ଲଭ୍‌ଲି କୁପ୍ତା

ପୁରୀରେ ଥିବା ବିଭିନ୍ନ ହୋଟେଲ ଏବଂ ରେସ୍ତୋରା ମାଲିକମାନେ ବିଭିନ୍ନ ପ୍ରକାର ରୁଚିପୂର୍ଣ୍ଣ ଖାଦ୍ୟକୁ ପ୍ରାଥମିକତା ଦେଇଥାନ୍ତି। ଏହିଭଳି ଏକ ହୋଟେଲ ହେଉଛି ସିଟିରୋଡ୍‌ସ୍ଥିତ ପାନ୍ଥନିବାସ ନିକଟରେ ଥିବା ଜମିଦାର ପ୍ୟାଲେସ। ଏଠାରେ ଉଭୟ ଆମିଷ ଓ ନିରାମିଷ ଖାଦ୍ୟ ପ୍ରସ୍ତୁତ କରାଯାଇଥାଏ। ତେବେ ନିରାମିଷ ଖାଦ୍ୟ ମଧ୍ୟରେ ଏକ ଚାହିଦାଯୁକ୍ତ ଡିଶ୍‌ ହେଉଛି ଲଭ୍‌ଲି କୁପ୍ତା। ଏହି ଇଣ୍ଡିଆନ ଡିଶ୍‌ ପ୍ଲେଟର ଦାମ୍‌ ୧୫୦ ଟଙ୍କା। ଏହାର ପ୍ରସ୍ତୁତି ସମ୍ପର୍କରେ ଜମିଦାର ପ୍ୟାଲେସର ମୁଖ୍ୟ ଶେଫ୍‌ ହିମାଂଶୁ ସାହାଣୀ କୁହନ୍ତି…

ଆବଶ୍ୟକ ସାମଗ୍ରୀ:

ପନିର୍‌: ୨୦୦ ଗ୍ରାମ୍‌
ମଇଦା: ୧୦ ଗ୍ରାମ୍‌
କର୍ନଫ୍ଲାୱାର: ୧୦ ଗ୍ରାମ୍‌
ଚିନି: ୫ ଗ୍ରାମ୍‌
ଗୁଜୁରାତି ଗୁଣ୍ଡ: ୧ ଗ୍ରାମ୍‌
କାଜୁ ଚପ୍‌: ୫ଗ୍ରାମ୍‌
କିସ୍‌ମିସ୍‌ ଚପ୍‌: ୫ ଗ୍ରାମ୍‌
ସେଓ, ଅଙ୍ଗୁର ଓ ଚେରି ଚପ୍‌: ୫୦ ଗ୍ରାମ୍‌
ଅମୁଲ କ୍ରିମ୍‌: ୧୦ ଗ୍ରାମ୍‌
ସନ୍‌ଫ୍ଲାୱାର ତେଲ: ୧୦ଗ୍ରାମ୍‌
ହଳଦୀକୁଣ୍ଡ: ୫ ଗ୍ରାମ୍‌
ଜିରା ପାଉଡର : ୫ ଗ୍ରାମ୍‌
ଧନିଆ ପାଉଡର: ୫ ଗ୍ରାମ୍‌
ଲଙ୍କାଗୁଣ୍ଡ: ୫ ଗ୍ରାମ୍‌
ପିଆଜ୍‌ ଚପ୍‌: ୫୦ ଗ୍ରାମ୍‌
କଟା କଞ୍ଚାଲଙ୍କା: ୫ ଗ୍ରାମ୍‌
ଟମାଟୋ ଚପ୍‌: ୩୦ ଗ୍ରାମ୍‌
ରସୁଣ ପେଷ୍ଟ୍‌: ୧୦ ଗ୍ରାମ୍‌
ଅଦା ପେଷ୍ଟ: ୧୦ ଗ୍ରାମ୍‌
ବଟର: ୫ ଗ୍ରାମ୍‌
ଗରମ ମସଲା : ୫ ଗ୍ରାମ୍‌
କାଜୁ ଓ ଚାରୁମଗଜ ପେଷ୍ଟ: ୫୦ ଗ୍ରାମ
ସ୍ବାଦ ଅନୁଯାୟୀ ଲୁଣ

