ମିଲର ଅପେକ୍ଷାରେ ଚାଷୀ: ଖରା କାକରରେ ମଣ୍ଡିରେ ପଡ଼ିଛି ଧାନ

ନୟାଗଡ ଅଫିସ,୨୧ା୨: ଖରା କାକରରେ ମଣ୍ଡିରେ ପଡିରହିଛି ଧାନ। କେଉଁଠି ଦୁଇଦିନ ତ ଆଉ କେଉଁଠି ୩ଦିନ ହେଲା ଚାଷୀ ଧାନବସ୍ତା ଜଗି ରହିଛି। ହେଲେ ମିଲରଙ୍କ ଦେଖା ମିଳୁନି। ଏଭଳି ଅବ୍ୟବସ୍ଥା ଜିଲାର ବିଭିନ୍ନ ଧାନ ମଣ୍ଡିରେ ଦେଖା ଦେଇଛି। ଏଠାରେ ନୟାଗଡ଼ ବ୍ଲକ ଇଟାମାଟି ପ୍ରାଥମିକ କୃଷି ସମବାୟ ସମିତିରେ ଚାଲିଥିବା ଧାନମଣ୍ଡିକୁ ଉଦାହରଣ ଭାବେ ନିଆଯାଇ ପାରେ। ଜିଲା ସଦର ମହକୁମା ନିକଟରେ ଏଭଳି ଅବ୍ୟବସ୍ଥାର ସମାଧାନ ହୋଇପାରୁ ନ ଥିବାବେଳେ ଜିଲାର ଉପାନ୍ତ ଅଞ୍ଚଳରେ ଚାଷୀ କିପରି ଅସୁବିଧା ଭୋଗୁଥିବେ ତାହା ସହଜରେ ଅନୁମେୟ।

ସମ୍ପାଦକ ବଦଳିବା ଦରକାର
ଗୋଟିଏ ଗୋଟିଏ ସମବାୟ ସମିତିରେ ସମ୍ପାଦକ ଦୀର୍ଘବର୍ଷ ରହୁଥିବାରୁ ଦୁର୍ନୀତି ବଢ଼ୁଛି। ଧାନକିଣାରେ କେଳେଙ୍କାରୀ ଚାଲିଥିଲେ ମଧ୍ୟ ଏହାର ସମାଧାନ ହୋଇପାରୁନି। ଅଢ଼େଇ ଏକର ଜମିରୁ ୫୫ ବସ୍ତା ଧାନ ଆଦାୟ ହୋଇଛି। ହେଲେ ଏହାକୁ ବିକ୍ରି କରିପାରୁନି। ମିଲର ଧାନ କିଣିବାକୁ ଅଖା ଦେଇଛନ୍ତି। ମଣ୍ଡିକୁ ଧାନଆଣି ଜଗି ରହିଛି। ସେହିପରି ଗତବର୍ଷ ଧାନ ବିକିବାକୁ ଆସିଥିଲି। ହେଲେ ମୋତେ ସୁଯୋଗ ମିଳିଲାନି। ଶେଷରେ ବ୍ୟବସାୟୀଙ୍କୁ ଧାନ ବିକ୍ରି କଲି। ଅଭିଯୋଗ କଲେ ଆମ ଉପରେ ରାଗ ରଖି ହଇରାଣ କରୁଛନ୍ତି।
ବିଜୟ ବେହେରା, ଚାଷୀ, ଗଉଡସାହି, ଇଟାମାଟି

୩ଦିନ ହେଲା ଅପେକ୍ଷା
ମୋବାଇଲକୁ ମେସେଜ ଆସିଲା ଧାନ ମଣ୍ଡିକୁ ଆଣ। ୧୯ ତାରିଖରେ ମେସେଜ ଆସିବା ପରେ ସେହିଦିନ ମଣ୍ଡିକୁ ଧାନ ଆଣିଛି। ହେଲେ ମିଲରଙ୍କ ଦେଖାନାହିଁ। ସରକାରୀ ଦରରେ ଧାନ ବିକ୍ରି କରିବାକୁ ୩ ଦିନ ହେଲା ଅପେକ୍ଷା କଲୁଣି। ଦେଖାଯାଉ କେବେ ଆମଠାରୁ ମିଲର ଧାନ କିଣୁଛନ୍ତି।
ବସନ୍ତ ପୃଷ୍ଟି, ଚାଷୀ, ପ୍ରଧାନସାହି, ଇଟାମାଟି

