ସୋମନାଥ ପରିଡ଼ାଙ୍କୁ ଆଜୀବନ ଜେଲ

ଭୁବନେଶ୍ୱର,୨୬ା୨(ବ୍ୟୁରୋ): ସ୍ତ୍ରୀ ଉଷାଶ୍ରୀଙ୍କୁ ହତ୍ୟା ପରେ ୩ଶହ ଖଣ୍ଡ କରି କାଟିଥିଲେ ଅବସରପ୍ରାପ୍ତ ସେନା ଡାକ୍ତର ତଥା ଲ୍ୟୁଟନାଣ୍ଟ କଲୋନେଲ ସୋମନାଥ ପରିଡ଼ା। ନୟାପଲ୍ଲୀ ଥାନା ଅନ୍ତର୍ଗତ ଆଇଆର୍‌ସି ଭିଲେଜରେ ଘଟିଥିବା ଏହି ବହୁ ଚର୍ଚ୍ଚିତ ହତ୍ୟା ମାମଲାର ରାୟ ମଙ୍ଗଳବାର ପ୍ରକାଶ ପାଇଛି। ମାମଲାର ଶୁଣାଣି କରି ଖୋର୍ଦ୍ଧା ଜିଲା ଦୌରାଜଜ୍‌ ଦୋଷୀ ସୋମନାଥଙ୍କୁ ଆଜୀବନ କାରାଦଣ୍ଡାଦେଶ ଦେଇଛନ୍ତି। ଏହାସହ ୬୦ହଜାର ଟଙ୍କା ଜରିମାନା ଦେବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। ଜରିମାନା ଅନାଦାୟ ହେଲେ ଅଧିକ ୬ ମାସ ସଜା ଭୋଗିବାକୁ ପଡ଼ିବ ବୋଲି ବିଚାରପତି ଲୋକନାଥ ମହାପାତ୍ର ରାୟରେ ଉଲ୍ଲେଖ କରିଛନ୍ତି। ମାମଲାର ବିଚାରବେଳେ ଉଷାଶ୍ରୀଙ୍କ ଭାଇ, ପୁଅ, ଝିଅଙ୍କ ସହିତ ୨୪ଜଣଙ୍କ ସାକ୍ଷ୍ୟ ନିଆଯାଇଥିଲା। ଏହାସହ ୨୮ ଡକ୍ୟୁମେଣ୍ଟ, ଫରେନସିକ୍‌ ରିପୋର୍ଟକୁ ବିଚାରପତି ଅନୁଧ୍ୟାନ କରିବା ପରେ ରାୟ ଶୁଣାଇଥିଲେ। ଆଇପିସି ଦଫା ୩୦୨ (ହତ୍ୟା)ରେ ଆଜୀବନ ସଜା ସହ ୫୦ ହଜାର ଟଙ୍କା ଜରିମାନା, ଦଫା ୨୦୧ (ପ୍ରମାଣ ନଷ୍ଟ) ରେ ଏକବର୍ଷ ସଜା ସହ ୧୦ ହଜାର ଟଙ୍କା ଜରିମାନା କରିଛନ୍ତି। ସୋମନାଥ ବାରମ୍ବାର ଓକିଲ ବଦଳାଇ ମାମଲାର ବିଚାର ପ୍ରକ୍ରିୟାକୁ ବିଳମ୍ବ କରୁଥିଲେ। ଶେଷରେ ୭ବର୍ଷ ପରେ ଚୂଡ଼ାନ୍ତ ରାୟ ପ୍ରକାଶ ପାଇଛି। ମଙ୍ଗଳବାର ମାମଲାର ଶୁଣାଣିବେଳେ ସୋମନାଥଙ୍କ ଓକିଲ ଓ ସରକାରୀ ଓକିଲ ବିଚାରପତିଙ୍କ ନିକଟରେ ନିଜ ନିଜର ଯୁୁକ୍ତି ରଖିଥିଲେ। ସରକାରୀ ଓକିଲ କହିଥିଲେ, ଜଣେ ଅବସରପ୍ରାପ୍ତ ସେନା ଅଧିକାରୀ ହୋଇ ସ୍ତ୍ରୀଙ୍କୁ ହତ୍ୟା କରିବା ଏକ ଘୃଣ୍ୟ କାର୍ଯ୍ୟ। ତେଣୁ ଅଭିଯୁକ୍ତଙ୍କୁ କଡା ସଜା ନ ଦେଲେ ଅନ୍ୟମାନେ ଏଭଳି କାର୍ଯ୍ୟ କରିବାକୁ ସାହସ ଜୁଟାଇବେ। ଏପରି କି ସ୍ତ୍ରୀଙ୍କ ଜୀବନ ରକ୍ଷା କରିବା ସ୍ବାମୀର ଧର୍ମ। ହେଲେ ସୋମନାଥ ସ୍ତ୍ରୀଙ୍କୁ ହତ୍ୟା କରି ଅତି ଜଘନ୍ୟଭାବେ ୩ଶହ ଖଣ୍ଡ କରିଥିଲେ। ତେଣୁ ତାଙ୍କୁ କଠୋର ଦଣ୍ଡ ଦେବାକୁ ନିବେଦନ କରିଥିଲେ। ଅନ୍ୟପକ୍ଷରେ ପ୍ରତିପକ୍ଷ ଓକିଲ ନିଜର ଯୁକ୍ତି ରଖିବା ସହ ସୋମନାଥ ବୟସ୍କ ହୋଇଥିବାରୁ ତାଙ୍କ ପ୍ରତି ସଜା କୋହଳ କରିବା ପାଇଁ କୋର୍ଟଙ୍କୁ ପ୍ରାର୍ଥନା କରିଥିଲେ। ଉଭୟ ପକ୍ଷର ସମସ୍ତ ବିଷୟ ଶୁଣିବା ପରେ ବିଚାରପତି ଶେଷରେ ସୋମନାଥଙ୍କ ମତ ଚାହିଁଥିଲେ। ଏହାପରେ ସୋମନାଥ କହିଥିଲେ ‘ମୁଁ ନିର୍ଦ୍ଦୋଷ, ଜୀବନ ସାରା ଦୁର୍ନୀତି କରିନି। ତେଣୁ ମୋତେ କ୍ଷମା କରାଯାଉ।’ ତେବେ କୋର୍ଟ ତାଙ୍କୁ ଆଜୀବନ ସଜା ଶୁଣାଇବା କ୍ଷଣି ସୋମନାଥ ସେଠାରେ କାନ୍ଦି ପକାଇଥିଲେ। ଏପରି କି କୋର୍ଟରୁ ବାହାରି ସେ ପୋଲିସ ଭ୍ୟାନରେ ବସିବା ସମୟରେ ଗଣମାଧ୍ୟମ ପ୍ରତିନିଧିଙ୍କୁ ଜଣେ ସେନା ଅଧିକାରୀ ଠାଣିରେ ତାଗିଦ୍‌ କରିଥିଲେ। ଏପଟେ ସୋମନାଥଙ୍କ ଓକିଲ କହିଛନ୍ତି, ଏହି ରାୟ ବିରୋଧରେ ହାଇକୋର୍ଟ ଯିବେ। ଉଷାଶ୍ରୀଙ୍କ ଭାଇ ରଞ୍ଜନ ସାମଲ କହିଛନ୍ତି, ବିଳମ୍ବ ହେଲେ ବି ଆମକୁ ନ୍ୟାୟ ମିଳିଛି। ମୋ ଭଉଣୀଙ୍କୁ ଯେଭଳି ସୋମନାଥ ହତ୍ୟା କଲେ, ତାଙ୍କୁ ଆଜୀବନ ସଜା ଠିକ୍‌ ହୋଇଛି ବୋଲି ସେ କହିଛନ୍ତି। ସରକାରୀ ଓକିଲ ସାରଦା ଚନ୍ଦ୍ର ସାମଲ ମାମଲା ପରିଚାଳନା କରୁଥିଲେ।
କେମିତି ଥିଲା ପୂରା ଘଟଣାବଳୀ
ସୋମନାଥ ଚାକିରିରୁ ଅବସର ନେବାପରେ ସ୍ତ୍ରୀ ଉଷାଶ୍ରୀଙ୍କ ସହ ନୟାପଲ୍ଲୀ ଆଇଆର୍‌ସି ଭିଲେଜରେ ରହୁଥିଲେ। କିନ୍ତୁ ବିଭିନ୍ନ ସମୟରେ ଉଭୟଙ୍କ ମଧ୍ୟରେ କଳିଝଗଡା ଲାଗୁଥିଲା। ୨୦୧୩ ଜୁନ୍‌ ୩ରେ ସୋମନାଥ ଓ ସ୍ତ୍ରୀ ଉଷାଶ୍ରୀଙ୍କ ମଧ୍ୟରେ ଝଗଡ଼ା ହୋଇଥିଲା। ସୋମନାଥ ଉତ୍ତେଜିତ ହୋଇ ଏକ ପିତ୍ତଳ ଟର୍ଚ୍ଚରେ ଉଷାଶ୍ରୀଙ୍କ ମୁଣ୍ଡକୁ ପିଟି ହତ୍ୟା କରିଥିଲେ। ପରେ କଟୁରି, ଆରି, ଫାର୍ସାରେ ମୃତଦେହକୁ ୩ଶହ ଖଣ୍ଡ କରି କାଟିଥିଲେ। ଏହାପରେ ହାଡ଼ମାଂସ ଟୁକୁଡ଼ାକୁ ୨୧ ଟିଫିନ ବକ୍ସ ଓ ୨ ଷ୍ଟିଲ୍‌ ବକ୍ସରେ ରଖି ସେଥିରେ ଫିନାଇଲ୍‌ ସହ ଅନ୍ୟ କିଛି କେମିକାଲ ପକାଇ ଘରେ ରଖିଥିଲେ। ପ୍ରତିଦିନ କିଛି କିଛି ହାଡ଼ମାଂସ କାଢ଼ିନେଇ ବାହାରେ ଫିଙ୍ଗୁଥିଲେ।
ଝିଅଙ୍କ ଫୋନ କଲ୍‌ରୁ ଜଣାପଡ଼ିଲା
ମୃତଦେହ ସହ ସୋମନାଥ ୨୦ଦିନ ରହିବା ପରେ ଜୁନ୍‌ ୨୧ରେ ଘଟଣା ପଦାକୁ ଆସିଥିଲା। ବିଦେଶରେ ରହୁଥିବା ଉଷାଶ୍ରୀଙ୍କ ଝିଅ ଲେଖା ପରିଡ଼ା ବାପା ସୋମନାଥଙ୍କ ସହ ଫୋନ୍‌ରେ କଥାହେବାବେଳେ ମା’ଙ୍କ କଥା ପଚାରିଥିଲେ। ମା’ ଶିରିଡ଼ି ଯାଇଥିବା ସୋମନାଥ କହିଥିଲେ ମଧ୍ୟ କେବେ ଫେରିବେ ସେନେଇ କିଛି ନ କହି କଥାକୁ ଏଡ଼ାଇଥିଲେ। ତାଙ୍କର ସନ୍ଦେହ ହେବାରୁ ଭୁବନେଶ୍ୱରରେ ରହୁଥିବା ମାମୁଙ୍କୁ ଯୋଗାଯୋଗ କରି ତାଙ୍କ ଘରକୁ ଯାଇ କ’ଣ ହୋଇଛି ଦେଖି ଆସିବାକୁ କହିଥିଲେ। ଏହାପରେ ମାମୁ (ଉଷାଶ୍ରୀଙ୍କ ଭାଇ) ସୋମନାଥଙ୍କ ଘରକୁ ଯାଇ ଭଉଣୀ ବିଷୟରେ ପଚାରିଥିଲେ। କିନ୍ତୁ ସୋମନାଥ ବାରମ୍ବାର କଥା ବଦଳାଇ ଚାଲିଥିଲେ। ତେବେ ଘର ଭିତରୁ ଦୁର୍ଗନ୍ଧ ଆସିବାରୁ ସେ ତୁରନ୍ତ ସେ ନୟାପଲ୍ଲୀ ଥାନାକୁ ଜଣାଇଥିଲେ। ପୋଲିସ ପହଞ୍ଚତ୍ ଘର ଯାଞ୍ଚ କରିବା ପରେ ଉଷାଶ୍ରୀଙ୍କ ମୃତଦେହର ବହୁ ଟୁକୁଡ଼ା ମିଳିଥିଲା। ଏହାପରେ ପୋଲିସ ସୋମନାଥଙ୍କୁ ଗିରଫ କରିଥିଲା। ୨୦୧୩ ଅକ୍ଟୋବର ୧୭ରେ ଚାର୍ଜଶିଟ୍‌ ଦାଖଲ ହୋଇଥିଲା।


