ଗୋଚର ଜମିରେ କାହ୍ନୁଚରଣ କଲେଜ: ୩ ମାସ ମଧ୍ୟରେ ଜିଲାପାଳ ନେବେ ପଦକ୍ଷେପ

ଯାଜପୁର ଅଫିସ,୨୩ା୨: କଲେଜଗୁଡ଼ିକର ଜମି ସମ୍ବନ୍ଧୀୟ ଅବସ୍ଥା ଜାଣିବାକୁ ସପ୍ତାହେ ପୂର୍ବରୁ ଭୁବନେଶ୍ୱର ଆଞ୍ଚଳିକ ଶିକ୍ଷା ନିର୍ଦ୍ଦେଶାଳୟ(ଆର୍‌ଡିଇ) ପକ୍ଷରୁ ତଥ୍ୟଦାଖଲ କରିବାକୁ ନିର୍ଦ୍ଦେଶ ହୋଇଥିଲା। ଏହି ତଥ୍ୟ ଭୁବନେଶ୍ୱର ଆରଡିଇ ଅଧୀନରେ ଗଢି ଉଠିଥିବା ସମସ୍ତ ଅନୁଦାନ ଓ ଅଣଅନୁଦାନପ୍ରାପ୍ତ କଲେଜଗୁଡ଼ିକର ଅଧ୍ୟକ୍ଷଙ୍କୁ ବିଧାନସଭା ପ୍ରଶ୍ନସଂଖ୍ୟା ୪୭୩ ଆଧାରରେ ନୋଟିସ ହୋଇଥିଲା। ତେବେ ବାରମ୍ବାର ଏନେଇ ନୋଟିସ ହୋଇଥିଲେ ହେଁ ପ୍ରାୟ କଲେଜଗୁଡ଼ିକରୁ ତଥ୍ୟ ଦାଖଲ ନ ହେବାରୁ ଆରଡିଓ ଭୁବନେଶ୍ୱର ପକ୍ଷରୁ କାରଣ ଦର୍ଶାଅ ନୋଟିସ ମଧ୍ୟ ଜାରି ହୋଇଥିଲା। ଯେଉଁ କଲେଜ କର୍ତ୍ତୃପକ୍ଷ ଏହି ତଥ୍ୟ ଦାଖଲ କରି ନ ଥିବେ ତାଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଚେତାବନୀ ଦିଆଯାଇଥିଲା। ତେବେ ଯାଜପୁର ଜିଲା କୋରେଇ କାହ୍ନୁଚରଣ କଲେଜରେ ଏଭଳି ଏକ ଜମି ବିବାଦୀୟ ତଥ୍ୟ ଜଣାପଡ଼ିଛି। ଏକ ଜନସ୍ବାର୍ଥ ମାମଲାର ବିଚାର କରି ହାଇକୋର୍ଟ ୩ମାସ ମଧ୍ୟରେ ଗୋଚର ଜମିର କିସମ ପରିବର୍ତ୍ତନ(ଡି-ରିର୍ଜଭେସନ)କରିବାକୁ ଯାଜପୁର ଜିଲାପାଳଙ୍କୁ ନିର୍ଦ୍ଦେଶ ହୋଇଛି।

