ଭାରତ ସହ ଟ୍ରେଡ ଡିଲ୍‌ ନେଇ ଟ୍ରମ୍ପ ଆଶାବାଦୀ

ଅହମ୍ମଦାବାଦ, ୨୫-୨: ଭାରତ ସହ ଏକ ଉତ୍ତମ ବାଣିଜି୍ୟକ ଚୁକ୍ତି ନେଇ ଆଶାବାଦୀ ଥିବା ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସୋମବାର କହିଛନ୍ତି। ସେ ଏବେ ଭାରତ ଗସ୍ତରେ ଥିବା ବେଳେ ମୋତେରା ଷ୍ଟାଡିୟମଠାରେ ନମସ୍ତେ ଟ୍ରମ୍ପ କାର୍ଯ୍ୟକ୍ରମକୁ ସମ୍ବୋଧିତ କରିଛନ୍ତି। ସେ କହିଛନ୍ତି ଯେ, ଦୁଇ ଦେଶ ମଧ୍ୟରେ ସମ୍ପାଦିତ ହେବାକୁ ଥିବା ବାଣିଜ୍ୟ ଚୁକ୍ତି ସବୁଠାରୁ ବଡ ହେବ। ଏଥି ଲାଗି ଭାରତ ଆମେରିକା ଆଲୋଚନାର ପ୍ରାଥମିକ ପର୍ଯ୍ୟାୟରେ ରହିଛନ୍ତି। ଚୁକ୍ତି ସଫଳ ହେଲେ ଏହା ନିବେଶ କ୍ଷେତ୍ରରେ ସବୁ ପ୍ରକାରର ପ୍ରତିବନ୍ଧକକୁ ଦୂର କରିବାରେ ସକ୍ଷମ ହେବ ବୋଲି ସେ ମତ ଦେଇଛନ୍ତି। ଦୁଇ ଦେଶ ମଧ୍ୟରେ ଅର୍ଥନୈତିକ ସମ୍ପର୍କ କିଭଳି ବୃଦ୍ଧି ପାଇବ ସେ ନେଇ ଦୁଇ ଲିଡର ଆଲୋଚନା କରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜଣେ ଟଫ୍‌ ନେଗୋସିଏଟର(କଠୋର) ବୋଲି ଟ୍ରମ୍ପ ମତ ଦେଇଛନ୍ତି।
ଦୁଇ ଦେଶ ମଧ୍ୟରେ ବାଣିଜ୍ୟ ସମ୍ପର୍କରେ ସୂଚନା ଦେଇ ସେ କହିଛନ୍ତି, ଦ୍ୱିପାକ୍ଷିକ ବାଣିଜ୍ୟ କାରବାର ୪୦% ବଢିଛି। ଆମେରିକାର ରପ୍ତାନି କ୍ଷେତ୍ରରେ ଭାରତ ଏକ ପ୍ରମୁଖ ବଜାର ଭାବେ ଉଭା ହୋଇଛି। ସେହିଭଳି ନୂଆଦିଲ୍ଲୀ ଲାଗି ଆମେରିକା ସର୍ବବୃହତ୍ତ ବଜାର ହୋଇପାରିଛି। ଆମେରିକାର ବିକାଶ ଉଭୟ ଭାରତ ଏବଂ ବିଶ୍ୱ ଲାଗି ଭଲ। ଆମେରିକାରେ ବାଣିଜ୍ୟ କ୍ଷେତ୍ରରେ ରହିଥିବା ଅସୁବିଧାକୁ ଦୂର କରିବା ସହ ନିଯୁକ୍ତି ଏବଂ ସୁଯୋଗ ସୃଷ୍ଟି ଦିଗରେ କାର୍ଯ୍ୟକ୍ରମ ଜାରି ରହିଛି। ନୂଆ ନିବେଶକୁ ପ୍ରୋତ୍ସାହିତ କରିବା ସହ ଅମଲାତନ୍ତ୍ରର ଅଯଥା ହସ୍ତକ୍ଷେପ, ନାଲିଫିତାବାଦ,ଟିକସ ଏବଂ ନିୟମ କ୍ଷେତ୍ରରେ ବିଭିନ୍ନ ପଦକ୍ଷେପ ଗ୍ରହଣ କରାଯାଇଥିବା ସେ ସ୍ପଷ୍ଟ କରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭାରତରେ ବିଭିନ୍ନ ଗୁରୁତ୍ୱପୂର୍ଣ୍ଣ ସଂସ୍କାର ଧାରା ହାତକୁ ନେଇଥିବା ଟ୍ରମ୍ପ ଏଥିରେ ମତବ୍ୟକ୍ତ କରିଛନ୍ତି। ଭାରତର ବାଣିଜି୍ୟକ କାର୍ଯ୍ୟକଳାପ ଦ୍ରୁତ ହାରରେ ବଢୁଛି। ଏହାକୁ ସାରା ବିଶ୍ୱ ଏବେ ଚାହିଁ ରହିଛି। ରେକର୍ଡ ସମୟ ମଧ୍ୟରେ ମୋଦି ଏସବୁ କରିବାକୁ ସକ୍ଷମ ହୋଇଥିବା ଟ୍ରମ୍ପ କହିଛନ୍ତି।