ପ୍ରସ୍ତୁତି ପ୍ରଣାଳୀ:

ପ୍ରଥମେ ଗୋଟିଏ ପାତ୍ରରେ ପନିର, ମଇଦା, କର୍ନଫ୍ଲାୱାର, ଚିନି, ଗୁଜୁରାତି ପାଉଡର ଏବଂ ସ୍ବାଦ ଅନୁଯାୟୀ ଲୁଣ ପକାଇ ଭଲ ଭାବେ ଗୋଳାଇ ଦିଅନ୍ତୁ। ସେଥିରେ ଚପ୍‌ ହୋଇଥିବା କିସ୍‌ମିସ୍‌, ସେଓ, ଅଙ୍ଗୁର ଓ ଚେରିକୁ ତା’ ଭିତରେ ଭରି ଗୋଲ ଗୋଲ ଆକାର କରନ୍ତୁ। ହାଲୁକା ଆଞ୍ଚରେ ଅଳ୍ପ ତେଲରେ ଏହାକୁ ଫ୍ରାଏ କରନ୍ତୁ। ଅନ୍ୟ ଏକ ଫ୍ରାଏ ପ୍ୟାନ୍‌ ବସାଇ ସେଥିରେ ତେଲ ପକାନ୍ତୁ। ତେଲ ଗରମ ହୋଇଗଲା ପରେ ପିଆଜ ଏବଂ କଞ୍ଚାଲଙ୍କା ଚପ୍‌ ପକାଇ ଇଷତ୍‌ ଲାଲ ହେବା ପର୍ଯ୍ୟନ୍ତ ଭାଜନ୍ତୁ। ସେଥିରେ ଅଦା ଏବଂ ରସୁଣ ପେଷ୍ଟ ପକାଇ ୨ ମିନିଟ୍‌ କଷନ୍ତୁ। ଏହାପରେ ସେଥିରେ ହଳଦୀଗୁଣ୍ଡ, ଲଙ୍କାଗୁଣ୍ଡ, ଜିରାଗୁଣ୍ଡ, ଧନିଆଗୁଣ୍ଡ ପକାଇ ଅଳ୍ପ ପାଣି ଦେଇ ଟମାଟୋ ଚପ୍‌ ପକାଇ ଗୋଳାଇ ଘୋଡାଇ ଦିଅନ୍ତୁ। ପ୍ରାୟ ୫ ମିନିଟ୍‌ ପରେ ଘୋଡଣି ଖୋଲି କାଜୁ ଏବଂ ଚାରୁ ମଗଜ ପେଷ୍ଟ ପକାଇ କଷନ୍ତୁ। କଷା ହୋଇଗଲା ପରେ ପୂର୍ବରୁ ଫ୍ରାଏ କରାଯାଇଥିବା କୁପ୍ତାକୁ ପକାଇ ଭଲ ଭାବେ ଗୋଳାଇ ଦିଅନ୍ତୁ। ଏହା ଉପରେ ଧନିଆପତ୍ର ଚପ୍‌, ଗରମ ମସଲା, ବଟର ଓ ଅମୁଲ କ୍ରିମ୍‌ ପକାଇ ପାତ୍ରରେ କାଢିଦିଅନ୍ତୁ। ଏବେ ପ୍ରସ୍ତୁତ ହୋଇଗଲା ଲଭ୍‌ଲି କୁପ୍ତା। ଏହାକୁ ଭାତ କିମ୍ବା ତନ୍ଦୁରି ଆଇଟମ୍‌ ସହିତ ପରଷି ଦିଅନ୍ତୁ।


All Right Reserved By Dharitri.Com

ଭାରୀ ଉପକାରୀ ଦେଶୀ ଘିଅ

ଆମ ମନରେ ଏକ ଧାରଣା ବସା ବାନ୍ଧି ରହିଯାଇଛି ଯେ, ଦେଶୀ ଘିଅ ନିୟମିତ ଭାବେ ଖାଇବା ଦ୍ୱାରା ଶରୀର ଓଜନ କ୍ଷିପ୍ର ଗତିରେ ବଢ଼ିବା...