ଯାଜପୁର ଜିଲା କୋରେଇ ବ୍ଲକରେ ସ୍ଥାପିତ ହୋଇଥିବା କାହ୍ନୁଚରଣ ମହାବିଦ୍ୟାଳୟ ତରଫରୁ ଗୋଚର ଜମିରେ ମାଟି ପକାଇବାକୁ କେନ୍ଦ୍ରକରି କ୍ଷତିଗ୍ରସ୍ତ ଚାଷୀ ୨୦୧୬ରେ ଏକ ଜନସ୍ବାର୍ଥ ମାମଲା (ଡବ୍ଲ୍ୟୁପି(ସି)ପିଆଇଏଲ ନଂ. ୩୨୫୮/୨୦୧୬ ଆଣ୍ଡ ମିସ କେସ ନଂ ୩୦୮୦/୨୦୧୬) ଦାୟର କରିଥିଲେ। ଏହାକୁ ହାଇକୋର୍ଟ ବିଚାରକୁ ନେଇ ଧନେଶ୍ୱର ମାୈଜାର ରଖିତ ଖାତା ନମ୍ବର ୫୬୦, ପ୍ଲଟ ନମ୍ବର ୧୧୦(ଏରିଆ ଏ୬.୩୬୦ଡି) ଓ ପ୍ଲଟ ନମ୍ବର ୧୩୫(ଏରିଆ ଏ୬Q.୮୭୦ଡି) ଉପରେ ପୂର୍ବାବସ୍ଥା ବଜାୟ ରଖିବା ସହିତ କୌଣସି ନିର୍ମାଣ ନ କରିବାକୁ ୨୦୧୬ ମାର୍ଚ୍ଚ ୧୮ ପର୍ଯ୍ୟନ୍ତ ରହିତାଦେଶ ଜାରି କରିଥିଲେ। ଏହାପରେ ଏହି ଜନସ୍ବାର୍ଥ ମାମଲାର ଫଇସଲା କରିବାକୁ ଯାଇ ମାନ୍ୟବର ହାଇକୋର୍ଟଙ୍କ ପକ୍ଷରୁ ୩ା୨ା୨୦୨୦ତାରିଖରେ ଏକ ଆଦେଶନାମା ଜାରି ହୋଇଥିଲା। ଉକ୍ତ ଆଦେଶ ନାମାରେ ମାନ୍ୟବର ହାଇକୋର୍ଟ ଯାଜପୁର ଜିଲାପାଳ ଓ ବ୍ୟାସନଗର ତହସିଲଦାରଙ୍କୁ ୩ମାସ ମଧ୍ୟରେ ନିୟାମାବଳୀ ଅନୁଯାୟୀ ଗୋଚର ଜମିର ପୁନଃ କିସମ ପରିବର୍ତ୍ତନ କରିବାକୁ ନିର୍ଦ୍ଦେଶ ଦେଇଛନ୍ତି। ପ୍ରକାଶ ଯେ, କାହ୍ନୁଚରଣ କଲେଜ ୧୯୮୭ରେ ପ୍ରତିଷ୍ଠା ହୋଇଥିଲା। ସରକାରଙ୍କ ନିୟମାନୁସାରେ ଗୋଚର ଜମିରେ କୌଣସି ଉନ୍ନୟନମୁଳକ କାର୍ଯ୍ୟ ହୋଇପାରିବ ନାହିଁ ବୋଲି ନିୟମ ରହିଛି। କିନ୍ତୁ ଏଠାରେ ରାଜ୍ୟ ଉଚ୍ଚଶିକ୍ଷା ବିଭାଗ କିପରି ଭାବେ ଗୋଚର ଜମିରେ ନିର୍ମାଣ ପାଇଁ ଅନୁମତି ଦେଲେ ତାହା ଏବେ ପ୍ରଶ୍ନବାଚୀ ସୃଷ୍ଟି କରିଛି। ଏହାବାଦ ସୂଚନା ଅଧିକାର ଆଇନ ବଳରେ ମିଳିଥିବା ତଥ୍ୟ ଅନୁସାରେ ସୁକିନ୍ଦା ତହସିଲଦାର(ବର୍ତ୍ତମାନ ବ୍ୟାସନଗର ତହସିଲ)୨୮ା୧୧ା୨୦୦୫ରେ ପତ୍ରସଂଖ୍ୟା. ୩୬୧୨ ମାଧ୍ୟମରେ କଲେଜର ସମ୍ପାଦକଙ୍କୁ ଜଣାଇଥିଲେ ଯେ, କାହ୍ନୁଚରଣ କଲେଜକୁ ଲିଜ୍‌ ସୂତ୍ରରେ ଜାଗା ଯୋଗାଇ ଦିଆଯାଇଛି। ଏହା ଓପିଏଚ୍‌ଇ ମକଦ୍ଦମା ସଂଖ୍ୟା ୯୦/୯୮-୯୯ ମାଧ୍ୟମରେ ମୌଜା ଧନେଶ୍ୱର ଖାତା ନଂ. ୫୬୦, ପ୍ଲଟ ନଂ. ୧୧୦, ୧୩୫ ଓ ପ୍ଲଟ ନଂ.୪୮୯(ଏରିଆ ଏ୦.୫୦ଡି)କୁ ମିଶାଇ ସମୁଦାୟ ଏ୧୦.୧୩ଡି କିସମ ଗୋଚର ଜମି ଯୋଗାଇ ଦିଆଗଲା। କିନ୍ତୁ ଏହି ଓପିଏଲ୍‌ଇ ମୋକଦ୍ଦମା ୯୦/୯୮-୯୯ ସମ୍ବନ୍ଧରେ ବ୍ୟାସନଗର ତହସିଲକୁ ସୂଚନା ଅଧିକାର ଆଇନ ବଳରେ ତଥ୍ୟ ମଗା ଯାଇଥିଲା। ବ୍ୟାସନଗର ତହସିଲ ଆରଟିଆଇ ୪୩/୪ା୩ା୨୦୧୬ ତାରିଖରେ ଦିଆଯାଇଥିବା ତଥ୍ୟରେ ଏହି ମୋକଦ୍ଦମା ସମ୍ବନ୍ଧରେ କୌଣସି କାଗଜପତ୍ର ତହସିଲ କାର୍ଯ୍ୟାଳୟରେ ଉପଲବ୍ଧ ନାହିଁ। ଏହି କଲେଜ ନିର୍ମିତ ହୋଇଥିବା ଜମିଟି ସରକାରଙ୍କ ରେକର୍ଡ ଅନୁସାରେ ଗୋଚର କିସମ ଅଟେ। ଏହି ଗୋଚର ଜବରଦଖଲକୁ ଅନୁକରଣ କରି ଧନେଶ୍ୱର ମୈାଜାରେ ଦିନକୁଦିନ ସ୍ଥାନୀୟ ଲୋକମାନଙ୍କ ଗୋଚର ଜମି ଜବର ଦଖଲ ବଢିବାରେ ଲାଗିଛି ବୋଲି ତଥ୍ୟ ପ୍ରଦାନ କରାଯାଇଛି। ଏହି ମୌଜାର ୪୮୯, ୧୩୫, ୧୧୦ ଓ ୧୦ ନମ୍ବର ପ୍ଲଟ ଗୋଚର ଜମିଗୁଡ଼ିକୁ କେତେକ ପ୍ରଭାବଶାଳୀ ବ୍ୟକ୍ତି କବ୍‌ଜା କରି ନେଇଛନ୍ତି। ଏହାଦ୍ୱାରା ସରକାରଙ୍କ ରାଜସ୍ବ ହାନୀ ସତ୍ତ୍ୱେ ବ୍ୟାସନଗର ତହସିଲ ପ୍ରସାଶନ ନିରବଦ୍ରଷ୍ଟା ସାଜିବା ସମସ୍ତଙ୍କୁ ଆଶ୍ଚର୍ଯ୍ୟ କରୁଛି। ଏନେଇ ତହସିଲ୍‌ଦାଙ୍କ ସହ ଯୋଗାଯୋଗ କରାଯାଇଥିଲେ ସୁଦ୍ଧା କୌଣସି ମତାମତ ମିଳିପାରି ନାହିଁ।