ଆମେରିକା ସହ ଭାରତର ବାଣିଜ୍ୟ ସମ୍ପର୍କ ଅନେକ ଗୁରୁତ୍ୱ ବହନ କରୁଛି। ଟ୍ରମ୍ପଙ୍କ ଗସ୍ତ ସମୟରେ ଏହି ବାଣିଜ୍ୟ ଚୁକ୍ତି ସମ୍ପର୍କରେ ଘୋଷଣା ହୋଇପାରେ ବୋଲି ଆଶା କରାଯାଉଛି। ଉଭୟ ଦେଶ ଏବେ କୃଷି, ଡାଟା ସୁରକ୍ଷା ଏବଂ ସ୍ଥାନୀୟକରଣ, ଡେରୀ,ଇ-କମର୍ସ ଭଳି ଅନ୍ୟ କେତେକ କ୍ଷେତ୍ରରେ ରହିଥିବା ସମସ୍ୟାକୁ ସମାଧାନ କରିବା ଦିଗରେ ସକ୍ଷମ ହୋଇ ପାରି ନାହାନ୍ତି। ଦୁଇ ଦେଶ ମଧ୍ୟରେ ବାଣିଜ୍ୟ ଡିଲ ହେଲେ ଆପୋଷ ବୁଝାମଣାରେ ହେବ। ଏହା ଦ୍ୱାରା ଭାରତର ସ୍ବାର୍ଥରେ କୌଣସି ଆଞ୍ଚ ଆସିବ ନାହିଁ ବୋଲି ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି। ଅଧିକାରୀଙ୍କ କହିବା ମୁତାବକ ଆମେରିକା ନିକଟରେ ଆଉ କିଛି ଦାବି ନୂଆ କରି ରଖିଛି। ବାଣିଜି୍ୟକ ଆଲୋଚନା ଏବେ ଚାଲୁ ରହିଛି। ଦୁଗ୍ଧଜାତ ସାମଗ୍ରୀ ଲାଗି ଭାରତ ଏକ ବଡ ବଜାର ବୋଲି ଆମେରିକା ବିଚାର କରୁଛି। ମାତ୍ର ଭାରତୀୟ ଗ୍ରାହକଙ୍କ ମନୋଭାବ ଏବଂ ସମାଜ ପ୍ରଭାବିତ ହେଲା ଭଳି ଏମିତି କିଛି କାମ ନ ହେଉ ତାକୁ ମଧ୍ୟ ଭାରତ ବିଚାର କରୁଛି। ଏହାବାଦ ଅଖରୁଟ, ସେଓ, ମେଡିକାଲ ଡିଜାଇସ ଉପରେ ପ୍ରାଇସ କ୍ୟାପ ହଟାଇବା, ୧୬୦୦ ସିସିି ବାଇକ ଉପରେ ସୀମା ଶୁଳ୍କ ହଟାଇବା ଭଳି ଅନେକ ପ୍ରସଙ୍ଗ ଉପରେ ଆମେରିକା ଭାରତ ସହ ଆଲୋଚନା କରିବ। ଏହାବାଦ ସୂଚନା ଏବଂ ପ୍ରଯୁକ୍ତି ପ୍ରଡକ୍ଟ ଗୁଡିକ ଉପରେ ଭାରତ ବଜାରରେ ଉପଲବ୍ଧତା ବଢାଇବାକୁ ଆମେରିକା ପ୍ରୟାସ କରୁଛି।
