ଅନୁପଙ୍କ ରିମାଣ୍ଡ ଅବଧି ଶେଷ: ସହଯୋଗ ନ କରି ପୋଲିସକୁ ଭୁଆଁ ବୁଲାଇଲେ

ଝାରସୁଗୁଡ଼ା ଅଫିସ,୨୩ା୨: ବହୁଚର୍ଚ୍ଚିତ କଳ୍ପନା ଦାଶ ଓ ବବ୍‌ଲି ହତ୍ୟା ଘଟଣାରେ ଛତିଶଗଡ଼ ପୋଲିସ ଏବେ ଚିନ୍ତାରେ ପଡିଛି। ଏହି ଘଟଣାରେ ମୁଖ୍ୟ ଅଭିଯୁକ୍ତ କୁହାଯାଉଥିବା ଝାରସୁଗୁଡ଼ା ଜିଲା ବ୍ରଜରାଜନଗରର ପୂର୍ବତନ ବିଧାୟକ ଅନୁପ ସାଏ ଓ ଡ୍ରାଇଭର ବର୍ଦ୍ଧନ ଟପ୍ପୋ ପୋଲିସ ନିକଟରେ ପ୍ରଥମେ ନିଜ ଦୋଷ ସ୍ବୀକାର କରିଥିଲେ। ଏଣୁ ପୋଲିସ ଉଭୟଙ୍କୁ ରିମାଣ୍ଡରେ ଆଣି ସାମ୍ନାସାମ୍ନି ବସାଇ ପଚାରାଉଚରା କରିଥିଲା। ବର୍ଦ୍ଧନଙ୍କ ଦିନିକିଆ ରିମାଣ୍ଡ ଅବଧି ଶେଷ ପରେ ତାଙ୍କୁ ପୋଲିସ ଜେଲ ପଠାଇ ଦେଇଛି। ଶନିବାର ଅନୁପଙ୍କ ୩ ଦିନିଆ ରିମାଣ୍ଡ ସରିଛି। ହେଲେ ଏହି ରିମାଣ୍ଡ ସମୟ ଭିତରେ ଅନୁପ ପୋଲିସକୁ ସହଯୋଗ ନ କରି ଭୁଆଁ ବୁଲାଇଛନ୍ତି। ଅସୁସ୍ଥ ଆଳ ଦେଖାଇ ଅନୁପ ଅଧିକାଂଶ ପ୍ରଶ୍ନରେ ଚୁପ୍‌ ରହିଥିଲେ। ଏଣୁ ତାଙ୍କଠାରୁ ଅଧିକା ତଥ୍ୟ,ପ୍ରମାଣ ଯୋଗାଡ଼ କରିବାରେ ପୋଲିସ ଉଦ୍ୟମ ଶେଷରେ ଫେଲ୍‌ ମାରିଛି।

ଗତ ବୁଧବାର କୋର୍ଟ ଅନୁପଙ୍କୁ ୩ ଦିନ ଓ ବର୍ଦ୍ଧନଙ୍କୁ ଗୋଟିଏ ଦିନ ଲାଗି ରିମାଣ୍ଡରେ ନେବାକୁ ପୋଲିସକୁ ଅନୁମତି ଦେଇଥିଲେ। ଗୁରୁବାର ବର୍ଦ୍ଧନଙ୍କ ରିମାଣ୍ଡ ଅବଧି ଶେଷ ହୋଇଥିଲା। ଶନିବାର ଅନୁପଙ୍କ ରିମାଣ୍ଡ ଅବଧି ଶେଷ ହେବାରୁ ଅପରାହ୍ନରେ ପୋଲିସ କୋର୍ଟରେ ହାଜର କରି ବିଚାର ବିଭାଗୀୟ ହାଜତକୁ ପଠାଇ ଦେଇଛି। ତେବେ ଉଭୟ ବର୍ଦ୍ଧନ ଓ ଅନୁପଙ୍କଠାରୁ ରିମାଣ୍ଡ ଅବଧି ମଧ୍ୟରେ ପୋଲିସ କୌଣସି ନୂଆ ତଥ୍ୟ ପାଇ ନ ଥିବା ଆଲୋଚନା ହେଉଛି। ବରଂ ଅଭିଯୁକ୍ତଦ୍ୱୟ ପୋଲିସକୁ ବାଟବଣା କରିବାକୁ ଉଦ୍ୟମ କରିଥିଲେ, ଯାହା ଖୋଦ୍‌ ରାୟଗଡ ଏସ୍‌ପି ସନ୍ତୋଷ ସିଂ ସ୍ବୀକାର କରିଛନ୍ତି। ଆବଶ୍ୟକ ପଡ଼ିଲେ ସେମାନଙ୍କୁ ଆଉଥରେ ରିମାଣ୍ଡରେ ଆଣିବାକୁ ପୋଲିସ ପଦକ୍ଷେପ ନେବ ବୋଲି ସେ କହିଛନ୍ତି। ଅନୁପଙ୍କ ନାର୍କୋ ଟେଷ୍ଟ ପାଇଁ କୋର୍ଟରେ ଆବେଦନ କରାଯାଇଛି। ମଙ୍ଗଳବାର ଏହାର ଶୁଣାଣି ଅଛି। ପୋଲିସ ନିକଟରେ ଯାହା ତଥ୍ୟ ଓ ପ୍ରମାଣ ରହିଛି ତାହା ଉଭୟ ଅଭିଯୁକ୍ତଙ୍କ ବିରୋଧରେ ଯାଉଛି ବୋଲି ସେ କହିଛନ୍ତି।

