ପ୍ରତ୍ୟକ୍ଷ ଦର୍ଶନ ଦିଅନ୍ତି ବାଲୁଙ୍କେଶ୍ୱର

ବରୀ,୨୨।୨: ଯାଜପୁର ଜିଲା ବରୀ ବ୍ଲକ ଅଧୀନ ବାଲିବିଲି ଗ୍ରାମରେ ରହିଛନ୍ତି ବାଲୁଙ୍କେଶ୍ୱର ମହାଦେବ। ଏହି ମହାଦେବଙ୍କୁ ଭକ୍ତି ବିଶ୍ୱାସ ଓ ବିନମ୍ରତାର ସହିତ ପୂଜାର୍ଚ୍ଚନା କରି ନିଜକୁ ସମର୍ପିତ କରିଦେଲେ ପ୍ରତ୍ୟେକ୍ଷ ଦର୍ଶନ ମିଳିଥାଏ ବୋଲି ଗ୍ରାମବାସୀଙ୍କର ବିଶ୍ୱାସ ରହିଛି। ଏହି ବିଶ୍ୱାସ ବଳରେ ବହୁ ଦୂରାରୋଗ୍ୟରୁ ରୋଗୀ ମୁକ୍ତି ପାଇଛନ୍ତି। ସର୍ପାଘାତର ଶିକାର ହୋଇଥିବା କେତେଜଣଙ୍କୁ ନୂତନ ଜୀବନ ମିଳିପାରିଛି ବୋଲି ଗ୍ରାମବାସୀଙ୍କ ପକ୍ଷରୁ ଅବସରପ୍ରାପ୍ତ ଅଧ୍ୟକ୍ଷ ଗୋକୁଳାନନ୍ଦ ପତି କହିଛନ୍ତି। ୧୮ ତାରିଖରୁ ଏହି ପୀଠରେ ଦଶମ ବାର୍ଷିକୋତ୍ସବ ପାଳନ କରାଯାଉଛି। କଳସଯାତ୍ରା, ଅଙ୍କୁରାରୋପଣ, ଯଜ୍ଞ, ମହାପ୍ରସାଦ ସେବନ ସାଙ୍ଗକୁ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇ ଗୁରୁବାର ସନ୍ଧ୍ୟାରେ ଉଦ୍‌ଯାପିତ ହୋଇଯାଇଛି। ଶୁକ୍ରବାର ମହାଶିବରାତ୍ରି ପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି। ଏହି ଯଜ୍ଞକୁଣ୍ଡରେ ସମାଜର ମଙ୍ଗଳ ପାଇଁ ୬୦ କେଜିରୁ ଊର୍ଦ୍ଧ୍ୱ ଘୃତାହୂତି କରାଯାଇଛି। ୩ଦିନ ଧରି ଚାଲିଥିବା ଯଜ୍ଞରେ ପଣ୍ଡିତ ରାମଚନ୍ଦ୍ର ପଣ୍ଡା, ଉପେନ୍ଦ୍ର କଣ୍ଠ, ପ୍ରବୀର ମିଶ୍ର, ଗୋକୁଳାନନ୍ଦ ପତି ପ୍ରମୁଖ ଉପସ୍ଥିତ ରହି ଯଜ୍ଞ ପରିଚାଳନା କରିଥିଲେ। ଏହି ଉତ୍ସବରେ ଦୈନନ୍ଦିନ ଶହଶହ ସଂଖ୍ୟାରେ ଭକ୍ତ ଉପସ୍ଥିତ ରହି ନୈବେଦ୍ୟର ମହାର୍ଘ୍ୟ ଅର୍ପଣ କରିବା ସହିତ ପ୍ରଭୁ ବାଲୁଙ୍କେଶ୍ୱରଙ୍କ ପାଖରେ ଶୁଭ ମନାସିଛନ୍ତି। ଏନେଇ ଏକ ଲୋକକଥା ରହିଛି। ଶୁଣାଯାଏ, ଏଠାରେ ଏକ ବାଲିହୁଙ୍କା ଥିଲା। ଏହି ବାଲିହୁଙ୍କା ଉପରେ ସ୍ଥାନୀୟ ଗାଁର ଏକ ଗାଈ ଆସି ଠିଆହୁଏ। ତା କ୍ଷୀର ସବୁ ଏହି ବାଲିହୁଙ୍କାରେ ଝରିଯାଇଥାଏ। ଗୋପାଳ ଜଣଙ୍କ ଗାଈ କାହିଁକି କ୍ଷୀର ଦେଉନାହିଁ ଭାବି ଦିନେ ଗାଈକୁ ଜଗିଥିଲେ। ଗାଈ ଆସି ପୂର୍ବଭଳି ବାଲିହୁଙ୍କା ପାଖରେ ଠିଆ ହୋଇଥିଲା। ସେଠାରେ ତା କ୍ଷୀର ସବୁ ଆପେଆପେ ଝରି ପଡୁଥିବା ଦେଖିବାକୁ ପାଇଥିଲେ। ଏହି ଘଟଣା ପ୍ରଘଟ ହୋଇଯିବାରୁ ବାଲିହୁଙ୍କାକୁ ଗ୍ରାମବାସୀଙ୍କ ପକ୍ଷରୁ ଖୋଳା ଯାଇଥିଲା। ୬/୭ ଫୁଟ ଖୋଳିଲା ପରେ ସେଠାରେ ଏକ ବିରାଟକାୟ ଲିଙ୍ଗ ଦେଖିବାକୁ ମିଳିଲା। ସେହିଦିନଠାରୁ ବାଲିବିଲି, ଅଲିପୁର, ଭବାନିପୁର ଗ୍ରାମର ଲୋକେ ବାଲୁଙ୍କେଶ୍ୱର ମହାଦେବଙ୍କ ନାମରେ ପୂଜାର୍ଚ୍ଚନା କରିବା ଆରମ୍ଭ କରିଥିଲେ। ପ୍ରଥମେ ଏକ ଚାଳିଆଘର କରାଯାଇଥିଲାବେଳେ ୨୦୦୦ ମସିହାରୁ ସ୍ଥାୟୀ ମନ୍ଦିର ନିର୍ମାଣ କରାଯାଇ ୨୦୦୯ରେ ମନ୍ଦିର ପ୍ରତିଷ୍ଠା ଉସତ୍ବ ପାଳନ କରାଯାଇଥିଲା। ସେହିଦିନଠାରୁ ମହାଦେବଙ୍କ ବାର୍ଷିକ ଉତ୍ସବ ରୀତିନିତୀ ଅନୁଯାୟୀ କରାଯାଉଛି। ସନ୍ତାନ, ବ୍ୟାଧି ଗ୍ରହରିଷ୍ଟ ଖଣ୍ଡନ ପାଇଁ ଏଠାରେ ମାନସିକ କରି ପୂଜାର୍ଚ୍ଚନା କରାଯାଇଥାଏ। ଏହି ଗ୍ରାମର ରୁଞ୍ଜଚରଣ ବେହେରା (୬୦)ଙ୍କୁ ଏକ ବିଷଧର ସର୍ପ କାମୁଡିଥିଲାବେଳେ ଏଠାରେ ଅଧିଆ ପଡି ମୃତ୍ୟୁମୁଖରୁ ବର୍ତ୍ତି ଯାଇଥିଲେ। ସେହିଦିନଠାରୁ ରୁଞ୍ଜ ସବୁବେଳେ ବାଲୁଙ୍କେଶ୍ୱରଙ୍କ ବେଢାରେ ବସି ରହିଥାନ୍ତି। ପ୍ରତ୍ୟେକଦିନ ଏଠାରେ ଭକ୍ତ ମନସ୍କାମନା ପୂରଣ ପାଇଁ ରୁଦ୍ରାଭିଷେକ କରିବା ସହିତ ଗୁଆ ବସାଇଥାନ୍ତି ବୋଲି ପୂଜକମାନେ କହିଛନ୍ତି। ଏଥିନିମନ୍ତେ ଶ୍ରୀଧର ମିଶ୍ର, ଶ୍ରୀପତି ମିଶ୍ର, ଶ୍ରୀକର ମିଶ୍ର ପ୍ରମୁଖ ସ୍ଥାୟୀ ପୂଜକଭାବେ ନିଯୁକ୍ତି ପାଇଛନ୍ତି। ୨୮ ଡିସିମିଲ ଜାଗାରେ ମହାଦେବଙ୍କ ବେଢା ରହିଛି। ଏନେଇ ଏକ ମନ୍ଦିର କମିଟି ଗଠନ କରାଯାଇଛି। ଏହାର ସଭାପତି ଗୋକୁଳାନନ୍ଦ ପତି ରହିଥିଲାବେଳେ ବନୋଜ କୁମାର ସାମଲ ସମ୍ପାଦକ ଦାୟିତ୍ୱରେ ରହିଛନ୍ତି। ମହାଶିବରାତ୍ରି ପାଇଁ ହଜାର ହଜାର ଭକ୍ତଙ୍କ ଭିଡ଼ ଏଠାରେ ଲାଗି ରହିବ। ତେଣୁ ଏନେଇ କମିଟି ପକ୍ଷରୁ ସୁବ୍ୟବସ୍ଥା କରାଯାଇଛି। ବାଲୁଙ୍କେଶ୍ୱର ଯୁବକ ସଂଘ ଶାନ୍ତି ଶୃଙ୍ଖଳା ଦାୟିତ୍ୱରେ ରହିଥିବା ସଂଘ ପକ୍ଷରୁ ପ୍ରଦୀପ ମହାରଣା କହିଛନ୍ତି।


