Posted inବୌଦ୍ଧ

ବଁଧା ପଡ଼ିଛେ ଭତା ଆର ରାଶନକାର୍ଡ: କିଡ଼୍‌ନୀ ରୋଗ୍‌ରେ ଆରପାରେ ପରିବାର ମୁଖିଆ

 

ମନମୁଣ୍ଡା, ୨୨।୨ (ଡି.ଏନ୍‌.ଏ.)-
ବୌଦ୍ଧ ଜିଲା କଣ୍ଟାମାଳ ବ୍ଲକ ବିଲାସପୁର ପଁଚେତ୍‌ ବଡ଼ରାହାଯୋରର ଖତୁ ଭୋଇ ଦିନାକେତେ ତଲେ କିଡ଼୍‌ନୀ ରୋଗ୍‌ରେ ଆରପାରକେ ଚାଲିଯାଇଛନ୍‌। ଏନ୍‌ତାଥି ପରିବାରଟା ଘରର ଝନେ ବଲି ରୁଜ୍‌ଗାରିଆ ଲୋକ୍‌କେ ହରେଇ ଭାଂଗି ପଡ଼ିଛନ୍‌।
ସୂଚନା ଅନ୍‌ସାରେ ବଡ଼ରାହାଯୋର ଗଁାର ବିଧବା ଅଷ୍ଟମୀ ଭୋଇ(୩୩)। ପରିବାର କହେଲେ ବୁଢ଼ୀ ଶାଶ୍‌ ଶ୍ରାବଣୀ(୭୧), ଦୁଇ ଝି’ ଝିଲି(୧୪), ଡଲି(୧୧) ଆର ଦୁଇ ପୁଓ ପ୍ରେମ(୮), ରଞ୍ଜନ(୫)କୁଁ ନେଇ ସଁସାର। ଅନେକ୍‌ ଦିନ୍‌ ହେଲା ଅଷ୍ଟମୀକଁର ଆପ୍‌ନେ ଖତୁ ଭୋଇ(୩୮) କିଡ଼୍‌ନୀ ରୋଗ୍‌ରେ ପଡ଼ିଥିଲେ। ଦିନାକେତେ ତଲେ ସେ ବୁର୍ଲା ବଡ଼ ଡାକ୍‌ତରଖାନାରେ ଚିକିଛା ଲାଗି ଭରତି ହେଇଥିଲେ। ହେଲେ ଚିକିଛାଧିନ ଅବସ୍‌ତାରେ ଗଲା ଫେବୃୟାରୀ ୧୨ ତାରିଖ୍‌ ତାକର ମୁର୍‌ତୁ ହେଇଛେ। ଇଆଡ଼େ ପରିବାରଟା ନିହାତି ଗରିବ୍‌, ଖତୁ କୁଲିମଜୁରି କରି କୁଟୁମ୍‌ ପୁଷୁଥିଲେ। ହେଲେ ସେ କିଡ଼୍‌ନୀ ରୋଗ୍‌ରେ ପଡ଼ଲା ଉତାରୁ ଆର କାମ୍‌ବୁତା କରି ନାଇଁ ପାରୁଥାଇ। ଏନ୍‌ତାଥି ଅଷ୍ଟମୀ ନିଜେ କୁଲିମଜୁରି କରି ପରିବାର ଚଲାବାର ସଂଗେ ଆପ୍‌ନେର ଚିକିଛା କରଉଥିଲେ। ଖତୁକଁର ଚିକିଛା ଲାଗି ଟଁକା ଅଭାବ୍‌ ପଡ଼ଲାରୁ ଅଷ୍ଟମୀ ଘରର ଜିନିଷପତର, ପ୍ରଧାନମନ୍ତ୍ରୀ ଆବାସ ଯୋଜନାର ଦୁତୀଅ କିସ୍‌ତି ଟଁକା ଖରଚ୍‌ କଲେ। ଶେଷେ ଆହୁରି ଟଁକା ଦରକାର ପଡ଼ଲାରୁ ଅଷ୍ଟମୀ ଶାଶ୍‌ର ଭତା କାର୍ଡକେ ୫ ହଜାର ଟଁକାରେ ଆର ରାଶନକାର୍ଡକେ ୪ ହଜାର ଟଁକାରେ ବଁଧକ୍‌ ପକେଇ ସରବ୍‌ସୁଅଁାତ୍‌ ହେଇଯାଇଛନ୍‌। ଖତୁକଁର ଚିକିଛା ସମିଆରେ ପରିବାରଟା ଚଲବାର ଲାଗି ବଡ଼ା ଗୁଲ୍‌ଗୁଲା ହେଉଥିଲେ। ଏନ୍‌ତାଥି ଗଁାର କେତେ ସହୁରୁଦ୍‌ ଲୋକ୍‌ ପରିବାରକେ ଟଁକା ପଏସା ସାହାଯ୍‌ ଦେଇଥିଲେ। ସେନ୍‌ତା ଖତୁକଁର ଶବ୍‌ ବୁର୍ଲାରୁ ଆନ୍‌ଲା ଉତାରୁ ଶବ ବାହକ ଗାଡ଼ିଭଡ଼ା ବି ଗଁାର ଲୋକ୍‌ ଚଁାଦାଭେଦା କରି ଦେଇଥିଲେ। ଇଆଡ଼େ ପରିବାରର ଝନେ ବଲି ରୁଜ୍‌ଗାରିଆ ଲୋକ୍‌ ଚାଲିଗଲା ଉତାରୁ ପରିବାରଟା ଭାଂଗି ପଡ଼ିଛନ୍‌। ପ୍ରଧାନମନ୍ତ୍ରୀ ଆବାସ ଘର ଦରଖଁଡ଼ିଆ ହେଇ ପଡ଼ିଛେ, ରାଶନକାର୍ଡ, ଶାଶ୍‌ର ଭତାକାର୍ଡ ବଁଧା ପଡ଼ିଛେ। ଅଷ୍ଟମୀ ବୁଢ଼ୀ ଶାଶ୍‌ ଆର ନିଜର ୪ ଛୁଆପୁତାକୁ କେନ୍‌ଥେଇ ପାଲ୍‌ପୋଷ କରବେ ସେ ଚିନ୍‌ତାରେ ଭାଂଗି ପଡ଼ିଛନ୍‌। ଇ ଘଟନା ବାବ୍‌ଦେ ବୌଦ୍ଧ ଜିଲାପାଳ ଲଲାଟେନ୍ଦୁ ମିଶ୍ରକଁର ଦୁରୁଷ୍‌ଟି ଆକରଷନ୍‌ କଲାରୁ ସେ ଜିଲା ଶିଶୁ ସୁରକ୍ଷା ୟୁନିଟ୍‌ର ଅଧ୍‌କାରୀମାନକୁ ରିପୋର୍ଟ ଠୁଲାବାକେ ନିରଦେଶ ଦେବାର ସଂଗେ ରେଡ୍‌କ୍ରସରୁ ପୀଡ଼ିତ ପରିବାରକେ ୧୦ ହଜାର ଟଁକା ସାହାଯ୍‌ ଦେଇଥିଲେ। ଜିଲା ଶିଶୁ ସୁରକ୍ଷା ଅଧ୍‌କାରୀକଁର ରିପୋର୍ଟ ଅନ୍‌ସାରେ ପୀଡ଼ିତ ପରିବାରକେ ହରିଶ୍ଚନ୍ଦ୍ର ଯୋଜନାର ଟଁକା, ଅଙ୍ଗନଓ୍ବାଡି ତରଫୁ ଛୁଆମାନକୁ ପୁଷ୍ଟିକର ଖାଏଦ୍‌, ପ୍ରଧାନମନ୍ତ୍ରୀ ଆବାସ ଯୋଜନାର ବାକି ଟଁକା, ରାସନ ସାମାନ ଆର ଅଷ୍ଟମୀକୁଁ ବିଧବା ଭତା ଦେବାର ବେବସ୍‌ତା କରାଯିବା। ଖତୁକଁର ଶୁଧିକାଯ୍‌ ସଏଲା ଉତାରୁ ଫେନ୍‌ ପରଶାସନ ତରଫୁ ଟଁକା ପଏସା ସାହାଯ୍‌ ଯୁଗେଇ ଦିଆଯିବା ବଲି ଜିଲାପାଳ କହିଛନ୍‌। ଇ ଦିଗେ ପଦକ୍ଷେପ ନେବାକେ ଜିଲାପାଳ ଉପଜିଲାପାଳକୁଁ ବି ନିରଦେଶ ଦେଇଥିବାର ଜନାଯାଇଛେ।