All Right Reserved By Dharitri.Com

ଜିଲାରେ ପ୍ରଥମ: ସରପଞ୍ଚଙ୍କ ଅଭିଯୋଗ ଶୁଣାଣି

ନୟାଗଡ଼ ଅଫିସ,୨୩-୧୦: ନୟାଗଡ଼ ଜିଲା ସଦର ବ୍ଲକ ଲକ୍ଷ୍ମୀପ୍ରସାଦ ପଞ୍ଚାୟତ କାର୍ଯ୍ୟାଳୟରେ ସୋମବାର ସରପଞ୍ଚଙ୍କ ଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇଥିଲା। ପୂର୍ବରୁ ଜିଲାପାଳ ଓ...

୨୧ରେ ବିଜେପୁର ଲଢ଼େଇ: ଦୁଇ ଦିନ ପ୍ରଚାର କରିବେ ନବୀନ !

ଭୁବନେଶ୍ୱର,୩।୧୦(ବ୍ୟୁରୋ): ବିଜେପୁର ଉପନିର୍ବାଚନ ଲାଗି ରାଜ୍ୟ ରାଜନୀତି ସରଗରମ। ଆସନ୍ତା ୨୧ରେ ଭୋଟ ଗ୍ରହଣ ହେବାକୁ ଘୋଷଣା ହୋଇଥିବା ବେଳେ ଗୁରୁବାର ତିନି ପ୍ରମୁଖ ଦଳ...