ଏହାବାଦ ଭାରତ ସହ ଉଚ୍ଚ ବାଣିଜ୍ୟ ନିୟଣ୍ଟକୁ ନେଇ ଆମେରିକା ଆଶଙ୍କାରେ ରହିଛି। ସେହିଭଳି ଭାରତ ଜେନେରାଲାଇଜଡ ସିଷ୍ଟମ ଅଫ୍‌ ପ୍ରିଫରେନ୍ସ(ଜିଏସ୍‌ପି) ପ୍ରୋଗ୍ରାମ ଅଧିନରେ ଆମେରିକାଠାରୁ ରପ୍ତାନି ପ୍ରୋତ୍ସାହନ ଆଶା କରୁଛି। ଏହି କାର୍ଯ୍ୟକ୍ରମ ଅଧିନରେ ଭାରତ ଆମେରିକାକୁ ୬.୫ ବିଲିୟନ ଡଲାରର ସାମଗ୍ରୀ ପ୍ରେରଣ କରୁଥିଲା। ଆମେରିକା ଯଦି ଏହି ସୁବିଧାକୁ ପୁଣି ଥରେ ପ୍ରଦାନ କରେ ତେବେ ଭାରତ ଲାଗି ଏହା ପୁଣି ଥରେ ଲାଭକାରୀ ସାବ୍ୟସ୍ତ ହେବ। ଜିଏସ୍‌ପିରେ ଭାରତ ଆମେରିକାକୁ ୧୯୦୦ ସାମଗ୍ରୀ ପଠାଇ ଥାଏ। ଏହା ମଧ୍ୟରେ କେମିକାଲ, ଇଞ୍ଜିନିୟରିଂ ସମେତ ଅନ୍ୟ ପ୍ରଡକ୍ଟ ସାମିଲ ରହିଛି। ଗତ ବର୍ଷ ଏହି ମାନ୍ୟତାକୁ ଆମେରିକା ପ୍ରତ୍ୟାହାର କରି ନେଇଛି। ଏହାବାଦ ଘରୋଇ ପ୍ରଫେଶନାଲଙ୍କ ପାଇଁ ଭିଜା ଫି ହ୍ରାସ, କେତେକ ଇସ୍ପାତ ଏବଂ ଆଲୁମିନିୟମ ପ୍ରଡକ୍ଟ ବର୍ଗରେ ଆମେରିକା ଲାଗୁ କରୁଥିବା ଉଚ୍ଚ ପରିମାଣର ଟିକସରେ ହ୍ରାସ, କୃଷି ଜାତୀୟ ସାମଗ୍ରୀ, ଅଟୋମୋବାଇଲ, ଅଟୋମୋବାଇଲ କମ୍ପୋନେଣ୍ଟ ଏବଂ ଇଞ୍ଜିନୟରିଂ ପ୍ରଡକ୍ଟ ଲାଗି ଆମୋରିକାରେ ଏବ ବଡ ବଜାର ଆଶାରେ ଭାରତ ରହିଛି।
ଏପଟେ ଭାରତ ଆମେରିକା ପ୍ରଡକ୍ଟ ଉପରେ ସବୁବେଳେ ଅଧିକ ଟିକସ ଲଗାଉଥିବା କହି ଭାରତକୁ ଟାରିଫ କିଙ୍ଗ ବୋଲି ଟ୍ରମ୍ପ ଅଭିଯୋଗ କରୁଛନ୍ତି। ଗତ ବର୍ଷ ଜୁନରେ ୨୮ ଆମେରିକା ପ୍ରଡକ୍ଟ ଉପରେ ଉଚ୍ଚ ଟିକସ ଲାଗୁ କରାଇବା ପାଇଁ ଭାରତ ଘୋଷଣା କରିଥିଲା। ଓ୍ବାଶିଂଟନ ଭାରତର ଷ୍ଟିଲ ଏବଂ ଆଲୁମିନିୟମ ପ୍ରଡକ୍ଟ ଉପରେ ଟିକସ ବଢାଇବା ପରେ ଭାରତ ଏଭଳି ନିଷ୍ପତ୍ତି ନେଇଥିଲା। ଆମେରିକା ଏବେ ଚାଇନାକୁ ଟପି ଭାରତର ପ୍ରମୁଖ ବାଣିଜ୍ୟ ଅଂଶୀଦାର ହୋଇଛି। ୨୦୧୮-୧୯ରେ ଭାରତ ଆମେରିକାକୁ ୫୨.୪ ବିଲିୟନ ଡଲାରର ସାମଗ୍ରୀ ରପ୍ତାନି କରିଛି। ଏହି ସମୟରେ ଆମେରିକାରୁ ଭାରତ ୩୫.୫ ବିଲିୟନ ଡଲାରର ସାମଗ୍ରୀ ଆମଦାନି କରିଛି। ଏହାବାଦ ୨୦୧୭-୧୮ରେ ୨୧.୩ ବିଲିୟନକୁ ଖସିଥିବା ବେଳେ ୨୦୧୮-୧୯ରେ ୧୬.୯ ବିଲିୟନ ଡଲାର ରହିଛି। ୨୦୧୮-୧୯ରେ ଭାରତ ଆମେରିକାଠାରୁ ୩.୧୩ ବିଲିୟନ ଡଲାରର ଏଫ୍‌ଡିଆଇ ଲାଭ କରିଛି। ଏହା ୨୦୧୭-୧୮ରେ ୨ ବିଲିୟନ ଡଲାର ରହିଥିଲା। ଦୁଇ ଦେଶ ମଧ୍ୟରେ ମୁକ୍ତ ବାଣିଜ୍ୟ ଚୁକ୍ତି ହେଲେ ଏହା ଦ୍ୱାରା ଉୟଭ ଦେଶ ଲାଭବାନ ହୋଇ ପାରିବେ।


