ଚିକିଛା ଲାଗି ଟଁକା ଅଭାବ୍‌: ରକତ୍‌ କମ୍‌ଜୋରି ରୋଗ୍‌ରେ ପୀଡ଼ିତ ମା’ପୁଓ

 

କଲମପୁର, ୧୮।୨ (ଡି.ଏନ୍‌.ଏ.)-
କଳାହାଣ୍ଡି ଜିଲା କଲମପୁର ବ୍ଲକ ବଡ଼କୁଟ୍ରୁ ପଁଚେତ୍‌ ସଦର ଗଁ। ଓ୍ବାର୍ଡ ନଂ.୧ର ସୁଧାରାମ ଛତ୍ରିଆକଁର ମାଏକିନା ପିଙ୍କି ଛତ୍ରିଆ(୨୪) ଆର ପୁଓ ପ୍ରଭାସ ଛତ୍ରିଆ(୩) ରକତ୍‌ କମ୍‌ଜୋରି(ସିକଲସେଲ) ରୋଗ୍‌ରେ ପୀଡ଼ିତ ଅଛନ୍‌। ହେଲେ ପରିବାରଟା ନିହାତି ଗରିବ୍‌। ଟଁକା ପଏସା ଅଭାବୁ ସୁଧାରାମ ପୁଓ ମାଏକିନାର ଚିକିଛା କରେଇ ନାଇଁପାରବାର। ଏନ୍‌ତାଥି ସେ ସରକାରୀ ଚିକିଛା ସାହାଯ୍‌ ଆଶ୍‌ରେ ରହିଛନ୍‌।
ସୂଚନା ଅନ୍‌ସାରେ ବଡ଼କୁଟ୍ରୁ ପଁଚେତ୍‌ ସଦର ଗଁାର ଓ୍ବାର୍ଡ ନଂ.୧ର ସୁଧାରାମ ଛତ୍ରିଆକଁର ପରିବାର କହେଲେ ମାଏକିନା ପିଙ୍କି(୨୪) ଆର ପୁଓ ପ୍ରଭାସ(୩)କୁଁ ନେଇ ସଁସାର। ପରିବାରଟା ମୂଲୁ ସୁଖ୍‌ବାସୀ ଆଏ, ଜମିବାଡ଼ି, ଘରଡିହ, ସଁପତି ବଲି କିଛି ନାଇଁ। ସୁଧାରାମ କୁଲିମଜୁରି କରି କୁଟୁମ୍‌ ପୁଷୁଛନ୍‌। ଇଆଡ଼େ ସୁଧାରାମକଁର ନିଜର ଘରବାଡ଼ି ନାଇଁଥିବାର ଲାଗି ସେ ଗଁାରେ ଥିବାର ଶଶୁରବାଡ଼ିରେ ରହୁଛନ୍‌। ହେଲେ ଶଶୁର ଘର ବି ବହୁତ୍‌ ଗରିବ୍‌, ତାକର ବି ଘରଦୁଆର ବିଶେଷ ନଁାଇଁନ। ଏନ୍‌ତାଥି ଶଶୁର ରଙ୍କନିଧି ହରିଜନ ସ୍ବଚ୍ଛ ଭାରତ ମିଶନରେ ପାଇଥିବାର ପାଇଖାନା ଘରେ ସୁଧାରାମ କୁଟୁମବସିଆ ରହୁଛନ୍‌। ଏନ୍‌ତାଥି ମାସକେତେ ତଲେ ପୁଓ ପ୍ରଭାସକଁର ଦିହିପା ଖରାପ ହେଲାରୁ ସେ ଡାକ୍‌ତରଖାନା ନେଇ ଦେଖାଲେ। ସେଠାନେ ମା’ପୁଓର ରକତ ପରୀକ୍ଷାରୁ ଜନାପଡ଼ଲା ଯେ ଦୁହିଝନ ରକତ୍‌ କମ୍‌ଜୋରି ରୋଗ୍‌ରେ ପୀଡ଼ିତ ଅଛନ୍‌। ସେଦିନ୍‌ଠାନୁ ପ୍ରଭାସକଁର ଦିହିପା ଖରାପ ହେଲେ ସୁଧାରାମ ଅନେକ ସମିଆରେ ଧାରଉଧାର କରି ଡାକ୍‌ତରଖାନାରେ ଦଲାଲମାନକରନୁ ରକତ୍‌ ଘିନି ପୁଓର ଜୀବନ୍‌ ବଁଚେଇ ଆସୁଛନ୍‌। ଇଥିରଲାଗି ସେ ଲୁକ୍‌କରନୁ ଧାରଉଧାର କରି ଲାଗ୍‌ବରମସରେ ବୁଡ଼ିକରି ଅଛନ୍‌। ଶେଷ ଉପେ ଶୂଇନ୍‌ ହେଇ ସୁଧାରାମ ୧୧ା୨ା୨୦୨୦ରେ କଲମପୁର ବ୍ଲକରେ ଜିଲାପାଳକଁର ଜନଅଭିଯୋଗ ଶୁନାନି ଶିବିରରେ ନିଜର ଦୁଖ୍‌ ବଖାନିଥିଲେ। ଜିଲାପାଳ ଇ ଘଟନାକେ ଗୁରୁତ୍‌ ଦେଇ ସରକାର ସାହାଯ୍‌ ଲାଗି ବିଭାଗୀୟ କତୁରପକ୍ଷକୁଁ ନିରଦେଶ ଦେଇଥିଲେ। ଜିଲାପାଳକଁର ଅଭିଯୋଗ ଶୁନାନି ଶିବିରର ଦୁତୀଅ ଦିନ୍‌ରେ ସୁଧାରାମ ଦରକାରୀ କାଗଜପତର ବିପିଓକୁଁ ଦେଇଥିଲେ। ଗଲା ଶୁକୁରବାର ଗୁଟେ ଡାକ୍‌ତରି ଦଲ ସୁଧାରାମକଁର ଘରେ ପୁହୁଁଚିଥିଲେ। ସେମାନେ ରାଷ୍ଟ୍ରୀୟ ବାଳ ସ୍ବାସ୍ଥ୍ୟ କାର୍ଯ୍ୟକ୍ରମ ଯୋଜନାରେ ମା’ପୁଓକୁ ଚିକିଛା ଲାଗି ଭବାନୀପାଟଣା ମୁଖିଆ ଡାକ୍‌ତରଖାନାକେ ନେଇଥିଲେ। ହେଲେ କେହେନ୍‌ସି କାରନ୍‌ରୁ ସେଠାନେ ପରୀକ୍ଷା ନିରୀକ୍ଷା ନାଇଁ ହେଇପାରଲାରୁ ଫିରି ଆଏଲେ। ଇ ବାବ୍‌ଦେ କଲମପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ବିପିଓ ଦୀପକ କୁମାର ବେହେରାକୁଁ ପଚ୍‌ରାଲାରୁ ମା’ପୁଓ ରକତ୍‌ କମ୍‌ଜୋରି ରୋଗ୍‌ରେ ପୀଡ଼ିତ ଥିବାର ଖବର ପାଇଛୁଁ। ଆମେ ଦୁହିଁକୁ ଇ ହପ୍‌ତେ ଭିତରେ ଜିଲା ମୁଖିଆ ଡାକ୍‌ତରଖାନାକେ ନେଇ ଚିକିଛା କରାମୁ ବଲି ସେ କହିଥିଲେ।


