତି। ରାଜ୍ୟ ସଭା ନିର୍ବାଚନରେ ଜଣେ ପ୍ରାର୍ଥୀଙ୍କୁ ଜିତିବା ପାଇଁ ୩୦ଟି ଲେଖାଏ ଭୋଟର ଆବଶ୍ୟକତା ଅଛି। ଅର୍ଥାତ୍‌ ଖାଲି ହେବାକୁ ଥିବା ୪ଟି ଆସନରୁ ବିଜେଡି ସହଜରେ ୩ଟି ହାତେଇ ନେବ। ସେହିପରି ଶେଷ ଗୋଟିଏ ଆସନ ପାଇଁ କୌଣସି ଦଳ ପାଖରେ ୩୦ଟି ଭୋଟ ନାହିଁ। ବିଜେଡି ଏବଂ ଭାଜପା ପାଖରେ ଶେଷ ରାଜ୍ୟ ସଭା ଆସନ ପାଇଁ ସମାନ ସମାନ ୨୩ଟି ଲେଖାଏ ଭୋଟ ଥିବାବେଳେ ସିପିଆଇ ଏବଂ ସ୍ବାଧୀନ ବିଧାୟକଙ୍କ ଭୋଟ ବିଜେଡି ସପକ୍ଷରେ ରହିବାର ଯଥେଷ୍ଟ ସମ୍ଭାବନା ଅଛି। ତେଣୁ ଏଭଳି ସ୍ଥିତିରେ ଭାଜପା କିନ୍ତୁ ଗୋଟିଏ ଆସନ ନେବ ବୋଲି ଆଶା ରଖିଥିବା ଜଣାପଡିଛି।
ରାଜ୍ୟ ସଭା ନିର୍ବାଚନ ତାରିଖ ଘୋଷଣାକୁ ନେଇ ବିଜେଡି ନେତା ସମୀର ରଞ୍ଜନ ଦାଶ କହିଛନ୍ତି ଯେ, ଠିକ୍‌ ସମୟରେ ଦଳ ଉଚିତ୍‌ ନିଷ୍ପତ୍ତି ନେବ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯେଉଁ ନିଷ୍ପତ୍ତି ନିଅନ୍ତି ତାକୁ ସମସ୍ତେ ମାନିବେ ବୋଲି ସମୀର କହିଛନ୍ତି। କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର କହିଛନ୍ତି, ଯଦି ବାମ ଦଳ ରାଜି ହୁଏ ଆମେ ନାମାଙ୍କନ ପତ୍ର ଭରିବୁ। କିନ୍ତୁ ଦଳ ଉପରେ ନିର୍ଭର କରେନିଷ୍ପତ୍ତି ନେବ ଆମେ ନାମାଙ୍କନ ଭରିବୁ ନା ନାହିଁ। କାରଣ ଆମେ ପ୍ରାର୍ଥୀ ଦେଲେ ମଧ୍ୟ ହାରିବା ସୁନିଶ୍ଚିତ ବୋଲି ମିଶ୍ର କହିଛନ୍ତି। ବିରୋଧୀ ଦଳ ନେତା ପ୍ରଦୀପ୍ତ କୁମାର ନାଏକ କହିଛନ୍ତି ଯେ, ଆମେ ଲଢିବା ନିଶ୍ଚିତ। ଯଦି ସମର୍ଥନ ମିଳେ ତେବେ ଜିତିବୁ। ଲଢେଇ କରିବା ଆମର ପରମ ଧର୍ମ। ତେବେ ସେନେଇ ଏବେଠାରୁ ଅଧିକ ଆଲୋଚନା ବା ଆକଳନ କରିବା ସହଜ ନୁହେଁ ବୋଲି ନାଏକ କହିଛନ୍ତି।


All Right Reserved By Dharitri.Com

ଅସ୍ଥାୟୀ କ୍ୱାରାଣ୍ଟାଇନ୍‌ ସେଣ୍ଟର ପରିଦର୍ଶନ କଲେ ଉପଜିଲାପାଳ

ଶେରଗଡ଼,୨ା୪(ଡି.ଏନ୍‌.ଏ.)- ଭଞ୍ଜନଗର ଉପଜିଲାପାଳ ରାଜେନ୍ଦ୍ର କୁମାର ମିଞ୍ଜ ବୁଧବାର ଶେରଗଡ ପରିଦର୍ଶନରେ ଆସି ବିଭିନ୍ନ ଅସ୍ଥାୟୀ କ୍ୱାରାଣ୍ଟାଇନ୍‌ ଶିବିର ବୁଲି ଦେଖିଥିଲେ। ବ୍ଲକର ମହାତ୍ମା ଗାନ୍ଧୀ,...