All Right Reserved By Dharitri.Com

ଦରଖଁଡ଼ିଆ ହେଇ ପଡ଼ିଛେ ଅଙ୍ଗନଓ୍ବାଡି କେନ୍ଦ୍ର

  ଗୁଡ଼ଭେଲିପଦର, ୧୧।୧ (ଡି.ଏନ.ଏ)- ରାଏଜର ଭିନେ ଭିନେ ଜିଲାରେ ଅନେକ ଅଙ୍ଗନଓ୍ବାଡି ଘର ଦଦ୍‌ରା ହେଇ ବିପଦ୍‌ ଅବସ୍‌ତାରେ ଥିବାର ରାଏଜ୍‌ ସରକାରକଁର ନଜରକେ...

କଣ୍ଟାମାଳ ତହସିଲ ଅଂଚଲରେ ବେଆଇନ୍‌ ଇଟାଭାଟି: ହାତ୍‌ ବାଁଧି ବସିଛେ ରାଜସ୍ବ ବିଭାଗ

ଗୁଡ଼ଭେଲିପଦର, ୧୬।୨ (ଡି.ଏନ୍‌.ଏ.)-  ବୌଦ୍ଧ ଜିଲା କଣ୍ଟାମାଳ ତହସିଲ ଅଧୀନ ଭିନେ ଭିନେ ଗାଁରେ ବେଆଇନ୍‌ ଇଟାଭାଟି ଦେଖ୍‌ବାକେ ମିଲୁଛେ। ଜାତୀୟ ଗ୍ରୀନ ଟ୍ରିବ୍ୟୁନାଲ ଆଇନକେ...

ଜହ୍ନାପଙ୍କ ଛକରେ ବସିଲା ମଙ୍ଗଳବାର ବଜାର

ଜହ୍ନାପଙ୍କ, ୨୫।୩ (ଡି.ଏନ.ଏ): କରୋନା ପାଇଁ ସତର୍କତାମୂଳକ ପଦକ୍ଷେପ ସ୍ବରୂପ ବୌଦ୍ଧ ବ୍ଲକ ଲକ୍ଷ୍ମୀପ୍ରସାଦ ପଞ୍ଚାୟତର ନାରାୟଣନଗରଠାରେ ମଙ୍ଗଳବାର ବସୁଥିବା ସାପ୍ତାହିକ ହାଟ ଜହ୍ନାପଙ୍କ ଛକଠାରେ...

ବାଇକ୍‌-ଟ୍ରକ୍‌ ମୁହାଁମୁହିଁ ଧକ୍କା: ଜଣେ ମୃତ, ଜଣେ ଗୁରୁତର; କ୍ଷତିପୂରଣ ଦାବିରେ ରାସ୍ତାରୋକୋ

ବୌଦ୍ଧ,୧୪।୧୨(ସ୍ବ.ପ୍ର.): ବୌଦ୍ଧ ସହରର ବ୍ରିଜ୍‌ ଛକ ନିକଟରେ ଶନିବାର ସକାଳେ ବାଇକ୍‌ ସହ ଏକ ଟ୍ରକ୍‌ ମୁହାଁମୁହିଁ ଧକ୍କା ହେବା ଫଳରେ ଜଣଙ୍କ ମୃତ୍ୟୁ ଘଟିଥିବା...