ଅଭିଯୋଗ କେହି ଶୁଣୁ ନାହାନ୍ତି
ଏଠାରେ ୨ ଜଣ ମିଲର ଧାନ କିଣୁଛନ୍ତି। ପ୍ରଥମେ କିଛିଦିନ ଭଲରେ ଧାନ କିଣିଲେ। ପରେ ମିଲର ମନଇଚ୍ଛା କାରବାର କରୁଛନ୍ତି। ଧାନମଣ୍ଡି ପାଇଁ ଉଦ୍ଦିଷ୍ଟ ବାରରେ ଆଉ ମିଲର ଆସୁନାହାନ୍ତି। ବୁଧବାର ଏଠାରେ ଧାନ କିଣିବାର ଥିଲା। ହେଲେ ଗୁରୁବାର ହେଲାଣି, ମିଲରଙ୍କ ଦେଖା ନାହିଁ। ଫୋନ କଲେ ଉତ୍ତର ମିଳୁଛି, ଅପେକ୍ଷା କରିଥାନ୍ତୁ ଆମେ ଯାଉଛୁ। ଏଠାରେ ଚାଷୀ ସମସ୍ୟା ବୁଝିବାକୁ କେହି ନାହାନ୍ତି।
ଦୀପକ ନାୟକ, କୃଷକ ସଙ୍ଗଠନ ସଭାପତି, ଇଟାମାଟି

ମଣ୍ଡିରେ ମିଳୁନି ସର୍ବନିମ୍ନ ସୁବିଧା
୪ ଏକର ଜମି ଚାଷକରି ୧୦୦ ବସ୍ତା ଧାନ ପାଇଛି। ହେଲେ ବିକିବାର ସୁବିଧା ପାଉନି। ମଣ୍ଡିକୁ ଆସିଲେ ପିଇବାକୁ ପାଣି ମଳୁନି। ଖରା କାକରରୁ ରକ୍ଷା ପାଇଁ ଧାନ ଉପରେ ଘୋଡାଇବାକୁ ପଲିଥିନ ମିଳୁନି। ବସିବାର ମଧ୍ୟ ସୁବିଧା ନାହିଁ। ଚାଷୀଙ୍କୁ ସର୍ବନିମ୍ନ ସୁବିଧା ନ ଦେଇ ମଣ୍ଡିକୁ ଧାନ ବିକ୍ରି କରିବାକୁ ଆସ ବୋଲି କୁହାଯାଉଛି।
ଭିକାରୀ ଲେଙ୍କା, ଚାଷୀ, ଇଟାମାଟି

ଟୋକନ ମିଳୁନି, ଧାନ ଧରି ବସିଛି
ମୋର ୪ ଏକର ଓ ସେବା ସୂତ୍ରରେ ୫ଏକର ଏପରି ମୋଟ ୯ ଏକର ଜମି ରହିଛି। ଟୋକନ ପାଇବା ପାଇଁ ୧ମାସରୁ ଊର୍ଦ୍ଧ୍ୱ ହେବ ଆବେଦନ କରିଛି। ହେଲେ ଟୋକନ ମିଳୁ ନ ଥିବାରୁ ଧାନ ବିକିପାରୁନି। ମୋ ଭାଇ ଚାଷ କରିନି। ସେ କିନ୍ତୁ ଧାନ ବିକ୍ରି କରିବାର ସୁବିଧା ପାଇ ସାରିଲାଣି। ଜମି ପାଇଁ ସାର ମଧ୍ୟ ପାଇଛି। ହେଲେ ମୋ ପାଇଁ ସରକାରୀ ସୁବିଧା ସାତସପନ।
ଶରତ ଚନ୍ଦ୍ର ମହାପାତ୍ର, ଚାଷୀ, ଖଟେଇସାହି, ଇଟାମାଟି