ତୃତୀୟ ବ୍ୟକ୍ତିଙ୍କୁ ନେଇ ପ୍ରଶ୍ନବାଚୀ
ଏହି ଡବଲ ମର୍ଡର ଘଟଣାର ଗୁମର ଫିଟୁଥିଲେ ହେଁ ଏଥିରେ ସମ୍ପୃକ୍ତ ବ୍ୟକ୍ତିମାନଙ୍କ ନାମ ସ୍ପଷ୍ଟ ଜଣାପଡିନାହିଁ। ଛତିଶଗଡ଼ ପୋଲିସ ପୂର୍ବତନ ବିଧାୟକ ଅନୁପ ସାଏ ଏହି ଘଟଣାର ମୁଖ୍ୟ ଅଭିଯୁକ୍ତ ବୋଲି କହୁଥିବା ବେଳେ ତାଙ୍କ ଡ୍ରାଇଭର ବର୍ଦ୍ଧନ ତାଙ୍କୁ ସହଯୋଗ କରିଥିବା ଦର୍ଶାଉଛି। ଉଭୟଙ୍କୁ ଜେରା ବେଳେ ଏହି ଘଟଣାରେ ଆଉ ଜଣେ ବ୍ୟକ୍ତି ସମ୍ପୃକ୍ତ ଥିବା ସେମାନେ କୁଆଡ଼େ ଦର୍ଶାଇଥିଲେ। ହେଲେ ପୋଲିସ ସେମାନଙ୍କୁ ରିମାଣ୍ଡରେ ଆଣି ପଚରାଉଚରା କରିବା ବେଳେ ଆଉ କିଛି ତଥ୍ୟ ଦେଲେ ନାହିଁ। ଫଳରେ ଛତିଶଗଡ଼ ପୋଲିସର ଅକଲଗୁଡୁମ ହୋଇଯାଇଛି। ସେହିପରି ଏହି ଘଟଣାରେ ସମ୍ପୃକ୍ତ ତୃତୀୟ ବ୍ୟକ୍ତିଙ୍କୁ ପୋଲିସ ନିଜ ସ୍କାନରରେ ରଖିଥିବା ଗଣମାଧ୍ୟମକୁ କହିଥିଲା। ଏବେ କିନ୍ତୁ ପୋଲିସ ପାଖରୁ କିଛି ସୂଚନା ମିଳୁନାହିଁ। ଫଳରେ ପୋଲିସର ତଦନ୍ତ ବାଟବଣା ହେବା ନେଇ ସନ୍ଦେହ ସୃଷ୍ଟି ହୋଇଛି।