ବର୍ଷାରେ ଭିଜୁଛି ଶହ ଶହ ଧାନ ବସ୍ତା

ବୌଦ୍ଧ,୫।୨(ସ୍ବ.ପ୍ର.): ବୌଦ୍ଧ ଜିଲା କଣ୍ଟାମାଳ ବ୍ଲକର ଖଟଖଟିଆ ଧାନ ମଣ୍ଡିରେ ଦୀର୍ଘ ୬ ଦିନ ହେଲା ୨୦ରୁ ୨୫ ଚାଷୀ ଟୋକନ ପାଇ ଧାନ ବିକ୍ରି...

ସାର୍ଟିଫିକେଟ ଯାଞ୍ଚ ପ୍ରକ୍ରିୟା ଆରମ୍ଭ: ନକଲି ଶିକ୍ଷକ ଛାନିଆ

ବୌଦ୍ଧ,୧୧।୯(ସ୍ବ.ପ୍ର): ରାଜ୍ୟରେ ଜାଲ ସାର୍ଟିଫିକେଟ ବଳରେ ଶିକ୍ଷକତା କରୁଥିବା ନେଇ ବିଭିନ୍ନ ସମୟରେ ଅଭିଯୋଗ ହୋଇଆସୁଛି। ଏ ନେଇ ସାରା ରାଜ୍ୟରେ ବିଦ୍ୟାଳୟ ଗଣଶିକ୍ଷା ବିଭାଗର...

ଶିକ୍ଷକ ନିଯୁକ୍ତି ଦାବିରେ ବିଦ୍ୟାଳୟରେ ତାଲା ପକାଇଲେ ଅଭିଭାବକ, ଛାତ୍ରୀଛାତ୍ର

ଘଣ୍ଟାପଡ଼ା,୨୨।୧୦(ଡି.ଏନ୍‌.ଏ.): ବୌଦ୍ଧ ଜିଲା ଘଣ୍ଟାପଡ଼ା ସମଲେଶ୍ୱରୀ ହାଇସ୍କୁଲରେ ବିଜ୍ଞାନ, ହିନ୍ଦୀ ଓ ସଂସ୍କୃତ ଶିକ୍ଷକ ନିଯୁକ୍ତି ଦାବିରେ ମଙ୍ଗଳବାର ଅଭିଭାବକ ଏବଂ ଛାତ୍ରୀଛାତ୍ର ବିଦ୍ୟାଳୟର ମୁଖ୍ୟ...

ଭାରସାମ୍ୟ ହରାଇ ଜଳଖିଆ ଦୋକାନରେ ପଶିଲା ବାଇକ୍‌: ଜଣେ ମୃତ, ଦୁଇ ଗୁରୁତର

ବୌଦ୍ଧ,୩୧।୮(ଡି.ଏନ୍‌.ଏ.): ବୌଦ୍ଧ ଜିଲା ଖୋର୍ଦ୍ଧା-ବଲାଙ୍ଗୀର ଜାତୀୟ ରାଜପଥର ହରେକୃଷ୍ଣପୁର ଶିବମନ୍ଦିରଠାରେ ଶନିବାର ସକାଳେ ବାଇକ୍‌ ଦୁର୍ଘଟଣାରେ ଜଣଙ୍କ ମୃତ୍ୟୁ ଘଟିଥିବା ବେଳେ ୨ ଗୁରୁତର ହୋଇଛନ୍ତି।...

Leave a comment

Your email address will not be published. Required fields are marked *