All Right Reserved By Dharitri.Com

କରୋନା ସାଙ୍ଗକୁ କାଳବୈଶାଖୀ: ବ୍ୟାପକ ଫସଲ ନଷ୍ଟ

ଖପ୍ରାଖୋଲ, ୨୭ା୪(ଡି.ଏନ.ଏ): ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଅଞ୍ଚଳରେ ଗତଦୁଇ ଦିନ ତଳେ ହୋଇଥିବା କାଳବୈଶାଖୀ ସହ କୁଆପଥର ମାଡ ଯୋଗୁଁ ବ୍ୟାପକ ଫସଲ ନଷ୍ଟ...

ଶେଷ ପର୍ଯ୍ୟାୟରେ ଭିତରକନିକା ଜାତୀୟ ଉଦ୍ୟାନରେ ବଉଳା କୁମ୍ଭୀର ଗଣନା: କାଲିଠୁ ଖୋଲିବ ଭିତରକନିକା

ରାଜନଗର,୪।୧(ଡି.ଏନ୍‌.ଏ.): ସରୀସୃପଙ୍କ ନନ୍ଦନକାନନ କୁହାଯାଉଥିବା ବିଶ୍ୱ ପ୍ରସିଦ୍ଧ ଭିତରକନିକା ଜାତୀୟ ଉଦ୍ୟାନରେ ଡିସେମ୍ବର ୨୯ ତାରିଖଠାରୁ ବଉଳା କୁମ୍ଭୀର ଗଣନା ଆରମ୍ଭ ହୋଇଥିଲା। ଏ ନେଇ...