All Right Reserved By Dharitri.Com

ହଷ୍ଟେଲରେ ଲାଗିଲା ନିଆଁ: ଜଳିଗଲା ଛାତ୍ରୀଛାତ୍ରଙ୍କ ବିଭିନ୍ନ ସାମଗ୍ରୀ

ରାୟଗଡ଼ା ଅଫିସ,୨୧।୧୨: ରାୟଗଡ଼ାର ସାଇପ୍ରିୟା ନଗରରେ ଥବା ଅନ୍ବେଷା ଛାତ୍ରୀଛାତ୍ର ହଷ୍ଟେଲରେ ଶର୍ଟସର୍କିଟ୍‌ରୁ ନିଆଁ ଲାଗିଯାଇଛି। ଉକ୍ତ ହଷ୍ଟେଲର ଏକ ଗୋଦାମ ଘରେ ଥିବା ଗଦି,...

ଗୃହପାଳିତ, ବୁଲା ପଶୁପକ୍ଷୀଙ୍କ ପାଇଁ ସ୍ବତନ୍ତ୍ର ବ୍ୟବସ୍ଥା

ସମ୍ବଲପୁର, ୨୮।୩ (ବ୍ୟୁରୋ)-ଗୃହପାଳିତ ପଶୁପକ୍ଷୀ ଯଥା ଗାଈ, ଗୋରୁ, କୁକୁର, ପାରା, ବିଲେଇ, ଶୁଆଙ୍କ ପାଇଁ ପ୍ରଶାସନ ବ୍ୟବସ୍ଥା କରିଛି । ଜିଲା ପ୍ରାଣୀଧନ ବିଭାଗ...