ତାଲା ପକାଇ ଚାଲିଗଲେ କର୍ମଚାରୀ
ଗଣମାଧ୍ୟମ ପ୍ରତିନିଧିଙ୍କୁ ଦେଖି ସମ୍ପାଦକ ଚାଲିଗଲେ। ଏହା ପରେ ଇଟାମାଟି ପ୍ରାଥମିକ କୃଷି ସମବାୟ ସମିତିରେ ତାଲା ଝୁଲିଲା। ଚାଷୀ ଧାନ ବିକ୍ରି କରିବାକୁ ଆସି ଜମା ହୋଇ ରହିଥିଲେ। ଅଧିକାଂଶ ଚାଷୀ କହିଥିଲେ ଏହା ନିତିଦିନିଆ ସମସ୍ୟା। ସମିତି ସବୁବେଳେ ଖୋଲେନି। ଅଭିଯୋଗ କଲେ ସମିତିରେ ତାଲା ଝୁଲେ। ଆମେ ସମିତି ସମ୍ପାଦକଙ୍କ ସହ ଯୋଗାଯୋଗ କରିବାକୁ ଚେଷ୍ଟା କରିଥିଲୁ। ହେଲେ ସେ ଆମକୁ କିଛି ନ କହି ଏଡାଇ ଯାଇଥିଲେ।

ଏ ସମ୍ପର୍କରେ ଜିଲା ଯୋଗାଣ ଅଧିକାରୀ ଦେବବ୍ରତ ମହାପାତ୍ରଙ୍କୁ ପଚାରିବାରୁ ସେ ଇଟାମାଟି ପ୍ରାଥମିକ କୃଷି ସମବାୟ ସମିତିରେ ଧାନ କିଣାରେ ଯେଉଁ ଅବ୍ୟବସ୍ଥା ଦେଖାଦେଇଥିବା ଅଭିଯୋଗ ହେଉଛି ତାହାର ତଦନ୍ତ କରି ପଦକ୍ଷେପ ନେବେ ବୋଲି କହିଛନ୍ତି।


All Right Reserved By Dharitri.Com

ବେଧଡ଼କ ଚାଲିଛି ବେଆଇନ କରତକଳ

ରୂପ୍‌ସା,୭।୧(ଡି.ଏନ.ଏ.)- ବାଲେଶ୍ୱର ଜିଲା ସଦର ବ୍ଲକ ସମେତ ବସ୍ତା, ବାଲିଆପାଳ ଓ ଭୋଗରାଇ ଆଦି ଅଞ୍ଚଳରେ ଅବାଧରେ ବେଆଇନ ଭାବେ କରତକଳ ଚାଲୁଥିବା ଅଭିଯୋଗ ହେଉଛି।...

ସହଯୋଗର ହାତ ବଢାଉଛନ୍ତି ସ୍ବେଚ୍ଛାସେବୀ

ରାଇକିଆ,୧ା୪(ଡି.ଏନ୍‌.ଏ.)- ଲକ୍‌ଡାଉନ୍‌ ପରେ ବାହାରୁ ଆସି ରାଇକିଆ ବ୍ଲକରେ ଅଟକି ଯାଇଥିବା ଶ୍ରମିକଙ୍କ ଚିନ୍ତା ବଢ଼ିଛି। କାମ ବନ୍ଦ ପରେ ଗଜପତିରୁ ଆସିଥିବା ଶ୍ରମିକ ଗଁାକୁ...

ଦୁର୍ବଳ ହେଉଛି କୁଆଁରିଆ ସେତୁ

ଖଣ୍ଡପଡା.୨ା୯(ସ୍ବ.ପ୍ର.): ଖଣ୍ଡପଡା ବ୍ଲକର କଣ୍ଟିଲୋଠାରୁ ନୟାଗଡକୁ ସଂଯୋଗ କରୁଥିବା ମୁଖ୍ୟ ପୂର୍ତ୍ତ ବିଭାଗ ରାସ୍ତାର ବେଣାଗାଡିଅ ନିକଟ କୁଆଁରିଆ ନଦୀ ଉପରେ ନିର୍ମିତ ସେତୁଟି ଉପଯୁକ୍ତ...