All Right Reserved By Dharitri.Com

କରୋନା ସହାୟତା: ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀ ରିଲିଫ ଫଣ୍ଡକୁ ୧ଲକ୍ଷ ୭୨ହଜାର ପ୍ରଦାନ

କେସିଙ୍ଗା, ୨୪।୪(ଡି.ଏନ୍‌.ଏ.): କଳାହାଣ୍ଡି ଜିଲା କୁଲତା ସମାଜ ପକ୍ଷରୁ ପ୍ରଧାନମନ୍ତ୍ରୀ ରିଲିଫ ଫଣ୍ଡକୁ ୫୧ ହଜାର ଓ ମୁଖ୍ୟମନ୍ତ୍ରୀ ରିଲଫ ଫଣ୍ଡକୁ ୧ ଲକ୍ଷ ୨୧...

ଚହକା କ୍ଷୁଦ୍ର ଜଳସେଚନ ପ୍ରକଳ୍ପ ରାଜ୍ୟସ୍ତରରେ ପୁରସ୍କୃତ

ଭବାନୀପାଟଣା,୩୧।୧(ଡି.ଏନ୍‌.ଏ.): କଳାହାଣ୍ଡି ଜିଲା ଗୋଲାମୁଣ୍ଡା ବ୍ଲକ ଚହକା କ୍ଷୁଦ୍ର ଜଳସେଚନ ପ୍ରକଳ୍ପ ରାଜ୍ୟସ୍ତରରେ ପୁରସ୍କୃତ ହୋଇଛି। ଜାନୁୟାରୀ ୧୬ ରୁ ୩୦ ତାରିଖ ପର୍ଯ୍ୟନ୍ତ ଆୟୋଜିତ...