All Right Reserved By Dharitri.Com

ପଦବୀ ଛାଡ଼ିଲେ ଅର୍ବାନ ଲ୍ୟାଡର ସହ ପ୍ରତିଷ୍ଠାତା

ନୂଆଦିଲ୍ଲୀ,୨୩-୧୦: ଷ୍ଟାର୍ଟଅପ୍‌ ଅର୍ବାନ ଲ୍ୟାଡରର ସହ ପ୍ରତିଷ୍ଠାତା ତଥା ପ୍ରଡକ୍ଟ ଏବଂ ଟେକ୍ନୋଲୋଜି ଅଫିସର ଭାବେ କାର୍ଯ୍ୟ କରୁଥିବା ରାଜିବ ଶ୍ରୀବାସ୍ତବ ପଦବୀରୁ ଇସ୍ତଫା ଦେଇଛନ୍ତି।...

ଉଲ୍ଲେଖନୀୟ ପ୍ରଦର୍ଶନ ଧାରା ଜାରି ରଖିଛି ପୂର୍ବତଟ ରେଳପଥ

ଭୁବନେଶ୍ୱର,୨୬-୧ : ୭୧ତମ ପବିତ୍ର ସାଧାରଣତନ୍ତ୍ର ଦିବସ ଅବସରରେ ପୂର୍ବତଟ ରେଳପଥ ପରିବାର ଏବଂ ଅଂଶୀଦାରଙ୍କୁ ଅଭିନନ୍ଦନ। ଏଭଳି ଏକ ପବିତ୍ର ଦିବସରେ ଭାରତର ପ୍ରଗତିକୁ...

ଅଟୋମୋବାଇଲ କମ୍ପାନୀଙ୍କ ବିକ୍ରି ପୁଣି କମିଲା

ନୂଆଦିଲ୍ଲୀ, ୨-୧୨ : ଚଳିତ ବର୍ଷ ନଭେମ୍ବରରେ ଅଟୋମୋବାଇଲ କମ୍ପାନୀଙ୍କ ବିକ୍ରି ପୁଣି ହ୍ରାସ ଘଟିଛି। ଏହି ସମୟରେ ପ୍ରମୁଖ ଯାନ ନିର୍ମାତା ମାରୁତି ସୁଜୁକି...