ଚରଚାରେ ଦିବ୍ୟାଙ୍ଗ ଛାତ୍ର ଜଗନ୍ନାଥ: ମନ୍‌ବଲ ଆଘେ ହାରମାନିଛେ ଅକ୍ଷମତା

ପାଇକମାଲ,୩।୨(ଡି.ଏନ.ଏ)-  କଥାରେ ଅଛେ ମନ୍‌ବଲ ଥିଲେ ସବୁ ସମ୍‌ଭବ। ଏହେଦେ ଏନ୍‌ତା ଝନେ ଦିବ୍ୟାଙ୍ଗ ଛାତ୍ର ନିଜର ମଜବୁତ୍‌ ମନ୍‌ବଲ ଲାଗି ଏହେଦେ ଚରଚାରେ ରହିଛନ୍‌।...

ଛାତ୍ରଙ୍କ ଆଙ୍ଗୁଠିକୁ କାମୁଡ଼ି ରକ୍ତାକ୍ତ କଲେ ଅଧ୍ୟାପକ, ହେପାଜତକୁ ନେଲା ବେଗୁନିଆ ପୋଲିସ

ଖୋର୍ଦ୍ଧା ଅଫିସ,୧୬।୧: ଖୋର୍ଦ୍ଧା ଜିଲା ବେଗୁନିଆ ବ୍ଲକ କଣ୍ଟାବାଡ଼ ରମାମଣି ମହାବିଦ୍ୟାଳୟରେ ଅଧ୍ୟାପକଙ୍କ କାରନାମା ପଦାରେ ପଡ଼ିଛି। ସେ ଛାତ୍ରୀଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରୁଥିବା...

ମାସ୍କ ବଣ୍ଟନ କଲା ରାଇକିଆ ବଣିକ ସଂଘ

ରାଇକିଆ,୭ା୪(ଡି ଏନ ଏ)- କରୋନା ମୁକାବିଲା ପାଇଁ ବିଭିନ୍ନ ସଙ୍ଗଠନ ଆଗକୁ ଆସୁଛନ୍ତି। କିଏ ସଚେତନତା କରୁଛି ତ ଆଉକିଏ ଆର୍ଥିକ ସହଯୋଗ କରୁଛନ୍ତି। ମଙ୍ଗଳବାର...

ଗ୍ରାମାଞ୍ଚଳରୁ ବିପର୍ଯ୍ୟୟ ପରିଚାଳନାକୁ ଗୁରୁତ୍ୱ

ବରଗଡ଼ ଅଫିସ,୧୪।୮: ବରଗଡ଼ ଜିଲାପାଳ ଅଫିସ କକ୍ଷରେ ବୁଧବାର ବିପର୍ଯ୍ୟୟ ପରିଚାଳନା ଉପରେ ଏକ କର୍ମଶାଳା ଓ ପ୍ରଶିକ୍ଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଉକ୍ତ କାର୍ଯ୍ୟକ୍ରମରେ...

ବନସ୍ତେ ଡାକିଲା ଗଜ…

ଉତ୍ସବ ମୁଖର କେନ୍ଦୁଝର ଆଦିବାସୀ ଅଧ୍ୟୁଷିତ କେନ୍ଦୁଝରର ସଂସ୍କୃତି ସହ ରଜ ଓତଃପ୍ରୋତ ଭାବେ ଜଡ଼ିତ। ଏଥିଲାଗି ପିଲାଠୁ ବୁଢ଼ାଯାଏ ସମସ୍ତଙ୍କ ମନରେ ଭରିଥାଏ ଉନ୍ମାଦନା।ନୂଆ...

କୃଷିଋଣ ଆଳରେ ବ୍ୟାଙ୍କ ଦେଉନି ମଜୁରି ଟଙ୍କା

ଜୟପୁର,୧।୫(ଡି.ଏନ୍‌.ଏ.): ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା (ଏମ୍‌ଏନ୍‌ଆର୍‌ଇଜିଏସ୍‌) ରେ ମଜୁରୀ ଟଙ୍କା ବାବଦକୁ ଜମା ହୋଇଥିବା ରାଶି ବ୍ୟାଙ୍କଠାରୁ ପାଇପାରୁ...

Leave a comment

Your email address will not be published. Required fields are marked *