୮୦ଭାଗ କାମ ଅଟକିଛି, ଚାଲୁନି ସିସିଟିଭି

ବାରଙ୍ଗ,୬ା୬(ଡି.ଏନ୍‌.ଏ.): ମେ ୩ରେ ଘଟିଥିବା ବାତ୍ୟା ଫନୀକୁ ଏ ମଧ୍ୟରେ ମାସେ ବିତିଯାଇଛି। କିନ୍ତୁ ଏବେ ସୁଦ୍ଧା ନନ୍ଦନକାନନର ଚିତ୍ର ପୂର୍ଣ୍ଣରୂପେ ବଦଳିନାହିଁ। ପୁନରୁଦ୍ଧାର କାର୍ଯ୍ୟ ୮୦ ପ୍ରତିଶତ ବାକି ଥିବାବେଳେ କେବଳ ଶତକଡା ୨୦ଭାଗ ସରିଛି। ପୁଣି ସିସିଟିଭି କାର୍ଯ୍ୟ ମଧ୍ୟ ଆରମ୍ଭ ହୋଇପାରି ନାହିଁ। ପ୍ରକାଶ ଯେ, ବାତ୍ୟା ଯୋଗୁ ନନ୍ଦନକାନନ ୧୯ଦିନକାଳ ବନ୍ଦ ରହିଥିଲା। ଏବେ ଧୀରେ ଧୀରେ ପରିସ୍ଥିତିରେ ସୁଧାର ଆସୁଥିବାବେ ଲୋକଙ୍କ ସଂଖ୍ୟା ବି ବଢ଼ିବାରେ ଲାଗିଛିି। ଆଗକୁ ରଜ ଥିବାରୁ ପର୍ଯ୍ୟଟକ ସଂଖ୍ୟା ବଢ଼ିବାର ଆଶା ରହିଛି। ନନ୍ଦନକାନନକୁ ପ୍ରବେଶ ପଥ ପରେ ସିସିଟିଭି ନଜରରେ ରଖିବାକୁ ପରିକଳ୍ପନା କରାଯାଇଥିଲା। ଯାହାକୁ ୨୦୧୬ ପ୍ରତିଷ୍ଠା ଦିବସରେ ସମ୍ପୂର୍ଣ୍ଣ କରାଯାଇ ଲୋକାର୍ପଣ ହୋଇଥିଲା। ଫଳରେ ୪୦ସିସିଟିଭି ନଜରରେ ନନ୍ଦନକାନନ ରହିଥିଲା। ବାତ୍ୟା ପୂର୍ବରୁ ୨୦ଟି ଖରାପ ଥିବାବେଳେ ବାତ୍ୟାରେ ସମ୍ପୂର୍ଣ୍ଣ ଟାଓ୍ବାର ସହ ସବୁ କ୍ୟାମେରା ନଷ୍ଟ ହୋଇଥିଲା। କିନ୍ତୁ ବାତ୍ୟାକୁ ମାସେ ବିତିଯାଇଥିବାବେଳେ ସିସିଟିଭି କାମ ଆରମ୍ଭ ମଧ୍ୟ ହୋଇ ନାହିଁ। ଆଗକୁ ରଜ ଥିବାବେଳେ ଯଦି ପର୍ଯ୍ୟଟକଙ୍କ ଅଘଟଣ ଘଟେ, ତେବେ କିଭଳି ପ୍ରତିକାର ବ୍ୟବସ୍ଥା କରିବେ ତାହା ପ୍ରଶ୍ନ ଉଠିଛି। ପୂର୍ବରୁ ସିସିଟିଭି ଥାଇ ମଧ୍ୟ ଶିଶୁ ନିଖୋଜ ଘଟଣାରେ ନନ୍ଦନକାନନ ଅପବାଦ ହୋଇଥିଲା। ରଜରେ ଅଧିକାଂଶ ଗ୍ରାମାଞ୍ଚଳରୁ ଅଧିକ ପର୍ଯ୍ୟଟକ ଆସୁଥିବାର ନଜର ରହିଛି। ଏଥିପାଇଁ ଶିଶୁଉଦ୍ୟାନରେ ଛୋଟ ଝିଅମାନେ ଦୋଳି ପାଇଁ ଭିଡ ରହିଥାଏ। କିନ୍ତୁ ଏବେ ଗୋଟିଏ ଦୋଳି ଭାଙ୍ଗି ଏକ କଡ଼ରେ ପଡିଥିବାବେଳେ ଅନ୍ୟ ଦୋଳିଟିରେ ଗଛର ଡାଳ ସବୁ ପଡିରହିଥିବାର ଦେଖାଯାଇଛି। ଅନ୍ୟପକ୍ଷେ ବିଭିନ୍ନ ପଶୁପକ୍ଷୀ ଏନକ୍ଲୋଜରରେ ଥିବା କେତେକ ପାଣିକୁଣ୍ଡ ଭାଙ୍ଗିଯାଇଥିବାରୁ ପାଣି ମଧ୍ୟ ରଖାଯାଇ ନାହିଁ। ଏ ନେଇ ନନ୍ଦନକାନନ ଉପନିର୍ଦ୍ଦେଶକ ଜୟନ୍ତ କୁମାର ଦାସ କୁହନ୍ତି, ଏଯାବତ ୨୦ଭାଗ କାମ ସରିଛି। ପ୍ରତ୍ୟେକ ବୁଲିବା ସ୍ଥାନକୁ ସଫା କରାଯାଇ କିଭଳି ପର୍ଯ୍ୟଟକ ଠିକ ସେ ଦେଖିପାରିବେ ତାହାର ବ୍ୟବସ୍ଥା କରାଯାଉଛି। ଏପରିକି ସିସିକ୍ୟାମେରା କାମ ସରିବାକୁ ପ୍ରାୟ ୧ମାସ ଲାଗିବ ବୋଲି ସେ କହିଛନ୍ତି।