ଅସ୍ଥାୟୀ ସ୍ବାସ୍ଥ୍ୟ ଶିବିର ପରିଦର୍ଶନ କଲେ ବିଧାୟକ

ଲାଠୋର, ୨୯ା୪(ଡି.ଏନ.ଏ) – ବଲାଙ୍ଗୀର ଜିଲା ଖପ୍ରାଖୋଲ ବ୍ଳକର ବିଭିନ୍ନ ପଞ୍ଚାୟତରେ ନିର୍ମାଣ ହୋଇଥିବା କୋଭିଡ ୧୯ ଅସ୍ଥାୟୀ ସ୍ବାସ୍ଥ୍ୟ ଶିବିରକୁ ଗୁରୁବାର ପାଟଣାଗଡ ବିଧାୟକ...

ଆଉ ୩ ସ୍ଥାନରେ ସ୍ଥାପନ ହେବ କୋଭାସ୍‌ ମେଶିନ

ଭୁବନେଶ୍ୱର, ୨୯।୪(ବ୍ୟୁରୋ): କରୋନାକୁ ମୁକାବିଲା କରିବା ପାଇଁ ଏବେ ରାଜ୍ୟର ସବୁ ବିଭାଗ ଏକତ୍ର ହୋଇ କାର୍ଯ୍ୟ କରୁଛି। ରାଜ୍ୟବାସୀଙ୍କୁ କରୋନା କବଳରୁ କିପରି ରକ୍ଷା...

୨ ଗାଡ଼ି ସହ ଗଞ୍ଜେଇ ଜବତ, ୩ ଗିରଫ

ମୋହନା,୧୦ା୬( ଡି.ଏନ.ଏ.): ଗଜପତି ଜିଲା ମୋହନା ପୋଲିସ ରବିବାର ଭୋରରେ ଅଠରନଳା ନିକଟରେ ଚଢାଉ କରି ଏକ କମାଣ୍ଡର ଗାଡିରୁ ୧୪୦ କିଗ୍ରା ଗଞ୍ଜେଇ ଜବତ...

ଖସିଲା ପାରଦ, ରାଜଧାନୀରେ ତୁହାକୁ ତୁହା ବର୍ଷା

ଭୁବନେଶ୍ୱର,୨୨ା୪(ବ୍ୟୁରୋ): ଗତ କିଛି ଦିନ ହେବ ରାଜ୍ୟକୁ ଉତ୍ତପ୍ତ କରିଥିବା ପ୍ରଚଣ୍ଡ ଗ୍ରୀଷ୍ମରୁ ଆଶ୍ୱସ୍ତି ମିଳିଛି। ଝଡବର୍ଷା ଯୋଗୁ ମଙ୍ଗଳବାର ଅଧିକାଂଶ ଜିଲାରେ ପାରଦ ୪୦...

ବୃଦ୍ଧା ମା’ଙ୍କୁ ପିଟିପିଟି ମାରିଦେଲେ ଦୁଇ ପୁଅ

ବାରିପଦା ଅଫିସ,୨୨ା୫: ମୟୂରଭଞ୍ଜ ଜିଲା ବାଙ୍ଗରିପୋଷି ଥାନା ସାତଭାୟା ଗ୍ରାମରେ ଗୁରୁବାର ରାତିରେ ଏକ ଅଭାବନୀୟ ଘଟଣା ଘଟିଛି। ବାଙ୍ଗିରିପୋଷି ବ୍ଲକ ଅନ୍ତର୍ଗତ ବଣକାଟି ପଞ୍ଚାୟତ...

ନାବାଳିକାଙ୍କୁ ଅପହରଣ ପରେ ବଳାତ୍କାର ମାମଲା : ନ୍ୟାୟ ପାଇଁ ଏନ୍‌ଏଚ୍‌ଆର୍‌ସିରେ ଅଭିଯୋଗ

ଭୁବନେଶ୍ୱର, ୨୪ା୬(ବ୍ୟୁରୋ) : କେନ୍ଦ୍ରାପଡା ସଦର ଥାନାଞ୍ଚଳରେ ଜଣେ ନାବାଳିକାଙ୍କୁ ତାଙ୍କର ସମ୍ପର୍କୀୟ ଭାଇ ଅପହରଣ କରିନେବା ସହ ବଳାତ୍କାର କରିଥିଲେ। ଏହି ଘଟଣାରେ ପୋଲିସ...

‘ଶହୀଦ ମନୋଜ ଦେଶ ପାଇଁ ଗର୍ବ ଓ ଗୌରବ’

ନିମାପଡ଼ା,୧୫।୨ (ଡି.ଏନ୍‌.ଏ.): ଜମ୍ମୁ-କଶ୍ମୀରର ପୁଲଓ୍ବାମା ଜିଲାର ଲେଥ୍‌ପୋରାରେ ୨୦୧୯ ଫେବୃୟାରୀ ୧୪ରେ ଆତଙ୍କବାଦୀଙ୍କ ଆକ୍ରମଣରେ ଶହୀଦ ହୋଇଥିବା ଓଡ଼ିଆ ଯବାନ ମନୋଜ ବେହେରା ଆମ ଦେଶ...

Leave a comment

Your email address will not be published. Required fields are marked *