ଅନୁପଙ୍କ ସମ୍ପର୍କୀୟଙ୍କ ଉପରେ ନଜର
ଅନୁପ ସାଏ ଓ ବର୍ଦ୍ଧନ ଟପ୍ପୋଙ୍କଠାରୁ ସତ ଓକାଳିବାରେ ଛତିଶଗଡ଼ ପୋଲିସ ବିଫଳ ହେବାପରେ ପୋଲିସ ଅନ୍ୟ ବାଟ ବାହାର କରିଛି। ଅନୁପ ଓ ବର୍ଦ୍ଧନଙ୍କ ସମ୍ପର୍କୀୟମାନଙ୍କୁ ପଚରା ଉଚରା କରି ସେମାନଙ୍କ ନିକଟରୁ ତଥ୍ୟ ଓ ପ୍ରମାଣ ଯୋଗାଡ କରିବାକୁ ଯୋଜନା ରଖିଛି। ଏଥିପାଇଁ ପୋଲିସ ସେମାନଙ୍କ କେତେକ ସମ୍ପର୍କୀୟଙ୍କୁ ନୋଟିସ ପଠାଇ ଥାନାକୁ ଡାକିଛି। ଏଥିପାଇଁ ପୋଲିସ ନିଜକୁ ପ୍ରସ୍ତୁତ କରୁଥିବା ଜଣାପଡିଛି।

ବୋଲେରୋ, ଲୁହାରଡ଼ ଚିନ୍ତା
ଏହି ହତ୍ୟାକାଣ୍ଡରେ ବ୍ୟବହୃତ ସାମଗ୍ରୀକୁ ଜବତ କରିବା ପାଇଁ ପୋଲିସ ତତ୍ପରତା ଦେଖାଇଛି। ହତ୍ୟାକାଣ୍ଡରେ ବୋଲେରୋ, ଇନୋଭା ସହ ଏକ ଲୁହା ରଡ଼ ବ୍ୟବହୃତ ହୋଇଥିବା ପୋଲିସ ପକ୍ଷରୁ ସୂଚନା ଦିଆଯାଇଥିଲା। ପୋଲିସ କେବଳ ଇନୋଭା ଜବତ କରିବାରେ ସକ୍ଷମ ହୋଇଛି। ହେଲେ ବୋଲେରୋ ଓ ଲୁହା ରଡ଼କୁ ଜବତ କରିପାରିନାହିଁ। ବୋଲେରୋକୁ ଜବତ ପାଇଁ ପୋଲିସର ଏକ ଟିମ୍‌ ଗୁଜରାଟ ଯାଇଛି। ଏବେ ବୋଲେରୋ ଯାହାଙ୍କ ମାଲିକାନାରେ ରହିଛି ତାଙ୍କୁ ନୋଟିସ ଦିଆଯାଇଥିବା ଶନିବାର ରାୟଗଡ ଏସ୍‌ପି ସନ୍ତୋଷ ସିଂ କହିଛନ୍ତି। ବୋଲେରୋ ଏବଂ ଲୁହାରଡ୍‌ ଖୋଜିବାକୁ ପୋଲିସର ନିଦ ହଜିଯାଇଛି।


All Right Reserved By Dharitri.Com

ମିଳିଲାନି କୁକୁର କାମୁଡା ଇଞ୍ଜେକ୍ସନ: ସ୍ବାସ୍ଥ୍ୟକେନ୍ଦ୍ର ସମ୍ମୁଖରେ ମାତାପିତାଙ୍କ ଧାରଣା

ଖଇରା, ୫।୧୨(ଡି.ଏନ.ଏ.)-ବାଲେଶ୍ୱର ଜିଲା ଅଧୀନ ଖଇରା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ କୁକୁର କାମୁଡା ଇଞ୍ଜେକ୍ସନ ନ ମିଳିବାରୁ ରଘୁନାଥପୁର ଗ୍ରାମର ସୁଭଦ୍ରା ଲେଙ୍କା ତାଙ୍କ ସ୍ବାମୀ ଏବଂ...

ଦୁର୍ଘଟଣାରୁ ବର୍ତ୍ତିଲା ଏଲ୍‌ଟିଟି ଏକ୍ସପ୍ରେସ୍‌

ଢେଙ୍କାନାଳ ଅଫିସ, ୬।୩ – ଭାଗ୍ୟ ସହାୟ ହେଲା। ଦୁଇଖଣ୍ଡ ହୋଇଯାଇଥିବା ରେଳଧାରଣାକୁ କୌଣସି ମତେ ଅତିକ୍ରମ କରିଗଲା ଲୋକମାନ୍ୟ ତିଲକ (ଏଲ୍‌ଟିଟି) ସୁପରଫାଷ୍ଟ ଏକ୍ସପ୍ରେସ୍‌।...