All Right Reserved By

ହାସ୍ୟ ଅଭିନେତା ସଲିଲ ମିତ୍ରଙ୍କ ପରଲୋକ

ଭୁବନେଶ୍ୱର ବ୍ୟୁରୋ, ୪।୬: ଜଣାଶୁଣା ହାସ୍ୟ ଅଭିନେତା ସଲିଲ ମିତ୍ରଙ୍କ ସୋମବାର ରାତି ୧୨ଟା୧୫ ମିନିଟରେ ଭୁବନେଶ୍ୱରସ୍ଥିତ ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ...

ବିଧାନସଭାର ପ୍ରଥମ ଅଧିବେଶନ ଆରମ୍ଭ: ଅଭିଭାଷଣ ରଖିଲେ ରାଜ୍ୟପାଳ; ଭୁବନେଶ୍ୱର-କଟକ ମେଟ୍ରୋ ରେଳ ଦ୍ୱାରା ସଂଯୋଗ ଉଦ୍ୟମ

ଭୁବନେଶ୍ୱର, ୨୫।୬(ବ୍ୟୁରୋ): ଷୋଡ଼ଶ ବିଧାନସଭାର ପ୍ରଥମ ଅଧିବେଶନ ମଙ୍ଗଳବାର ଆରମ୍ଭ ହୋଇଛି। ଏହି ଅବସରରେ ରାଜ୍ୟପାଳ ପ୍ରଫେସର ଗଣେଶୀ ଲାଲ ନିଜର ଅଭିଭାଷଣ ରଖିଛନ୍ତି। ଦିବଂଗତ...

ଇରିଙ୍ଗାଝରଣରେ ବେଲଟିକିରିର ପୁନରାବୃତ୍ତି: ମିଥ୍ୟା ତଥ୍ୟ ଦେଇଥିଲା ଶିଶୁ ସୁରକ୍ଷା ବିଭାଗ

ଢେଙ୍କାନାଳ ଅଫିସ, ୧୨ା୭- ବେଲଟିକିରି ସେଲ୍‌ଟର ହୋମ୍‌ ଅନ୍ତେବାସୀ ନିର୍ଯାତନା ଘଟଣାରୁ କିଛି ଶିଖିଲାନି ଢେଙ୍କାନାଳ ଜିଲା ଶିଶୁ ସୁରକ୍ଷା ବିଭାଗ। ଶିଶୁ ନିର୍ଯାତନା ଭଳି...