ଦୁର୍ଗମ ଅଞ୍ଚଳରେ ପୁଣି ହାତୀ ଆତଙ୍କ: ଘର ଭାଙ୍ଗିଲେ, ଫସଲ ଉଜାଡ଼ିଲେ

ଭବାନୀପାଟଣା,୮।୧୨(ଡି.ଏନ୍‌.ଏ.): କଳାହାଣ୍ଡି ଜିଲା ଲାଞ୍ଜିଗଡ଼ ବ୍ଲକ ଦୁର୍ଗମ ଅଞ୍ଚଳରେ ପୁଣି ହାତୀ ଉପଦ୍ରବ ଦେଖିବାକୁ ମିଳିଛି। ବ୍ଲକର ପୋଖରୀବନ୍ଧ ପଞ୍ଚାୟତ ମେଲଭୁଟୁ ଗାଁରେ ଏବେ ହାତୀପଲ...

୨ କୁଇଣ୍ଟାଲ ଗଞ୍ଜେଇ ସହ ୧ ଲକ୍ଷ ଟଙ୍କା ଜବତ: ୨ ଅଭିଯୁକ୍ତ କୋର୍ଟ ଚାଲାଣ

କେସିଙ୍ଗା, ୨୦।୯(ଡି.ଏନ୍‌.ଏ.): କଳାହାଣ୍ଡି ଜିଲା କେସିଙ୍ଗା ବ୍ଲକ ଅନ୍ତର୍ଗତ ଲଇତରା ପଞ୍ଚାୟତ ଖ୍ରୀଷ୍ଟିଆନପଡ଼ା ବଞ୍ଜିମୁଣ୍ଡା ଗ୍ରାମରେ କେସିଙ୍ଗା ପୋଲିସ ଚଢ଼ାଉ କରି ୨ କୁଇଣ୍ଟାଲ ଗଞ୍ଜେଇ...

ଶୁକ୍ରବାରରୁ ଡଙ୍ଗରିଆଙ୍କ ନିୟମରାଜା ପର୍ବ: ସିଏଏ, ଏନ୍‌ଆର୍‌ସିକୁ କରିବେ ବିରୋଧ

ଭବାନୀପାଟଣା,୨୭।୨(ଡି.ଏନ୍‌.ଏ.): ପ୍ରତିବର୍ଷ ପରି ଚଳିତବର୍ଷ ମଧ୍ୟ ମାର୍ଚ୍ଚ ୨୮ ଶୁକ୍ରବାରରୁ ତିନିଦିନ ବ୍ୟାପୀ କଳାହାଣ୍ଡି ରାୟଗଡ଼ା ସୀମାନ୍ତ ନିୟମଗିରି ପର୍ବତ ଶିଖର ଉପରେ ନିୟମରାଜା ପର୍ବ...

ଗଭୀର ନଳକୂଅ ଖନନ ଟଙ୍କା ମିଳିଲାନି: ବିଷପାନ କରିଥିବା ଚାଷୀଙ୍କୁ ନେଇ ୪ ଘଣ୍ଟା ଗଣଧାରଣା

କେସିଙ୍ଗା,୧୦।୯(ଡି.ଏନ.ଏ.): କଳାହାଣ୍ଡି ଜିଲା କେସିଙ୍ଗା ବ୍ଲକ ଅନ୍ତର୍ଗତ ପଥର୍ଲା ଗ୍ରାମପଞ୍ଚାୟତ ବାହାଦୂରପଦର ଗ୍ରାମର ଡମ୍ବରୁଧର ପୋଢ଼ (୪୦) ଜଳନିଧି ଯୋଜନାରେ ଗଭୀର ନଳକୂଅ ଖନନ କରିଥିଲେ।...

ରେଞ୍ଜସ୍ତରୀୟ ବନସୁରକ୍ଷା ସମିତି କମିଟି ବୈଠକ

କେସିଙ୍ଗା,୧।୧୦(ଡି.ଏନ.ଏ.) କଳାହାଣ୍ଡି ଜିଲା କେସିଙ୍ଗାସ୍ଥିତ ରେଞ୍ଜ କାର୍ଯ୍ୟାଳୟ ପରିସରରେ ରେଞ୍ଜସ୍ତରୀୟ ବନ ସୁରକ୍ଷା ସମିତି କମିଟି ବୈଠକ ସୋମବାର ଅନୁଷ୍ଠିତ ହୋଇଯାଇଛି । ରେଞ୍ଜର ଦୀନବନ୍ଧୁ...

ଆବାସ ଯୋଜନା ବାଟ୍‌ବନା: ପଲିଥିନ ତଲେ ମୁଡ଼ ଗୁଁଜିଛନ୍‌ ୫ ପରାନୀ କୁଟୁମ

ପଲମ, ୨୫।୧ (ଡି.ଏନ୍‌.ଏ.)- କେନ୍ଦ୍ର ଆର ରାଏଜ୍‌ ଉଭଏ ସରକାର ଗରିବ୍‌ ଦୁଖିକର ଲାଗି ଯୋଜନା ଉପରେ ଯୋଜନା ତିଆର କରି ଫିବଛର କୋଟି କୋଟି...

Leave a comment

Your email address will not be published. Required fields are marked *