ରେଳଧାରଣାରୁ ଯୁବକଙ୍କ ମୃତଦେହ ଉଦ୍ଧାର

ଛେଣ୍ଡିପଦା,୨୦।୧୧(ସ୍ବ.ପ୍ର.): ଅନୁଗୋଳ ଜିଲା ଜରପଡ଼ା ଥାନା ତୁକୁଗ୍ରାମ ରେଳଧାରଣାରୁ ବୁଧବାର ପୋଲିସ ଜଣେ ଯୁବକଙ୍କ ମୃତଦେହ ଉଦ୍ଧାର କରିଛି। ମୃତକ କୁଣ୍ଢେଇଗୁଳା ଥାନା ସୁରୁଙ୍ଗିପାଳ ଗାଁର...

ସମସ୍ତ ଶିକ୍ଷକଙ୍କୁ ଦରମା ଦେବାକୁ ଚିଠି ଲେଖିଲେ ବିଧାୟକ

ଦାରିଙ୍ଗବାଡ଼ି,୩୦।୪(ଡି.ଏନ୍‌.ଏ.)- ଲକ୍‌ଡାଉନ ପରେ ଆବଶ୍ୟକ ଠାରୁ କମ୍‌ କର୍ମଚାରୀଙ୍କୁ ନେଇ ବିଭିନ୍ନ ସରକାରୀ ଏବଂ ବେସରକାରୀ କାର୍ଯ୍ୟ ହେଉଛି। କେତେଜଣ ଶିକ୍ଷକ ଲକ୍‌ଡାଉନ ଯୋଗୁ ବିଦ୍ୟାଳୟ...

କାଠମାଣ୍ଡୁରେ ପହଞ୍ଚିଲା କଳ୍ପନାଙ୍କ ମରଶରୀର

ଢେଙ୍କାନାଳ ଅଫିସ/ଭୁବନେଶ୍ୱର,୩୦।୪(ବ୍ୟୁରୋ): ପର୍ବତାରୋହୀ କଳ୍ପନା ଦାଶଙ୍କ ମରଶରୀର ସନ୍ଧାନ ଓ ଉଦ୍ଧାର କାର୍ଯ୍ୟ ସଫଳ ହୋଇଛି। ଗୁରୁବାର ତାଙ୍କ ମରଶରୀରକୁ ବେସ୍‌ କ୍ୟାମ୍ପ-୪ରୁ ସ୍ବତନ୍ତ୍ର ହେଲିକାପ୍ଟର...

ହାରାକୁଦର ୧୬ଟି ଗେଟ୍‌ ଖୋଲିଲା

ସମ୍ବଲପୁର, ୧୫।୮(ବ୍ୟୁରୋ): ହୀରାକୁଦ ଜଳଭଣ୍ଡାରର ୧୬ଟି ଗେଟ୍‌ ଗୁରୁବାର ଖୋଲାଯାଇଛି। ୨ଟା ସୁଦ୍ଧା ୧୬ଟି ଗେଟ ଦେଇ ୨ ଲକ୍ଷ ୫୦ ହଜାର କ୍ୟୁସେକ ବନ୍ୟା...

ପୋଖରୀରୁ କୁମ୍ଭୀର ଉଦ୍ଧାର

ଦିଗପହଣ୍ଡି,୨୬ା୧୧(ଡି.ଏନ.ଏ.)- ଦିଗପହଣ୍ଡି ବ୍ଲକ ଖମାରୀଗାଁ ପଞ୍ଚାୟତ ଗଡ ସାମନ୍ତରାପୁର ଗ୍ରାମର ବାଲିବନ୍ଧ ପୋଖରୀରୁ ମଙ୍ଗଳବାର ଅପରାହ୍ନରେ ଏକ ଗୋ ମୁହାଁ କୁମ୍ଭୀର ଉଦ୍ଧାର କରାଯାଇଛି। ପୋଖରୀରୁ...

ଗମନାଗମନରେ ଦାଉ ସାଧୁଛେ କାଦୋ ରାସ୍‌ତା: ଅଂଚଲବାସୀକଁର ଦାବି ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ

କଲମପୁର,୧।୮(ଡି.ଏନ୍‌.ଏ.): କେନ୍ଦ୍ର ଆର ରାଏଜ୍‌ ସରକାର ଗାଁଗଁଲିନୁ ସହର ତକ୍‌ ଗମନାଗମନ ସୁବିଧା ଲାଗି କୋଟି କୋଟି ଟଁକା ଖରଚ୍‌ କରୁଛନ୍‌। ହେଲେ ଆଏଜ୍‌ ବି...

Coronavirus Update


selfi corner

Archives

Model This Week

Why Dharitri

Leave a comment

Your email address will not be published. Required fields are marked *