୫ କୋଟି ଲୋକ ବେରୋଜଗାର

ନୂଆଦିଲ୍ଲୀ,୮।୪: କରୋନାକୁ ନିୟନ୍ତ୍ରଣ କରିବା ଲାଗି ସାରା ଦେଶରେ ଲକ୍‌ଡାଉନ ଘୋଷଣା କରାଯାଇଛି। ଏହା ଯୋଗୁ ସମଗ୍ର ଦେଶରେ କମ୍ପାନୀଗୁଡିକର କାର୍ଯ୍ୟକଳାପ ଠପ୍‌ ହୋଇଯାଇଛି। ପ୍ରାରମ୍ଭିକ...

ଆର୍‌ଓସି ଆବେଦନ ଖାରଜ କଲେ ଏନ୍‌ସିଏଲ୍‌ଏଟି

ମୁମ୍ବାଇ,୭-୧: ଟାଟାସନ୍ସ-ମିସ୍ତ୍ରି କର୍ପୋରେଟ ମାମଲାରେ ନ୍ୟାଶନାଲ କମ୍ପାନୀ ଲ ଆପିଲେଟ ଟ୍ରିବ୍ୟୁନାଲ (ଏନ୍‌ସିଏଲ୍‌ଏଟି) ଟାଟା ଗ୍ରୁପର ପୂର୍ବତନ ଅଧ୍ୟକ୍ଷ ସାଇରସ ମିସ୍ତ୍ରିଙ୍କ ସପକ୍ଷରେ ରାୟ ଶୁଣାଇଥିଲେ।...

ସ୍ଥିତି ସମୀକ୍ଷା କଲେ ନିର୍ମଳା

ନୂଆଦିଲ୍ଲୀ,୨୧-୩: ଅର୍ଥମନ୍ତ୍ରୀ ନିର୍ମଳା ସୀତାରାମନ ଶୁକ୍ରବାର କରୋନାକୁ ନେଇ ଦେଶରେ ଉପୁଜିଥିବା ସ୍ଥିତିକୁ ସମୀକ୍ଷା କରିଛନ୍ତି। ସେ ୪ କେନ୍ଦ୍ରମନ୍ତ୍ରୀଙ୍କୁ ଭେଟିଛନ୍ତି। ଏହାବାଦ ବେସାମରିକ ବିମାନ...

ୟେସ୍‌ ବ୍ୟାଙ୍କ ଉପରେ ଲାଗିଲା ଆର୍‌ବିଆଇ କଟକଣା

ନୂଆଦିଲ୍ଲୀ,୬-୩: ରିଜର୍ଭ ବ୍ୟାଙ୍କ ଅଫ୍‌ ଇଣ୍ଡିଆ(ଆର୍‌ବିଆଇ) ୟେସ୍‌ ବ୍ୟାଙ୍କ କାରବାର ଉପରେ କଟକଣା ଜାରି କରିଛି। ବ୍ୟାଙ୍କର ଆର୍ଥତ୍କ ସ୍ଥିତି ବିଗିଡି ଥିବା ଯୋଗୁ କେନ୍ଦ୍ରୀୟ...

ଚାହିଦା ପୂରଣ ଲାଗି ହୋଣ୍ଡା ଟୁ-ହ୍ବିଲର୍ସର ଉଦ୍ୟମ

ନୂଆଦିଲ୍ଲୀ,୨୩।୫: କୋଭିଡ୍‌-୧୯ ଲାଗି ବର୍ତ୍ତମାନ କଟକଣା ଧୀରେ ଧୀରେ କୋହଳ ହେଉଥିବାରୁ ସରକାର କିଛି କିଛି କ୍ଷେତ୍ରକୁ ଆର୍ଥତ୍କ କାର୍ଯ୍ୟକଳାପ ଲାଗି ଅନୁମତି ଦେଇଛନ୍ତି। ଏହି...

Leave a comment

Your email address will not be published. Required fields are marked *