ଓଟ୍ସ ଟିକି

ଆବଶ୍ୟକ ସାମଗ୍ରୀ: ଓଟ୍ସ ଏକ କପ୍‌, ପନିର ଅଧା କପ ଓ ଅଧାକପ କୋରା ହୋଇଥିବା ଗାଜର, ସିଝା ଚକଟା ଆଳୁ ଏକ କପ, ଧନିଆ...

ପାଠପଢ଼ା ଆଗ୍ରହକୁ ସକ୍ରିୟ କରେ ବ୍ୟାୟାମ

ଆଜିକାଲି ନିଜକୁ ଫିଟ୍‌ ଏବଂ ସୁସ୍ଥ ରଖିବା ପାଇଁ ଅନେକ ବ୍ୟାୟାମକୁ ନିଜର ଦୈନନ୍ଦିନ ଜୀବନ ତାଲିକାରେ ସାମିଲ କରୁଛନ୍ତି। ପ୍ରତିଦିନ ସକାଳେ କିଛି ସମୟ...

ହାର୍ଟଆଟାକ୍‌ରୁ ଦୂରେଇ ରହିବା ପାଇଁ…

ପିଆଜ ଶଣ୍ଢା ଶରୀରର ଅନେକ ଉପକାର କରେ। ଏହା ବହୁ ରୋଗରୁ ଦୂରେଇ ରଖେ। ନିୟମିତ ଅଭ୍ୟାସ କରି ସକାଳେ ଅଧାକପ୍‌ ପିଆଜ ଶଣ୍ଢା ରସ...

ଗୃହିଣୀଙ୍କ ପାଇଁ..

ଆଲମୀରାର ବହିପତ୍ର ଥିବା ଥାକରେ ଚନ୍ଦନ କାଠ ଖଣ୍ଡଟିଏ କିମ୍ବା ଶୁଖିଲା ନିମ୍ବପତ୍ର ରଖିଲେ ଏଥିରେ ପୋକ ଲାଗିବେ ନାହିଁ। ମିରର୍‌କୁ ପରିଷ୍କାର କରିବାକୁ ହେଲେ...

ମେଦବହୁଳତା ସମସ୍ୟା ନେଇ ଚିନ୍ତିତ କି ? ଖାଆନ୍ତୁ ଏହି ୫ ଫଳ

ପରିବର୍ତ୍ତିତ ଜୀବନଶୈଳୀ ମେଦବହୁଳତାର ମୁଖ୍ୟ କାରଣ। ଛୋଟରୁ ବଡ଼ ପ୍ରାୟ ସମସ୍ତେ ଏହାର ଶିକାର ହେଉଛନ୍ତି। ଏଥିରୁ ମୁକ୍ତି ପାଇବା ଲାଗି ନିଜ ଖାଦ୍ୟପେୟରେ ବିଶେଷ...

ଗ୍ୟାସ୍‌ ବଞ୍ଚାଇବାକୁ ଚାହୁଁଥିଲେ..

ରୋଷେଇ ଆରମ୍ଭ କରିବା ପୂର୍ବରୁ ସମସ୍ତ ଆବଶ୍ୟକ ସାମଗ୍ରୀ ଏକାଠିକରି ରଖନ୍ତୁ। ଏହାଦ୍ୱାରା ଉଭୟ ଗ୍ୟାସ୍‌ ଓ ସମୟ ବଞ୍ଚିଥାଏ। ଥଣ୍ଡା କ୍ଷୀର, ପନିପରିବା ଏବଂ...

ଡାଇବେଟିସ୍‌ରୁ ଦୂରେଇ ରଖେ ଏହି ସହଜ ଉପାୟ…

ଇନସୁଲିନ୍‌ସ୍ତରକୁ ସନ୍ତୁଳିତ କରିବା ପାଇଁ ପ୍ରତିଦିନ ସକାଳେ ମେଥି ପାଣି ପିଇବା ଭଲ। ଇନସୁଲିନ୍‌ସ୍ତର ନିୟନ୍ତ୍ରିତ ହେଲେ ଡାଇବେଟିସ୍‌ ହେବାର ଆଶଙ୍କା କମ୍‌ ହୋଇଥାଏ। ଏଥିରେ...

Leave a comment

Your email address will not be published. Required fields are marked *