ଆରମ୍ଭ ହେଲା ରଜ ଉତ୍ସବ

ଆନନ୍ଦପୁର,୧୩ା୬(ସ୍ବ.ପ୍ର): ଘଷିପୁରା ଆଦର୍ଶ ସେବାସଂଘ ଆନୁକୂଲ୍ୟରେ ଆୟୋଜିତ  ରଜ ଉତ୍ସବ ଗ୍ୟାରେଜ ଛକ ନିକଟରେ ଉଦ୍‌ଘାଟିତ ହୋଇଯାଇଛି। ସଂଘର ସଭାପତି ଯଜ୍ଞ ପ୍ରସାଦ ସାହୁଙ୍କ ସଭାପତିତ୍ୱରେ...

ଗୁଗଲ୍‌ ମ୍ୟାପରେ ଟ୍ୟାଗ୍‌ ହେବ ଆର୍‌ଟିଓ

କଟକ ଅଫିସ, ୨୩-୧୦:ଗୁଗଲ୍‌ ମ୍ୟାପ୍‌ରେ ଟ୍ୟାଗ୍‌ ହେବ ଆଞ୍ଚଳିକ ପରିବହନ କାର୍ଯ୍ୟାଳୟ(ଆର୍‌ଟିଓ) ସହିତ ଡ୍ରାଇଭିଂ ଟେଷ୍ଟିଂ ଟ୍ରାକ୍‌ ଓ ପଲ୍ୟୁଶନ ଅଣ୍ଡର କଣ୍ଟ୍ରୋଲ (ପିୟୁସି) କେନ୍ଦ୍ର।...

ଅଖା ଗୋଦାମରୁ ଚୋରି ଘଟଣା : ୨ ଗିରଫ

ବ୍ରହ୍ମପୁର ଅଫିସ,୨୧।୯: ଗଞ୍ଜାମ ଜିଲା ସଦର ଥାନା ପୋଲିସ ଏକ ଅଖା ଗୋଦାମରୁ ଚୋରି ଘଟଣାରେ ୨ ଜଣଙ୍କୁ ଗିରଫ କରିଛି। ଅଭିଯୁକ୍ତ ଦ୍ୱୟ ହେଲେ...

ରାସ୍ତା ପାଲଟିଛି ଦୁର୍ଗମ: ଖମ୍ବ ପୋତି ପ୍ରତିବାଦ ଜଣାଇଲେ ଗ୍ରାମବାସୀ, ଜିଲାପାଳ ଦୃଷ୍ଟି ଦେବାକୁ ଦାବି

ବାଲିଆପାଳ, ୨୭ା୮(ଡି.ଏନ.ଏ.)-ବାଲିଆପାଳ ବ୍ଲକ ବଡାଶ ପଞ୍ଚାୟତ ଜଗାଇ ହାକାଣ୍ଡ ପୋଖରୀରୁ ମାଣିକ ସିମୁଳିଆସ୍ଥିତ ପ୍ରଜାପିତା ବ୍ରହ୍ମାକୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ(ବିନ୍ଦୁ ଧର୍ମ)ଆଶ୍ରମ ପର୍ଯ୍ୟନ୍ତ ରାସ୍ତା ଦୁର୍ଗମ ହୋଇପଡିଛି।...

ବଢ଼ତି ଭତା ପାଏବାରୁ ଦିବ୍ୟାଙ୍ଗ ବଁଚିତ୍‌

ଚିପିଲିମା, ୧୯।୧୨ (ଡି.ଏନ୍‌.ଏ.)- ରାଏଜ୍‌ ସରକାରକଁର ତରଫୁ ଦିବ୍ୟାଙ୍ଗମାନେ ବଢ଼ତି ଭତା ଟଁକା ପାଏବେ ବଲି ଘୋଷନା କରାଯାଇଛେ। ହେଲେ ସମ୍ବଲପୁର ଜିଲା ଧନକଉଡ଼ା ବ୍ଲକରେ...

ହାତ ଧୋଇଲା ପରେ ଗାଁକୁ ପ୍ରବେଶ ଅନୁମତି

ବଲାଙ୍ଗୀର ଅଫିସ/ଟିକ୍ରାପଡା, ୨୭ା୩ (ଡି.ଏନ୍‌.ଏ.): କରୋନା ମହାମାରୀକୁ ନେଇ ଗାଁ  ଗାଁରେ ଏବେ ଆତଙ୍କ ସ୍ଥିତି । କରୋନା ସଂକ୍ରମଣରୁ ରକ୍ଷା ପାଇବା ପାଇଁ କୌଣସି...

Leave a comment

Your email address will not be published. Required fields are marked *