ମୋଦିଙ୍କୁ ଭେଟିଲେ ନବୀନ: ସ୍ବତନ୍ତ୍ର ପାହ୍ୟା ଦାବି ଦୋହରାଇଲେ

ଭୁବନେଶ୍ୱର,୧୨।୬(ବ୍ୟୁରୋ):  ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନୂଆଦିଲ୍ଲୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମଙ୍ଗଳବାର ସାକ୍ଷାତ୍‌ କରିଛନ୍ତି। ରାଜ୍ୟରେ ପଞ୍ଚମ ଥର ମୁଖ୍ୟମନ୍ତ୍ରୀ ଭାବେ ଶପଥ ନେବା ପରେ...

ଥମୁନି ଟ୍ରାଫିକ କଡ଼ା ନିୟମ ବିବାଦ

ଭୁବନେଶ୍ୱର,୯ା୯(ବ୍ୟୁରୋ) : କେନ୍ଦ୍ର ସରକାରଙ୍କ ନୂଆ ମୋଟର ଯାନ ଆଇନ ଗତ ୧ତାରିଖରୁ କଡ଼ାକଡ଼ି ଭାବେ ରାଜ୍ୟରେ ଲାଗୁ ହୋଇଛି। ପୋଲିସ ଓ ଆରଟିଓ ଯାଞ୍ଚକୁ...

ଅଣସରରେ ପାଇବେ ପୂଜା

ପୁରୀ ଅଫିସ, ୧୩ା୬: ଶୀତଳ ଷଷ୍ଠୀଠାରୁ ଚାଲିଛି ତିନିଠାକୁରଙ୍କ ପଟିଦିଅଁ ନିର୍ମାଣ। ଚିତ୍ରକର ସାହିରେ ପ୍ରଭୁ ବଳଭଦ୍ର, ଦେବୀ ସୁଭଦ୍ରା ଏବଂ ବାସେଳୀ ସାହିରେ ମହାପ୍ରଭୁ...

ଯାଜପୁର ସଂସଦୀୟ କ୍ଷେତ୍ର: ୯ ବୁଥ୍‌ରେ ହେଉଛି ସାନି ମତଦାନ, ଭୋଟକେନ୍ଦ୍ରରେ ମତଦାତାଙ୍କ ଭିଡ଼

ଯାଜପୁର ଅଫିସ,୧୯।୫-ଯାଜପୁର ସଂସଦୀୟ କ୍ଷେତ୍ରର ୯ ଟି ବୁଥ୍‌ରେ ରବିବାର ସାନି ମତଦାନ ଚାଲିଛି। ଏଥିରେ ମୋଟ ୯୯୩୧ ମତଦାତା ସେମାନଙ୍କ ମତଦାନ ସାବ୍ୟସ୍ତ କରିବେ।...

ପୁଅ ହତ୍ୟାକାରୀଙ୍କୁ ଗିରଫ ଦାବି ଅତିରିକ୍ତ ଏସ୍‌ପିଙ୍କୁ ଭେଟିଲେ ମା’

ଛତ୍ରପୁର,୨୦ା୮(ଡି.ଏନ.ଏ)-କବିସୂର୍ଯ୍ୟନଗର ଥାନା ଆଠଗଡପାଟଣା ଗ୍ରାମର ଶୋଭା ସେଠୀ ସୋମବାର ସନ୍ଧ୍ୟାରେ ଛତ୍ରପୁରସ୍ଥିତ ଏସ୍‌ପିଙ୍କ କାର୍ଯ୍ୟାଳୟକୁ ଆସି ତାଙ୍କ ସାନପୁଅର ହତ୍ୟାକାରୀଙ୍କୁ ଗିରଫ କରିବା ପାଇଁ ଦାବି...

selfi corner

Model This Week

Why Dharitri

Leave a comment

Your email address will not be published. Required fields are marked *