ପୁରୁଷୋତ୍ତମପୁର ବିଡିଓ ଭାବେ କାର୍ଯ୍ୟରେ ଯୋଗଦେଲେ ସୀମାଞ୍ଚଳ ମହାନ୍ତି : ଲୋକଙ୍କ ଘରକୁ ଯାଇ ସମସ୍ୟାର ସମାଧାନ କରିବାକୁ ଦେଲେ ପ୍ରତିଶ୍ରୁତି

ପୁରୁଷୋତ୍ତମପୁର,୨୫।୯(ଡି.ଏନ୍‌.ଏ.): ଗଞ୍ଜାମ ଜିଲା ପୁରୁଷୋତ୍ତମପୁରରେ ନୂତନ ବିଡିଓ ଭାବେ ସୀମାଞ୍ଚଳ ମହାନ୍ତି ମଙ୍ଗଳବାର ଯୋଗଦେଇଥିବାବେଳେ ବୁଧବାର ଦାୟିତ୍ୱ ଗ୍ରହଣ କରିଛନ୍ତି। ଏହି ଅବସରରେ ଲୋକେ ଘରେ...

ସଡକ ସୁରକ୍ଷା ନିୟମ ମାନିଲେ ଦୁର୍ଘଟଣା ହ୍ରାସ ପାଇବ

ସୋନପୁର,୧୮।୧୦(ନି.ପ୍ର.) ସଡକ ଦୁର୍ଘଟଣାରେ ବହୁ ମୂଲ୍ୟବାନ ଜୀବନହାନି ହେଉଛି। ଏଭଳି ମୃତ୍ୟୁ ସଂଖ୍ୟା ଦେଶରେ ଦିନକୁ ଦିନ ବଢୁଛି । ପ୍ରାକୃତିକ ବିପର୍ଯ୍ୟୟ ଓ ଆତଙ୍କବାଦୀ...

ଜିଲାରେ ପ୍ରଥମ: ସରପଞ୍ଚଙ୍କ ଅଭିଯୋଗ ଶୁଣାଣି

ନୟାଗଡ଼ ଅଫିସ,୨୨ା୧୦: ନୟାଗଡ଼ ଜିଲା ସଦର ବ୍ଲକ ଲକ୍ଷ୍ମୀପ୍ରସାଦ ପଞ୍ଚାୟତ କାର୍ଯ୍ୟାଳୟରେ ସୋମବାର ସରପଞ୍ଚଙ୍କ ଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇଥିଲା। ପୂର୍ବରୁ ଜିଲାପାଳ ଓ...

ଗୁଳିମାଡ଼ରୁ ବର୍ତ୍ତିଲେ ଇଟାଭାଟି ସୁପରଭାଇଜର

ଦିଗପହଣ୍ଡି,୭ା୩(ଡି.ଏନ.ଏ.) ଦିଗପହଣ୍ଡି ଥାନା ଅଧୀନ ମହୁଡ଼ା ଗ୍ରାମ ନିକଟରେ ଜଣେ ଇଟାଭାଟି ସୁପରଭାଇଜରଙ୍କୁ ଦୁର୍ବୃତ୍ତମାନେ ଗୁଳି କରି ହତ୍ୟା ଉଦ୍ୟମ କରିଥିବା ଅଭିଯୋଗ ହୋଇଛି। ବ୍ରହ୍ମପୁର...

ହାତୀ ଆକ୍ରମଣରେ ବୃଦ୍ଧଙ୍କ ଜୀବନଗଲା

ଠାକୁରମୁଣ୍ଡା,୭ା୮(ଡି.ଏନ୍‌.ଏ.): ମୟୂରଭଞ୍ଜ ଜିଲା କରଞ୍ଜିଆ ବନଖଣ୍ଡ ଅଞ୍ଚଳରେ ହାତୀ ଉପଦ୍ରବ ଯୋଗୁଁ ବ୍ୟାପକ କ୍ଷୟକ୍ଷତି ଘଟିଛି। ମଙ୍ଗଳବାର ବିଳମ୍ବିତ ରାତିରେ ହାତୀ ଆକ୍ରମଣରେ ଯଶିପୁର ବ୍ଲକ...

ଚାଲି ଚାଲି ଗାଁକୁ ଫେରୁଛନ୍ତି ଶ୍ରମଜୀବୀ

ଆରଡି, ୧୨ା୪(ଡି.ଏନ.ଏ.)-ନିଜ ଭିଟାମାଟି ଛାଡି ଅନ୍ୟ ଜିଲାରେ କାମ କରୁଥିବା ଆଦିବାସୀ ସମ୍ପ୍ରଦାୟର ଶ୍ରମଜୀବୀମାନେ ଲକଡାଉନ ଯୋଗୁ ଏବେ କାମଧନ୍ଦା ନ ପାଇ ଦିନକୁ ଦି...

Leave a comment

Your email address will not be published. Required fields are marked *