ଅନୁଗୋଳରେ ପୁଣି ୫ କରୋନା ପଜିଟିଭ୍‌ ଚିହ୍ନଟ: ୨୫ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା

ଅନୁଗୋଳ ଅଫିସ,୨୪ା୫: ଅନୁଗୋଳ ଜିଲାରେ ପୁଣି ୫ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହି ୫ଜଣଙ୍କୁ ମିଶାଇ ଜିଲାରେ ମୋଟ୍‌ ଆକ୍ରାନ୍ତଙ୍କ ସଂଖ୍ୟା ୨୫ରେ ପହଞ୍ଚିଛି।...

ଜନଗଣନା ତାଲିକାରେ ବିଭ୍ରାଟ: ବଢ଼ୁଛି ଅସନ୍ତୋଷ, ବିଧାୟକ ଦୃଷ୍ଟି ଦେବାକୁ ଦାବି

ହାଟଡିହୀ, ୨୨ା୬ (ଡି.ଏନ୍‌.ଏ.): କେନ୍ଦୁଝର ଜିଲା ହାଟଡିହୀ ବ୍ଲକର ବିଭିନ୍ନ ପଞ୍ଚାୟତରେ ଜନଗଣନା ତାଲିକାକୁ ନେଇ ଅସନ୍ତୋଷ ପ୍ରକାଶ ପାଇଛି। ଜମ୍ଭିରା ପଞ୍ଚାୟତରେ ଲୋକମାନେ ହୋ...

ଯୁବକଙ୍କୁ ହତ୍ୟା ଉଦ୍ୟମ ମାମଲା: ୪ ମାସ ପରେ ଫେରାର ଅଭିଯୁକ୍ତ ଗିରଫ

ଦିଗପହଣ୍ଡି,୨୧।୧୨(ଡି.ଏନ୍‌.ଏ.): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ବମକେଇ ଗାଁର ଟୁନା ପ୍ରଧାନଙ୍କୁ ହତ୍ୟା ଉଦ୍ୟମ ମାମଲାର ମୁଖ୍ୟ ଅଭିଯୁକ୍ତଙ୍କୁ ଘଟଣାର ୪ ମାସ ପରେ ଶନିବାର...

କଫ ସିରପ ଜବତ :୨ ଅଟକ, ଜଣେ ଫେରାର

ଝାରସୁଗୁଡ଼ା ଅଫିସ,୯।୩: ଝାରସୁଗୁଡ଼ା ସହର ମଙ୍ଗଳ ବଜାର ନିକଟସ୍ଥ ମିଲତ କଲୋନୀରେ ସୋମବାର ଝାରସୁଗୁଡ଼ା ପୋଲିସ ପକ୍ଷରୁ ଚଢ଼ାଉ ହୋଇଛି। ଏହି ଚଢ଼ାଉରେ ୨୦୦ରୁ ଅଧିକ...

ଲକ୍‌ଡାଉନ୍‌ ନିୟମ ଉଲ୍ଲଂଘନ: ସିଲ୍‌ ହେଲା ମଦ ଦୋକାନ

ଡେରାବିଶ, ୯।୪ (ସ୍ବ.ପ୍ର.)-ମହାମାରୀ କରୋନାକୁ ସାରାଦେଶରେ ଲକ୍‌ଡାଉନ୍‌ କରାଯାଇଥିବା ବେଳେ ରାଜ୍ୟରେ ଏହାକୁ କଡ଼ାକଡ଼ି କରାଯାଇଛି। ଲକ୍‌ଡାଉନ୍‌ ସମୟରେ ସମସ୍ତ ମଦ ଦୋକନ ବନ୍ଦ ରହିବ...

Leave a comment

Your email address will not be published. Required fields are marked *